Il-Parlament Ewropew beda jżid fis-setgħa b'mod kostanti tul dawn l-aħħar deċennji u issa jaġixxi bħala koleġiżlatur għal kważi l-liġi kollha tal-UE; Flimkien mal-Kunsill, il-Parlament jadotta u jemenda proposti mill-Kummissjoni. Il-Parlament jissorvelja wkoll ix-xogħol tal-Kummissjoni u jadotta l-baġit tal-Unjoni Ewropea. Ara kif jaħdem dan kollu hawn.
Lil hinn minn dawn is-setgħat uffiċjali, il-Parlament jaħdem ukoll mill-qrib mal-parlamenti nazzjonali tal-pajjiżi tal-UE. L-assemblej parlamentari konġunti organizzati regolarment jagħmlu possibbli l-inklużjoni aħjar tal-perspettivi nazzjonali fid-deliberazzjonijiet tal-Parlament.
Il-Parlament Ewropew huwa d-difensur tad-drittijiet tal-bniedem u d-demokrazija fl-Ewropa u lil hinn minnha. Il-Karta tad-Drittijiet Fundamentali fl-Unjoni Ewropea tistabbilixxi d-drittijiet ċivili, politiċi, ekonomiċi u soċjali tal-individwi kollha li jgħixu fit-territorju tal-UE.
