dwar il-proposta għal regolament tal-Kunsill dwar dwar il-proposta għal Regolament tal-Kunsill li jħassar ir-Regolament (KE) Nru 2040/2000 dwar id-dixxiplina tal-baġit

(COM(2006)0488 – C6-0277/2006 – 2006/0151(CNS))

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2006)0488),

–   wara li kkunsidra l-Artikoli 37, 279 u 308 tat-Trattat KE, skond liema artikoli ġie kkonsultat mill-Kunsill (C6-0277/2006),

–   wara li kkunsidra l-Artikolu 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Baġit (A6-..../2007),

1.  Japprova l-proposta tal-Kummissjoni;

2.  Jistieden lill-Kunsill sabiex jinfurmah jekk ikollu l-ħsieb li jitbiegħed mit-test approvat mill-Parlament;

3.  Jitlob lill-Kunsill sabiex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

4.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u l-Kummissjoni.

Il-Kummissjoni tipproponi li tħassar il-Regolament Nru 2040/2000 tal-Kunsill tas-26 ta' Settembru 2000, li għalih is-Sur Ioannis Averoff kien ir-rapporteur għall-Kumitat għall-Baġit,

Hija tiddikjara li r-regolament mhuwiex aktar ġustifikat għar-raġunijiet li ġejjin:

· fil-qasam tal-biedja, għaliex id-dispożizzjonijiet dwar id-dixxiplina tal-baġit ġew inkorporati mir-Regolament (KE) Nru 1290/2006 tal-Kunsill dwar l-iffinanzjar tal-Politika Agrikola Komuni,

· fil-qasam tal-politika barranija, għaliex inħoloq mekkaniżmu ġdid għar-riżervi għall-garanziji ta' self għall-2007-2013,

I. Dispożizzjonijiet dwar il-biedja

Ir-rapporteur jemmen li mill-adozzjoni tar-Regolament 2040/2000/KE d-dixxiplina tal-baġit issaħħet permezz ta' Regolament ġdid Nru 1290/2005/KE, peress li għan-nefqa iffinanzjata mill-Fond Agrikolu Ewropew ta' Garanzija (FAEG) ġie stabbilit limitu massimu annwali, li għalih ġew użati ammonti massimi previsti għal dawn il-fondi fil-perspettiva finanzjarja. Bl-istess mod, dan ir-Regolament iggarantixxa li l-limitu massimu annwali għan-nefqa ffinanzjata mill-FAEG jiġi rispettat fiċ-ċirkostanzi kollha u fil-fażijiet kollha tal-proċedura tal-baġit u tat-twettiq tiegħu.

II.

Dispożizzjonijiet għar-riżervi relattivi għal azzjonijiet fil-qasam esterjuri Bl-istess mod, ir-Regolament (KE, Euratom) Nru 89/2007 tal-Kunsill tat-30 ta' Jannar 2007 li jemenda r-Regolament (KE, Euratom) Nru 2728/94 għall-ħolqien ta' fond ta' garanzija għal miżuri rigward relazzjonijiet esterni stabbilixxa bażi legali għall-mekkaniżmu propost għall-ħolqien ta' fond ta' garanzija għal miżuri rigward relazzjonijiet esterni.

Fid-19 ta' Diċembru 2006 l-Kunsill ħareġ mandat politiku għall-Bank Ewropew ta' l-Investiment biex jagħti il-krediti korrispondenti,

Barra minn hekk, ir-riżerva għall-għajnuna urġenti għall-pajjiżi terzi diġà ġiet trasferita fis-sena 2002 skond l-Artikolu 45 (1) tar-Regolament Finanzjarju. L-ammont tar-riżerva għall-għajnuna urġenti sadattant ġie ffissat fl-IIA tas-17 ta' Mejju 2006 (Paragrafu 25)

Barra minn hekk, għall-ewwel darba fil-baġit 2007, ingħata bidu għal linja tal-baġit 01 04 01 13 (Rubrika 4 "L-Unjoni Ewropea bħala attur globali"). EUR 200 miljun huma allokati fir-riżerva għas-self u għall-garanziji ta' self f'pajjiżi terzi jew favur pajjiżi terzi.

B'hekk inħolqot il-bażi legali neċessarja (fis-sens ta' l-Artikolu 49 (1) tad-dixxipina baġitarja u ta' l-IIA) u bl-abrogazzjoni tar-Regolament 2040/2000/KE ma jeżisti l-ebda periklu ta' vojt regolamentari.

III. Conclusion

Għaldaqstant, dan ifisser li r-Regolament 2040/2000 tal-Kunsill tas-26 ta' Settembru 2000 m'għadux validu f'partijiet essenzjali tiegħu. Anki mill-perspettiva ta' leġiżlazzjoni aħjar, dispożizzjonijiet legali li jkunu superati għandhom jiġu abrogati, sabiex id-dispożizzjonijiet fis-seħħ ikunu ftit kemm jista' jkun.

Il-Qorti Ewropea ta' l-Awdituri waslet għall-istess konklużjoni fil-pożizzjoni tagħha 8/2006 tas-6 ta' Diċembru 2006.

Ir-rapporteur jipproponi li l-proposta tal-Kummissjoni tiġi aċċettata mingħajr emendi.