RAPPORT dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2010, Taqsima VII – Kumitat tar-Reġjuni

30.3.2012 - (COM(2011)0473 – C7-0262/2011 – 2011/2207(DEC))

Kumitat għall-Kontroll tal-Baġit
Rapporteur: Inés Ayala Sender

1. PROPOSTA GĦAL DEĊIŻJONI TAL-PARLAMENT EWROPEW

dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 0010, Taqsima VII – Kumitat tar-Reġjuni

(COM(2011)0473 – C7-0262/2011 – 2011/2207(DEC))

Il-Parlament Ewropew,

–   wara li kkunsidra l-baġit ġenerali tal-Unjoni Ewropea għas-sena finanzjarja 2010[1],

–   wara li kkunsidra l-kontijiet annwali tal-Unjoni Ewropea għas-sena finanzjarja 2010 (COM(2011)0473 – C7-0262/2011)[2],

–   wara li kkunsidra r-rapport annwali tal-Kumitat tar-Reġjuni għall-awtorità ta' kwittanza dwar il-verifiki interni mwettqa fis-sena 2010,

–   wara li kkunsidra r-rapport annwali tal-Qorti tal-Awdituri dwar l-implimentazzjoni tal-baġit għas-sena finanzjarja 2010, flimkien mat-tweġibiet tal-istituzzjonijiet li jkunu qed jiġu verifikati[3],

–   wara li kkunsidra d-dikjarazzjoni ta' assigurazzjoni[4] dwar l-affidabilità tal-kontijiet kif ukoll il-legalità u r-regolarità tat-tranżazzjonijiet li fuqhom hija bbażata, ipprovduta mill-Qorti tal-Awdituri għas-sena finanzjarja 2010 skont l-Artikolu 287 tat-Trattat dwar il-Funzjonament tal-Unjoni Ewropea,

–   wara li kkunsidra tal-Artikolu 314(1) u l-Artikoli 317, 318 u 319 tat-Trattat dwar il-Funzjonament tal-Unjoni Ewropea,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej[5], u b'mod partikolari l-Artikoli 50, 86, 145, 146 u 147 tiegħu,

–   wara li kkunsidra l-Artikolu 77 u l-Anness VI tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A7-0090/2012),

1.  Jagħti l-kwittanza lis-Segretarju Ġenerali tal-Kumitat tar-Reġjuni fir-rigward tal-implimentazzjoni tal-baġit tal-Kumitat tar-Reġjuni għas-sena finanzjarja 2010;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu biex jgħaddi din id-deciżjoni u r-riżoluzzjoni li hi parti integrali minnha lill-Kunsill, lill-Kummissjoni, lill-Qorti tal-Ġustizzja tal-Unjoni Ewropea, lill-Qorti tal-Awdituri, lill-Ombudsman Ewropew u lill-Kontrollur Ewropew għall-Protezzjoni tad-Data, u biex jiżgura li tiġi ppubblikata fil-Ġurnal Uffiċjali tal-Unjoni Ewropea (serje L).

2. MOZZJONI GĦAL RIŻOLUZZJONI TAL-PARLAMENT EWROPEW

li tinkludi kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2010, Taqsima VII – Il-Kumitat tar-Reġjuni

(COM(2011)0473 – C7‑0262/2011 – 2011/2207(DEC))

Il-Parlament Ewropew,

–   wara li kkunsidra l-baġit ġenerali tal-Unjoni Ewropea għas-sena finanzjarja 2010[6],

–   wara li kkunsidra l-kontijiet annwali tal-Unjoni Ewropea għas-sena finanzjarja 2010 (COM(2011)0473 – C7-0262/2011)[7],

–   wara li kkunsidra r-rapport annwali tal-Kumitat tar-Reġjuni għall-awtorità ta' kwittanza dwar il-verifiki interni mwettqa fis-sena 2010,

–   wara li kkunsidra r-rapport annwali tal-Qorti tal-Awdituri dwar l-implimentazzjoni tal-baġit għas-sena finanzjarja 2010, flimkien mat-tweġibiet tal-istituzzjonijiet li jkunu qed jiġu verifikati[8],

–   wara li kkunsidra d-dikjarazzjoni ta' assigurazzjoni[9] dwar l-affidabilità tal-kontijiet kif ukoll il-legalità u r-regolarità tat-tranżazzjonijiet li fuqhom hija bbażata, ipprovduta mill-Qorti tal-Awdituri għas-sena finanzjarja 2010 skont l-Artikolu 287 tat-Trattat dwar il-Funzjonament tal-Unjoni Ewropea,

–   wara li kkunsidra tal-Artikolu 314(1) u l-Artikoli 317, 318 u 319 tat-Trattat dwar il-Funzjonament tal-Unjoni Ewropea,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej[10], u b'mod partikolari l-Artikoli 50, 86, 145, 146 u 147 tiegħu,

–   wara li kkunsidra l-Artikolu 77 u l-Anness VI tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A7-0090/2012),

1.  Jenfasizza li fir-rapport annwali 2010 l-Qorti tal-Awdituri identifikat żbalji rigward ir-reklutaġġ ta' aġent permanenti u l-proċedurai ta' akkwist għal servizz ta' interpretazzjoni;

2.  Huwa sodisfatt bl-ispjegazzjonijiet mogħtija mill-Kumitat tar-Reġjuni (KtR) dwar l-iżbalji identifikati kif ukoll id-deċiżjonijiet meħuda biex jiġi evitat li dawn is-sitwazzjonijiet jerġgħu jiġru (titjib fil-proċedura ta' reklutaġġ ta' uffiċjal li ġej minn istituzzjoni oħra kif ukoll sorveljanza u monitoraġġ tal-istimi tal-valuri tal-kuntratti bis-saħħa ta' dokument standard u finalment, il-perfezzjonament tas-sistema ta' sorveljanza u ta' monitoraġġ tal-offerti permezz ta' kaxxa tal-ittri b'aċċess ristrett);

3.  Jifraħ li l-Qorti tal-Awdituri stimat li, abbażi tax-xogħol tal-awditjar tagħha, il-pagamenti għas-sena li ntemmet fil-31 ta' Diċembru 2010 għan-nefqa amministrattiva u nefqa oħra tal-istituzzjonijiet u tal-korpi kienu ħielsa minn żbalji materjali; ir-rata ta' żball l-aktar probabbli hija valutata, fis-settur "nefqa amministrattiva" ġeneralment għal 0.4 % (punti 7.9. u 7.10.);

4.  Jilqa' d-deċiżjoni tal-KtR li jiżviluppa u jimplimenta format standard għad-dokumentazzjoni tal-estimi f'każ ta' proċeduri nnegozjati;

5.  Jikkonstata li fl-2010, il-KtR kellu approprjazzjonijiet għall-impenji li ammontaw għal total ta' EUR 90 800 000 (EUR 88 000 000 fl-2009), u li r-rata ta' implimentazzjoni ta' dawn l-approprjazzjonijiet żdiedet (99.4 % fl-2010 u 98.37 % fl-2009); jenfasizza li l-baġit tal-KtR huwa purament amministrattiv, billi jonfoq 72 % għall-persuni li jaħdmu mal-istituzzjoni u 28 % għall-bini, l-għamara, it-tagħmir u n-nefqiet varji għall-operat amministrattiv;

6.  Jistieden lill-KtR jillimita ż-żidiet tal-baġits futuri tiegħu sal-minimu neċessarju u jirrikorri l-ewwel għall-iffrankar u għar-razzjonalizzazzjoni tal-infiq eżistenti biex jiffinanzja l-attivitajiet il-ġodda li joħloq u dawk li jiżviluppa;

7.  Josserva b'sodisfazzjon li, fuq talba tal-Parlament fir-riżoluzzjoni tiegħu tal-10 ta' Mejju 2011[11] dwar il-kwittanza għas-sena finanzjarja 2009, il-KtR saħħaħ il-proċedura baġitarja tiegħu li issa hi magħmula minn 4 stadji: it-tħejjija mill-amministrazzjoni tal-KtR, il-valutazzjoni tal-abbozz preliminari mill-Kumitat għall-Affarijiet Finanzjarji u Amministrattivi (CFAA), it-teħid ta' pożizzjoni tal-Bureau u tal-Assemblea Plenarja tal-KtR dwar l-abbozz tal-baġit u l-eżami intermedju tal-implimentazzjoni (mid-term review);

8.  Jifraħ li ż-żewġ Kumitati, il-KtR u l-Kumitat Ekonomiku u Soċjali Ewropew (KESE), irnexxielhom sa fl-aħħar jiksbu ċ-ċertifikat EMAS (Skema ta' Mmaniġġjar u Awditjar Ekoloġiċi tal-Unjoni Ewropea) fis-27 ta' Diċembru 2011; jixtieq ikun infurmat dwar it-total tal-enerġija użata li ġejja minn sorsi rinnovabbli;

9.  Huwa sodisfatt bir-riżultati indikati fir-rapport ta' valutazzonji intermedja dwar il-funzjonament tal-ftehim ta' kooperazzjoni amministrattiva bejn il-KtR u l-KESE; josserva prinċipalment li l-ħolqien ta' servizzi konġunti ppermetta liż-żewġ Kumitati jiffrankaw f'termini ta' baġit; jawspika li l-Kumitati jimplimentaw ir-rakkomandazzjonijiet fl-oqsma tal-persunal (aktar armonizzazzjoni tar-regoli), is-servizzi soċjali u mediċi u fis-servizzi interni; jixtieq ikun infurmat qabel il-proċedura ta' kwittanza li jmiss dwar l-ammont ta' ffrankar li sar;

10. Jifraħ lill-KtR għall-kwalità tas-sommarju dwar l-attivitajiet tas-servizz ta' awditjar intern; jitlob li l-verifiki dwar l-implimentazzjoni tad-drittijiet ta' stabbiliment (li għadhom għaddejjin) u dwar il-ġestjoni tal-linji baġitarji jsiru fl-inqas żmien possibbli kif anki jissaħħu l-monitoraġġ tar-rakkomandazzjonijiet dwar il-ħolqien ta' standards ta' kontroll intern u r-rilevanza taċ-ċirkwiti finanzjarji;

11. Jifraħ lill-KtR bil-pjan ta' titjib wara l-awtovalutazzjoni tal-ġestjoni tal-organizzazzjoni tiegħu (CAF[12]: qafas ta' awtovalutazzjoni tal-amministrazzjoni pubblika), intiż li:

–   itejjeb l-impatt u l-monitoraġġ tal-attivitajiet konsultattivi u politiċi,

–   jakkumpanja b'mod aħjar l-azzjonijiet politiċi u jtejjeb ir-relazzjonijiet interistituzzjonali kif ukoll is-sħubiji internazzjonali,

–   isaħħaħ il-kooperazzjoni ma' u bejn l-awtoritajiet lokali u reġjonali, u l-assoċjazzjonijiet tagħhom,

–   jeżamina l-potenzjal ta' ksib ta' effikaċja għall-mekkaniżmi politiċi tal-KtR, inkluż tnaqqis possibbli fl-ispejjeż tal-ivvjaġġar, bis-saħħa tal-użu tal-vidjokonferenzi,

–   iżid l-appoġġ propost lill-membri tal-KtR għal dak li għandu x'jaqsam mal-komunikazzjoni dwar il-KtR lir-rappreżentanti taċ-ċittadini,

–   jorganizza regolarment seminars għall-persunal maniġerjali fil-preżenza tal-President tal-KtR;

–   jixtieq jinżamm infurmat minn din l-inizjattiva fir-rapport annwali ta' attività;

12. Japprezza l-kwalità kostanti tar-rapport annwali ta' attività; jawspika li dan ir-rapport jkunu komplut, fil-ġejjieni, b'tabella eżawrjenti tat-total tar-riżorsi umani għad-dispożizzjoni tal-KtR, imqassma skont il-kategorija, il-grad, is-sess, il-parteċipazzjoni fit-taħriġ professjonali u ċ-ċittadinanza;

13. Jerġa' jikkonferma l-pożizzjoni tiegħu skont liema, għall-finijiet ta' trasparenza, id-dikjarazzjonijiet tal-interessi finanzjarji, inklużi l-aġġornamenti regolari, tal-membri tal-istituzzjonijiet kollha għandhom ikunu aċċessibbli fuq l-internet; f'dan il-kuntest jieħu nota b'sodisfazzjon tad-deċiżjoni tal-Bureau tal-KtR ta' Diċembru 2011 ta' pubblikazzjoni tad-dikjarazzjonijiet tal-interessi finanzjarji tal-membri fuq l-internet, fil-parti tas-sit fejn tinsab l-informazzjoni dwar il-membri;

14. Jikkonstata li t-Trattat dwar il-Funzjonament tal-Unjoni Ewropea jenfasizza l-importanza tal-prinċipju tas-sussidjarjetà, u dan isaħħaħ ir-rwol tal-KtR; f'dan il-kuntest jifraħ lill-KtR, partikolarment ta' xogħlu f'dawk li huma l-istrateġija "Ewropa 2020" u l-governanza f'diversi livelli;

15.  Huwa tal-fehma li r-rapport annwali tal-impatt tal-KtR huwa strument utli biex jivvaluta x-xogħol tal-Kumitat;

16. Jitlob li l-opinjonijiet kollha mogħtija mill-KtR jiġu mehmuża mad-dossiers rilevanti mitluba.

RIŻULTAT TAL-VOTAZZJONI FINALI FIL-KUMITAT

Data tal-adozzjoni	27.3.2012
Riżultat tal-votazzjoni finali	+: –: 0:	23 3 0
Membri preżenti għall-votazzjoni finali	Marta Andreasen, Jean-Pierre Audy, Inés Ayala Sender, Andrea Češková, Ryszard Czarnecki, Tamás Deutsch, Martin Ehrenhauser, Jens Geier, Gerben-Jan Gerbrandy, Ingeborg Gräßle, Bogusław Liberadzki, Monica Luisa Macovei, Jan Mulder, Eva Ortiz Vilella, Aldo Patriciello, Crescenzio Rivellini, Petri Sarvamaa, Bogusław Sonik, Bart Staes, Georgios Stavrakakis, Søren Bo Søndergaard, Michael Theurer
Sostitut(i) preżenti għall-votazzjoni finali	Amelia Andersdotter, Zuzana Brzobohatá, Edit Herczog, Marian-Jean Marinescu, Véronique Mathieu, Olle Schmidt, Derek Vaughan

• [1]           ĠU L 64, 12.3.2010.
• [2]           ĠU C 332, 14.11.2011, p. 1.
• [3]           ĠU C 326, 10.11.2011, p. 1.
• [4]           ĠU C 332, 14.11.2011, p. 134.
• [5]           ĠU L 248, 16.9.2002, p. 1.
• [6]           ĠU L 64, 12.3.2010.
• [7]           ĠU C 332, 14.11.2011, p. 1.
• [8]           ĠU C 326, 10.11.2011, p. 1.
• [9]           ĠU C 332, 14.11.2011, p. 134.
• [10]          ĠU L 248, 16.9.2002, p. 1.
• [11]          ĠU L 250, 27.9.2011, p. 102.
• [12]     Common Assessment Framework, European Institute for Public Administration, Maastricht 2006.