Il-Kumitat għall-Agrikoltura u l-Iżvilupp Rurali (COMAGRI) huwa responsabbli, qabel xejn, li jeżamina l-proposti leġiżlattivi tal-Kummissjoni Ewropea u jemendahom jekk ikun hemm bżonn, huwa u jħejji r-rapporti dwar l-agrikoltura li l-Parlament Ewropew imbagħad jadottahom f'seduta plenarja. Għandu 45 membru, u l-istess għadd ta' membri sostituti, ilkoll entużjasti. Ħafna minnhom fil-fatt għandhom rabtiet intimi ħafna mal-agrikoltura, minħabba l-oriġini tagħhom jew inkella minħabba responsabbiltajiet li kellhom fl-imgħoddi.
Il-kompiti tal-Kumitat tagħna huma aktar importanti minn qatt qabel, minħabba li l-Parlament Ewropew, wara li daħal fis-seħħ it-Trattat ta' Lisbona, għandu s-setgħa ta' kodeċiżjoni dwar il-Politika Agrikola Komuni (PAK), flimkien mal-Kunsill tal-ministri tal-agrikoltura.
Nistednuk iddur is-sit tagħna, fejn issib – bil-lingwi kollha tal-Unjoni Ewropea – it-tagħrif kollu meħtieġ biex tkun tista' ssegwi xogħolna (tista' tara l-laqgħat tagħna bil-"webstreaming", tniżżel abbozzi ta' rapporti u dokumenti oħra tal-laqgħat tagħna, tifli l-aġenda u l-kalendarju tal-ħidmiet, taqra informazzjoni dwar il-membri tagħna u dettalji ta' kuntatt tagħhom, eċċ.).
Paolo De Castro,
President tal-Kumitat għall-Agrikoltura u l-Iżvilupp Rurali
