dwar il-proposta għal deċiżjoni tal-Kunsill dwar il-konklużjoni tal-ftehima bejn il-Komunità Ewropea u l-Gvern tar-Repubblika tat-Turkija dwar il-parteċipazzjoni tat-Turkija fil-ħidma taċ-Ċentru Ewropew għall-Immonitorjar tad-Drogi u l-Vizzju tad-Drogi

(COM(2006)0257 – C6-0320/2006 – 2006/0089(CNS))

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2006)0257)(1),

–   wara li kkunsidra l-abbozz ta' ftehima bejn il-Komunità Ewropea u r-Repubblika tat-Turkija dwar il-parteċipazzjoni tat-Turkija fil-ħidma taċ-Ċentru Ewropew għall-Immonitorjar tad-Drogi u l-Vizzju tad-Drogi,

–   wara li kkunsidra l-Artikoli 152 u 300(2), l-ewwel subparagrafu, tat-Trattat KE,

–   wara li kkunsidra l-Artikolu 300(3), l-ewwel subparagrafu, tat-Trattat KE, skond liema Trattat il-Kunsill ikkonsulta mal-Parlament (C6-0000/2006),

–   wara li kkunsidra l-Artikoli 51, 83(7) u 43(1) tar-Regoli ta' Proċedura tiegħu,

–   wara li kkunsidra r-rapport tal-Kumitat għal-Libertajiet Ċivili, il-Ġustizzja u l-Intern (A6-0327/2006),

1.  Japprova konklużjoni tal-ftehim;

2.  Jagħti istruzzjonijiet lill-President tiegħu biex iressaq il-pożizzjoni tiegħu lill-Kunsill u lill-Kummissjoni, u lill-gvernijiet u l-parlamenti ta' l-Istati Membri u r-Repubblika tat-Turkija.

(1) Għadha mhix ippubblikata fil-ĠU.

Kif tfakkar il-Kummissjoni fil-Komunikazzjoni tagħha, il-Kunsill Ewropew li ltaqa' fil-Lussemburgu (f'Diċembru 1997) għamel il-parteċipazzjoni fil-programmi u l-aġenziji komunitarji strument ta' l-istrateġija msaħħa ta' qabel l-adeżjoni waqt li kkonkluda li l-pajjiżi kandidati għandhom jippruvaw jipparteċipaw fix-xogħol ta' l-Aġenziji tal-Komunità f'deċiżjonijiet li għandhom jittieħdu każ b'każ.

Barra minn hekk, il-Kummissjoni, innegozjat mal-Bulgarija, r-Rumanija u t-Turkija ftehimiet bilaterali li jippreżentaw diversi vantaġġi speċjalment il-vantaġġ li jippermetti lill-dawn il-pajjiżi jiffamiljarizzaw ruħhom mal-proċeduri għat-teħid ta' deċiżjonijiet taċ-Ċentru ta' Sorveljanza u li jikkontribwixxu fit-tfassil tal-programm ta' ħidma.

Ir-'rapporteur' tagħkom japprova l-arranġamenti tekniċi u finanzjarji tal-Bulgarija, r-Rumanija u t-Turkija għax-xogħlijiet taċ-Ċentru ta' Sorveljanza. Għalhekk huwa jirrakkomanda li jiġu approvati mingħajr emendi l-konklużjonijiet tal-ftehimiet bilaterali mal-Bulgarija, r-Rumanija u t-Turkija sabiex il-pajjiżi kkonċernati jkunu jistgħu jipparteċipaw fix-xogħol taċ-Ċentru Ewropew ta' Sorveljanza għad-Drogi u l-Vizzju tad-Drogi.