Ċiklu ta' ħajja waqt sessjoni
Ċiklu relatat mad-dokument : O-000136/2016

Testi mressqa :

O-000136/2016 (B8-1810/2016)

Dibattiti :

PV 21/11/2016 - 14
CRE 21/11/2016 - 14

Votazzjonijiet :

Testi adottati :


Mistoqsijiet parlamentari
PDF 189kWORD 16k
10 ta' Novembru 2016
O-000136/2016
Mistoqsija għal tweġiba orali O-000136/2016
lill-Kummissjoni
Artikolu 128 tar-Regoli ta’ Proċedura
Roberto Gualtieri, f'isem il-Kumitat għall-Affarijiet Ekonomiċi u Monetarji

 Suġġett: Finalizzazzjoni ta' Basel III
 Tweġiba fil-plenarja 

Il-Kumitat ta' Basel dwar is-Superviżjoni Bankarja (BCBS) ressaq proposti għall-irfinar tal-qafas prudenzjali għall-banek li jindirizzaw ir-riskju ta' kreditu u r-riskju operazzjonali (finalizzazzjoni ta' Basel III, l-hekk imsejjaħ "Basel IV"). L-għan tal-proposti huwa li jissaħħu s-sensittività għar-riskju u r-robustezza ta' approċċi standardizzati, li jitqiesu restrizzjonijiet addizzjonali għar-rwol ta' approċċi mfassla internament fil-qafas tal-kapital, u li jiġu finalizzati d-disinn u l-kalibrazzjoni tal-proporzjon ta' ingranaġġ u ammont minimu ta' kapital potenzjali bbażat fuq approċċi standardizzati.

1. X'inhi l-fehma tal-Kummissjoni dwar l-impatt possibbli tal-pakkett ta' riforma propost fuq is-settur bankarju Ewropew, b'mod partikolari rigward l-istabbiltà finanzjarja, paragunabbiltà akbar ta' assi mwieżna għar-riskju, rekwiżiti kapitali ġenerali, u l-kapaċità ta' self tas-settur bankarju lill-ekonomija reali?

2. Il-Kummissjoni tal-fehma li l-proposti qed iqisu biżżejjed l-ispeċifiċitajiet tas-settur bankarju Ewropew? Il-miżuri proposti huma bbilanċjati biżżejjed biex jiżguraw kundizzjonijiet ekwi f'reġjuni differenti tad-dinja? Il-Kummissjoni kif biħsiebha tikkalibra l-istandards finali ta' Basel, b'kont meħud tal-mudelli kummerċjali u d-daqsijiet differenti tal-banek Ewropej?

3. Il-Kummissjoni kif biħsiebha tikkontribwixxi għall-istandards finali ta' Basel, b'mod partikolari jekk valutazzjoni tal-impatt kwantitattiva u kwalitattiva twassal għall-konklużjoni li dawn jirriżultaw f'żieda ġenerali sinifikanti tar-rekwiżiti kapitali għas-settur bankarju Ewropew?

Lingwa oriġinali tal-mistoqsija: EN
Avviż legali