Il-vijabilità ta' għadd kbir ta' azjendi tal-bhejjem hija mhedda serjament miż-żieda f'daqqa ta dan l-aħħar fil-prezzijiet taċ-ċereali fl-Unjoni Ewropea, dovuta b'mod partikolari għal kundizzjonijiet klimatiċi estremi mhux previsti kif ukoll għall-ispekulazzjoni. Il-prezzijiet taċ-ċereali fid-dinja kollha laħqu l-ogħla livell f'dawn l-aħħar sentejn. Setturi bħal dak tal-laħam tal-majjal huma partikolarment esposti, bl-ispejjeż tal-għalf jirrappreżentaw sa 60 fil-mija tal-ispejjeż totali tal-produzzjoni. Il-volatilità fis-suq taċ-ċereali tista' twassal għal tfixkil kbir fis-setturi kollha tal-bhejjem u dan fi żmien meta dawn is-setturi jridu jikkonformaw ma' standards dejjem aktar stretti fir-rigward tas-sigurtà tal-ikel, l-ambjent u l-benesseri tal-annimali.

Il-Kummissjoni ħabbret li se tirrilaxxa stokkijiet ta' intervent ta' ċereali fil-ġimgħat li ġejjin. X'miżuri oħra biħsiebha tieħu biex tgħin lil dawn is-setturi jlaħħqu mas-sitwazzjoni attwali? Il-Kummissjoni qiegħda tikkunsidra li ddaħħal miżuri mtejba marbuta mas-suq biex tiġi affrontata l-volatilità tal-prezzijiet?