Seán Kelly (PPE). - A Uachtaráin, thugas tacaíocht do mo ghrúpa leis na vótaí anseo chomh maith.

Bíonn rudaí mar seo conspóideach, ach i ndeireadh na báire is dóigh liom gur thógamar an cinneadh ceart. Tugann sé seans don tionscal seo treisiú amach anseo agus beidh sé sin an-tábhachtach.

Tá obair an-mhaith déanta ag an rapóirtéir, Bean Girling. Bean eile a rinne a lán oibre le blianta beaga anuas ar an ábhar seo ná Astrid Lulling. Tá Astrid ag éirí as – de réir mar a chloisim ach ní féidir a bheith cinnte faoi. Gan dabht ar bith rinne sí an-chuid oibre ins an ábhar seo agus tá súil agam de bharr na hoibre seo go mbeidh an bia folláin seo ar fáil do mhuintir na hEorpa amach anseo agus nach mbeidh sé ródhaor do na saoránaigh.