Kultura u edukazzjoni

Guimarães fil-Portugall u Maribor fis-Slovenja se jospitaw numru kbir ta' avvenimenti kulturali din is-sena bħala l-ibliet kapitali Ewropej tal-kultura għall-2012. Matul is-sena dawk li jħobbu l-arti se jkunu jistgħu jgawdu kollox mill-opra sal-iżfin kontemporanju, mużika klassika u popolari, ċinema, teatru, arti viżwali, letteratura u arkitettura.

Il-programm ta' skambju għall-istudenti u għall-istaff li hu msemmi għall-filosofu Olandiż, Erasmus ta' Rotterdam, wasal fil-25 sena operattiva tiegħu. Sa mit-tnedija tiegħu fl-aħħar tas-snin tmenin kważi 3 miljun student u membru ta' staff siefru permezz tal-għotjiet Erasmus.

Kulħadd ikollu bżonn jaqta’ ftit mill-politika xi drabi. Għax ma tagħmilx daqsxejn ta’ pawsa kulturali u tgawdi r-rikkezzi artistiċi tal-kollezzjoni tal-arti tal-Parlament Ewropew? Ara wħud mix-xogħlijiet ta’ żgħażagħ Ewropej mimlija talenti, kollezzjoni li l-Parlament ġabarha tul dawn l-aħħar 30 sena. Tpaxxa bil-mument meta l-arti, il-politika u l-kultura jingħaqdu flimkien.

Merħba fis-sit il-ġdid tal-Parlament Ewropew! Illum qed nintroduċu sit kompletament irridisinjat - sit li hu aktar nadif, aktar kontemporanju u b'apparenza viżwali aħjar. Barra minn hekk, żidna xi elementi ġodda u fl-istess ħin żammejna l-aħbarijiet u l-informazzjoni li wieħed jistenna li jsib. Nisperaw li jogħġobkom.

Fil-11 ta’ Ottubru, l-MPE bdew jaraw it-tliet films nominati għall-Premju LUX 2011: “Attenberg” ta’ Athina Rachel Tsangari, " Les neiges du Kilimandjaro" ta’ Robert Guédiguian, u "Play" ta’ Ruben Östlund. Il-voti għandhom jintefgħu sal-10 ta’ Novembru u l-premju se jingħata f’ċerimonja matul is-sessjoni plenarja ta’ Novembru tal-Parlament fi Strasburgu.

Tixtieq tkun taf iktar dwar l-irwol tal-unika istituzzjoni tal-UE li hija eletta direttament miċ-ċittadini tal-Ewropa? Iċ-ċentru tal-viżitaturi ġdid fjamant tal-Parlament Ewropew fi Brussell se jipprovdik b’perċezzjoni unika dwar il-ħidma tal-MEPs u kif xogħolhom jaffettwa l-ħajja kwotidjana tiegħek. Il-Parlamentarium se jiftaħ għall-pubbliku nhar il-Ġimgħa, 14 ta’ Ottubru fl-10:00 CET.

Għal dawk li jridu jkunu aġġornati b'li qed isiru fil-Parlament, hemm aħbar tajba. Illum sar aktar ħafif min qatt qabel bit-tnedija tas-sit għall-mowbajls. Hemmhekk għandek issib aħbarijiet u dettalji tal-laqgħat, sessjonijiet plenarji u kumitati. Is-sit għall-mowbajl jipprovdi l-istess kontenut partikolari li diġa' hu disponibbli fuq is-sit tal-Parlament Ewropew.

Nhar it-Tlieta l-Parlament Ewropew ħabbar it-tliet finalisti għall-Premju Lux 2011. Dawn kienu - "Attenberg" tal-Griega Athina Rachel Tsangari, "Les neiges du Kilimandjaro" - film Franċiż ta' Robert Guédiguian u "Play" ta' Ruben Östlund.

Fi tmiem din il-ġimgħa, il-Parlament Ewropew żvela l-10 films magħżula biex jikkompetu għall-Premju LUX ta' din is-sena, matul is-46 Festival Internazzjonali tal-Films ta’ Karlovy Vary (KVIFF). Il-films, mid-Danimarka, il-Finlandja, Franża, il-Ġermanja, il-Greċja, l-Ungerija, l-Irlanda, l-Italja, in-Norveġja, l-Polonja, il-Portugal, ir-Rumanija, l-Isvezja, fl-Isvizzera u r-Renju Unit, kollha jirriflettu l-eċċellenza u r-rikkezza taċ-ċinema Ewropea.

L-ewwel liġi tar-robotika skont Isaac Asimov kienet tistipula li "robot ma jistax jagħmel ħsara lill-bniedem." Din il-frażi tapplika mhux għall-ġejjieni iżda għall-futur preżent. Fl-era taċ-ċittadin diġitali u l-omnipreżenza tat-teknloġija tal-informazzjoni din il-frażi hija kwistjoni ta' ħajja jew mewt. Fl-aħħar avveniment organizzat mill-iSTOA fil-31 ta' Marzu, inżammet laqgħa mill-ETICA fejn ġie ddikjarat "It-teknloġija mhux newtrali."