Wara proċedura li twalet, l-istituzzjonijiet kollha tal-UE fl-aħħar waslu għal ftehim dwar il-baġit tal-UE għall-2011. Il-PE kellu jreġġa' lura fit-talba inizjali tiegħu għal żieda fil-baġit ta' aktar minn 6% b'paragun mal-2010. Il-proposta finali ta’ kompromess iżżomm iż-żieda fil-baġit għal 2.91 perċentwali għal total ta’ 126.5 biljun euro minkejja l-fatt li l-istrutturi l-ġodda, bħalma huwa s-Servizz Ewropew tal-Azzjoni Esterna, se jkollu jkun iffnanzjat minn din iż-żieda ċkejkna.

Tista’ l-Kummissjoni telabora dwar kif dawn l-approprijazzjonijiet għall-2011 jaffettwaw il-pagamenti dovuti lill-bdiewa Litwani, kif ukoll dawk minn Stati Membri oħrajn tal-UE? Tista’ l-Kummissjoni tagħti ċifri preċiżi?