Rapport dwar il-proposta għal regolament tal-Kunsill li jinkariga lill-Bank Ċentrali Ewropew b'kompiti speċifiċi rigward il-funzjonament tal-Bord Ewropew dwar ir-Riskju Sistemiku [05551/2010 - C7-0014/2010 - 2009/0141(CNS)] - Kumitat għall-Affarijiet Ekonomiċi u Monetarji. Rapporteur: Ramon Tremosa i Balcells (A7-0167/2010)
(Maġġoranza sempliċi meħtieġa) (Riżultat tal-votazzjoni: Anness "Riżultat tal-Votazzjonijiet", Punt 11)
Tkellem Ramon Tremosa i Balcells (rapporteur) li, bi qbil mal-Artikolu 57(2) tar-Regoli ta' Proċedura, ressaq proposta formali lill-Parlament dwar il-possibilità li jaqbżu direttament għall-votazzjoni dwar l-abbozz għal riżoluzzjoni leġiżlattiva.
B'sejħa tal-ismijiet (664 favur, 12 kontra, 5 astensjonijiet), il-Parlament iddeċieda li l-votazzjoni dwar l-abbozz għal riżoluzzjoni leġiżlattiva tiġi posposta. Il-kwistjoni ntbagħtet lura għal eżami mill-ġdid lill-kumitat kompetenti.