Dispożizzjonijiet implimentattivi

Miżuri implimentattivi

1. Meta l-Kummissjoni tgħaddi abbozz ta' miżura implimentattiva lill-Parlament, il-President għandu jirreferi d-dokument ikkonċernat lill-kumitat responsabbli għall-att li minnu joħorgu d-dispożizzjonijiet implimentattivi.

1. Meta l-Kummissjoni tgħaddi abbozz ta' miżuri implimentattivi lill-Parlament, il-President għandu jirreferi l-abbozz ta’ miżuri lill-kumitat responsabbli għall-att li minnu joħorgu l-miżuri implimentattivi. Meta tkun seħħet il-koperazzjoni aktar mill-qrib bejn il-kumitati rigward l-att bażiku, il-kumitat responsabbli għandu jistieden lill-kumitat l-ieħor biex jikkomunika l-fehmiet tiegħu bil-kelma tal-fomm jew permezz ta' ittra.

2. Fuq proposta tal-kumitat responsabbli, il-Parlament jista’, fi żmien xahar - jew tliet xhur għal miżuri ta’ servizzi finanzjarji - mid-data ta’ meta jkun intlaqa’

l-abbozz ta’ miżura implimentattiva, jadotta riżoluzzjoni li toġġezzjona għall-abbozz ta’ miżura, b’mod partikulari jekk teċċedi s-setgħat implimentattivi pprovduti fl-istrument bażiku. Fejn m’hemmx sessjoni parzjali qabel ma jagħlaq iż-żmien, jew fil-każijiet fejn tkun meħtieġa azzjoni urġenti, id-dritt ta’ tweġiba għandu jkun meqjus li jkun ġie ddelegat lill-kumitat responsabbli. Dan għandu jieħu s-sura ta’ ittra miċ-Chairman tal-kumitat lill-Membru tal-Kummissjoni responsabbli, u għandu jkun mgħarraf lill-Membri kollha tal-Parlament

2. Iċ-Chairperson tal-kumitat responsabbli għandu jistipola data ta' għeluq biex il-Membri jipproponu li l-kumitat joġezzjona għall-abbozz ta' miżuri. Fejn il-kumitat iqis li hu xieraq, jista’ jiddeċiedi li jaħtar rapporteur minn fost il-membri tiegħu jew minn fost is-sostituti permanenti. Jekk il-kumitat joġġezzjona għall-abbozz ta’ miżuri, għandu jressaq mozzjoni għal riżoluzzjoni li topponi l-adozzjoni ta’ l-abbozz ta’ miżuri li tista’ tindika wkoll il-bidliet li jmisshom isiru lill-abbozz ta’ miżuri.

Jekk il-Parlament joġġezzjona għall-miżura, il-President għandu jitlob lill-Kummissjoni tirtira jew temenda l-miżura jew tressaq proposta skond il-proċedura leġiżlattiva xierqa.

Jekk il-Parlament saż-żmien ta’ l-għeluq applikabbli mid-data ta’ meta jintlaqa’ l-abbozz ta’ miżuri, jadotta riżoluzzjoni bħal din il-President għandu jitlob lill-Kummissjoni tirtira jew temenda l-abbozz ta’ miżuri jew tressaq proposta skond il-proċedura leġiżlattiva xierqa.

3. Fejn m’hemm l-ebda sessjoni parzjali qabel ma jagħlaq iż-żmien, id-dritt ta’ tweġiba għandu jkun meqjus li jkun ġie ddelegat lill-kumitat responsabbli. Din it-tweġiba għandha tieħu s-sura ta’ ittra miċ-Chairperson tal-kumitat lill-Membru tal-Kummissjoni responsabbli, u għandu jkun mgħarraf lill-Membri kollha tal-Parlament.

4. Jekk il-miżuri implimentattivi previsti mill-Kummissjoni jaqgħu taħt il-Proċedura Regolatorja bi Skrutinju, il-paragrafu 3 m’għandux japplika u l-paragrafi 1 u 2 għandhom ikunu ssupplimentati kif ġej:

(a) iż-żmien ta’ l-iskrutinju jibda jgħodd meta l-abbozz ta’ miżuri jkun ġie mressaq lill-Parlament bil-lingwi uffiċjali kollha;

(b) Il-Parlament jista’ jopponi l-adozzjoni ta’ l-abbozz ta’ miżuri, filwaqt li jiġġustifika l-oppożizzjoni tiegħu billi jindika li l-abbozz ta’ miżuri jeċċedi s-setgħat implimentattivi pprovduti fl-istrument bażiku, m’huwiex kompatibbli ma’ l-għan jew il-kontenut ta’ l-istrument bażiku jew li ma jirrispettax il-prinċipji tas- sussidjarjetà jew proporzjonalità;

(c) Il-Parlament jista' jopponi l-adozzjoni ta' l-abbozz ta' miżuri billi jaġixxi b'maġġoranza tal-membri li jiffurmawh.

Ġustifikazzjoni

Il-proċedura regolatorja l-ġdida bi skrutinju ma tiħux post il-proċeduri eżistenti imma hija miżjuda magħhom skond id-“deċiżjoni ta’ komitoloġija”, jiġifieri l-proċedura konsultattiva, il-proċedura għall-immaniġġjar u l-proċedura regolatorja normali, li se jibqgħu japplikaw skond l-att bażiku rilevanti u l-kriterji stipulati fid-Deċiżjoni tal-Kunsill ta’ l-1999. Għalhekk, l-Artikolu 81 m'għandux bżonn ikun issostitwit minn Artikolu uniku imma li jkun issupplimentat minn dispożizzjonijiet li jqisu l-karatteristiċi speċifiċi tal-proċedura l-ġdida (il-paragrafu 4 l-ġdid).

It-terminoloġija ta’ l-Artikolu eżistenti jmissu jinġieb konformi mat-terminoloġija użata fid-deċiżjoni ta’ komitoloġija kif emendata.

Skond l-esperjenza li saret, jidher li hu xieraq li jsiru bidliet żgħar fid-dettalji tal-mod li bih l-abbozzi ta’ miżuri implimentattivi huma ttrattati fi ħdan il-Parlament. Għalhekk, huwa ssuġġerit li jkun involut kumitat ieħor, it-tieni wieħed, meta tkun seħħet koperazzjoni aktar mill-qrib bejn il-kumitati rigward l-att bażiku li minnu joħorġu l-miżuri implimentattivi. Iċ-Chairperson tal-kumitat responsabbli huwa mistenni jistipola data ta' l-egħluq biex il-Membri jipproponu li joġġezzjonaw għal abbozz ta’ miżuri sabiex jitħaffu l-proċeduri. U l-kumitat huwa permess li jaħtar rapporteur fejn iqis li dan huwa xieraq, sitwazzjoni li se sseħħ, jiġifieri, mal-miżuri ‘kważi leġiżlattivi’ li għandhom ikunu proposti mill-Kummissjoni.