Bonds biex jitqanqlu fondi ġodda għall-infrastruttura tal-UE

Meta l-banek ma jselfux u l-gvernijet ma jonfqux, ipprova oħroġ il-bonds. Dan jista' jkun parir għall-kumpaniji involuti f'proġetti Ewropej ta' infrastruttura fuq medda twila ta' żmien u li qed isibuha bi tqila biex jiksbu l-fondi. Biex il-bonds isiru aktar attrraenti għall-investituri bħal ma huma fondi tal-pensjoni l-UE biħsieba tforni garanziji u self biex tagħmel tajjeb għalihom. L-MEPs qed jiddiskutu t-tnedija tal-ewwel bonds għall-proġetti biex jaraw kif jaħdmu u kif ser jirrispondi s-suq.

Il-bonds għall-proġetti huma differenti minn bonds ta' stabbiltà (Eurobonds). Dawn tal-aħħar toħroġhom l-UE biex jiġu ffinanzjati d-defiċits fil-baġits, filwaqt li tal-ewwel joħorġuhom kumpaniji privati biex jiffinanzjaw proġetti Ewropej ta' infrastruttura (toroq, ferroviji, pajpijiet tal-gass, broadband), speċjalment dawk li "ma jitqisux kummerċjalment vijabbli" imma huma ta' importanza strateġika.

Skont stimi tal-Kummissjoni Ewropea, hemm bżonn madwar €150–200 biljun fis-sena biex tiġi mmodernizzata l-infrastruttura tal-UE sal-2020.

Biss il-fondi disponibbli mhux dejjem huma biżżejjed u meta wieħed li jqis li minħabba l-kriżi l-infiq tal-gvernijiet naqas u li l-banek qed jisilfu anqas flus, apparti milli li l-investituri saru aktar beżgħana mir-riskju.

Ir-rapporteur fuq dan il-proġett, is-Soċjalist Svediz Göran Färm, qal li "rridu nsibu mezzi oħrajn biex nimobilizzaw il-kapital għall-investiment - wieħed minn dawn huma l-bonds għall-proġetti".

Il-proġett pilota, qabel ma tidħol sistema permanenti ta' bonds għall-proġetti tal-UE, ser jidħol fis-seħħ fl-2014 b'kontribuzzjoni ta' €230 miljun għall-Bank Ċentrali Ewropew biex ikun jista' jagħmel tajjeb għall-proġetti.

Il-parti l-kbira tal-MEPs huma favur l-idea ta' bonds għall-proġetti. Biss kien hemm min widdeb kontra, bħal-Liberali Ingliża Sharon Bowles li qalet li "fil-verità ser ikun hemm garanzija limita tal-UE għall-ewwel telf. Din hi biss gradazzjoni tat-telf potenzjali li jistgħu jsofru x-xerrejja privati tal-bonds u mhux it-tneħħija sħiħa tal-element ta' riskju".