L-aħbarijiet kollha

Din is-sena fl-1 ta' Lulju, 40 sena wara l-ewwel tkabbir, l-UE se tilqgħa lill-Kroazja fi' ħdana. Fis-sessjoni plenarja attwali, l-MPE ser jiddiskutu u jivvutaw fuq l-aħħar rapport ta 'monitoraġġ komprensiv qabel s-sħubija tal-Kroazja, kif ukoll fuq ir-rapporti dwar il-progress tat-Turkija, tal-Montenegro, tas-Serbja u tal-Kosovo. Agħti ħarsa lejn l-infographic tagħna dwar l-40 sena ta' tkabbir.

Waqt dibattitu li seħħ nhar l-Erbgħa l-MPE ikkritikaw bl-ikraħ il-mod kif ġie trattat il-programmtas-salvataġġ finanzjarju ta' Ċipru. Taw tort lill-Eurogroup għall-komunikazzjoni terribbli, lill-Kummissjoni talli naqset milli tiddefendi lid-depożituri inxurjati, u lill-politiċi talli addottaw standards doppji.

Waqt id-diskors tiegħu fil-plenarja ġewwa Strasburgu l-Prim Ministru Finlandiż Jyrki Katainen sejjaħ għall-Ewropa aktar b'saħħitha u għal integrazzjoni aktar ġusta. Huwa kien milqugħ mill-President Schulz. Il-Prim Ministru Finlandiż qal li "għandna ħafna x'niddefendu, u għandna nkunu kburin b'dan". Hu esprima t-tħassib tiegħu dwar ir-rata li qiegħda dejjem tikber ta' estremiżmu ġewwa l-Ewropa u saħaq li "aħna ma nistgħux nħallu d-diskors nazzjonalista u populista jiddomina d-dibattitu Ewropew".

Il-Bank Ċentrali Ewropew (BĊE) hija l-istituzzjoni ewlienija sabiex tattwa il-miżuri li se jgħinu lil dawk l-Istati membri li ġew milquta mill-kriżi bankarja. Il-President tal-BĊE Mario Draghi se jkun fil-Parlament nhar it-Tlieta 16 ta' April, fejn se jkun qiegħed jippreżenta lill-MPE r-rapport annwali tal-BĊE għas-sena 2011. Segwi d-dibattitu f'xandira fit-15:00.

Biex tiċċelebra s-Sena Ewropea taċ-Ċittadinanza l-PE talab liċ-ċittadini Ewropej biex jipparteċipaw fil-kostruzzjoni ta' Ħajt taċ-ċittadini fuq il-Facebook tal-PE. Dan il-ħajt virtwali nbena minn 450-ritratt li ntbgħatu minn kull naħa taL-UE. Issa dan il-ħajt qiegħed jinbena verament, waqt avveniment f'waħda mill-akbar stazzjonijiet tal-ferrovijI ġewwa l-Ewropa;Gare du Midi.

Waqt is-sessjoni plenarja ta' bejn il-15 u t-18 ta' April fi Strasburgu l-MPE se jivvotaw fuq il-proposta biex ikun hemm limitu fuq il-bonuses bankarji kif ukoll fuq il-mandat tal-BĊE. Il-MPE se jiddiskutu s-sitwazzjoni kostituzzjonali fl-Ungerija u se jressqu numru ta' mistoqsijiet lill-KE u lill-Presidenza Irlandiża fuq is-salvataġġ finanzjarju ta' Ċipru. Se jittieħed ukoll il-vot finali fuq in-negozjar tal-emissjonijiet.

Vawċers, kupuni, biljetti rigal, nsibuwhom f' kull daqs u forma waqt li l-popolarita tagħhom qiegħdha dejjem tiżdied. Fil-fatt is-suq tal-vawċers ġewwa l-UE għandu valur annwali ta' aktar minn € 52 biljun. Agħti ħarsa lejn l-infographic tagħna li ppreparajna għalik fejn hemm aktar informazzjoni dwar il-vawċers u l-użu tagħhom.

L-Istat tal-Kroazja se jkun it-28 Stat Membru tal-Unjoni Ewropea.Nhar il-Ħadd 14 ta' April il-Kroazja se jkollha l-ewwel elezzjonijiet għall-Parlament Ewropew. Il-pajjiż ta '4.3 miljun ruħ se jeleġġi 12 -il MPE li se jieħdu posthom fil-PE wara s-sħubija formali fl-1 ta' Lulju. Il-President tal-PE Martin Schulz qalli "L- Parlament huwa responsabli għall-Unjoni Ewropea u l-Istati Membri tagħha. Fil-jum tal-elezzjoni, morru vvutaw u għamlu l-aħjar għażla."

It-tisħiħ tad-demokrazija, ir-rwol tal-parlamenti u s-soċjetà ċivili kif ukoll il-bżonn li n-nisa jingħataw rwol aktar importantiti huma l-kwistjonijiet ewlenin li ġew diskussi matul l-Assemblea Parlamentari tal-Unjoni għall-Mediterran. Is-sigurtà, l-ambjent u kooperazzjoni aktar b'saħħitha bejn iż-żewġ ixtut tal-Mediterran huma wkoll fuq l-aġenda.

F'riżoluzzjoni fil-11 ta' April il-kumitat tal-Affarijiet Ekonomiċi u Monetarji tal-PE saħaq li l-parlament għandu jkun involut bis-sħiħ fid-deliberazzjonijiet dwar il-mekkaniżmu tas-sorveljanza dwar l-iżbilanċi makroekonomiċi.Il-MPE akkużaw il-Kummissjoni talli ma kkonsultatx lill-Parlament meta mmodifikat il-metodu li tuża sabiex tanalizza l-iżbilanċi ekonomiċi.