RAKKOMANDAZZJONI GĦAT-TIENI QARI dwar il-pożizzjoni komuni tal-Kunsill fir-rigward ta' l-adozzjoni tar-rakkomandazzjoni tal-Parlament Ewropew u tal-Kunsill dwar il-protezzjoni ta' minuri u d-dinjità umana u d-dritt ta' risposta fir-rigward tal-kompetittività ta' l-industrija Ewropea tas-servizzi awdjoviżivi u ta' l-informatika

29.11.2006 - (9577/1/2006 – C6‑0313/2006 – 2004/0117(COD)) - ***II

Kumitat għall-Kultura u l-Edukazzjoni
Rapporteur: Marielle De Sarnez

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-pożizzjoni komuni tal-Kunsill fir-rigward ta' l-adozzjoni tar-rakkomandazzjoni tal-Parlament Ewropew u tal-Kunsill dwar il-protezzjoni ta' minuri u d-dinjità umana u d-dritt ta' risposta fir-rigward tal-kompetittività ta' l-industrija Ewropea tas-servizzi awdjoviżivi u ta' l-informatika

(9577/1/2006 – C6‑0313/2006 – 2004/0117(COD))

(Proċedura ta' kodeċiżjoni: it-tieni qari)

Il-Parlament Ewropew,

Il-Parlament Ewropew,

–   wara li kkunsidra l-pożizzjoni komuni tal-Kunsill (9577/1/2006 – C6‑0313/2006),

–   wara li kkunsidra l-pożizzjoni tiegħu fl-ewwel qari[1] dwar il-proposta tal-Kummissjoni lill-Parlament Ewropew u lill-Kunsill (COM(2004)0341)[2],

–   wara li kkunsidra l-proposta emendata tal-Kummissjoni (COM(2006)0031)[3],

–   wara li kkunsidra l-Artikolu 251, paragrafu 2, tat-Trattat tal-KE,

–   wara li kkunsidra l-Artikolu 67 tar-Regoli ta' Proċedura tiegħu,

–   wara li kkunsidra r-rakkomandazzjoni għat-tieni qari tal-Kumitat għall-Kultura u l-Edukazzjoni (A6‑0433/2006),

1.  japprova l-pożizzjoni komuni;

2.  josserva li l-att ġie stabbilit konformi mal-pożizzjoni komuni;

3.  jinkariga lill-President tiegħu biex jiffirma l-att, mal-President tal-Kunsill, skond l-Artikolu 254, paragrafu 1, tat-Trattat tal-KE;

4.  jinkariga lis-Segretarju Ġenerali tiegħu biex jiffirma l-att, wara li jkun ivverfika li l-proċeduri kollha saru kif xieraq, u biex jipproċedi, bi ftehim mas-Segretarju Ġenerali tal-Kunsill, għall-pubblikazzjoni tiegħu fil-Ġurnal Uffiċjali ta' l-Unjoni Ewropea;

5.  jinkariga lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni.

• [1]  ĠU C 193 E tas-17.8.2006, p.217.
• [2]  Għadha mhix ippubblikata fil-Ġurnal Uffiċjali.
• [3]  Għadha mhix ippubblikata fil-Ġurnal Uffiċjali.

NOTA SPJEGATTIVA

Rapport għat-tieni qari

L-abbozz ta' rakkomandazzjoni propost mill-Kummissjoni Ewropea kien imtejjeb u komplut mill-Parlament Ewropew ibbażat fuq ftehima kważi unanima fil-Kumitat , wara ġiet adottata waqt is-sessjoni plenarja fl-ewwel qari tas-7 ta' Settembru 2005; Dan l-abbozz jistabbilixxi numru ta' miżuri ddettaljati li jistgħu jittieħdu mill-Istati Membri u mill-industriji tas-servizzi awdjoviżivi 'online' sabiex wieħed jiżgura ħarsien aħjar tal-minuri u tad-dinjità umana. Fl-istess waqt huwa jipproponi miżuri li jiggarantixxu d-dritt ta' tweġiba fil-midja 'online'.

L-assigurazzjoni li wieħed ikollu dritt ta' tweġiba kienet is-suġġett ta' diversi negozjati mal-Kunsill u mal-Kummissjoni Ewropea. Il-proposta għal pożizzjoni komuni tista' tkun ikkunsidrata bħala pass 'l quddiem minħabba li, sa issa, id-dritt ta' tweġiba ma ġiex rikonoxxut fuq livell Ewropew mill-midja 'online'.

L-internet sar mezz ta' komunikazzjoni popolari speċjalment għaż-żgħażagħ - aċċessibbli l-iskola, fis-'cybercafé u fuq il-mowbajls tat-tielet ġenerazzjoni - għalhekk saret urġenti li l-Unjoni Ewropea tipproponi fuq livell Ewropew, set komprensiv ta' miżuri li jfittxu li jipprovdu għall-inqas grad minimu ta' ħarsien għal dawk l-iktar dgħajfa u għal minuri, li huma esposti aktar u aktar ta' spiss għal xeni (vjolenti jew pornografiċi) li jagħmlu ħsara.

Il-pożizzjoni komuni hija sodisfaċenti minħabba li tqis il-proposti ewlenin imressqa mill-gruppi politiċi flimkien :

Informazzjoni u taħriġ aħjar : L-abbozz ta' rakkomandazzjoni jistabbilixxi li l-Istati Membri jniedu kampanji ta' informazzjoni sabiex joħolqu kuxjenza pubblika dwar ir-riskji eventwali ta' l-Internet, u jqassmu pakketti ta' informazzjoni (information packs) li jkun fihom ideat dwar 'safe surfing', kif jipproteġu ruħhom grazzi għal sistemi ta' kontroll, kif wieħed jagħmel ilment jew jindika kontenut perikoluż grazzi għal użu ta' sistemi telefoniċi (hotlines) li għandhom ikunu disponibbli f'kull Stat Membru. Huma għandhom jipprovdu wkoll taħriġ kontinwu għall-għalliema u l-edukaturi dwar l-użu ta' l-internet u l-perikli ta' diskussjonijiet fi gruppi 'online' bħall-forums u 'chatlines'.

B'dan il-mod, l-informazzjoni disponibbli tagħmilha possibbli għall-utilizzaturi ta' l-Internet (ġenituri, għalliema, individwi li għadhom minuri) li jiddeterminaw liema huma l-kontenuti u s-servizzi li l-aċċess għalihom huwa wieħed totalment sikur.

Approċċ aktar responsabbli : It-test jenfasizza wkoll il-bżonn li jidħol sens ta' responsabbiltà akbar f'dawk li jaħdmu f'dan is-settur, li għandhom jagħmlu dak kollu possibbli sabiex jevitaw kull forma ta' diskriminazzjoni, jipprevjenu ċ-ċirkolazzjoni ta' kontenut illeċitu jew perikoluż, jiżguraw li dan jista' jkun rappurtat meta jseħħ, u li jintroduċu tikketta ta' kwalità għal fornituri tas-servizz. Għal dan il-għan, huma mitluba jiffaċilitaw l-aċċess għall-Internet filwaqt li jevitaw kontenut perikoluż, per eżempju permezz ta' sistemi ta' kontroll jew l-implimentazzjoni ta' sinjali deskrittivi komuni jew messaġġi ta' twissija (dawn il-miżuri huma spjegati fid-dettall fiż-żewġ annessi mehmuża ma' din ir-rakkomandazzjoni).

Dritt ta' tweġiba fil-midja 'online' :

Finalment, l-abbozz ta' rakkomandazzjoni għandu l-għan li jippermetti l-użu tad-dritt ta' tweġiba fil-midji 'online' kollha. Dan id-dritt diġà jeżisti b'mod sodisfaċenti għall-midja miktuba u għas-servizzi awdjoviżivi fl-Istati Membri kollha. Għalhekk, ikun xieraq li jiġu stabbiliti l-prinċipji minimi fl-livell Ewropew, sabiex ikun eżerċitat dan id-dritt ta' tweġiba għall-mezzi ta' komunikazzjoni elettroniċi ġodda kollha (Internet, mowbajls). Dan l-abbozz ta' rakkomandazzjoni se jiżgura d-dritt ta' tweġiba adattat għall-iżviluppi teknoloġiċi.

Monitoraġġ mill-Kummissjoni : L-abbozz ta' rakkomandazzjoni jinkludi l-possibiltà mogħtija lill-Kummissjoni li jeżamina l-ħolqien tan-numru aħdar Ewropew sabiex jinforma aħjar liċ-ċittadini dwar il-proċedura kif wieħed iressaq ilment jew dwar sistemi ta' kontroll u t-twaqqif possibbli ta' 'domain name' bħall-KID.eu. Huwa wkoll xieraq li wieħed ikun jaf li l-Kummissjoni għandha l-intenzjoni li tissottometti rapport dwar l-implimentazzjoni u l-effettività tal-miżuri provduti f'din ir-rakkomandazzjoni u jekk ikun hemm bżonn din ir-rakkomandazzjoni terġa' tiġi eżaminata.

Din ir-rakkomandazzjoni għandha tiżgura li l-Internet jibqa' mezz attrajenti għall-komunikazzjoni u li fl-istess ħin jibqa' mezz aktar sikur għaż-żgħażagħ u għall-membri tas-soċjetà iktar dgħajfa. F'dinja li kontinwament qed tiżviluppa t-teknoloġija u l-qasam wiesa' tal-komunikazzjoni, hemm bżonn li jiġu mħarsa d-drittijiet fundamentali ta' l-utilizzaturi, speċjalment ta' dawk li għadhom minuri, billi jkun żgurat li l-miżuri rilevanti u l-istandards jiġu kontinwament aġġornati, implimentati fuq bażi reċiproka u evalwati b'mod regolari ħafna. Hija l-kundizzjoni meħtieġa ta' fiduċja waqt l-użu li ċ-ċittadini ta' l-Unjoni Ewropea jridu jħossu meta jużaw dawn t-teknoloġiji ġodda u wkoll fiduċja fl-iżvilupp regolari u kontinwu tagħhom.

PROĊEDURA

Titolu	Pożizzjoni komuni tal-Kunsill fir-rigward ta' l-adozzjoni tar-rakkomandazzjoni tal-Parlament Ewropew u tal-Kunsill dwar il-protezzjoni ta' minuri u d-dinjità umana u d-dritt ta' risposta fir-rigward tal-kompetittività ta' l-industrija Ewropea tas-servizzi awdjoviżivi u ta' l-informatika
Referenzi	9577/1/2006 – C6‑0313/2006 – 2004/0117(COD)
Data ta' l-ewwel qari tal-PE– Numru P	7.9.2005	P6_TA(2005)0330
Proposta tal-Kummissjoni	COM(2004)0341 – C6‑0029/2004
Proposta emendata tal-Kummissjoni	COM(2006)0031
Data tat-tħabbira tal-pożizzjoni komuni fis-seduta plenarja	28.9.2006
Kumitat responsabbli   Data tat-tħabbir fis-seduta plenarja	CULT 28.9.2006
Rapporteur:   Data tal-ħatra	Marielle De Sarnez 20.9.2006
Rapporteur(s) preċedenti
Eżami fil-kumitat	9.10.2006		28.11.2006
Data ta' l-adozzjoni	28.11.2006
Riżultat tal-votazzjoni finali	+ : –: 0 :	19 1 0
Membri preżenti għall-votazzjoni finali	Christopher Beazley, Guy Bono, Marie-Hélène Descamps, Věra Flasarová, Hanna Foltyn-Kubicka, Milan Gaľa, Vasco Graça Moura, Lissy Gröner, Ruth Hieronymi, Manolis Mavrommatis, Marianne Mikko, Ljudmila Novak, Miguel Portas, Karin Resetarits, Nikolaos Sifunakis, Hannu Takkula, Helga Trüpel, Thomas Wise, Tomáš Zatloukal
Sostitut(i) preżenti għall-votazzjoni finali	Erna Hennicot-Schoepges
Sostitut(i) (skond l-Artikolu 178(2)) preżenti għall-votazzjoni finali
Data tat-tressiq	29.11.2006
Kummenti (informazzjoni disponibbli b'lingwa waħda biss)	...