Dibattitu Presidenzjali: il-kandidat prinċipali Nico Cué (EL)
Nico Cué hu fost il-kandidati għall-Presidenza tal-KE li fil-15 ta' Mejju se jkunu qed jieħdu sehem f'dibattitu f'xandira diretta fl-Ewropa kollha mill-PE fi Brussell.
Dwar Cué
Isem: Nico Cué
Partit politiku Ewropew: Xellug Ewropew (EL)
Nazzjonalità: Spanjol
Età: 62
Karriera: Irtirat
Segretarju Ġenerali tal-ħaddiema tal-azzar fl-FGBT (Fédération Générale du Travail de Belgique) bejn l-2006 u l-2019
Beda jaħdem fl-azzar ta' 20 sena
Dwar id-dibattitu
Bħala parti mit-tħejjijiet għall-elezzjonijiet Ewropej, il-partiti politiċi nnominaw kandidati għall-kariga ta' president tal-Kummissjoni Ewropea. Il-kandidat prinċipali nominat mill-Kunsill, u li jkun kapaċi jġib maġġoranza fil-Parlament, jiġi elett President tal-Kummissjoni Ewropea b'votazzjoni fil-Parlament.
Xi drabi l-kandidati prinċipali jissejħu "Spitzenkandidaten", bil-Ġermaniż. Din is-sistema ntużat għall-ewwel darba fl-2014 biex jintgħażel il-President attwali tal-Kummissjoni Jean-Claude Juncker.
Id-Dibattitu Presidenzjali – Elezzjonijiet Ewropej 2019 fil-15 ta' Mejju fid-21.00 CET hija opportunità biex niskopru x'inhi l-pożizzjoni tal-kandidati prinċipali dwar diversi suġġetti.
Xi partiti politiċi nnominaw aktar minn kandidat prinċipali wieħed, iżda għażlu persuna waħda biex tirrappreżentahom fid-dibattitu.
Tliet preżentaturi televiżivi se jkunu qed jimmoderaw id-dibattitu. L-ordni tal-kelliema ttella' bil-polza.
Ix-Xellug Ewropew innomina żewġ kandidati prinċipali: il-kandidata l-oħra hija Violeta Tomič. Tomič hija Membru Parlamentari mis-Slovenja u għandha l-kariga ta' viċi koordinatur tal-partit Levica.
Fil-Parlament, ix-Xellug Ewropew huwa allinjat mal-grupp GUE/NGL.
Għal aktar informazzjoni
-
(iftaħ f’tab ġdida)
Profil
-
(iftaħ f’tab ġdida)
Link għall-istreaming
-
(iftaħ f’tab ġdida)
Multimedia: l-elezzjonijiet Ewropej
-
(iftaħ f’tab ġdida)
Filmat: it-tħejjijiet għad-Dibattitu Presidenzjali EE2019
