L-Artikolu 3 tat-Trattat dwar l-Unjoni Ewropea jistqarr li l-Unjoni "għandha tippromwovi l-koeżjoni ekonomika, soċjali u territorjali, u s-solidarjetà bejn l-Istati Membri". Biex dan l-għan jintlaħaq, ir-riżorsi tal-fondi strutturali jintużaw ħalli jirfdu politika tal-iżvilupp reġjonali li taħdem flimkien ma' politiki oħra, b'mod partikolari dawk tar-riċerka, tal-enerġija u tat-trasport, biex twettaq il-miri tagħha.
Il-Kumitat għall-Iżvilupp Reġjonali, li għandi l-unur inkun il-president tiegħu, għandu l-kompitu li jiżgura li l-Unjoni u l-Istati Membri tagħha jħaddmu politika ekonomika b'tali mod li dan l-għan ikun jista' jintlaħaq. F'dan aħna naħdmu id f'id mal-Presidenza tal-Unjoni, il-Kunsill, il-Kummissjoni Ewropea, kif ukoll mal-korpi konsultattivi tal-UE bħall-Kumitat tar-Reġjuni, il-Kumitat Ekonomiku u Soċjali u bosta organizzazzjonijiet reġjonali u lokali oħra.
Id-50 Membru tal-Kumitat u d-50 sostitut jirrappreżentaw il-gruppi politiċi kollha tal-PE, li l-koordinaturi tagħhom jaħdmu flimkien mal-Bureau tal-kumitat biex jorganizzaw l-attivitajiet tagħna.
F'dan is-sit issib tagħrif dettaljat dwar l-attivitajiet leġiżlattivi u politiċi tagħna, u tista' ssegwi laqgħatna bl-internet, permezz ta' EP Live.
Danuta Maria HÜBNER
