Bit-tkomplija tal-kriżi ekonomika, kwantità kbira ta' kwistjonijiet dwar l-enerġija u t-trasport fuq l-aġenda u n-negozjati għar-riforma tal-Politika Agrikola Komuni, jidher li se jkunu 12-il xahar mimlijin xogħol għall-MEPs.

Il-Parlament Ewropew kważi wasal f’nofs is-seba’ leġiżlatura u kienu sentejn u nofs kemmxejn imqanqala minħabba l-kriżi ekonomika. Hekk kif qed noqorbu għall-punt ta’ bejn elezzjoni u oħra, nagħtu ħarsa lura lejn il-leġiżlazzjonijiet ewlenin li ġew approvati mill-MPE, inkluż il-pakkett ta’ sitt atti dwar il-governanza ekonomika, is-superviżjoni finanzjarja, ta’ regoli għall-ħarsien tal-konsumatur b’firxa wiesgħa ta’ applikazzjoni u d-drittijiet tal-passiġġiera.

Il-votazzjoni ta’ Ottubru fil-Parlament Ewropew dwar il-baġit tal-UE għas-sena d-dieħla mmarkat it-tmiem tal-istadju finali tan-negozjati. Jekk il-baġit tal-UE għall-2012 għandu jiġi adottat fl-ewwel nofs ta’ Diċembru, il-Parlament u l-Istati Membri jeħtiġilhom jilħqu qbil dan ix-xahar.

Fil-11 ta’ Ottubru, l-MPE bdew jaraw it-tliet films nominati għall-Premju LUX 2011: “Attenberg” ta’ Athina Rachel Tsangari, " Les neiges du Kilimandjaro" ta’ Robert Guédiguian, u "Play" ta’ Ruben Östlund. Il-voti għandhom jintefgħu sal-10 ta’ Novembru u l-premju se jingħata f’ċerimonja matul is-sessjoni plenarja ta’ Novembru tal-Parlament fi Strasburgu.

Min ser jirbaħ il-Premju Sakharov għas-sena 2011? Il-Parlament Ewropew għażel tliet finalisti li jissieltu għad-drittijiet tal-bniedem madwar id-dinja. F'dan il-fokus nagħtu ħarsa lejn in-nominati u nipprovdu informazzjoni ta' sfond dwar il-Premju.