L-aħbarijiet mill-Parlament Ewropew malli joħorġu Isma kollox, ara kollox u għid kollox

Is-Sit Awdjoviżiv tal-Parlament Ewropew għall-professjonisti tal-midja toffri aċċess ħafif għall-materjal vidjo, awdjo u fotografiku l-aktar reċenti prodott mill-Parlament Ewropew u anke għal dak imxandar fuq Europe by Satellite.  L-arkivji estensivi tal-PE huma aċċessibbli wkoll.  Il-materjal kollu mhuwiex limitat mid-drittijiet tal-awtur u hu disponibbli b'xejn.

Il-professjonisti tal-midja reġistrati għandhom spazju privat fuq l-internet fuq is-server FTP tal-PE minn fejn iniżżlu l-materjal.

Fost il-ħafna faċilitajiet li l-PE joffri lill-professjonisti tal-midja, b'xejn, permezz tal-Unità Awdjoviżiva, insibu studios televiżivi, radjufoniċi, u multimedjatiċi, kif ukoll studios għal streaming fuq l-internet; faċilitajiet ta' editjar u ekwipaġġi għall-ġbir elettroniku tal-aħbarijiet (ENG), kollox mill-aktar modern.  Għal aktar informazzjoni, biex tirreġistra u biex tibbukkja l-faċilitajiet, mur fis-Sit Awdjoviżiv tal-Parlament Ewropew.