Il-Premju Sakharov għal-Liberta' tal-Ħsieb 2011

Min ser jirbaħ il-Premju Sakharov għas-sena 2011? Il-Parlament Ewropew għażel tliet finalisti li jissieltu għad-drittijiet tal-bniedem madwar id-dinja. F'dan il-fokus nagħtu ħarsa lejn in-nominati u nipprovdu informazzjoni ta' sfond dwar il-Premju.

Il-Premju

Il-għoti tal-Premju Sakharov għal-Libertà tal-Ħsieb issir kull sena mill-Parlament Ewropew. Imniedi fl-1988, huwa jippremja lil personalitajiet jew lil gruppi li jagħmlu ħilithom biex jiddefendu d-drittijiet tal-bniedem u l-libertajiet fundamentali.

Min kien Andrej Sakharov ?

Rebbieħ tal-Premju Nobel tal-paċi fl-1975, ix-xjentist tal-fiżika Russu Andrej Sakharov (1921-1989) huwa qabel kollox il-persuna li vvinta l-bomba ta’ l-idroġenu. Inkwetat bil-konsegwenzi tax-xogħol tiegħu fuq il-futur ta’ l-umanità, huwa fittex li joħloq għarfien tal-periklu f'l-armamenti nukleari. Huwa kiseb suċċess parzjali permezz ta’ l-iffirmar tat-Trattat kontra l-provi nukleari fl-1963.

Meqjus fl-Unjoni Sovetika bħala dissident b’ideat sovversivi, huwa ħoloq, fis-snin 70, Kumitat għad-difiża tad-drittijiet tal-bniedem u għad-difiża tal-vittmi politiċi. L-isforzi tiegħu ġew ippremjati bil-Premju Nobel tal-paċi fl-1975.

It-tliet finalisti

Ir-Rebbiegħa Għarbija: rappreżentati minn ħames attivisti minn madwar id-dinja Għarbija

Dimitri Bandarenka: Attivist mill-Belorussja u membru tal-Għaqda Belorussa tal-Ġurnalisti

Il-Komunita' għall-Paċi San José de Apartadó: Komunita' ta' bdiewa Kolombjani li jirrifjutaw affiljazzjoni ma' kwalunkwe grupp armat u jitolbu l-ħelsien u l-liberta' għan-nies normali.