RAPPORT dwar il-kwittanza għall-implimentazzjoni tal-baġit tal-Aġenzija Ewropea għar-Rikostruzzjoni għas-sena finanzjarja 2007
23.3.2009 - (C6‑0429/2008 – 2008/2256(DEC))
Kumitat għall-Kontroll tal-Baġit
Rapporteur: Christofer Fjellner
1. PROPOSTA GĦAL DEĊIŻJONI TAL-PARLAMENT EWROPEW
dwar il-kwittanza għall-implimentazzjoni tal-baġit tal-Aġenzija Ewropea għar-Rikostruzzjoni għas-sena finanzjarja 2007
(C6‑0429/2008 – 2008/2256(DEC))
Il-Parlament Ewropew,
– wara li kkunsidra l-kontijiet finali annwali tal-Aġenzija Ewropea għar-Rikostruzzjoni għas-sena finanzjarja 2007[1],
– wara li kkunsidra r-rapport tal-Qorti tal-Awdituri dwar il-kontijiet finali annwali tal-Aġenzija Ewropea għar-Rikostruzzjoni għas-sena finanzjarja 2007, flimkien mat-tweġibiet tal-Aġenzija[2],
– wara li kkunsidra r-rakkomandazzjoni tal-Kunsill tal-10 ta’ Frar 2009 (5588/2009 – C6‑0060/2009),
– wara li kkunsidra t-Trattat KE, u b’mod partikulari l-Artikolu 276 tiegħu,
– wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej[3], u b'mod partikolari l-Artikolu 185 tiegħu,
– wara li kkunsidra r-Regolament tal-Kunsill (KE) Nru 2667/2000 tal-5 ta' Diċembru 2000 dwar l-Aġenzija Ewropea għar-Rikostruzzjoni[4], u partikularment l-Artikolu 8 tiegħu,
– wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta' Novembru 2002 dwar ir-Regolament Finanzjarju ta' qafas għall-korpi msemmija fl-Artikolu 185 tar-Regolament (KE, Euratom) Nru 1605/2002[5], u b'mod partikulari l-Artikolu 94 tiegħu,
– wara li kkunsidra r-Regola 71, u l-Anness V, tar-Regoli ta' Proċedura tiegħu,
– wara li kkunsidra r-rapport tal-Kumitat għall-Kontroll tal-Baġit (A6-0169/2009),
1. Jagħti kwittanza lid-Direttur tal-Aġenzija Ewropea għar-Rikostruzzjoni fir-rigward tal-implimentazzjoni tal-baġit tal-Aġenzija għas-sena finanzjarja 2007;
2. Jippreżenta l-osservazzjonijiet tiegħu fir-riżoluzzjoni ta' hawn taħt;
3. Jagħti istruzzjonijiet lill-President tiegħu sabiex iressaq din id-deċiżjoni u r-riżoluzzjoni li tifforma parti integrali minnha lid-Direttur tal-Aġenzija Ewropea għar-Rikostruzzjoni, lill-Kunsill, lill-Kummissjoni u lill-Qorti tal-Awdituri, u sabiex jagħmel l-arranġamenti għall-pubblikazzjoni tagħhom fil-Ġurnal Uffiċjali tal-Unjoni Ewropea (Serje L).
2. PROPOSTA GĦAL DEĊIŻJONI TAL-PARLAMENT EWROPEW
dwar il-kwittanza għall-implimentazzjoni tal-baġit tal-Aġenzija Ewropea għar-Rikostruzzjoni għas-sena finanzjarja 2007
(C6‑0429/2008 – 2008/2256(DEC))
Il-Parlament Ewropew,
– wara li kkunsidra l-kontijiet finali annwali tal-Aġenzija Ewropea għar-Rikostruzzjoni għas-sena finanzjarja 2007[6],
– wara li kkunsidra r-rapport tal-Qorti tal-Awdituri dwar il-kontijiet finali annwali tal-Aġenzija Ewropea għar-Rikostruzzjoni għas-sena finanzjarja 2007, flimkien mat-tweġibiet tal-Aġenzija[7],
– wara li kkunsidra r-rakkomandazzjoni tal-Kunsill tal-10 ta’ Frar 2009 (5588/2009 – C6‑0060/2009),
– wara li kkunsidra t-Trattat KE, u b’mod partikulari l-Artikolu 276 tiegħu,
– wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej[8], u b'mod partikolari l-Artikolu 185 tiegħu,
– wara li kkunsidra r-Regolament tal-Kunsill (KE) Nru 2667/2000 tal-5 ta' Diċembru 2000 dwar l-Aġenzija Ewropea għar-Rikostruzzjoni[9], u partikularment l-Artikolu 8 tiegħu,
– wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta' Novembru 2002 dwar ir-Regolament Finanzjarju ta' qafas għall-korpi msemmija fl-Artikolu 185 tar-Regolament (KE, Euratom) Nru 1605/2002[10], u b'mod partikulari l-Artikolu 94 tiegħu,
– wara li kkunsidra r-Regola 71, u l-Anness V, tar-Regoli ta' Proċedura tiegħu,
– wara li kkunsidra r-rapport tal-Kumitat għall-Kontroll tal-Baġit (A6-0169/2009),
1. Jinnota li l-kontijiet annwali finali tal-Aġenzija Ewropea għar-Rikostruzzjoni huma kif annessi mar-rapport tal-Qorti tal-Awdituri;
2. Japprova l-għeluq tal-kontijiet tal-Aġenzija Ewropea għar-Rikostruzzjoni għas-sena finanzjarja 2007;
3. Jagħti istruzzjonijiet lill-President tiegħu biex jgħaddi din id-deciżjoni lid-Direttur ta' l-Aġenzija Ewropea għar-Rikostruzzjoni, lill-Kunsill, lill-Kummissjoni u lill-Qorti ta' l-Awdituri, u biex jagħmel l-arranġamenti għall-pubblikazzjoni tagħha fil-Ġurnal Uffiċjali ta' l-Unjoni Ewropea (serje L).
3. MOZZJONI GĦAL RIŻOLUZZJONI TAL-PARLAMENT EWROPEW
li tinkludi l-osservazzjonijiet li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea għall-Ambjent għas-sena finanzjarja 2007
(C6‑0429/2008 – 2008/2256(DEC))
Il-Parlament Ewropew,
– wara li kkunsidra l-kontijiet finali annwali tal-Aġenzija Ewropea għar-Rikostruzzjoni għas-sena finanzjarja 2007[11],
– wara li kkunsidra r-rapport tal-Qorti tal-Awdituri dwar il-kontijiet finali annwali tal-Aġenzija Ewropea għar-Rikostruzzjoni għas-sena finanzjarja 2007, flimkien mat-tweġibiet tal-Aġenzija[12],
– wara li kkunsidra r-rakkomandazzjoni tal-Kunsill tal-10 ta’ Frar 2009 (5588/2009 – C6‑0060/2009),
– wara li kkunsidra t-Trattat KE, u b’mod partikulari l-Artikolu 276 tiegħu,
– wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej[13], u b'mod partikolari l-Artikolu 185 tiegħu,
– wara li kkunsidra r-Regolament tal-Kunsill (KE) Nru 2667/2000 tal-5 ta' Diċembru 2000 dwar l-Aġenzija Ewropea għar-Rikostruzzjoni[14], u partikularment l-Artikolu 8 tiegħu,
– wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta' Novembru 2002 dwar ir-Regolament Finanzjarju ta' qafas għall-korpi msemmija fl-Artikolu 185 tar-Regolament (KE, Euratom) Nru 1605/2002[15], u b'mod partikulari l-Artikolu 94 tiegħu,
– wara li kkunsidra r-Regola 71, u l-Anness V, tar-Regoli ta' Proċedura tiegħu,
– wara li kkunsidra r-rapport tal-Kumitat għall-Kontroll tal-Baġit (A6-0169/2009),
A. billi l-Qorti Ewropea tal-Awdituri stqarret li kisbet assigurazzjoni raġonevoli li l-kontijiet annwali għas-sena finanzjarja 2007 huma ta’ min wieħed joqgħod fuqhom, u li t-tranżazzjonijiet bażiċi huma legali u regolari,
B. billi fit-22 ta' April 2008 il-Parlament ta l-kwittanza lid-Direttur tal-Aġenzija Ewropea għar-Rikostruzzjoni fir-rigward tal-implimentazzjoni tal-baġit tal-Aġenzija għas-sena finanzjarja 2006[16];
1. Jinnota b'mod pożittiv li, bħal fir-rigward tas-sena finanzjarja 2006, il-QEA kkunsidrat li l-Aġenzija implimentat il-baġit b'mod sodisfaċenti;
2. Ifakkar li l-mandat tal-Aġenzija jispiċċa fil-31 ta' Diċembru 2008;
Segwitu għall-eżerċizju dwar il-kwittanza tal-2006
3. Ifakkar li, fir-riżoluzzjoni tiegħu dwar il-kwittanza tal-Kummissjoni tal-2006, hu talab lill-Kummissjoni biex iżommu infurmat b'mod regolari dwar it-trasferiment tal-attivitajiet tal-Aġenzija lid-delegazzjonijiet;
4. Jinnota li l-Kummissjoni, fil-paragrafi 201 u 203 tas-segwitu tagħha għall-kwittanza tal-2006, wiegħdet li żżomm lill-Parlament infurmat dwar it-trasferiment tal-attivitajiet tal-Aġenzija lid-delegazzjonijiet u dwar l-istadji differenti tal-għeluq tal-Aġenzija[17];
5. Jinnota d-dikjarazzjoni tal-Kummissjoni, fis-segwitu tagħha tal-kwittanza tal-2006, li l-Aġenzija se ttemm l-attivitajiet operattivi kollha sa tmiem Settembru 2008; li l-Aġenzija ikollha tliet xhur, minn Ottubru sa Diċembru 2008, biex tiffinalizza l-għeluq amministrattiv tagħha; u li fl-2009, 'ċellula tal-għeluq' bħala parti mill-Kummissjoni se tieħu ħsieb l-għeluq tal-attivitajiet amministrattivi li jifdal matul perjodu limitat ta' ftit xhur;
6. Jinnota li l-Kummissjoni bagħtet ġabra ta' noti ta' informazzjoni dwar il-koperazzjoni bejn il-Kummissjoni u l-Aġenzija waqt il-perjodu ta' tranżizzjoni 2007-2008 liċ-Chairperson tal-Kumitat għall-Kontroll tal-Baġit[18];
7. Jinnota mir-raba' nota ta' informazzjoni tas-7 ta' Ottubru 2008 li l-Kummissjoni se tressaq rapport finali dwar l-għeluq tal-Aġenzija meta jitlestew il-kontijiet finali tal-Aġenzija u ċ-ċellula tal-għeluq tkun temmet ix-xogħol tagħha; jistenna bil-ħerqa dan ir-rapport;
Riskju potenzjali dwar it-trasferiment tal-attivitajiet tal-Aġenzija lid-delegazzjonijiet
8. Jinnota li l-QEA, fir-rapport annwali tagħha għall-2007, identifikat tliet riskji potenzjali dwar it-trasferiment tal-attivitajiet tal-Aġenzija lid-delegazzjonijiet:
(a) minħabba l-karattru pluriennali tal-attività tal-Aġenzija, għad hemm approprjazzjonijiet tal-baġit mhux użati ta' EUR 453,000,000 li għandhom ikunu implimentati fis-snin wara l-2008, li hi l-aħħar sena tal-Aġenzija;
(b) in-nota ta' gwida maħruġa mill-Kummissjoni fil-11 ta' Ġunju 2008 dwar it-trasferiment tal-fajls ma tkoprix il-punti kollha li hemm fil-karta tal-bilanċ tal-Aġenzija;
(c) il-bilanċ favorevoli akkumulat ta' EUR 180,000,000 muri fil-karta tal-bilanċ tal-Aġenzija fil-31 ta' Diċembru 2007 se jkollu jittieħed mill-Kummissjoni u jkun ġestit minnha meta jispiċċa l-mandat tal-Aġenzija;
9. Jitlob lill-Kummissjoni biex tinforma lill-Kumitat kompetenti tal-Parlament dwar:
(a) kif l-approprjazzjonijiet mhux użati tal-baġit se jkunu implimentati;
(b) jekk kienx konkluż memorandum ta' ftehim li jkopri l-punti kollha fuq il-karta tal-bilanċ tal-Aġenzija bejn l-Aġenzija u l-Kummissjoni, jew kif il-Kummissjoni b'xi mod ieħor assigurat it-tkomplija tat-trasferiment tal-fajls u tal-materji kollha;
(c) kif il-bilanċ favorevoli akkumulat ta' EUR 180,000,000 li jidher fil-karta tal-bilanċ tal-Aġenzija tal-31 ta' Diċembru 2007 se jkun gestit mill-Kummissjoni;
°
° °
10. Jirreferi għal osservazzjonijiet oħra li jakkumpanjaw id-deċiżjoni ta' kwittanza li huma ta' natura orizzontali għar-riżoluzzjoni tiegħu ta' … April 2009 dwar il-ġestjoni u l-kontroll finanzjarju tal-aġenziji tal-UE[19].
RIŻULTAT TAL-VOTAZZJONI FINALI FIL-KUMITAT
Data ta’ l-adozzjoni |
16.3.2009 |
|
|
|
||
Riżultat tal-votazzjoni finali |
+: –: 0: |
15 4 0 |
||||
Membri preżenti għall-votazzjoni finali |
Jean-Pierre Audy, Herbert Bösch, Costas Botopoulos, Mogens Camre, Paulo Casaca, Antonio De Blasio, Christofer Fjellner, Ingeborg Gräßle, Aurelio Juri, Dan Jørgensen, Nils Lundgren, Marusya Ivanova Lyubcheva, Hans-Peter Martin, Ashley Mote, Jan Mulder, José Javier Pomés Ruiz, Bart Staes, Søren Bo Søndergaard |
|||||
Sostitut(i) preżenti għall-votazzjoni finali |
Vasilica Viorica Dăncilă, Christopher Heaton-Harris, Edit Herczog |
|||||
- [1] ĠU C 278, 31.10.2008, p. 13.
- [2] ĠU C 311, 5.12.2008, p. 42.
- [3] ĠU L 248, 16.9.2002, p. 1.
- [4] ĠU L 306, 7.12.2000, p. 7.
- [5] ĠU L 357, 31.12.2002, p. 72.
- [6] ĠU C 278, 31.10.2008, p. 13.
- [7] ĠU C 311, 5.12.2008, p. 42.
- [8] ĠU L 248, 16.9.2002, p. 1.
- [9] ĠU L 306, 7.12.2000, p. 7.
- [10] ĠU L 357, 31.12.2002, p. 72.
- [11] ĠU C 278, 31.10.2008, p. 13.
- [12] ĠU C 311, 5.12.2008, p. 42.
- [13] ĠU L 248, 16.9.2002, p. 1.
- [14] ĠU L 306, 7.12.2000, p. 7.
- [15] ĠU L 357, 31.12.2002, p. 72.
- [16] Test adottati, P6_TA(2008)0149.
- [17] Dokument ta' ħidma tal-istaff tal-Kummissjoni, anness mar-rapport mill-Kummissjoni lill-Parlament Ewropew dwar is-segwitu għall-proċedura ta' kwittanza tal-2006 (SEC (2008)2579).
- [18] In-noti jinsabu fuq il-website tal-Kumitat għall-Kontroll tal-Baġit.
- [19] Testi adottati, P6_TA-PROV(2009)...