Nós Imeachta : 2018/0281(NLE)
Céimeanna an doiciméid sa chruinniú iomlánach
An doiciméad roghnaithe : A8-0472/2018

Téacsanna arna gcur síos :

A8-0472/2018

Díospóireachtaí :

Vótaí :

PV 16/01/2019 - 12.5

Téacsanna arna nglacadh :

P8_TA(2019)0018

MOLADH     ***
PDF 463kWORD 56k
18.12.2018
PE 627.692v02-00 A8-0472/2018

ar an dréachtchinneadh ón gComhairle maidir le conclúid, thar ceann Pharlaimint na hEorpa, an Chomhaontaithe i bhfoirm Malartú Litreacha idir an tAontas Eorpach agus Daon-Phoblacht na Síne i ndáil le DS492 An tAontas Eorpach - Bearta a dhéanann difear do Lámhaltais Taraife ar Tháirgí Éineola Áirithe

(10882/2018 – C8‑0496/2018 – 2018/0281(NLE))

An Coiste um Thrádáil Idirnáisiúnta

Rapóirtéir: Iuliu Winkler

DRÉACHTRÚN REACHTACH Ó PHARLAIMINT NA hEORPA
 RÁITEAS MÍNIÚCHÁIN
 AN NÓS IMEACHTA – COISTE FREAGRACH
 TORADH NA VÓTÁLA CRÍOCHNAITHÍ LE GLAO ROLLA SA CHOISTE FREAGRACH

DRÉACHTRÚN REACHTACH Ó PHARLAIMINT NA hEORPA

ar an dréachtchinneadh ón gComhairle maidir le conclúid, thar ceann Pharlaimint na hEorpa, an Chomhaontaithe i bhfoirm Malartú Litreacha idir an tAontas Eorpach agus Daon-Phoblacht na Síne i ndáil le DS492 An tAontas Eorpach - Bearta a dhéanann difear do Lámhaltais Taraife ar Tháirgí Éineola Áirithe

(10882/2018 – C8‑0496/2018 – 2018/0281(NLE))

(Toiliú)

Tá Parlaimint na hEorpa,

–  ag féachaint don dréachtchinneadh ón gComhairle (10882/2018),

–  ag féachaint don dréacht-Chomhaontú i bhfoirm malartú litreacha idir an tAontas Eorpach agus Daon-Phoblacht na Síne i ndáil le DS492 An tAontas Eorpach - Bearta a dhéanann difear do Lamháltais Taraife ar Tháirgí Éineola Áirithe (10883/2018),

–  ag féachaint don iarraidh ar thoiliú a thíolaic an Chomhairle i gcomhréir leis an gcéad fhomhír d’Airteagal 207(4) agus d’Airteagal 218(6), an dara fomhír, pointe (a)(v) den Chonradh ar Fheidhmiú an Aontais Eorpaigh (C8‑0496/2018),

–  ag féachaint do Rialacha 99(1) agus 99(4) agus do Riail 108(7) dá Rialacha Nós Imeachta,

–  ag féachaint don mholadh ón gCoiste um Thrádáil Idirnáisiúnta (A8-0472/2018),

1.  Ag tabhairt a toiliú chun an comhaontú a thabhairt i gcrích;

2.  Á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig rialtais agus parlaimintí na mBallstát agus Dhaon-Phoblacht na Síne.


RÁITEAS MÍNIÚCHÁIN

Is togra é seo chun comhaontú a thabhairt i gcrích i bhfoirm Malartú Litreacha le Daon-Phoblacht na Síne chun an tuarascáil ó phainéal EDT an 19 Aibreán 2017 a chur chun feidhme in imeachtaí réitithe diospóide EDT DS492 Bearta a dhéanann difear do Lámhaltais Taraife ar Tháirgí Éineola Áirithe, a thionscain an tSín i gcoinne AE. Tá oibleagáid ar AE torthaí an phainéil a chomhlíonadh.

Go háirithe, chinn an painéal gur cheart do AE a chur san áireamh mar ‘thoisc speisialta’, agus é ag leithdháileadh cainníochtaí de réir taraif-chuótaí ar thíortha soláthair faoi rialacha EDT, an méadú atá tagtha ar chumas na Síne tairgí éineola a onnmhairiú chuig AE mar thoradh ar an maolú ar na bearta sláintíocha i mí Iúil 2008. Eascraíonn an oibleagáid sin as Airteagal CGTT XIII ‘Riarachán neamh-idirdhealaitheach srianta cainníochtúla’, go háirithe Airteagal XIII:2 ina ndéantar foráil don mhéid seo a leanas: ‘Agus srianta allmhairí á gcur i bhfeidhm ar tháirge ar bith acu, beidh sé mar aidhm ag na páirtithe conarthacha dáileadh thrádáil an táirge sin a bhaint amach ar bhealach a bheidh chomh comhréireach, a mhéid is féidir, leis an dáileadh trádála a mbeifí ag súil leis ó na páirtithe conarthacha éagsúla in éagmais na srianta sin [...]’. San fhoráil sin, liostaítear coinníollacha eile nach mór a chomhlíonadh, inter alia, i bpointe (d) ‘tosca speisialta a bhféadfadh difear a bheith déanta acu nó á dhéanamh acu do thrádáil an táirge’.

Sa chás sin, bhí a chuid taraifí méadaithe ag AE i ndiaidh méaduithe móra ar an allmhairiú i gcás táirgí éineola in dhá chleachtadh modhnúcháin ar leith faoi Airteagal XXVIII CGTT. Chaibidligh AE cúiteamh leis an mBrasaíl agus leis an Téalainn, a raibh príomhleas soláthair agus/nó leas substaintiúil soláthair acu, ar bhonn staidreamh allmhairithe don tréimhse trí bliana ionadaíoch ábhartha. Níorbh ann d’onnmhairí ón tSín chuig AE ag an am, toisc nárbh fhéidir leis an tSín éinfheoil a onnmhairiú chuig AE de bharr srianta sláintíocha. Léiríodh i staidreamh trádála dá éis sin, áfach, gur tháinig méadú suntasach ar allmhairí táirgí éineola cócaráilte áirithe ón tSín mar thoradh ar bhearta sláintíocha a mhaolú. Dá bhrí sin, ba é tátal an phainéil ná gur cheart do AE, agus é ag leithdháileadh na gcuótaí ráta taraife ar thíortha ar soláthróirí iad, plé leis an tSín mar thír sholáthair agus na honnmhairí sin ón tSín a chur san áireamh (dhiúltaigh an painéal d’éilimh ón tSín do tháirgí eile i gcás nárbh ann d’allmhairí).

Ar an iomlán, ba dhíol dóchais an rialú ón bpainéal ó thaobh AE de toisc gur dearbhaíodh ann gur ghníomhaigh AE go comhsheasmhach i gcomhréir lena gcuid oibleagáidí EDT agus a tharaifí maidir le héineoil á gcoigeartú faoi Airteagal XXVIII de CGTT 1994 aige agus cúiteamh maidir le cuótaí ráta taraife á dheonú dá chomhpháirtithe aige.

An tréimhse réasúnta ama maidir le cur chun feidhme na tuarascála ón bpainéal faoi rialacha EDT, cuireadh tús léi an 19 Aibreán 2017. Ó shin i leith, tá comhaontú caibidlithe ag an gCoimisiún leis an tSín chun teacht ar chomhréiteach sásúil (an 12 Márta 2018, ghlac an Chomhairle treoracha caibidlíochta).

Bronntar na cuótaí ráta taraife seo a leanas leis an gcomhaontú a bheartaítear:

•  cuóta ráta taraife de 6060 tonna don líne taraife 1602.3929 (feoil phróiseáilte ó lachain, géanna agus éanlaith ghuine, cócaráilte, ina bhfuil 57% nó níos mó d’éineoil nó de scairteach de réir meáchain) le leithdháileadh tírshonrach de 6000 tonna ar an tSín agus 60 tonna ar gach tír eile, a bhfuil ráta dleachta 10.9% laistigh den chuóta acu;

•  cuóta ráta taraife de 660 tonna don líne taraife 1602.3985 (feoil phróiseáilte ó lachain, géanna agus éanlaith ghuine, cócaráilte, ina bhfuil 57% nó níos lú d’éineoil nó de scairteach de réir meáchain) le leithdháileadh tírshonrach de 600 tonna ar an tSín agus 60 tonna ar gach tír eile, a bhfuil ráta dleachta 10.9% laistigh den chuóta acu;

•  cuóta ráta taraife erga omnes de 5000 tonna don líne taraife 1602.3219 (i gcás éanlaith chlóis den speiceas Gallus domesticus, cócaireáilte, ina bhfuil níos lú ná 57% d’éineoil nó de scairteach de réir meáchain), le ráta dleachta 8% laistigh den chuóta.

Tá AE faoi bhrú ama chun an comhaontú seo a thabhairt i gcrích chun an tuarascáil ó phainéal EDT a chomhlíonadh. Molann an Rapóirtéir go ndéanfadh Parlaimint na hEorpa toiliú a thabhairt chun an comhaontú a thabhairt i gcrích. Ba cheart do AE an comhaontú sin a thabhairt i gcrích a luaithe is féidir, chun a dhearbhú an athuair, trí ghníomhaíocht shonrach, tiomantas docht daingean AE don iltaobhachas trí EDT agus, go háirithe, don sásra is éifeachtaí de chuid EDT - an córas um réiteach díospóidí.


AN NÓS IMEACHTA – COISTE FREAGRACH

Teideal

An Comhaontú i bhfoirm Malartú Litreacha idir an tAontas agus Daon-Phoblacht na Síne i ndáil le himeachtaí réitithe díospóide EDT DS492 Bearta a dhéanann difear do Lámhaltais Taraife ar Tháirgí Éineola Áirithe

Tagairtí

10882/2018 – C8-0496/2018 – COM(2018)05182018/0281(NLE)

Dáta an chomhairliúcháin / iarraidh ar thoiliú

3.12.2018

 

 

 

An Coiste Freagrach

       Dáta a fógraíodh sa suí iomlánach

INTA

10.12.2018

 

 

 

Rapóirtéirí

       Dáta an cheapacháin

Iuliu Winkler

29.8.2018

 

 

 

Dáta a ghlactha

10.12.2018

 

 

 

Toradh na vótála críochnaithí

+:

–:

0:

35

2

2

Na comhaltaí a bhí i láthair don vótáil chríochnaitheach

Laima Liucija Andrikienė, Maria Arena, Tiziana Beghin, David Borrelli, Daniel Caspary, Salvatore Cicu, Karoline Graswander-Hainz, Christophe Hansen, Yannick Jadot, France Jamet, Elsi Katainen, Jude Kirton-Darling, Danilo Oscar Lancini, Bernd Lange, Anne-Marie Mineur, Sorin Moisă, Alessia Maria Mosca, Franck Proust, Inmaculada Rodríguez-Piñero Fernández, Tokia Saïfi, Marietje Schaake, Helmut Scholz, Joachim Schuster, Joachim Starbatty, Adam Szejnfeld, Iuliu Winkler

Comhaltaí ionaid a bhí i láthair ag an vótáil chríochnaitheach

Klaus Buchner, Sajjad Karim, Seán Kelly, Gabriel Mato, Georg Mayer, Ralph Packet, Johannes Cornelis van Baalen, Jarosław Wałęsa

Comhaltaí ionaid faoi Riail 200(2) a bhí i láthair don vótáil chríochnaitheach

Paloma López Bermejo, Javier Nart, Anders Sellström, Miguel Urbán Crespo, Marco Zullo

Dáta don chur síos

18.12.2018


TORADH NA VÓTÁLA CRÍOCHNAITHÍ LE GLAO ROLLA SA CHOISTE FREAGRACH

35

+

ALDE

Johannes Cornelis van Baalen, Elsi Katainen, Javier Nart, Marietje Schaake

ECR

Sajjad Karim, Ralph Packet, Joachim Starbatty

EFDD

Tiziana Beghin, Marco Zullo

GUE/NGL

Paloma López Bermejo, Helmut Scholz, Miguel Urbán Crespo

NI

David Borrelli

PPE

Laima Liucija Andrikienė, Daniel Caspary, Salvatore Cicu, Christophe Hansen, Seán Kelly, Gabriel Mato, Sorin Moisă, Franck Proust, Tokia Saïfi, Anders Sellström, Adam Szejnfeld, Jarosław Wałęsa, Iuliu Winkler

S&D

Maria Arena, Karoline Graswander-Hainz, Jude Kirton-Darling, Bernd Lange, Alessia Maria Mosca, Inmaculada Rodríguez-Piñero Fernández, Joachim Schuster

VERTS/ALE

Klaus Buchner, Yannick Jadot

2

-

ENF

France Jamet, Danilo Oscar Lancini

2

0

ENF

Georg Mayer

GUE/NGL

Anne-Marie Mineur

Eochair na siombailí:

+  :  i bhfabhar

-  :  i gcoinne

0  :  staonadh

An nuashonrú is déanaí: 11 Eanáir 2019Fógra dlíthiúil