L-aħbarijiet kollha

L-MEPs iddiskutew dwar l-investiment, it-tkabbir u l-impjiegi mal-President tal-Kummissjoni José Manuel Barroso nhar it-Tlieta, fit-tlieta ta' wara nofsinhar. Dan id-dibattitu sar qabel is-samit informali tal-mexxejja tal-UE nhar L-Erbgħa. Barra minn hekk, l-SMEs, li huma importanti ħafna għat-tkabbir u l-ħolqien tal-impjiegi, kienu s-suġġett ewlieni ta' dibattitu ieħor mal-Kunsill u l-Kummissjoni.

Fost l-affarijiet li ser jiġu diskussi f'din is-sessjoni plenarja - l-ewwel waħda f'Mejju - hemm il-mobile roaming, inklużi s-servizzi tad-dejta, kif ukoll għajnuna għall-ajruporti reġjonali.

.

"Il-Parlament Ewropew mhux se jaċċetta inqas flus għall-baġit Ewropew." Dan kien il-kliem li bih il-President tal-Parlament Ewropew Martin Schulz fetaħ il-konferenza dwar il-qafas għall-baġit fuq perjodu ta' żmien twil tal-UE għall-2014-2020 fit-22 ta' Marzu. Schulz qal li huwa biss b'baġit raġonevoli li l-Ewropa tista' tagħti spinta t-tkabbir fi żmien ta' awsterità.

Huwa minnu li żewġ terzi tal-Ewropej huma favuriha, imma b’daqshekk dan ma jfissirx li l-idea mhijiex kontroversjali. Il-Kummissarju għat-Tassazzjoni, Algirdas Šemeta, iddefenda l-proposta tal-Kummissjoni għal taxxa fuq it-tranżazzjonijiet finanzjarji fl-Unjoni kollha kemm hi quddiem il-Kumitat għall-ekonomija tal-PE fl-20 ta’ Marzu 2012.

F'din is-sessjoni plenarja qasira, li ser issir Brussell, ser jiġu diskussi bosta temi importanti. Bħal dejjem, l-ekonomija u l-finanzi ser jiġu diskussi b'prijorità, b'taħdit dwar il-leġislazzjoni fuq it-transazzjonijiet ta' derivativi u t-transazzjonijiet li jsiru fil-Boroż Ewropej.

Attwalment il-PE qed jikkunsidra l-hekk imsejħa "two-pack", li hija żewġ proposti biex tiżdied id-dixxiplina finanzjarja fiż-żona tal-euro. Abbozzi ta' rapporti minn żewġ Membri tal-PE jipproponu li dawn jiġu emendati sabiex is-setgħat ta' sorveljanza tal-Kummissjoni jiġu kkontrollati iżjed mill-qrib u l-membri taż-żona tal-euro f'diffikultajiet finanzjarji jkunu jistgħu jitqiegħdu taħt protezzjoni legali bħalma jsir f'każ ta' falliment.

Id-dijabete hi l-akbar kawża ta' attaki tal-qalb u għadd ta' mard serju ieħor, u din taffettwa l-ħajja ta' 32 miljun Ewropew. F'Ewropa fejn dejjem aktar jiżdiedu n-numru ta' anzjani, dan in-numru hu mistenni li jikber. B'qatra demm minn saba' tista' toħroġ djanjożi, madankollu l-biċċa l-kbira tan-nies lanqas jafu li għandhom din il-kundizzjoni. Il-Parlament Ewropew qed jitlob għal strateġija tal-UE kontra d-dijabete biex tittejjeb il-prevenzjoni, id-djanjożi u t-trattament.

Ilbieraħ, f'inċident tat-traffiku traġiku, inqatlu 28 ruħ fl-Isvizzera, li minnhom 22 kienu tfal. Il-Parlament Ewropew osserva minuta silenzju għall-vittmi. "Il-ħsibijiet tagħna huma mal-familji tal-vittmi u dawk involuti f'din it-traġedja," qal il-President tal-Parlament Martin Schulz.

Ilbieraħ kien imiss lit-tradutturi, illum inħarsu lejn il-ħajja ta’ kuljum tal-interpreti u r-rwol tagħhom fit-trasformazzjoni ta’ dibattiti, li jinkludu sa 23 lingwa, f’unità koerenti u komprensibbli. Bħala rappreżentanti taċ-ċittadini tal-UE eletti direttament huwa importanti li l-Membri tal-PE jkunu jistgħu jsegwu l-laqgħat fil-lingwa tagħhom stess u għalhekk ir-rwol tal-interpreti huwa wieħed ta’ importanza vitali.