L-inizjattiva taċ-Ċittadini Ewropej mistennija ssir realtà mill-1 ta' April 2012. Fi kliem il-President tal-Parlament Martin Schulz, din hija xi ħaġa sabiħa iżda wkoll att serju ħafna ta' demokrazija parteċipattiva diretta b'riżultat ta' żvilupp fuq deċennju għall-ftuħ ta' orizzonti kompletament ġodda għall-Unjoni.

Ix-xiri ta’ dar jew appartament ta’ spiss huwa l-akbar investiment li persuna qatt tista’ tagħmel f'ħajjitha, iżda minkejja dan ħafna nies ma jifhmux bis-sħiħ il-kundizzjoni tal-ipoteki li qegħdin jiffirmaw. Il-kundizzjonijiet ta’ kreditu faċli sal-2008 alimentaw prattiki ta’ self u tislif b’riskju għoli madwar l-UE, li kkontribwixxew b’mod sostanzjali għall-kriżi tad-dejn attwali.

Mindu ġie propost, il-Ftehim kummerċjali dwar il-ġlieda kontra l-falsifikazzjoni (ACTA) wera kemm huwa kontroversjali. Il-Ftehim huwa maħsub sabiex id-drittijiet tal-proprjetà intellettwali jiġu infurzati b'mod aktar effettiv fil-livell internazzjonali. Ħafna pajjiżi żviluppati jemmnu li l-ekonomiji tagħhom se jsofru ħsara minħabba l-falsifikazzjoni u l-ikkuppjar.

Bit-tkomplija tal-kriżi ekonomika, kwantità kbira ta' kwistjonijiet dwar l-enerġija u t-trasport fuq l-aġenda u n-negozjati għar-riforma tal-Politika Agrikola Komuni, jidher li se jkunu 12-il xahar mimlijin xogħol għall-MEPs.

Il-Parlament Ewropew kważi wasal f’nofs is-seba’ leġiżlatura u kienu sentejn u nofs kemmxejn imqanqala minħabba l-kriżi ekonomika. Hekk kif qed noqorbu għall-punt ta’ bejn elezzjoni u oħra, nagħtu ħarsa lura lejn il-leġiżlazzjonijiet ewlenin li ġew approvati mill-MPE, inkluż il-pakkett ta’ sitt atti dwar il-governanza ekonomika, is-superviżjoni finanzjarja, ta’ regoli għall-ħarsien tal-konsumatur b’firxa wiesgħa ta’ applikazzjoni u d-drittijiet tal-passiġġiera.