Dichiarazione di voto orale

  Claudette Abela Baldacchino (S&D). - Il-kontijiet għolja tal-enerġija, tad-dawl u tal-ilma, fost l-oħrajn wasslu biex komplew jagħfsu fuq il-konsumaturi u l-familji Ewropej, mhux l-anqas f'pajjiżi, Malta. Ir-rapport isemmi u jagħraf il-foqra tal-enerġija. Dan għarfitu wkoll il-Kummissjoni Ewropea, li f'mistoqsija parlamentari illi jien ressaqt quddiemha wieġbet illi l-fenomenu tal-vulnerabilità wassalha biex timxi 'l quddiem u tmexxi 'l quddiem studju biex jidentifika x'qed jiġri.

Iżda l-konsumaturi, il-familji u n-nies azzjoni immedjata jridu. Azzjoni immedjata bħalma għamel il-Gvern Malti, immexxi mill-Prim Ministru Joseph Muscat, meta fl-aħħar ġranet implimenta wegħda elettorali u daħlu fis-seħħ, kif imwiegħed, kontijiet orħos tad-dawl u l-ilma għall-familji kollha. Mis-sena d-dieħla ser ikun hemm ukoll roħs fil-prezzijiet tad-dawl, tal-enerġija u tal-ilma għan-negozji.

Nappella lill-Istati Membri l-oħra kollha biex jieħdu ħsieb il-familji u jieħdu l-eżempju tal-Gvern Malti jekk verament irridu Ewropa ġusta u Ewropa soċjali.