An Ciste Eorpach um Choigeartú don Domhandú: ag cuidiú le daoine dífhostaithe post a fháil arís
Leis an gCiste Eorpach um Choigeartú don Domhandú tugtar tacaíocht do dhaoine a chailleann a bpost mar gheall ar an ngéarchéim airgeadais nó an domhandú. A bhuíochas do €400milliún ón gciste ó 2007 go 2013 bhí na mílte duine in ann athoiliúint a dhéanamh, post nua a chuardach nó a gcuideachta féin a bhunú. Thug an Pharlaimint a ceadú an 17 Meán Fómhair do chlár cabhrach eile d'oibrithe i gceithre bhallstát. Tá tuilleadh eolais san alt seo faoi na hiarratais a cuireadh isteach don chlár cheana.
Ó 2007 tá níos mó ná 100 iarratas ó 20 ballstát faighte ag an gciste ag lorg cómhaoinithe chun cláir thacaíochta a bhunú don bhreis is 100,000 duine a chaill a bpoist de bharr an domhandaithe (56%) nó mar gheall ar an ngéarchéim airgeadais agus eacnamaíoch dhomhanda (44%).
Tháinig an chuid is mó de na hiarratais ó na hearnálacha seo a leanas:
- an tionscal déanta gluaisteáin - 22.5%
- innealra agus trealamh - 13.5%
- teicstíl, déantús córach éadaigh agus brógaí - 12%
- riomhairí, fóin phóca, teicneolaíocht faisnéise agus cumarsáide - 11.6%
- tionscal foirgníochta - 9.6%
Maidir leis an gcairt
Is iad na húdaráis naisiúnta nó réigiúnacha a dhéanann cásanna a bhainistiú agus a chur chun feidhme faoi chlár an Chiste Eorpaigh um Choigeartú don Domhandú. Sa chairt thuas léiríonn méid an bholgáin an méid tacaíochta a lorg tír. Léiríonn suíomh an bholgáin cé mhéad oibrithe a fuair tacaíocht nó a bhí chun tacaíocht a fháil (ais cheartingearach) agus an méid iarratas a chuir gach ballstát isteach (ais chothrománach). Léiríonn dath an bhlogáin an ráta dífhostaíochta atá ann i ngach ballstát.
Tuilleadh faisnéise
- (oscail i gclib nua) An Ciste Eorpach um Choigeartú don Domhandú
- (oscail i gclib nua) Tuilleadh faoin gciste
- Preaseisiúint