Biedja u sajd

L-istorja u l-baġit jingħaqdu fil-Politika Agrikola Komuni, u jagħmluha waħda mill-pjanijiet ta’ azzjoni l-aktar importanti għall-UE. Id-diskussjoni dwar il-PAK futura mhijiex biss kruċjali għall-bdiewa iżda għaċ-ċittadini Ewropej kollha, peress li tindirizza l-isfida tas-sigurtà tal-ikel, qal il-President tal-Kumitat għall-Agrikoltura Paolo De Castro hekk kif qed jinfetħu n-negozjati dwar politika agrikola ġdida tal-UE għall-2014-2020.

L-infiq agrikolu jgħodd 41% tal-baġit annwali tal-Unjoni Ewropea u ilu fil-qalba tal-politika tal-UE mill-bidu nett tal-proġett ta’ kooperazzjoni Ewropew. Waqt li l-Parlament Ewropew, il-Kummissjoni Ewropea u l-Istati Membri qed iħejju ruħhom biex iħaqquha ma’ xulxin fuq il-baġit għat-tul tal-UE, nagħtu ħarsa lejn ir-rwol tal-Politika Agrikola Komuni fl-hekk imsejjaħ Qafas Finanzjarju Multiannwali għall-2013-2020.

Il-Politika Agrikola Komuni tal-UE għandha twieġeb aħjar għall-istennijiet tas-soċjetà jekk ma tridx titlef il-kredibilità tagħha, avża Dacian Cioloş, il-Kummissarju Ewropew għall-Agrikoltura u Żvilupp Rurali, meta ressaq il-proposti tiegħu dwar ir-riforma tal-PAK lill-MPE fit-18 ta’ Novembru. Il-Membri tal-Kumitat għall-Agrikoltura appoġġjaw tal-Parlament appoġġjaw b’mod ġenerali l-pjan għat-tisħiħ tal-kompetittività filwaqt li ffukaw fuq is-sostenibilità.

X'jista' jiġri jekk il-bdiewa m'għadhomx jistgħu jaffordjaw l-għalf għall-annimali tagħhom? Bil-prezzijiet taċ-ċereali jogħlew minħabba t-temp ħażin u l-ispekulazzjoni nistgħu niffaċċjaw tnaqqis sinifikanti fil-produzzjoni tal-laħam. Nhar il-Ħamis il-Membri ddiskutew x'azzjoni tista' tieħu l-EU. Preżenti kien hemm il-Kummissarju tal-Agrikoltura Dacian Cioloş waqt li ġiet adotta riżoluzzjoni li ssejjaħ lill-Kummissjoni tiżgura li l-impatt ta' spekulazzjoni fis-settur agrikolu jiġi limitat.