Indiċi 
 Preċedenti 
 Li jmiss 
 Test sħiħ 
Proċedura : 2015/2183(DEC)
Ċiklu ta' ħajja waqt sessjoni
Ċiklu relatat mad-dokument : A8-0104/2016

Testi mressqa :

A8-0104/2016

Dibattiti :

PV 27/04/2016 - 17
CRE 27/04/2016 - 17

Votazzjonijiet :

PV 28/04/2016 - 4.35
Spjegazzjoni tal-votazzjoni

Testi adottati :

P8_TA(2016)0171

Testi adottati
PDF 440kWORD 96k
Il-Ħamis, 28 ta' April 2016 - Brussell Verżjoni finali
Kwittanza 2014: L-Aġenzija Ewropea għall-Kontroll tas-Sajd (EFCA)
P8_TA(2016)0171A8-0104/2016
Deċiżjoni
 Deċiżjoni
 Riżoluzzjoni

1. Deċiżjoni tal-Parlament Ewropew tat-28 ta' April 2016 dwar il-kwittanza għall-implimentazzjoni tal-baġit tal-Aġenzija Ewropea għall-Kontroll tas-Sajd għas-sena finanzjarja 2014 (2015/2183(DEC))

Il-Parlament Ewropew,

–  wara li kkunsidra l-kontijiet annwali finali tal-Aġenzija Ewropea għall-Kontroll tas-Sajd għas-sena finanzjarja 2014,

–  wara li kkunsidra r-rapport tal-Qorti tal-Awdituri dwar il-kontijiet annwali tal-Aġenzija Ewropea għall-Kontroll tas-Sajd għas-sena finanzjarja 2014, flimkien mar-risposta tal-Aġenzija(1),

–  wara li kkunsidra d-dikjarazzjoni ta' assigurazzjoni(2) dwar l-affidabbiltà tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2014 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra r-rakkomandazzjoni tal-Kunsill tat-12 ta' Frar 2016 dwar il-kwittanza li għandha tingħata lill-Aġenzija fir-rigward tal-implimentazzjoni tal-baġit għas-sena finanzjarja 2014 (05584/2016 – C8-0081/2016),

–  wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea,

–  wara li kkunsidra r-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta' Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002(3), u b'mod partikolari l-Artikolu 208 tiegħu,

–  wara li kkunsidra r-Regolament tal-Kunsill (KE) Nru 768/2005 tas-26 ta' April 2005 li jistabbilixxi Aġenzija Komunitarja għall-Kontroll tas-Sajd u li jemenda r-Regolament (KEE) Nru 2847/93 li jistabbilixxi sistema ta' kontroll li tapplika għall-Politika Komuni tas-Sajd(4), u b'mod partikolari l-Artikolu 36 tiegħu,

–  wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta' Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju li jgħodd għall-baġit ġenerali tal-Komunitajiet Ewropej(5),

–  wara li kkunsidra r-Regolament ta' Delega tal-Kummissjoni (UE) Nru 1271/2013 tat-30 ta' Settembru 2013 dwar Regolament Finanzjarju ta' qafas għall-korpi msemmija fl-Artikolu 208 tar-Regolament (UE, Euratom) Nru 966/2012 tal-Parlament Ewropew u tal-Kunsill(6), u b'mod partikolari l-Artikolu 108 tiegħu,

–  wara li kkunsidra l-Artikolu 94 u l-Anness V tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għas-Sajd (A8-0104/2016),

1.  Jagħti l-kwittanza lid-Direttur Eżekuttiv tal-Aġenzija Ewropea għall-Kontroll tas-Sajd għall-implimentazzjoni tal-baġit tal-Aġenzija għas-sena finanzjarja 2014;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu biex jgħaddi din id-deċiżjoni, kif ukoll ir-riżoluzzjoni li hija parti integrali minnha, lid-Direttur Eżekuttiv tal-Aġenzija Ewropea għall-Kontroll tas-Sajd, lill-Kunsill, lill-Kummissjoni u lill-Qorti tal-Awdituri, u biex jiżgura li jiġu ppubblikati f'Il-Ġurnal Uffiċjali tal-Unjoni Ewropea (serje L).

(1) ĠU C 409, 9.12.2015, p. 151.
(2) ĠU C 409, 9.12.2015, p. 151.
(3) ĠU L 298, 26.10.2012, p. 1.
(4) ĠU L 128, 21.5.2005, p. 1.
(5) ĠU L 357, 31.12.2002, p. 72.
(6) ĠU L 328, 7.12.2013, p. 42.


2. Deċiżjoni tal-Parlament Ewropew tat-28 ta' April 2016 dwar l-għeluq tal-kontijiet tal-Aġenzija Ewropea għall-Kontroll tas-Sajd għas-sena finanzjarja 2014 (2015/2183(DEC))

Il-Parlament Ewropew,

–  wara li kkunsidra l-kontijiet annwali finali tal-Aġenzija Ewropea għall-Kontroll tas-Sajd għas-sena finanzjarja 2014,

–  wara li kkunsidra r-rapport tal-Qorti tal-Awdituri dwar il-kontijiet annwali tal-Aġenzija Ewropea għall-Kontroll tas-Sajd għas-sena finanzjarja 2014, flimkien mar-risposta tal-Aġenzija(1),

–  wara li kkunsidra d-dikjarazzjoni ta' assigurazzjoni(2) dwar l-affidabbiltà tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2014 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra r-rakkomandazzjoni tal-Kunsill tat-12 ta' Frar 2016 dwar il-kwittanza li għandha tingħata lill-Aġenzija fir-rigward tal-implimentazzjoni tal-baġit għas-sena finanzjarja 2014 (05584/2016 – C8-0081/2016),

–  wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea,

–  wara li kkunsidra r-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta' Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002(3), u b'mod partikolari l-Artikolu 208 tiegħu,

–  wara li kkunsidra r-Regolament tal-Kunsill (KE) Nru 768/2005 tas-26 ta' April 2005 li jistabbilixxi Aġenzija Komunitarja għall-Kontroll tas-Sajd u li jemenda r-Regolament (KEE) Nru 2847/93 li jistabbilixxi sistema ta' kontroll li tapplika għall-Politika Komuni tas-Sajd(4), u b'mod partikolari l-Artikolu 36 tiegħu,

–  wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta' Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju li jgħodd għall-baġit ġenerali tal-Komunitajiet Ewropej(5),

–  wara li kkunsidra r-Regolament ta' Delega tal-Kummissjoni (UE) Nru 1271/2013 tat-30 ta' Settembru 2013 dwar Regolament Finanzjarju ta' qafas għall-korpi msemmija fl-Artikolu 208 tar-Regolament (UE, Euratom) Nru 966/2012 tal-Parlament Ewropew u tal-Kunsill(6), u b'mod partikolari l-Artikolu 108 tiegħu,

–  wara li kkunsidra l-Artikolu 94 u l-Anness V tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għas-Sajd (A8-0104/2016),

1.  Jinnota li l-kontijiet annwali finali tal-Aġenzija Ewropea għall-Kontroll tas-Sajd huma kif annessi mar-rapport tal-Qorti tal-Awdituri;

2.  Japprova l-għeluq tal-kontijiet tal-Aġenzija Ewropea għall-Kontroll tas-Sajd għas-sena finanzjarja 2014;

3.  Jagħti istruzzjonijiet lill-President tiegħu biex jgħaddi din id-deċiżjoni lid-Direttur Eżekuttiv tal-Aġenzija Ewropea għall-Kontroll tas-Sajd, lill-Kunsill, lill-Kummissjoni u lill-Qorti tal-Awdituri, u biex jiżgura li jiġu ppubblikati f'Il-Ġurnal Uffiċjali tal-Unjoni Ewropea (serje L).

(1) ĠU C 409, 9.12.2015, p. 151.
(2) ĠU C 409, 9.12.2015, p. 151.
(3) ĠU L 298, 26.10.2012, p. 1.
(4) ĠU L 128, 21.5.2005, p. 1.
(5) ĠU L 357, 31.12.2002, p. 72.
(6) ĠU L 328, 7.12.2013, p. 42.


3. Riżoluzzjoni tal-Parlament Ewropew tat-28 ta' April 2016 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea għall-Kontroll tas-Sajd għas-sena finanzjarja 2014 (2015/2183(DEC))

Il-Parlament Ewropew,

–  wara li kkunsidra d-deċiżjoni tiegħu dwar il-kwittanza għall-implimentazzjoni tal-baġit tal-Aġenzija Ewropea għall-Kontroll tas-Sajd għas-sena finanzjarja 2014,

–  wara li kkunsidra l-Artikolu 94 u l-Anness V tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għas-Sajd (A8-0104/2016),

A.  billi, skont ir-rapporti finanzjarji tagħha, il-baġit finali tal-Aġenzija Ewropea għall-Kontroll tas-Sajd (l-''Aġenzija'') għas-sena finanzjarja 2014 kien jammonta għal EUR 9 217 150; billi l-baġit kollu tal-Aġenzija ġej mill-baġit tal-Unjoni,

B.  billi l-Qorti tal-Awdituri (il-"Qorti"), fir-rapport tagħha dwar il-kontijiet annwali tal-Aġenzija Ewropea għall-Kontroll tas-Sajd għas-sena finanzjarja 2014 (ir-"rapport tal-Qorti"), stqarret li kisbet assigurazzjonijiet raġonevoli li l-kontijiet annwali tal-Aġenzija huma affidabbli u li t-tranżazzjonijiet ta' bażi huma legali u regolari;

Segwitu għall-kwittanza 2013

1.  Jinnota mir-rapport tal-Qorti li fir-rigward taż-żewġ kummenti li saru fir-rapport 2013 tal-Qorti, ittieħdu azzjonijiet korrettivi u ż-żewġ kummenti issa huma mmarkati fir-rapport tal-Qorti bħala "Mhux applikabbli";

Ġestjoni baġitarja u finanzjarja

2.  Jinnota li l-isforzi ta' monitoraġġ baġitarju matul is-sena finanzjarja 2014 irriżultaw f'rata ta' implimentazzjoni baġitarja ta' 99,09 %, rata li tfisser tnaqqis ta' 0,45 % meta mqabbla mal-2013; jinnota, barra minn hekk, li r-rata ta' eżekuzzjoni tal-approprjazzjonijiet ta' pagament kienet ta' 88,43 %, rata li tfisser li l-Aġenzija laħqet il-mira tagħha u li tirrapreżenta żieda ta' 4,58 % meta mqabbla mal-2013;

3.  Jenfasizza l-ħtieġa li tiġi evalwata l-possibbiltà li jiżdiedu l-approprjazzjonijiet għall-operazzjonijiet tal-Aġenzija fis-snin li ġejjin;

Impenji u riporti

4.  Jinnota b'sodisfazzjon ir-rati ta' approprjazzjonijiet impenjati riportati mwettqa mill-Aġenzija; jinnota, b'mod partikolari, li r-rati ta' riporti għat-Titolu II (nefqa amministrattiva) u għat-Titolu III (nefqa operattiva) kienu ta' 25 % u 30 % rispettivament, u li dawn jirrappreżentaw tnaqqis ta' 13 % għal kull Titolu meta mqabbla mas-sena 2013;

5.  Jilqa' r-rata ta' impenji kkanċellati riportati mis-sena 2013, li kienet ta' 4,3 %, rata li tirrappreżenta tnaqqis ta' 46 % meta mqabbla mas-sena ta' qabel;

Trasferimenti

6.  Iqis li l-ammont ta' EUR 360 233 ġie trasferit mit-Titolu I għat-Titolu II; jirrikonoxxi li s-sinerġiji fl-organizzazzjoni ta' laqgħat u ż-żieda fil-koordinazzjoni remota kif ukoll it-tnaqqis fil-missjonijiet tal-persunal tal-Aġenzija ppermettew li l-bilanċ pożittiv tal-baġit jiġi ddedikat għal linji baġitarji oħra;

7.  Jistieden lill-Aġenzija biex iżżomm il-livell ta' approprjazzjonijiet impenjati riportati għas-sena ta' wara baxx kemm jista' jkun, u biex tiżvela trasferimenti ta' approprjazzjonijiet għal intestaturi oħra tal-baġit, sabiex b'hekk taqdi d-dmir ta' responsabbiltà tagħha;

Prevenzjoni u ġestjoni tal-kunflitti ta' interessi u t-trasparenza

8.  Jirrikonoxxi li l-Aġenzija adottat il-politika tagħha dwar il-prevenzjoni u l-ġestjoni tal-kunflitti ta' interessi f'Ottubru 2014; josserva li l-politika dwar il-kunflitti ta' interessi titlob li l-membri tal-Bord Amministrattiv tal-Aġenzija u l-membri tal-persunal maniġerjali tagħha jipprovdu dikjarazzjoni ta' kunflitti ta' interess; jinnota li d-dikjarazzjonijiet tal-kunflitti ta' interessi ffirmati mill-membri tal-Bord Amministrattiv tal-Aġenzija u mill-persunal maniġerjali tagħha kienu disponibbli pubblikament; jieħu nota li l-pubblikazzjoni tas-CVs tal-persunal maniġerjali tal-Aġenzija ġiet dikjarata bħala fakultattiva skont il-politika dwar il-kunflitti ta' interessi u li l-erba' membri tal-maniġment tal-Aġenzija kollha pprovdew is-CVs tagħhom għall-pubblikazzjoni; iħeġġeġ lill-membri tal-Bord Amministrattiv tal-Aġenzija jippreżentaw mingħajr dewmien id-dikjarazzjonijiet tagħhom tal-kunflitti ta' interessi għal pubblikazzjoni ulterjuri fuq is-sit web tal-Aġenzija sabiex jimxu skont id-dmirijiet ta' trasparenza u ta' responsabbiltà tal-Aġenzija;

9.  Jitlob lil dawk l-istituzzjonijiet u aġenziji tal-Unjoni li daħħlu kodiċijiet ta' mġiba, inkluż il-Parlament, biex itejbu l-miżuri tagħhom ta' implementazzjoni, bħalma huma l-verifiki tad-dikjarazzjonijiet tal-interessi finanzjarji;

Kontrolli interni

10.  Jinnota b'sodisfazzjon li l-Aġenzija wettqet valutazzjoni tar-riskju bil-ħsieb li tqawwi l-effiċjenza fl-ipproċessar ta' tranżazzjonijiet finanzjarji, li kkonkludiet li l-proċessi ta' verifika u awtorizzazzjoni għal ċerti tranżazzjonijiet ta' valur baxx jistgħu jiġu amalgamati; jinnota li f'Awwissu 2014 ġie implimentat fluss tax-xogħol tal-validazzjoni mnaqqas għal dawk it-tranżazzjonijiet; jinnota, barra minn hekk, li l-Aġenzija ddefiniet metodoloġija tal-verifika ex post kull tliet xhur, u b'hekk it-tranżazzjonijiet finanzjarji li ma jkunux ġew ivverifikati ex ante ġabithom soġġetti għal proċedura ta' verifika formali ex post; jilqa' l-fatt li l-ewwel eżerċizzju ta' verifika ex post ikkompletat f'Novembru 2014 wassal għal rata ta' żball ipproġettata ta' 0,25 %;

11.  Jilqa' l-inizjattiva tal-Aġenzija li tissorvelja l-eċċezzjonijiet u d-devjazzjonijiet mill-politiki u l-proċeduri stabbiliti irrispettivament mill-ammont ikkonċernat, filwaqt li tiżgura li dawn l-eċċezzjonijiet u d-devjazzjonijiet ikunu ġustifikati u dokumentati kif xieraq;

12.  Jinnota li, fl-aħħar tal-2014 l-Aġenzija kienet konformi ma' 10 Standards ta' Kontroll Intern (ICS), kienet konformi b'mod parzjali ma' ħames ICS u ma kinitx konformi ma' ICS wieħed; jistieden lill-Aġenzija tinforma lill-awtorità ta' kwittanza dwar l-istatus ta' implimentazzjoni ta' dawk l-ICS;

Awditu intern

13.  Jinnota li l-Aġenzija li s-Servizz ta' Awditjar Intern (IAS) tal-Kummissjoni awditja l-Aġenzija bi qbil mal-Pjan ta' Awditjar Strateġiku tal-IAS għall-perjodu 2013-2015, u li dan ħareġ sitt rakkomandazzjonijiet, fosthom waħda mmarkata bħala "Importanti Ħafna"; jinnota li l-Aġenzija fasslet pjan ta' azzjoni komprensiv biex tindirizza dawk ir-rakkomandazzjonijiet; jistieden lill-Aġenzija tgħaddi rapport lill-awtorità ta' kwittanza dwar l-istatus ta' implimentazzjoni fir-rigward ta' dawk ir-rakkomandazzjonijiet;

Prestazzjoni

14.  Jinnota l-isforzi magħmula mill-Aġenzija biex jiġi żgurat li l-attivitajiet ta' kontroll ikunu koordinati u strutturati kif jixraq fl-Istati Membri differenti, b'mod partikolari permezz ta' passi differenti miftiehma mal-Istati Membri u l-Kummissjoni fil-qafas tal-Gruppi ta' Tmexxija Reġjonali tal-Aġenzija;

15.  Jieħu nota ta' żewġ riskji kritiċi identifikati mill-Aġenzija fl-eżerċizzju annwali tagħha ta' valutazzjoni tar-riskju fl-2014; jirrikonoxxi mill-Aġenzija li għal kull riskju hija ddefiniet pjan ta' azzjoni sabiex tiżgura l-mitigazzjoni sa livell aċċettabbli ta' riskju residwu; jinnota b'sodisfazzjon li fl-2014 ma mmaterjalizza ebda riskju prominenti;

16.  Jagħraf li l-Aġenzija għandha timplimenta kompiti ġodda fil-Politika Komuni tas-Sajd (PKS) b'baġit iffriżat fil-livelli tal-2013 u bi tnaqqis tal-persunal, u jenfasizza l-ħtieġa ta' bilanċ bejn is-sessi fost il-persunal;

17.  Jirrimarka li l-objettivi politiki tal-PKS riformata jfissru li l-kontroll u l-koordinament ta' dawk l-objettivi se jiżvolġu rwol kruċjali u li għaldaqstant jeħtieġ li jissaħħu r-riżorsi finanzjarji u umani disponibbli għall-Aġenzija;

18.  Jilqa' l-isforzi tal-Aġenzija fil-kuntest tal-isfidi dejjem jiżdiedu biex issaħħaħ il-mudell kummerċjali tagħha billi tirrazzjonalizza, tissemplifika u tottimizza l-organizzazzjoni;

Kummenti oħra

19.  Jinnota li l-Aġenzija hija impenjata li f'parti mis-sit web tagħha tippreżenta l-Aġenzija bil-lingwi uffiċjali kollha tal-Unjoni u li, minħabba l-lok tas-sede tagħha, il-Galizjan ġie inkluż bħala l-lingwa lokali; iħeġġeġ lill-Aġenzija biex, fil-limiti tar-riżorsi disponibbli, tipproċedi sabiex ittejjeb il-viżibbiltà u r-reputazzjoni tagħha;

20.  Jitlob lill-Aġenzija ttejjeb il-proċeduri u l-prattiki tagħha mmirati għas-salvagwardja tal-interessi finanzjarji tal-Unjoni u tikkontribwixxi attivament għal proċess ta' kwittanza li jkun orjentat lejn ir-riżultati;

21.  Jinnota l-isforzi li għamlet l-Aġenzija sabiex tħarreġ l-ispetturi tal-Unjoni, l-uffiċjali tal-Istati Membri u ta' pajjiżi terzi, fatt li wassal għal żieda konsiderevoli fin-numru ta' uffiċjali mħarrġa li qed jieħdu sehem fi spezzjonijiet koordinati mill-Aġenzija fil-qafas ta' pjanijiet ta' żvilupp konġunti; jinnota, barra minn hekk, li kien hemm żieda f'dawn l-spezzjonijiet għal madwar 12 700, bl-identifikazzjoni ta' aktar minn 700 każ ta' ksur suspettat;

22.  Jirrikonoxxxi l-kontribut importanti li l-Aġenzija kellha fl-implimentazzjoni tal-objettivi tal-PKS riformata; jilqa' l-ħidma mill-qrib tal-Aġenzija mal-Istati Membri biex jorganizzaw il-monitoraġġ tal-obbligu tal-ħatt billi jtejbu l-kontroll u s-sorveljanza tal-attivitajiet tas-sajd, jiffaċilitaw il-kooperazzjoni, jippromwovu l-interoperabbiltà u jibnu kapaċitajiet komuni;

23.  Ifakkar l-importanza li jissaħħaħ il-mandat tal-Aġenzija sabiex jiġu stabbiliti attivitajiet operattivi konġunti ma' aġenziji tal-Unjoni oħra fis-settur marittimu bi-għan li jiġu evitati d-diżastri fuq il-baħar u jiġu kkoordinati l-funzjonijiet tal-gwardji tal-kosta Ewropej;

o
o   o

24.  Jirreferi, fir-rigward tal-kummenti l-oħrajn li jakkumpanjaw id-deċiżjoni tiegħu dwar il-kwittanza, li huma ta' natura orizzontali, għar-riżoluzzjoni tiegħu tat-28 ta' April 2016(1) dwar il-prestazzjoni, il-ġestjoni finanzjarja u l-kontroll tal-aġenziji.

(1) Testi adottati, P8_TA(2016)0159.

Avviż legali