RAPPORT dwar il-proposta għal Direttiva tal-Parlament Ewropew u tal-Kunsill dwar l-indikazzjonijiet jew il-marki li jidentifikaw il-lott li għalih jappartjieni oġġett ta’ l-ikel (kodifikazzjoni)
28.3.2011 - (COM(2010)0506 – C7‑0285/2010 – 2010/0259(COD)) - ***I
Kumitat għall-Affarijiet Legali
Rapporteur: Sajjad Karim
(Kodifikazzjoni – Artikolu 86 tar-Regoli ta’ Proċedura)
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW
dwar il-proposta għal Direttiva tal-Parlament Ewropew u tal-Kunsill dwar l-indikazzjonijiet jew il-marki li jidentifikaw il-lott li għalih jappartjieni oġġett ta’ l-ikel (kodifikazzjoni)
(COM(2010)0506 – C7‑0285/2010 – 2010/0259(COD))
(Proċedura leġiżlattiva ordinarja – kodifikazzjoni)
Il-Parlament Ewropew,
– wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2010)0506),
– wara li kkunsidra l-Artikolu 294(2) u l-Artikolu 114 tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C7 0285/2010),
– wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,
– wara li kkunsidra l-Ftehim Interistituzzjonali tal-20 ta’ Diċembru 1994 – Metodu ta’ ħidma aċċellerat tal-kodifikazzjoni uffiċjali tat-testi leġislattivi[1],
– wara li kkunsidra l-Artikoli 86 u 55 tar-Regoli ta' Proċedura tiegħu,
– wara li kkunsidra r-rapport tal-Kumitat għall-Affarijiet Legali (A7-0095/2011),
A. billi, skont il-Grupp ta’ Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni, il-proposta kkonċernata fiha kodifikazzjoni ċara tat-testi eżistenti mingħajr bdil fis-sustanza tagħhom,
1. Jadotta l-pożizzjoni tiegħu fl-ewwel qari billi jinkorpora l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni;
2. Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.
- [1] ĠU C 102, 4.4.1996, p. 2.
ANNESS: OPINJONI TAL-GRUPP TA’ ĦIDMA KONSULTATTIV TAS-SERVIZZI LEGALI TAL-PARLAMENT EWROPEW, TAL-KUNSILL U TAL-KUMMISSJONI
|
GRUPP TA’ ĦIDMA KONSULTATTIV TAS-SERVIZZI LEGALI |
||
Brussell, 15 ta’ Novembru 2010
OPINJONI
GĦALL-ATTENZJONI TAL-PARLAMENT EWROPEW
TAL-KUNSILL
TAL-KUMMISSJONI
Proposta għal Direttiva tal-Parlament Ewropew u tal-Kunsill dwar l-indikazzjonijiet jew il-marki li jidentifikaw il-lott li għalih jappartjieni oġġett ta’ l-ikel (kodifikazzjoni)
COM(2010)0506 tal-24.9.2010 – 2010/0259(COD)
Wara li kkunsidra l-Ftehim Interistituzzjonali tal-20 ta’ Diċembru 1994 dwar metodu ta’ ħidma aċċellerat tal-kodifikazzjoni uffiċjali tat-testi leġislattiv, u b’mod partikulari l-Punt 4 tiegħu, il-Grupp ta' Ħidma Konsultattiv magħmul mis-servizzi legali rispettivi tal-Parlament Ewropew, tal-Kunsill u tal-Kummissjoni ltaqa’ fid-19 ta’ Ottubru 2010 sabiex jeżamina, fost l-oħrajn, il-proposta msemmija mressqa mill-Kummissjoni.
Waqt dik il-laqgħa, sar eżami tal-proposta għal direttiva tal-Parlament Ewropew u tal-Kunsill li tikkodifika d-Direttiva tal-Kunsill 89/396/KEE tal-14 ta’ Ġunju 1989 dwar l-indikazzjonijiet jew il-marki li jidentifikaw il-lott li għalih jappartjieni oġġett ta’ l-ikel, li wassal biex il-Grupp ta' Ħidma Konsultattiv ikkonkluda, bi qbil komuni, li l-proposta hija kodifikazzjoni ċara tat-testi eżistenti mingħajr bdil fis-sustanza tagħhom.
C. PENNERA J.-C. PIRIS L. ROMERO REQUENA
Jurisconsult Jurisconsult Direttur Ġenerali
PROĊEDURA
|
Titolu |
L-indikazzjonijiet jew il-marki li jidentifikaw il-lott li għalih jappartieni oġġett tal-ikel (Verżjoni kodifikata) |
||||||
|
Referenzi |
COM(2010)0506 – C7-0285/2010 – 2010/0259(COD) |
||||||
|
Data meta ġiet ippreżentata lill-PE |
24.9.2010 |
||||||
|
Kumitat responsabbli Data tat-tħabbir fis-seduta plenarja |
JURI 7.10.2010 |
||||||
|
Rapporteur(s) Data tal-ħatra |
Sajjad Karim 1.12.2010 |
|
|
||||
|
Data tal-adozzjoni |
22.3.2011 |
|
|
|
|||
|
Data tat-tressiq |
28.3.2011 |
||||||