L-Artikli speċjali kollha

Il-Parlament Ewropew ċaħad il-ftehim tal-qafas finanzjarju (MFF) fil-forma attwali fit-13 ta' Marzu 2013,u sejjaħ għal iktar flessibbilita u li għandu jkun miftuħ għal reviżjoni, kif ukoll sejjaħ għal sistema ta' riżorsi proprji.

L-infiq agrikolu jgħodd 41% tal-baġit annwali tal-Unjoni Ewropea u ilu fil-qalba tal-politika tal-UE mill-bidu nett tal-proġett ta’ kooperazzjoni Ewropew. Il-PE qabel fuq liema direzzjoni n-negozjati għandhom jieħdu u dawn se jibdew mill-iktar fis possibli.

Sitt biljun Euro biex jitħallsu l-kontijiet fl-2012, prijorità għat-tkabbir u l-impjiegi fil-baġit tas-sena d-dieħla u strateġija biex jiġi indirizzat in-nuqqas ta' flus għall-pagamenti fl-2013 - dawn huma l-punti ewlenin tal-qbil dwar il-baġits li ġie formalment adottat nhar l-Erbgħa.

Li jippromwovi ċ-ċinematografija u l-kultura Ewropea, li jistimula dibattitu pubbliku dwar il-valuri Ewropej - dawn huma l-għanijiet ewlenin tal-premju ċinematografiku tal-Parlament Ewropew, il-Premju LUX. Għal-ewwel darba, it-tliet finalisti se jintwerew fl-istati membri kollha, qabel ma r-rebbieħ jintgħażel f'Novembru.

Żewġ attivisti Iranjani, l-avukat Nasrin Sotoudeh u d-direttur tal-films Jafar Panahi, huma r-rebbieħa konġunta ta' din is-sena tal-Premju Sakharov tal-Parlament Ewropew għall-Libertà tal-Ħsieb. Huma ntgħażlu mill-President Schulz u l-mexxejja tal-gruppi politiċi nhar il-Ġimgħa fil-għodu.

L-inizjattiva taċ-Ċittadini Ewropej mistennija ssir realtà mill-1 ta' April 2012. Fi kliem il-President tal-Parlament Martin Schulz, din hija xi ħaġa sabiħa iżda wkoll att serju ħafna ta' demokrazija parteċipattiva diretta b'riżultat ta' żvilupp fuq deċennju għall-ftuħ ta' orizzonti kompletament ġodda għall-Unjoni.

Fil-ħarifa li għaddiet, intlaħaq qbil fi ħdan l-UE favur superviżjoni finanzjarja aktar stretta fis-settur privat, biex kemm jista’ jkun ma jkun hemm l-ebda possibilità li tinqala’ xi kriżi finanzjarja fil-futur, u bħalissa l-attenzjoni hija mitfugħa fuq is-settur pubbliku billi l-Parlament Ewropew qed jittratta l-żbilanċi perikolużi fl-ekonomiji tal-UE u għalhekk fit-12 ta' Marzu 2013 approva regoli ġodda li se jillimitaw it-tkabbir tad-dejn u d-defiċit fl-Istati Membri.

Ix-xiri ta’ dar jew appartament ta’ spiss huwa l-akbar investiment li persuna qatt tista’ tagħmel f'ħajjitha, iżda minkejja dan ħafna nies ma jifhmux bis-sħiħ il-kundizzjoni tal-ipoteki li qegħdin jiffirmaw. Il-kundizzjonijiet ta’ kreditu faċli sal-2008 alimentaw prattiki ta’ self u tislif b’riskju għoli madwar l-UE, li kkontribwixxew b’mod sostanzjali għall-kriżi tad-dejn attwali.

Mindu ġie propost, il-Ftehim kummerċjali dwar il-ġlieda kontra l-falsifikazzjoni (ACTA) wera kemm huwa kontroversjali. Il-Ftehim huwa maħsub sabiex id-drittijiet tal-proprjetà intellettwali jiġu infurzati b'mod aktar effettiv fil-livell internazzjonali. Ħafna pajjiżi żviluppati jemmnu li l-ekonomiji tagħhom se jsofru ħsara minħabba l-falsifikazzjoni u l-ikkuppjar.

Bit-tkomplija tal-kriżi ekonomika, kwantità kbira ta' kwistjonijiet dwar l-enerġija u t-trasport fuq l-aġenda u n-negozjati għar-riforma tal-Politika Agrikola Komuni, jidher li se jkunu 12-il xahar mimlijin xogħol għall-MEPs.