ACTA - x'għandek tkun taf

Mindu ġie propost, il-Ftehim kummerċjali dwar il-ġlieda kontra l-falsifikazzjoni (ACTA) wera kemm huwa kontroversjali. Il-Ftehim huwa maħsub sabiex id-drittijiet tal-proprjetà intellettwali jiġu infurzati b'mod aktar effettiv fil-livell internazzjonali. Ħafna pajjiżi żviluppati jemmnu li l-ekonomiji tagħhom se jsofru ħsara minħabba l-falsifikazzjoni u l-ikkuppjar.

Madankollu, dawk li jopponuh jinsabu mħassba li l-ACTA se jiffavorixxi l-interessi tal-kumpaniji l-kbar askapitu tad-drittijiet taċ-ċittadini.

Id-destin tal-ACTA issa jinsab f'idejn il-Parlament Ewropew għax mingħajr l-approvazzjoni tiegħu l-ACTA ma jkunx jista' jidħol fis-seħħ fl-Unjoni Ewropea. Hawnhekk għandek issib kull ma teħtieġ li tkun taf dwar l-ACTA u dwar kif il-Parlament se jasal għad-deċiżjoni tiegħu. Se jkun hawn l-aħħar aġġornamenti, dettalji dwar kif u meta tista' ssegwi l-laqgħat tal-kumitati dwar l-ACTA fuq il-websajt tal-PE, kif ukoll links utli għal dokumenti relevanti.