L-ewwel egħruq tal-Parlament Ewropew imorru lura għall-Komunità tal-Faħam u l-Azzar (ECSC). Iffermata minn 6 State Membri, t-Trattat ta' l-ECSC daħal fis-seħħ nhar il-25 ta' Lulju 1952. Id-dokument poġġa l-pedamenti tal-Komunità u pprovda għal istituzzjonijiet li ġejjin: l-Awtorità Għolja, l-Assamblea Komuni, il-Kunsill tal-Ministri, il-Qorti tal-Ġustizzja u l-Kumitat Konsultattiv.
 
Wara li daħal fis-seħħ it-Trattat ta' Ruma fl-1958 u ġew stabbiliti ukoll il-Euratom u l-Komunità Ekonomika Ewropea, ġie deċiż li jkun hemm Assamble komuni użata mit-tliet komunitajiet.  Din ġiet msemmija "Assamblea Parlamentari Ewropea." Bdiet topera fit-30 ta' Marzu 1962, u ħadet l-isem tal-Parlament Ewropew, liema titolu daħal fl-Att Uniku Ewropew ta' l-1986.
 
Il-Parlament se jiċċelebra l-50 sena anniversarju b'avvenimenti speċjali matul is-seduta plenarja li għaddejja bħalissa. Dawn se jiġbru personalitajiet diversi ta' l-istituzzjonijiet Ewropej,  spejċalment ex-Presidenti tal-Parlament, Membri u rappreżentanti tal-parlamenti nazzjonali.
 
Fis-sezzjonijiet li jmiss, dorna għal materjal li jinstab fl-arkivji biex inwasslulkom mument memorabbli ta' l-ewwel 50 sena tal-Parlament Ewropew. Dan il-materjal jinstab f'forma ta' vidjos qosra u nħallu l-istampi jitkellmu għalihom infushom. Kull ġimgħa se jiżdiedu vidjo klipps qosra sabiex titkompla x-xena ta' kif żviluppa l-Parlament Ewropew. Fl-aħħar mill-aħħar u iktar xieraq, l-iskop tagħna hu li nippublikaw kollezzjoni ta' 50 vidjo klipps. Nispera li se tieħdu gost bihom.