Il-Parlament Ewropew,

–  wara li kkunsidra l-kontijiet annwali finali tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2014,

–  wara li kkunsidra r-rapport tal-Qorti tal-Awdituri dwar il-kontijiet annwali tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2014, flimkien mar-risposta tal-Fondazzjoni(1),

–  wara li kkunsidra d-dikjarazzjoni ta' assigurazzjoni(2) dwar l-affidabbiltà tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2014 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra r-rakkomandazzjoni tal-Kunsill tat-12 ta' Frar 2016 dwar il-kwittanza li għandha tingħata lill-Fondazzjoni fir-rigward tal-implimentazzjoni tal-baġit għas-sena finanzjarja 2014 (05584/2016–C8-0063/2016),

–  wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea,

–  wara li kkunsidra r-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta' Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002(3), u b'mod partikolari l-Artikolu 208 tiegħu,

–  wara li kkunsidra r-Regolament tal-Kunsill (KEE) Nru 1365/75 tas-26 ta' Mejju 1975 dwar il-ħolqien ta' Fondazzjoni Ewropea għal titjib tal-kondizzjonijiet tal-ħajja u tax-xogħol(4), u b'mod partikolari l-Artikolu 16 tiegħu,

–  wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta' Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju li jgħodd għall-baġit ġenerali tal-Komunitajiet Ewropej(5),

–  wara li kkunsidra r-Regolament ta' Delega tal-Kummissjoni (UE) Nru 1271/2013 tat-30 ta' Settembru 2013 dwar Regolament Finanzjarju ta' qafas għall-korpi msemmija fl-Artikolu 208 tar-Regolament (UE, Euratom) Nru 966/2012 tal-Parlament Ewropew u tal-Kunsill(6), u b'mod partikolari l-Artikolu 108 tiegħu,

–  wara li kkunsidra l-Artikolu 94 u l-Anness V tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A8-0120/2016),

1.  Jagħti l-kwittanza lid-Direttur tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għall-implimentazzjoni tal-baġit tal-Fondazzjoni għas-sena finanzjarja 2014;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu biex jgħaddi din id-deċiżjoni, kif ukoll ir-riżoluzzjoni li hija parti integrali minnha, lid-Direttur tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol, lill-Kunsill, lill-Kummissjoni u lill-Qorti tal-Awdituri, u biex jiżgura li jiġu ppubblikati f'Il-Ġurnal Uffiċjali tal-Unjoni Ewropea (serje L).

(1) ĠU C 409, 9.12.2015, p. 307. (2) ĠU C 409, 9.12.2015, p. 307. (3) ĠU L 298, 26.10.2012, p. 1. (4) ĠU L 139, 30.5.1975, p. 1. (5) ĠU L 357, 31.12.2002, p. 72. (6) ĠU L 328, 7.12.2013, p. 42.

Il-Parlament Ewropew,

–  wara li kkunsidra l-kontijiet annwali finali tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2014,

–  wara li kkunsidra r-rapport tal-Qorti tal-Awdituri dwar il-kontijiet annwali tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2014, flimkien mar-risposta tal-Fondazzjoni(1),

–  wara li kkunsidra d-dikjarazzjoni ta' assigurazzjoni(2) dwar l-affidabbiltà tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2014 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra r-rakkomandazzjoni tal-Kunsill tat-12 ta' Frar 2016 dwar il-kwittanza li għandha tingħata lill-Fondazzjoni fir-rigward tal-implimentazzjoni tal-baġit għas-sena finanzjarja 2014 (05584/2016–C8-0063/2016),

–  wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea,

–  wara li kkunsidra r-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta' Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002(3), u b'mod partikolari l-Artikolu 208 tiegħu,

–  wara li kkunsidra r-Regolament tal-Kunsill (KEE) Nru 1365/75 tas-26 ta' Mejju 1975 dwar il-ħolqien ta' Fondazzjoni Ewropea għal titjib tal-kondizzjonijiet tal-ħajja u tax-xogħol(4), u b'mod partikolari l-Artikolu 16 tiegħu,

–  wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta' Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju li jgħodd għall-baġit ġenerali tal-Komunitajiet Ewropej(5),

–  wara li kkunsidra r-Regolament ta' Delega tal-Kummissjoni (UE) Nru 1271/2013 tat-30 ta' Settembru 2013 dwar Regolament Finanzjarju ta' qafas għall-korpi msemmija fl-Artikolu 208 tar-Regolament (UE, Euratom) Nru 966/2012 tal-Parlament Ewropew u tal-Kunsill(6), u b'mod partikolari l-Artikolu 108 tiegħu,

–  wara li kkunsidra l-Artikolu 94 u l-Anness V tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A8-0120/2016),

1.  Jinnota li l-kontijiet annwali finali tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol huma kif annessi mar-rapport tal-Qorti tal-Awdituri;

2.  Japprova l-għeluq tal-kontijiet tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2014;

3.  Jagħti istruzzjonijiet lill-President tiegħu biex jgħaddi din id-deċiżjoni lid-Direttur tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol, lill-Kunsill, lill-Kummissjoni u lill-Qorti tal-Awdituri, u biex jiżgura li tiġi ppubblikata f'Il-Ġurnal Uffiċjali tal-Unjoni Ewropea (serje L).

(1) ĠU C 409, 9.12.2015, p. 307. (2) ĠU C 409, 9.12.2015, p. 307. (3) ĠU L 298, 26.10.2012, p. 1. (4) ĠU L 139, 30.5.1975, p. 1. (5) ĠU L 357, 31.12.2002, p. 72. (6) ĠU L 328, 7.12.2013, p. 42.

Il-Parlament Ewropew,

–  wara li kkunsidra d-deċiżjoni tiegħu dwar il-kwittanza għall-implimentazzjoni tal-baġit tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2014,

–  wara li kkunsidra l-Artikolu 94 u l-Anness V tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A8-0120/2016),

A.  billi, skont l-istqarrijiet finanzjarji tagħha, il-baġit finali tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol (il-''Fondazzjoni'') għas-sena finanzjarja 2014 kien ta' EUR 20 774 000, ammont li jfisser żieda ta' 0,73 % meta mqabbel mal-2013;

B.  billi l-Qorti tal-Awdituri (il-''Qorti"), fir-rapport tagħha dwar il-kontijiet annwali tal-Fondazzjoni għas-sena finanzjarja 2014 (ir-''rapport tal-Qorti"), stqarret li kisbet assigurazzjonijiet raġonevoli li l-kontijiet annwali tal-Fondazzjoni kienu affidabbli u li t-tranżazzjonijiet ta' bażi kienu legali u regolari;

Segwitu għall-kwittanza 2013

1.  Jilqa' l-azzjonijiet korrettivi tal-Fondazzjoni rigward it-tħassib imqajjem mill-Qorti dwar l-inventarju fiżiku u r-reġistrazzjoni tal-assi fissi;

Ġestjoni baġitarja u finanzjarja

2.  Jinnota li l-isforzi ta' monitoraġġ baġitarju matul is-sena finanzjarja 2014 irriżultaw f'rata ta' implimentazzjoni tal-baġit ta' 99,66 % u li r-rata ta' eżekuzzjoni tal-approprjazzjonijiet ta' pagament kienet ta' 79,80 %; jinnota b'sodisfazzjon li l-livell ġeneralment għoli tal-approprjazzjonijiet ta' impenn jindika li l-impenji saru f'waqthom;

Impenji u riporti

3.  Jinnota li l-livell tal-approprjazzjonijiet impenjati riportati għall-2015 kien ta' 53,7 % għat-Titolu III (nefqa operattiva); jirrikonoxxi li dawn ir-riporti kienu prinċipalment relatati ma' proġetti pluriennali li għalihom l-attivitajiet ġew implimentati u l-pagamenti saru skont kif kien ippjanat, kif ukoll ma' proġett pluriennali wieħed li għalih l-implimentazzjoni kienet riportata għall-2014, iżda li għalih il-ħlasijiet huma dovuti biss fl-2015;

4.  Jirrikonoxxi li, sabiex tallinja n-natura pluriennali tal-proġetti tagħha mal-prinċipju baġitarju tal-annwalità, il-Fondazzjoni qed tirrapporta l-ammont ta' riporti ppjanati lill-Qorti fil-bidu ta' kull sena; jieħu nota li r-rappurtar jippermetti lill-Qorti tissepara r-riporti inevitabbli relatati ma' proġetti pluriennali minn riporti li jixhdu nuqqasijiet fl-ippjanar u fl-implimentazzjoni tal-baġit;

Proċeduri ta' akkwist u reklutaġġ

5.  Jilqa' l-introduzzjoni ta' applikazzjoni ġdida fuq l-internet għall-ġestjoni tal-proċess tal-għażla u r-reklutaġġ, li ġie adottat u implimentat matul l-2014; jinnota li din l-applikazzjoni se tippermetti li l-parti l-kbira tal-proċess, li qabel kien ġestit permezz ta' bosta sistemi elettroniċi u bil-karti, jiġi organizzat f'ġabra unika ta' fluss tax-xogħol, u potenzjalment se tiffranka l-ħin;

6.  Jinnota li l-Fondazzjoni wettqet, għall-ewwel darba f'Diċembru 2014, eżerċizzju ta' evalwazzjoni tal-karigi bl-użu ta' metodoloġija komuni adottata għall-aġenziji tal-Unjoni; jinnota, barra minn hekk, li skont dan l-eżerċizzju, 72,81 % tal-persunal tal-Fondazzjoni kellhom funzjonijiet operattivi, 15,54 % kellhom funzjonijiet ta' appoġġ amministrattiv u ta' koordinazzjoni u 11,65 % kellhom funzjonijiet newtrali;

Prevenzjoni u ġestjoni tal-kunflitti ta' interess u t-trasparenza

7.  Jinnota bi preokkupazzjoni li s-CVs u d-dikjarazzjonijiet tal-interessi ta' madwar nofs biss tal-membri tal-Bord Governattiv tal-Fondazzjoni huma disponibbli għall-pubbliku fuq is-sit web tagħha; jirrikonoxxi li l-Fondazzjoni ma għandha l-ebda mezz legali biex tinforza s-sottomissjoni ta' dawk id-dokumenti; iħeġġeġ lill-membri tal-Bord Governattiv tal-Fondazzjoni jissottomettu dawk id-dokumenti mingħajr dewmien bil-għan li tiżdied it-trasparenza;

8.  Jistieden lil dawk l-istituzzjonijiet tal-Unjoni li daħħlu kodiċijiet ta' mġiba, inkluż il-Parlament, biex itejbu l-miżuri tagħhom ta' implementazzjoni, bħalma huma l-verifiki tad-dikjarazzjonijiet tal-interessi finanzjarji;

9.  Iħeġġeġ lill-Fondazzjoni tissensibilizza aktar lill-membri tal-persunal tagħha dwar il-politika li tittratta l-kunflitti ta' interess, flimkien ma' attivitajiet ta' sensibilizzazzjoni li għaddejjin u l-inklużjoni tal-integrità u t-trasparenza bħala punti li jridu jiġu diskussi b'mod obbligatorju matul il-proċeduri ta' reklutaġġ u l-valutazzjonijiet tal-prestazzjoni;

Kontrolli interni

10.  Jinnota li, wara l-prijoritizzazzjoni fl-2013 biex jiġu żviluppati aktar l-istandards ta' kontroll intern ("ICS") tal-Fondazzjoni, il-koordinatur tal-kontroll intern, fil-pjan ta' ħidma annwali tiegħu, iffoka fuq ICS relatati mal-allokazzjoni u l-mobbiltà tal-persunal, il-proċessi u l-proċeduri kif ukoll il-valutazzjoni tas-sistema ta' kontroll intern tal-Fondazzjoni; jinnota, barra minn hekk, li l-kumitat għall-kontroll intern ("ICC") tal-Fondazzjoni wettaq awtovalutazzjoni tad-dgħjufijiet fil-kontroll intern; jinnota l-fatt li l-konklużjoni tal-valutazzjoni kienet li jsir enfasi fuq is-sensibilizzazzjoni dwar l-ICS fost il-maniġers; jirrikonoxxi li l-ICC iddeċieda li jippjana u jorganizza seminars għal kull waħda mis-sistemi ta' kontroll intern magħżula;

Awditu intern

11.  Jikkonstata li l-attività ewlenija fl-2014 rigward ir-relazzjonijiet tal-Fondazzjonijiet mas-Servizz ta' Awditjar Intern (IAS) tal-Kummissjoni kienet is-segwitu għall-awditu tal-IAS tal-2013 dwar il-ġestjoni tar-relazzjonijiet mal-klijenti u mal-partijiet interessati u t-tliet rakkomandazzjonijiet tiegħu; jinnota l-fatt li l-pjan direzzjonali li ntlaħaq bi qbil mal-IAS fir-rigward tat-tliet rakkomandazzjonijiet ġie implimentat fl-2014 u diversi dokumenti tqiegħdu għad-dispożizzjoni tal-IAS; jirrikonoxxi li l-azzjonijiet korrettivi li ġew implimentati mill-Fondazzjoni kienu lesti biex jiġu eżaminati mill-IAS fl-aħħar tas-sena u ġew ippreżentati lill-IAS għal rieżami;

Kummenti oħra

12.  Jinnota mir-rapport tal-Qorti li, b'segwitu għall-emendar tar-Regolamenti tal-Persunal fl-2004 permezz tar-Regolament tal-Kunsill (KE, Euratom) Nru 723/2004(1), dawn inkludew dispożizzjonijiet li r-rimunerazzjoni futura ta' uffiċjali rreklutati qabel l-1 ta' Mejju 2004 m'għandhiex tkun inqas minn dik prevista fir-Regolamenti tal-Persunal preċedenti; josserva li l-awditu tal-Qorti żvela li dan ma tħarisx u li, fil-każ ta' 20 mis-78 uffiċjal impjegati dak iż-żmien, dan wassal għal pagament inqas ta' EUR 128 735 għall-perjodu bejn l-2005 u l-2014; jirrikonoxxi li l-kalkolu tas-salarji tal-Fondazzjoni huwa esternalizzat lill-Uffiċċju tal-Uffiċjal inkarigat mill-pagi tal-Kummissjoni; jieħu nota tal-fatt li l-Fondazzjoni ħadet l-azzjonijiet meħtieġa biex tirranġa din il-kwistjoni;

13.  Jikkonstata li avolja l-Fondazzjoni saret operattiva fl-1975, ma ġiex iffirmat ftehim komprensiv bejn il-Fondazzjoni u l-Istat Membru ospitanti fl-2014; jinnota b'sodisfazzjon li n-negozjati mal-Istat Membru ospitanti, li bdew fi Frar 2014, tlestew u li l-iffirmar tal-ftehim dwar is-sede tal-Fondazzjoni sar fl-10 ta' Novembru 2015; josserva li dan il-ftehim għandu jippromwovi t-trasparenza fir-rigward tal-kundizzjonijiet li fihom joperaw il-Fondazzjoni u l-persunal tagħha;

14.  Jilqa' l-implimentazzjoni b'suċċess tal-programm ta' ħidma fuq erba' snin tal-Fondazzjoni; ifaħħar ix-xogħol importanti mwettaq fuq it-tliet stħarriġiet Ewropej: l-Istħarriġ Ewropew dwar il-Kwalità tal-Ħajja, l-Istħarriġ Ewropew dwar il-Kondizzjonijiet tax-Xogħol u l-Istħarriġ Ewropew dwar il-Kumpaniji; jinnota li l-Fondazzjoni kompliet tiffoka r-riċerka tagħha fuq il-qgħad fost iż-żgħażagħ u l-koeżjoni soċjali; japprezza l-kontribuzzjoni tagħha fl-ivvalutar tal-impatt tal-kriżi fuq il-kondizzjonijiet tax-xogħol u tal-għajxien;

15.  Jilqa' l-konklużjoni tat-tliet rapporti ewlenin: "Psychosocial risks in Europe" (Riskji Psikosoċjali fl-Ewropa), "Labour mobility in the EU: Recent trends and policies" (Il-mobbilità tal-ħaddiema fl-UE: Xejriet u politiki reċenti) u "Social cohesion and well-being in the EU" (Koeżjoni soċjali u benessri fl-UE);

16.  Japprezza r-riċerka pprovduta mill-Fondazzjoni u l-informazzjoni komparattiva siewja u jinnota l-importanza ewlenija tagħhom biex ikunu żgurati diskussjonijiet ibbażati fuq l-evidenza li jirrigwardjaw politiki dwar aspetti soċjali u tax-xogħol; jenfasizza r-relevanza partikolari tal-kooperazzjoni li għaddejja bejn il-Fondazzjoni u l-Kumitat għall-Impjiegi u l-Affarijiet Soċjali;

17.  Jirrikonoxxi li l-Fondazzjoni baqgħet kontributur essenzjali għall-iżvilupp tal-politiki, filwaqt li l-użu tal-kompetenza tagħha f'dokumenti ta' politika tal-Unjoni ewlenin baqa' wieħed sinifikanti; jilqa' l-fatt li l-indikaturi tal-prestazzjoni ewlenin jissuġġerixxu livell għoli ta' viżibilità u rikonoxximent tal-valur xjentifiku tar-riċerka tal-Fondazzjoni;

o
o   o

18.  Jirreferi, fir-rigward tal-kummenti l-oħrajn li jakkumpanjaw id-deċiżjoni tiegħu dwar il-kwittanza, li huma ta' natura orizzontali, għar-riżoluzzjoni tiegħu tat-28 ta' April 2016(2) dwar il-prestazzjoni, il-ġestjoni finanzjarja u l-kontroll tal-aġenziji.

(1) Ir-Regolament tal-Kunsill (KE, Euratom) Nru 723/2004 tat-22 ta' Marzu 2004 li jemenda r-Regolamenti tal-Persunal tal-uffiċjali tal-Komunitajiet Ewropej u l-Kondizzjonijiet tal-Impjieg ta' ħaddiema oħra tal-Komunitajiet Ewropej (ĠU L 124, 27.04.2004, p. 1). (2) Testi adottati, P8_TA(2016)0159.