F'dawn il-paġni ssib tagħrif aġġornat dwar l-attivitajiet tal-Kumitat tagħna kif ukoll dokumenti li jkunu ġew diskussi diġà.
Il-Kumitat għall-Affarijiet Kostituzzjonali jittratta l-iżvilupp tat-Trattati Ewropej kif ukoll l-implimentazzjoni tagħhom; ir-relazzjonijiet bejn l-istituzzjonijiet Ewropej u bejn il-Parlament Ewropew u l-parlamenti nazzjonali; il-partiti politiċi Ewropej; u r-Regoli ta' Proċedura tal-Parlament Ewropew.
Matul din il-leġiżlatura, il-Kumitat għandu bosta xogħlijiet importanti x'jagħmel rigward l-implimentazzjoni tat-Trattat ta' Lisbona – speċjalment dwar il-partijiet li huma maħsuba biex iqarrbu l-Unjoni u ċ-ċittadini tagħha.
Barra mil-laqgħat ordinarji ta' kull xahar u l-laqgħat straordinarji li jsiru minn żmien għall-ieħor, il-Kumitat jorganizza seduti pubbliċi ta' smigħ jew laqgħat ta' ħidma fuq suġġetti speċifiċi. Nistgħu wkoll nikkummissjonaw studji, meta l-Membri tagħna jkunu jridu informazzjoni aktar dettaljata dwar xi ħaġa partikolari. F'dawn il-paġni ssib tagħrif dwar dan kollu.
Il-lista tal-Membri tagħna ssibha f'din il-paġna, u ssib ukoll l-indirizz ta' kuntatt tas-segretarjat. Jekk għandek xi mistoqsija speċifika dwar il-ħidma tal-Kumitat tagħna, nistiednek tikkuntattjana.
Carlo Casini, President
