Sabiex igħin lill-professjonisti ta’ l-awdjoviżjoni fir-riċerka tagħhom, il-Hotline jipproponi lill-ġurnalisti informazzjoni indirizzata u relevanti, mingħajr ma jintervjeni fid-deċiżjonijiet editorjali tagħhom.

L-għan tal-Hotline ta’ l-Unità ta’ l-Awdjoviżjoni tal-Parlament Ewropew huwa li jgħin lill-ġurnalisti jsibu informazzjoni preċiża għall-bulettin ta’ l-aħbarijiet jew xandiriet fuq l-Ewropa.

L-uffiċjali ta' l-istampa tal-Hotline huma dinamiċi, jitkellmu b'iktar minn lingwa waħda u huma mgħarrfin sew dwar l-istituzzjonijiet Ewropej. Għandhom sfond ġurnalistiku u jifhmu l-ħtiġijiet tal-midja tax-xandir. Huma kapaċi jirreaġixxu malajr għat-talbiet għal informazzjoni sabiex ikunu jistgħu jintlaħqu l-iskadenzi.

Perspettiva nazzjonali

Il-Hotline jagħti preferenza għal informazzjoni li għandha impatt ukoll kemm fuq il-livell Ewropew kif ukoll fuq dak nazzjonali.  Huwa jemfasizza fuq is-suġġetti ta’ attwalità Ewropea li jinfluwenza l-aġendi nazzjonali. 

Aħna ninfurmaw regolarment lill-ġurnalisti bl-avvenimenti li jkunu ġejjin: kummissjonijiet parlamentari, sessjonijiet plenarji, delegazzjonijiet, konferenzi ta’ l-istampa, laqgħat straordinarji, żjarat lill-kapijiet ta’ l-Istat u tal-Gvern eċċ. 

Fil-każ ta’ avvenimenti straordinarji li jaffettwaw l-aġendi Ewropej u nazzjonali, aħna nikkuntattjaw lill-media permezz tat-telefon jew permezz ta’ l-email. 

Nistgħu nagħtu wkoll, fuq talba, il-profili tad-deputati Ewropej bil-qasam ta’ ħila tagħhom, il-kompetenzi lingwistiċi u informazzjoni pertinenti oħra.