Saħħa u ambjent

Id-dijabete hi l-akbar kawża ta' attaki tal-qalb u għadd ta' mard serju ieħor, u din taffettwa l-ħajja ta' 32 miljun Ewropew. F'Ewropa fejn dejjem aktar jiżdiedu n-numru ta' anzjani, dan in-numru hu mistenni li jikber. B'qatra demm minn saba' tista' toħroġ djanjożi, madankollu l-biċċa l-kbira tan-nies lanqas jafu li għandhom din il-kundizzjoni. Il-Parlament Ewropew qed jitlob għal strateġija tal-UE kontra d-dijabete biex tittejjeb il-prevenzjoni, id-djanjożi u t-trattament.

Il-leġiżlazzjoni ta' ċertu prodotti tal-ikel kienet fuq il-menù tal-PE. L-MEPs se jkunu qed jivvutaw fuq proposti relatati mal-OĠM, it-tikkettar u l-kwalità tal-ikel. L-idea bażika hija li l-konsumaturi jingħataw aktar informazzjoni u jkollhom l-għażla u l-kwalità. Fl-aħħar mill-aħħar huma jridu jiddeċiedu x’jieklu – iżda dawn id-deċiżjonijiet se jgħinuhom jagħmlu għażla iktar informata.

Id-diżastru nukleari fil-Ġappun wara t-terremot li kiser ir-rekord fetaħ dibattitu sħun fuq l-enerġija nukleari fl-Ewropa. Ċerta pajjiżi diġà qed jagħmlu analiżi fuq il-livell tas-sigurtà għall-pjanti nukleari tagħhom u qed jagħlqu dawk qodma. Għaldaqstant, il-Kummissarju għall-enerġija Günther Oettinger indirizza lill-Membri nhar is-16 ta' Marzu dwar kif is-sigurtà nukleari tista' titjieb. Il-MPE staqsew ukoll dwar il-politika futura tal-enerġija.

Il-foresti Ewropej qed jiffaċċjaw theddida mit-tisħin tal-klima: nirien, nixfa u mard tal-foresti. Ċerta siġar mistennija jiċkienu u oħrajn jisparixxew minn ċerta żoni. Kif nistgħu nipproteġu l-foresti Ewropej u nippreparawhom għat-tisħin tal-klima? Il-MPE Grieg Soċjalista Kriton Arsenis tella' rapport fuq il-Green Paper tal-Kummissjoni dwar is-suġġett li ser jiġi vvutat fil-Kumitat għall-Ambjent nhar l-Erbgħa 16 ta' Marzu.

Għalkemm dan il-proġett biex jassigura sħħa aħjar għaċ-ċittadini tal-ġejjieni tal-Ewropa akkwista l-appoġġ sħiħ kienu biss 33 miljun ewro mid-90 miljun allokati li ntefqu. Din kienet miżura biex tnaqqs iċ-ċifra ta' 22 miljun tfal madwar l-Ewropa li huma kkunsidrati ħoxnin ħafna.

Iktar minn Ewropew minn tnejn juża l-internet u f'dawn l-aħħar 6 snin ix-xiri fuq internet kiber b'100%. Ħafna drabi l-prodotti online huma orħos. Madankollu ħafna mix-xerrejja jħossuhom komdi aktar jixtru f'djarhom jew pajjiżhom iktar milli minn barra. Għal daqstant l-UE qed ittella' regoli komuni biex tinkoraġġi x-xiri transfrontaliera. Iżda fil-Parlament Ewropew il-gruppi politiċi maqsuma.

L-UE qed tikkunsidra regoli aktar stretti fil-qasam tas-sigurtà tal-ikel wara l-iskandlu tad-dijossina fil-Ġermanja. Din il-kimika li tikkawża l-kanċer nstabet fil-bajd u t-tjur li ġew esportati lejn pajjiżi oħra tal-UE. Il-Membri ddiskutew il-kwistjoni ma' rappreżentanti tal-Kummissjoni Ewropea matul il-plenarja ta' Jannar kif ukoll fi ħdan il-Kumitat tal-Ambjent.

L-iżgurar tal-benefiċċji għall-konsumatur hu xogħol il-Kumitat tas-Suq Intern u tal-Konsumatur ("IMCO") li beda l-2011 bid-Direttiva tal-Ħarsien tal-Konsumatur. Wara din id-direttiva ser ikun hemm it-tisħiħ tal-e-commerce u l-modernizzazzjoni tar-regoli tal-vaganzi, l-iffaċilitar tal-introduzzjoni ta' fibri innovattivi fil-ħwejjeġ u materjali ġodda, u aktar siguri, fil-bini.

Il-Profs Paul Crutzen, wieħed mill-esperti dinjija dwar l-ożonu kien fil-PE fis-7 ta' Diċembru waqt seminar dwar il-futur taż-żejt. Ir-rebbieħ tal-Premju Nobel għall-Kimika sar magħruf globalment bil-karta xjentifika tiegħu favur "rotta ta' ħruġ" mill-problema tas-CO2 grazzi għall-"geo-inġinerija" biex jitnaqqsu l-emissjonijiet tas-CO2. Hu qal li "nistgħu nirrilaxxaw partiċelli ta' kubrit (li jiriflettu d-dawl tax-xemx u s-sħana) fl-atmosfera biex inkessħu l-klima globali".

L-UE qiegħda fi triqtha biex tilħaq l-objettiv tagħha ta’ tnaqqis ta’ 20% fl-emissjonijiet tas-CO2 sal-aħħar tad-deċennju. Is-sena l-oħra kien 17% taħt il-figura ta’ referenza tal-1990 skont ir-rapport annwali tal-Aġenzija Ewropea għall-Ambjent. Madankollu, it-telf tal-ħabitat, is-sajd żejjed u l-effiċjenza tar-riżorsi fejn għandu x’jaqsam l-ikel u l-fjuwil għadhom problematiċi. Ir-rapport definittiv dwar l-istat tal-Ambjent Ewropew kien ippreżentat fil-Parlament Ewropew fit-30 ta’ Novembru.