RAPPORT dwar l-abbozz ta’ Regolament tal-Kunsill li jemenda r-Regolament (KE, EURATOM) Nru 1605/2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej
23.11.2007 - (14320/2007 – C6-0411/2007 – 2007/0820(CNS)) - *
Kumitat għall-Affarijiet Kostituzzjonali
Rapporteur: Jo Leinen
(Proċedura ssimplifikata - Artikolu 43(1) tar-Regoli ta' Proċedura)
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW
dwar l-abbozz ta’ Regolament tal-Kunsill li jemenda r-Regolament (KE, EURATOM) Nru 1605/2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej
(14320/2007 – C6-0411/2007 – 2007/0820(CNS))
(Proċedura ta' konsultazzjoni)
Il-Parlament Ewropew,
– wara li kkunsidra l-abbozz ta’ regolament tal-Kunsill (14320/2007),
– wara li kkunsidra l-proposta tal-Kummissjoni (COM(2007)0364),
– wara li kkunsidra r-Regolament tal-Kunsill (KE, EURATOM) Nru 1605/2002 tal-25 ta’ Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej[1],
– wara li kkunsidra r-Regolament (KE) Nru 2004/2003 dwar ir-regolamenti li jirregolaw il-partiti politiċi fil-livell Ewropew u r-regoli dwar il-finanzjament tagħhom[2],
– wara li kkunsidra l-Artikolu 279 tat-Trattat KE, skond liema artikolu gie kkonsultat mill-Kunsill (C6-0411/2007),
– wara li kkunsidra l-Artikoli 51 u 43(1) tar-Regoli ta' Proċedura tiegħu,
– wara li kkunsidra r-rapport tal-Kumitat għall-Affarijiet Kostituzzjonali u l-ittra tal-Kumitat għall-Baġits (A6-0465/2007),
1. Japprova l-abbozz ta’ regolament tal-Kunsill;
2. Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;
3. Jitlob lill-Kunsill biex jerġa' jikkonsultah jekk ikollu l-ħsieb li jemenda l-proposta b'mod sustanzjali;
4. Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.
NOTA SPJEGATTIVA
Il-ħolqien tal-proposta għal Regolament tal-Kunsill li jemenda r-Regolament (KE, EURATOM) Nru 1605/2002, rigward ir-Regolament Finanzjarju applikabbli għall-baġit ġenerali tal-Komunitajiet Ewropej hu konsegwenza tad-deċiżjoni tal-Kunsill li jiġu sseparati mill-proposta tal-Kummissjoni għal Regolament tal-Parlament Ewropew u tal-Kunsill li jemenda r-Regolament (KE) Nru 2004/2003 dwar ir-regolamenti li jirregolaw il-partiti politiċi fil-livell Ewropew u r-regoli għall-finanzjament tagħhom (COM(2007) 364 finali) l-elementi li għandhom deroga mir-Regolament Finanzjarju fil-forma preżenti tiegħu.
Minħabba l-fatt li l-Kumitat għall-Affarijiet Kostituzzjonali diġà ddiskuta u approva b’emendi l-proposta tal-Kummissjoni (ara r-Rapport A6-0412/2007), bil-għan li jkun possibbli d-dħul fis-seħħ tar-Regolamenti emendati qabel l-aħħar tas-sena 2007, il-Kumitat iddeċieda li japplika l-proċedura ssimplifikata skond l-Artikolu 43 tar-Regoli ta’ Proċedura tiegħu. Wara li ħa nota ta’ l-opinjoni favorevoli mogħtija mill-Kumitat għall-Baġits, il-Kumitat approva l-proposta ppreżentata mill-Kunsill mingħajr emendi.
ITTRA TAL-KUMITAT GĦALL-BAĠITS
Ref.: D(2007) 72117
Is-Sur Jo Leinen
Chairperson
Kumitat għall-Affarijiet Kostituzzjonali
Parlament Ewropew
Rue Wiertz
B-1047 Brussell
Għażiż Sur Leinen
Hu b’interess kbir li nnutajt li l-Kumitat għall-Affarijiet Kostituzzjonali, fit-22 ta’ Ottubru 2007, għadda r-rapport tiegħu dwar il-modifika tar-Regolament (KE) Nru 2004/2003 dwar ir-regolamenti li jirregolaw il-partiti politiċi fil-livell Ewropew u r-regoli għall-finanzjament tagħhom u li l-biċċa l-kbira tal-proposti magħmula fl-opinjoni tal-Kumitat għall-Baġits ġew inklużi fir-rapport finali tagħkom.
Sadattant, test ieħor ġie trażmess b’mod uffiċjali lill-Parlament Ewropew, “abbozz ta’ Regolament tal-Kunsill li jemenda r-Regolament (KE, EURATOM) Nru 1605/2002, wara d-deċiżjoni ta’ “splitting” meħuda mill-Coreper fl-24 ta’ Ottubru 2007” (Dokument tal-Kunsill 14320/07). Ukoll din il-proposta li temenda r-Regolament Finanzjarju ġiet attribwita lill-Kumitat għall-Affarijiet Kostituzzjonali bħala kumitat ewlieni.
Il-ħtieġa ta’ eċċezzjoni tar-regola li ma jkunx hemm profitt għal għotjiet għal partiti politiċi kienet element ewlieni ta’ l-aħħar reviżjoni tar-regolament Finanzjarju kif adottat f’Diċembru 2006. Kienet l-emenda 102 dwar il-modifika ta’ l-Artikolu 109, il-paragrafu 3, il-punt (d a) (ġdid) tar-rapport tal-Kumitat għall-Baġits, li ttieħed vot fuqha fis-Sessjoni Plenarja fil-15 ta’ Marzu 2006 (P6_TA(2006)0085) li tat bidu għar-riforma preżenti.
Minħabba li l-Kumitat għall-Baġits dejjem kien ta’ l-opinjoni li din kienet kwistjoni li kellha tiġi solvuta biss fir-Regolament Finanzjarju, tifhem li hu sodisfatt ħafna kif ġraw l-affarijiet u li jista’ jappoġġja bi sħiħ it-test tal-Kunsill li dwaru issa qed jiġi kkonsultat il-Parlament Ewropew.
Dejjem tiegħek,
Reimer Böge
PROĊEDURA
|
Titolu |
Abbozz ta’ Regolament tal-Kunsill li jemenda r-Regolament (KE, EURATOM) Nru 1605/2002 (Regolament Finanzjarju) |
|||||||
|
Referenzi |
14320/2007 - C6-0411/2007 - 2007/0820(CNS) |
|||||||
|
Data meta ġie kkonsultat il-PE |
25.10.2007 |
|||||||
|
Kumitat responsabbli Data tat-tħabbir fis-seduta plenarja |
AFCO 15.11.2007 |
|||||||
|
Kumitat(i) mitlub(a) jagħti/u opinjoni Data tat-tħabbir fis-seduta plenarja |
BUDG 15.11.2007 |
CONT 15.11.2007 |
|
|
||||
|
Opinjoni(jiet) mhux mogħtija Data tad-deċiżjoni |
BUDG 21.11.2007 |
CONT 21.11.2007 |
|
|
||||
|
Rapporteur(s) Data tal-ħatra |
Jo Leinen 22.11.2007 |
|
|
|||||
|
Proċedura ssimplifikata - data tad-deċiżjoni |
22.11.2007 |
|
|
|
||||
|
Eżami fil-kumitat |
22.11.2007 |
|
|
|
||||
|
Data ta’ l-adozzjoni |
22.11.2007 |
|
|
|
||||
|
Riżultat tal-votazzjoni finali |
+: –: 0: |
11 2 0 |
||||||
|
Membri preżenti għall-votazzjoni finali |
Jim Allister, Enrique Barón Crespo, Bastiaan Belder, Richard Corbett, Maria da Assunção Esteves, Ingo Friedrich, Anneli Jäätteenmäki, Sylvia-Yvonne Kaufmann, Íñigo Méndez de Vigo, Johannes Voggenhuber |
|||||||
|
Sostitut(i) preżenti għall-votazzjoni finali |
Graham Booth, Costas Botopoulos, Elmar Brok, Georgios Papastamkos |
|||||||
|
Data tat-tressiq |
23.11.2007 |
|||||||