Merħba bik fis-sit tal-Kumitat għat-Trasport u t-Turiżmu. Hawnhekk issib tagħrif dwar il-Kumitat tagħna, il-Membri tiegħu u x-xogħol li nagħmlu. Għandi l-unur li nservi bħala l-president ta' Kumitat fost l-aktar bieżla u importanti tal-Parlament Ewropew.
Il-Kumitat tagħna huwa wieħed li jfassal il-liġijiet fil-proċedura ta' kodeċiżjoni, u għandu bosta snin esperjenza ta' ħidma mal-Istati Membri, minħabba li huwa sieħeb ugwali fit-tfassil tal-leġiżlazzjoni dwar it-trasport, tal-politika dwar it-turiżmu u tal-politiki marbuta mas-servizzi postali.
It-trasport huwa parti stabbilita ta' ħajjitna ta' kuljum. Huwa importanti, mhux biss biex iwassal l-oġġetti u s-servizzi lill-indistrija u l-kummerċ, imma wkoll biex iġorr lin-nies minn djarhom sax-xogħol, sal-iskola jew f'xi vaganza tant mistennija. Bla trasport, is-soċjetà tieqaf ħesrem, il-kummerċ jikkrolla u nitilfu din l-interkonnessjoni kruċjali. Ilkoll għandha bżonn it-trasport f'ħajjitna ta' kuljum. Il-Kumitat tiegħi dawn il-fatti ilu li għarafhom u ħadem biex jiżgura li, fi ħdan l-Unjoni Ewropea, nisfruttaw il-potenzjal kollu tat-trasport, mhux biss għas-sostenibbiltà ekonomika u soċjali imma wkoll, u bl-istess importanza, għas-sostenibbiltà ambjentali.
Nemmnu li t-trasport, ikun xi jkun il-mod partikolari, lis-soċjetà jagħtiha valur miżjud, u kulħadd għandu jkollu aċċess għalih.
Brian Simpson
