Ġustizzja u ċittadinanza

L-inizjattiva taċ-Ċittadini Ewropej mistennija ssir realtà mill-1 ta' April 2012. Fi kliem il-President tal-Parlament Martin Schulz, din hija xi ħaġa sabiħa iżda wkoll att serju ħafna ta' demokrazija parteċipattiva diretta b'riżultat ta' żvilupp fuq deċennju għall-ftuħ ta' orizzonti kompletament ġodda għall-Unjoni.

L-appoġġ tal-UE għall-proċess ta' paċi jrid jiġi msejjes kompletament fuq il-kundizzjoni li n-nisa jipparteċipaw fin-negozjati. Din hi waħda mill-konklużjonijiet ta' rapport dwar is-sitwazzjoni tan-nisa fil-gwerra mid-deputat liberali Rumen Norica Nicolai. Dan ir-rapport jipproponi għadd ta' miżuri biex igħin fir-rinforzament tal-pożizzjoni tan-nisa f'pajjiżi li qed isofru mill-effett ta' gwerer u sabiex titnaqqas il-vjolenza sesswali kontra dawn in-nisa. .

Il-Premju Sakharov għal-Libertà tal-Ħsieb 2011 tal-Parlament Ewropew ingħata lil grupp ta' ħames attivisti mid-Dinja Għarbija li jirrappreżentaw ir-Rebbiegħa Għarbija. B'hekk il-Parlament qiegħed jgħaraf u jappoġġja l-ħidma tagħhom favur il-libertà u d-drittijiet tal-bniedem. Il-Premju se jingħata lir-rebbieħa mill-President Jerzy Buzek matul seduta formali fl-14 ta' Diċembru, fi Strasburgu.

Min ser jirbaħ il-Premju Sakharov għas-sena 2011? Il-Parlament Ewropew għażel tliet finalisti li jissieltu għad-drittijiet tal-bniedem madwar id-dinja. F'dan il-fokus nagħtu ħarsa lejn in-nominati u nipprovdu informazzjoni ta' sfond dwar il-Premju.

Fost il-ħames nominati ta’ din is-sena għal wieħed mill-aktar premjijiet prestiġjużi fid-dinja għad-drittijiet tal-bniedem insibu l-moviment tar-Rebbiegħa Għarbija, rappreżentat minn attivisti mit-Tuneżija, l-Eġittu, il-Libja u s-Sirja.

Michelle Bachelet, eks-President taċ-Ċili, issa d-Direttur Eżekuttiv tan-Nisa tan-Nazzjonijiet Uniti, żaret il-Parlament Ewropew il-ġimgħa l-oħra. Nhar il-Ħamis, hi informat il-MPE fil-Kumitat għan-Nisa dwar ir-rwol u l-objettivi fl-aġenzija. Nhar il-ġimgħa hi ltaqgħet mal-President tal-PE Jerzy Buzek.

Il-Parlament Ewropew se jiċċelebra l-Jum Internazzjonali tan-Nisa 2011 f'sensiela ta' avvenimenti li ser isiru bejn it-3 u 8 ta' Marzu, fi Brussell u fi Strasburgu. Filwaqt li jiċċelebraw il-kisbiet ekonomiċi, politiċi u soċjali tan-nisa s'issa, l-avvenimenti huma wkoll maħsuba li jsejħu għall-inugwaljanzi li għad iridu jiġu indirizzati, fosthom l-faqar femminili, lakuni fil-paga, aċċess għall-impjiegi u protezzjoni tal-maternità.

In-nisa jaqilgħu inqas, huma aktar suxxettibbli li jaħdmu part-time u li ma jkollhomx kuntratti fissi. 17% minnhom igħixu fil-faqar, u bil-kriżi ekonomika attwali l-affarijiet dejjem sejrin għall-agħar. Azzjoni fuq livell Ewropew hi meħtieġa. Hekk qalu l-MPE f'rapport li kien ivvotat il-bieraħ, 27 ta' Jannar, fi ħdan il-Kumitat għad-Drittijiet tan-Nisa u Ugwaljanza tas-Sessi. Huwa ppjanat li dan id-dokument jiġi vvutat fil-plenarja ta' Marzu.

Fadal ħafna xi jsir biex dwar l-użu allegat ta' pajjiżi Ewropej mis-CIA għat-trasport u d-detenzjoni illegali ta' priġunieri. Din hi l-fehma tal-MPE li ddiskutew din il-kwistjoni nhar it-Tlieta,25 ta' Jannar 25; fadal ħafna xi jsir biex tinkixef il-verità dwar it-tortura u d-detenzjoni sigrieta.

Għat-22 darba il-Parlament Ewropew ser jagħti l-Premju Sakharov għal-Libertà tal-Ħsieb f'Diċembru. Din l-istituzzjoni ilha tonora individwi jew organizzazzjoniiet, mill-1988, għall-isforzi tagħhom favur id-drittijiet tal-bniedem u kontra reġim oppressivi u l-inġustizzja. Bħal fiżiċist u rebbieħ tal-premju Nobel għall-Paċi Andrei Sakharov, huma urew devozzjoni eċċezzjonali u kuraġġ u rriskjaw ħajjithom jiġġieldu kontra l-oppressjoni u l-intolleranza.