Test propost mill-Kummissjoni

Emenda

1a. Jinnota li l-Kummissjoni kkomunikat l-intenzjoni tagħha li tiffinanzja l-entità l-ġdida, l-Entità tar-Regolaturi Ewropej tat-Telekomunikazzjoni (“Body of European Regulators in Telecom – BERT”) skond is-subintestatura 1a tal-Qafas Finanzjarju Pluriennali attwali 2007 - 2013 parzjalment permezz tar-rijorganizzazzjoni u parzjalment b'żieda għall-perjodu 2009-2013; jinnota, madankollu, li l-awtorità baġitarja għadha ma rċeviet l-ebda informazzjoni dwar id-dettalji ta' dan l-eżerċizzju b'tali mod li, s'issa, tibqa' mhux ċara liema huma l-programmi jew il-prijoritajiet milquta u x'konsegwenzi jirriżultaw minn dan matul il-perjodu finanzjarju u jekk jibqax ikun hemm marġini biżżejjed fis-subintestatura 1a;

Test propost mill-Kummissjoni

Emenda

1b. Jinnota li l-BERT proposta se tissodisfa wkoll ix-xogħol amministrattiv u tgħin lill-Kummissjoni; għalhekk huwa ta' l-opinjoni li għandhom jiġu esplorati l-possibilitajiet kollha tal-Qafas Finanzjarju Pluriennali 2007 – 2013, inkluż l-Intestatura 5, fejn jidher li għad hemm biżżejjed marġini disponibbli biex tiġi ffinanzjata l-entità;

Abbozz ta’ riżoluzzjoni leġiżlattiva

Emenda

1c. Jenfasizza li d-dispożizzjonijiet tal-Punt 47 tal-Ftehima Interistituzzjonali (IIA) tas-17 ta' Mejju 2006 għandhom japplikaw għat-twaqqif tal-BERT; jisħaq li, jekk l-awtorità leġiżlattiva tiddeċiedi favur it-twaqqif ta' aġenzija bħal din, il-Parlament jidħol f'negozjati mal-qasam l-ieħor ta' l-awtorità baġitarja bil-għan li jintlaħaq ftehim f’waqtu dwar l-iffinanzjar ta' din l-aġenzija, bi qbil mad-dispożizzjonijiet relevanti tal-Ftehima Interistituzzjonali;

Test propost mill-Kummissjoni

Emenda

(1) Id-Direttiva 2002/21/KE tal-Parlament Ewropew u tal-Kunsill tas-7 ta’ Marzu 2002 dwar kwadru regolatorju komuni għan-networks ta’ komunikazzjonijiet u servizzi elettroniċi (Direttiva Kwadru), id-Direttiva 2002/19/KE tal-Parlament Ewropew u tal-Kunsill tas-7 ta’ Marzu 2002 dwar l-aċċess għal, u l-interkonnessjoni ta’, networks ta’ komunikazzjonijiet elettroniċi u faċilitajiet assoċjati (Direttiva ta’ l-Aċċess), id-Direttiva 2002/20/KE tal-Parlament Ewropew u tal-Kunsill tas-7 ta’ Marzu 2002 dwar l-awtorizzazzjoni ta’ networks u servizzi ta’ komunikazzjonijiet elettroniċi (Direttiva ta’ Awtorizzazzjoni), id-Direttiva 2002/22/KE tal-Parlament Ewropew u tal-Kunsill tas-7 ta’ Marzu 2002 dwar servizz universali u d-drittijiet ta’ l-utenti li jirrelataw ma’ networks u servizzi ta’ komunikazzjonijiet elettroniċi (Direttiva Servizz Universali) u d-Direttiva 2002/58/KE tal-Parlament Ewropew u tal-Kunsill tat-12 ta’ Lulju 2002 dwar l-ipproċessar tad-data personali u l-protezzjoni tal-privatezza fis-settur tal-komunikazzjoni elettronika (Direttiva dwar il-privatezza u l-komunikazzjoni elettronika) (li minn hawn ’il quddiem flimkien se jissejħu “id-Direttiva Kwadru u d-Direttivi Speċifiċi”) għandhom l-għan li joħolqu suq intern għall-komunikazzjonijiet elettroniċi fil-Komunità filwaqt li jiżguraw livell għoli ta’ investiment, innovazzjoni u protezzjoni tal-konsumatur permezz ta’ żjieda fil-kompetizzjoni.

(1) Id-Direttiva 2002/21/KE tal-Parlament Ewropew u tal-Kunsill tas-7 ta’ Marzu 2002 dwar qafas regolatorju komuni għan-networks ta’ komunikazzjonijiet u servizzi elettroniċi (Direttiva Qafas), id-Direttiva 2002/19/KE tal-Parlament Ewropew u tal-Kunsill tas-7 ta’ Marzu 2002 dwar l-aċċess għal, u l-interkonnessjoni ta’, networks ta’ komunikazzjonijiet elettroniċi u faċilitajiet assoċjati (Direttiva ta’ l-Aċċess), id-Direttiva 2002/20/KE tal-Parlament Ewropew u tal-Kunsill tas-7 ta’ Marzu 2002 dwar l-awtorizzazzjoni ta’ networks u servizzi ta’ komunikazzjonijiet elettroniċi (Direttiva ta’ Awtorizzazzjoni), id-Direttiva 2002/22/KE tal-Parlament Ewropew u tal-Kunsill tas-7 ta’ Marzu 2002 dwar servizz universali u d-drittijiet ta’ l-utenti li jirrelataw ma’ networks u servizzi ta’ komunikazzjonijiet elettroniċi (Direttiva Servizz Universali) u d-Direttiva 2002/58/KE tal-Parlament Ewropew u tal-Kunsill tat-12 ta’ Lulju 2002 dwar l-ipproċessar tad-data personali u l-protezzjoni tal-privatezza fis-settur tal-komunikazzjoni elettronika (Direttiva dwar il-privatezza u l-komunikazzjoni elettronika) (li minn hawn ’il quddiem flimkien se jissejħu “id-Direttiva Qafas u d-Direttivi Speċifiċi”), kif ukoll ir-riżoluzzjoni tal-Parlament Ewropew dwar il-kunfidenza tal-konsumatur fil-qasam diġitali1, għandhom l-għan li joħolqu suq intern għall-komunikazzjonijiet elettroniċi fil-Komunità filwaqt li jiżguraw livell għoli ta’ investiment, innovazzjoni u protezzjoni tal-konsumatur permezz ta’ żjieda fil-kompetizzjoni.

___________

1 Testi adottati, P6_TA(2007)0287.

Test propost mill-Kummissjoni

Emenda

(2) Il-qafas regolatorju għall-komunikazzjonijiet elettroniċi ta’ l-2002 jistabbilixxi sistema ta’ regolamentazzjoni li twettqet mill-awtoritajiet regolatorji nazzjonali u tipprovdi biex dawk l-awtoritajiet jikkooperaw ma’ xulxin u mal-Kummissjoni sabiex ikunu żgurati l-iżvilupp ta’ prattika regolatorja konsistenti u l-applikazzjoni konsistenti mal-Komunità kollha tal-qafas regolatorju.

(2) Il-qafas regolatorju għall-komunikazzjonijiet elettroniċi ta’ l-2002 jistabbilixxi sistema ta’ regolamentazzjoni li twettqet mill-awtoritajiet regolatorji nazzjonali u tipprovdi biex dawk l-awtoritajiet jikkooperaw ma’ xulxin u mal-Kummissjoni sabiex ikunu żgurati l-iżvilupp ta’ prattika regolatorja konsistenti u l-applikazzjoni konsistenti mal-Komunità kollha tal-qafas regolatorju iżda jħalli spazju għal kompetizzjoni regolatorja bejn l-awtoritajiet regolatorji nazzjonali fid-dawl ta’ kundizzjonijiet nazzjonali speċifiċi tas-suq.

Ġustifikazzjoni

Il-BERT m’għandhiex twassal għal armonizzazzjoni sħiħa tas-swieq nazzjonali. Jeħtieġ li tinżamm kompetizzjoni regolatorja b’saħħitha.

Test propost mill-Kummissjoni

Emenda

(3) Ir-Regolament (KE) Nru 460/2004 tal-Parlament Ewropew u tal-Kunsill ta' l-10 ta' Marzu 2004 li jistabbilixxi l-Aġenzija Ewropea dwar is-Sigurtà tan-Netwerks u l-Informazzjoni (minn hawn 'il quddiem insejjaħ “ir-Regolament ENISA”) stabbilixxa l-Aġenzija Ewropea dwar is-Sigurtà tan-Netwerks u l-Informazzjoni (ENISA) fl-2004 għal perjodu ta' ħames snin, bil-għan li tkun tiżgura livell għoli u effettiv ta' sigurtà tan-netwerks u ta' l-informazzjoni fi ħdan il-Komunità, sabiex tiġi żviluppata kultura ta' sigurtà tan-netwerks u ta' l-informazzjoni għall-ġid taċ-ċittadini, il-konsumaturi, l-intrapriżi u l-organizzazzjonijiet tas-settur pubbliku ta' l-Unjoni Ewropea, u b'hekk tikkontribwixxi għall-funzjonament bla xkiel tas-suq intern.

imħassra

Test propost mill-Kummissjoni

Emenda

(4a) L-Entità tar-Regolaturi Ewropej tat-Telekomunikazzjoni (BERT) għandha tiġi stabbilita sabiex tilħaq l-iskop ta’ koordinazzjoni bejn l-awtoritajiet regolatorji nazzjonali ta’ l-Istati Membri mingħajr ma tarmonizza is-sistemi regolatorji li jeżistu diġà għal livell li jdgħajjef il-kompetizzjoni regolatorja.

Test propost mill-Kummissjoni

Emenda

(7) Għalhekk, tinħtieġ bażi istituzzjonali aktar sostanzjali għall-istabbiliment ta’ entità li tiġbor flimkien l-għarfien espert u l-esperjenza ta’ l-awtoritajiet regolatorji nazzjonali, flimkien ma’ sett iddefinit b’mod ċar ta’ kompetenzi, fejn titqies il-ħtieġa biex din l-entità teżerċita awtorità reali f’għajnejn il-membri tagħha u s-settur li qed jiġi regolat permezz tal-kwalità tal-produzzjoni tiegħu.

(7) Għalhekk, tinħtieġ bażi istituzzjonali aktar sostanzjali għall-istabbiliment ta’ entità li tiġbor flimkien l-għarfien espert u l-esperjenza ta’ l-awtoritajiet regolatorji nazzjonali, flimkien ma’ sett iddefinit b’mod ċar ta’ kompetenzi, fejn titqies il-ħtieġa biex din l-entità teżerċita awtorità f’għajnejn il-membri tagħha u s-settur li qed jiġi regolat permezz tal-kwalità tal-produzzjoni tiegħu.

Test propost mill-Kummissjoni

Emenda

(10) Il-Komunikazzjoni mill-Kummissjoni lill-Parlament Ewropew u lill-Kunsill dwar “L-evalwazzjoni ta’ l-Aġenzija Ewropea dwar is-Sigurtà tan-Netwerks u l-Informazzjoni (ENISA)” ippreżentat valutazzjoni ta’ rapport estern ta’ esperti li evalwa r-rendiment ta’ l-Aġenzija minn mindu ġiet stabbilita u r-rakkomandazzjonijiet tal-Bord ta’ Ġestjoni ta’ l-ENISA rigward ir-Regolament ta’ l-ENISA u nieda konsultazzjoni pubblika. Is-sejbiet ewlenin ta’ dak ir-rapport ta’ l-esperti kkonferma l-validità tal-politika wara l-ħolqien ta’ l-ENISA u tal-miri oriġinali tagħha, u b’mod partikolari l-kontribuzzjoni li tagħti sabiex jinkiseb suq tabilħaqq intern fil-komunikazzjonijiet elettroniċi.

imħassra

Test propost mill-Kummissjoni

Emenda

(11) Fl-istess ħin, ġew identifikati numru ta’ problemi, li jinkludu, b’mod partikolari, kwistjonijiet relatati ma’ l-istruttura organizattiva tagħha, it-taħlita ta’ ħiliet u d-daqs ta’ l-istaff operattiv tagħha, u diffikultajiet loġistiċi. Il-funzjonijiet ewlenin ta’ l-ENISA għandhom jevolvu b'tali mod li jiffurmaw element ta' qofol ta' l-Awtorità li abbażi ta' identifikazzjoni aktar ċara ta' l-għanijiet u tal-kompiti, għandha iiżgura li dawk l-għanijiet u dawk il-kompiti jistgħu jiġu sodisfatti b’mod aktar effiċjenti, iffokat u effettiv fl-infiq, li jkun konsistenti mal-prinċipji ta’ regolamentazzjoni aħjar, minn awtorità waħda b’kompetenza fuq kwistjonijiet li jaqgħu fil-qafas regolatorju ta’ l-UE tan-netwerks u tas-servizzi tal-komunikazzjonijiet elettroniċi.

imħassra

Test propost mill-Kummissjoni

Emenda

(11a) Ingħatat prova li l-metodu attwali biex tinbena konsistenza akbar fost l-awtoritajiet regolatorji nazzjonali (“NRAs”) permezz ta’ skambju ta’ informazzjoni u għarfien fuq esperjenzi prattiċi kien suċċess f’dan il-perjodu qasir wara t-tnedija tiegħu. Madankollu, se tkun meħtieġa koordinazzjoni aktar intensiva bejn l-awtoritajiet regolatorji kollha fuq il-livell nazzjonali u fuq il-livell Ewropew biex ikun mifhum u jkun żviluppat aktar is-suq intern għas-servizzi tal-komunikazzjoni elettronika sabiex titjieb il-konsistenza regolatorja.

Ġustifikazzjoni

Għandu jkun iddikjarat, li għalkemm mhix perfetta, fis-snin li għaddew il-kooperazzjoni bejn l-NRAs intlaħqet. Hemm bżonn ta’ kooperazzjoni akbar sabiex wieħed jifhem u jinfluwenza lis-suq tal-komunikazzjoni Ewropew fid-direzzjoni t-tajba.

Test propost mill-Kummissjoni

Emenda

(12) Dan jitlob l-istabbiliment ta’ entità Komunitarja ġdida, l-Awtorità tas-Suq Ewropew tal-Komunikazzjonijiet Elettroniċi (minn hawn ’il quddiem imsejjaħ l-“Awtorità”). L-Awtorità għandha tagħmel kontribut effettiv biex tavvanza l-proċess ta’ l-ikkompletar tas-suq intern permezz ta' l-assistenza tagħha lill-Kummissjoni u lill-awtoritajiet regolatorji nazzjonali. Din tkun topera bħala punt ta’ referenza u tistabbilixxi kunfidenza minħabba l-indipendenza tagħha, il-kwalità tal-pariri li tagħti u l-informazzjoni li xxerred, it-trasparenza tal-proċeduri tagħha u l-metodi ta’ ħidma, u d-diliġenza tagħha fit-twettiq tal-kompiti assenjati lilha.

(12) Dan jitlob l-istabbiliment ta’ entità ġdida, il-BERT. Il-BERT għandha tagħti kontribut effettiv biex tavvanza l-proċess ta’ l-ikkompletar tas-suq intern permezz ta' l-assistenza tagħha lill-Kummissjoni u lill-NRAs. Din tkun topera bħala punt ta’ referenza u tistabbilixxi kunfidenza minħabba l-indipendenza tagħha, il-kwalità tal-pariri li tagħti u l-informazzjoni li xxerred, it-trasparenza tal-proċeduri tagħha u l-metodi ta’ ħidma, u d-diliġenza tagħha fit-twettiq tal-kompiti assenjati lilha.

(Din l-emenda tapplika għal kull parti tat-test. Jekk tiġi adottata jkun jeħtieg li jsiru l-bidliet korrispondenti fit-test kollu.)

Test propost mill-Kummissjoni

Emenda

(14) L-Awtorità għandha tissostitwixxi l-ERG u sservi bħala l-forum esklużiv għall-kooperazzjoni bejn l-awtoritajiet regolatorji nazzjonali fl-eżerċizzju tal-firxa sħiħa tar-responsabbiltajiet tagħhom skond il-qafas regolatorju.

(14) Il-BERT jeħtieġ li tissostitwixxi l-ERG u taġixxi bħala forum esklużiv għall-kooperazzjoni bejn l-awtoritajiet regolatorji nazzjonali u bejn dawn u l-Kummissjoni, fl-eżerċizzju tal-firxa sħiħa tar-responsabbiltajiet tagħhom skond il-qafas regolatorju.

Test propost mill-Kummissjoni

Emenda

(15) L-Awtorità għandha tkun stabbilita fl-istruttura istituzzjonali u fil-bilanċ tas-setgħat eżistenti tal-Komunità. Għandha tkun indipendenti b’relazzjoni għal kwistjonijiet tekniċi u jkollha awtonomiija legali, amministrativa u finanzjarja. Għal dan il-għan, huwa meħtieġ u xieraq li għandha tkun entità Komunitarja li jkollha personalità legali u li teżerċita l-kompiti konferiti lilha minn dan ir-Regolament.

(15) Il-BERT għandha tkun stabbilita fl-istruttura istituzzjonali u fil-bilanċ tas-setgħat eżistenti tal-Komunità. Għandha tkun indipendenti b’relazzjoni għal kwistjonijiet tekniċi u jkollha awtonomiija legali, amministrativa u finanzjarja. Għal dan il-għan, huwa meħtieġ li għandha tkun entità Komunitarja li jkollha personalità legali u li teżerċita l-kompiti konferiti lilha minn dan ir-Regolament.

Test propost mill-Kummissjoni

Emenda

(16) L-Awtorità għandha tibni fuq sforzi nazzjonali u Komunitarji u għalhekk twettaq il-kompiti tagħha f’kooperazzjoni sħiħa ma’ l-awtoritajiet regolatorji nazzjonali u mal-Kummissjoni, u tkun miftuħa għal kuntatti ma’ l-industrija, mal-gruppi tal-konsumaturi u ma’ partijiet interessati rilevanti oħra.

(16) Il-BERT għandha tibni fuq sforzi nazzjonali u Komunitarji u għalhekk twettaq il-kompiti tagħha f’kooperazzjoni sħiħa ma’ l-awtoritajiet regolatorji nazzjonali u mal-Kummissjoni, u tkun miftuħa għal kuntatti ma’ l-industrija, mal-gruppi tal-konsumaturi, mal-gruppi ta’ interess kulturali u ma’ partijiet interessati rilevanti oħra.

Ġustifikazzjoni

Li l-Awtorità tkun miftuħa għandu jinkludi kuntatti ma’ gruppi differenti ta’ interessi kulturali peress li huma jistgħu jipprovdu tagħrif aġġornat dwar il-kwistjonijiet ta’ diversità kulturali fost oħrajn f'rabta mal-proċedura ta' awtorizzazzjoni tas-servizzi pan-Ewropej.

Test propost mill-Kummissjoni

Emenda

(17) Dan ir-Regolament u l-Awtorità li jistabbilixxi għandhom jifformaw parti integrali mill-qafas regolatorju Komunitarju għall-komunikazzjonijiet elettroniċi. F’dan ir-rigward, l-Awtorità, b’mod partikolari, għandha rwol importanti fil-mekkaniżmi previsti għall-konsolidament tas-suq intern għall-komunikazzjonijiet elettroniċi u sabiex jitwettqu analiżijiet tas-suq f’ċerti ċirkostanzi.

(17) Il-BERT għandha rwol importanti fil-mekkaniżmi previsti għall-konsolidament tas-suq intern għall-komunikazzjonijiet elettroniċi u sabiex jitwettqu analiżi tas-suq f’ċerti ċirkostanzi.

Test propost mill-Kummissjoni

Emenda

(18) Għaldaqstant, l-Awtorità għandha tagħti pariri lill-Kummissjoni u lill-awtortijiet regolatorji nazzjonali skond il-qafas regolatorju Komunitarju għall-komunikazzjonijiet elettroniċi u b’hekk tgħin fl-implimentazzjoni effettiva tiegħu.

(18) Għaldaqstant, il-BERT għandha tagħti pariri lill-Kummissjoni u lill-awtoritajiet regolatorji nazzjonali, kif ukoll lill-Parlament Ewropew, fuq it-talba ta’ dan ta’ l-aħħar, skond il-qafas regolatorju Komunitarju għall-komunikazzjonijiet elettroniċi u b’hekk tgħin fl-implimentazzjoni effettiva tiegħu.

Test propost mill-Kummissjoni

Emenda

(19) L-Awtorità għandha tgħin lill-Kummissjoni rigward kwalunkwe estensjoni ta’ l-obbligi Komunitarji għall-portabbiltà tan-numri. Estensjoni ta’ din ix-xorta tista’ tikkonċerna, b'mod partikolari, l-ambitu ta’ l-informazzjoni li għandha tiġi portata jew it-tipi ta’ netwerk (jiġifieri, fiss jew mobbli) li bejniethom għandhom jiġu portati n-numri u l-informazzjoni. Il-bidliet f’dan l-obbligu għandhom iqisu l-prezzijiet li jintalbu mingħand l-utenti u l-ispejjeż tal-bidla għall-intarpriżi, kif ukoll l-esperjenzi fl-Istati Membri.

imħassra

Test propost mill-Kummissjoni

Emenda

(20) L-Awtorità għandha tgħin lill-Kummissjoni billi twettaq analiżi annwali tal-miżuri li ttieħdu mill-Istati Membri ħalli jinformaw liċ-ċittadini dwar l-eżistenza u l-użu tan-numru tat-telefon Ewropew waħdani ta’ emerġenza “112”. L-analiżi annwali ta’ l-Awtorità għandha tidentifika l-aħjar prattiki u l-problemi li għad fadal u għandha tikkontribwixxi biex ittejjeb il-livell ta’ protezzjoni u ta’ sigurtà taċ-ċittadini li jivvjaġġaw fl-Unjoni Ewropea.

(20) L-analiżi annwali tal-BERT għandha tidentifika l-aħjar prattiki u l-problemi li għad fadal u għandha tikkontribwixxi biex ittejjeb il-livell ta’ benefiċċji għaċ-ċittadini li jivvjaġġaw fl-Unjoni Ewropea.

Test propost mill-Kummissjoni

Emenda

(21) Fil-kuntest tal-proċess biex jintlaħqu l-għanijiet tad-Deċiżjoni 676/2002/KE tal-Parlament Ewropew u tal-Kunsill tas-7 ta' Marzu 2002 dwar qafas regolatorju għall-politika dwar l-ispektrum tar-radju fil-Komunità Ewropea (id-Deċiżjoni dwar l-Ispettri tar-Radju), il-Kummissjoni tista’ tfittex il-parir espert indipendenti ta’ l-Awtorità relatat l-użu tal-frekwenzi tar-radju fil-Komunità. Dan il-parir jista’ jinvolvi investigazzjonijiet tekniċi speċifiċi, kif ukoll valutazzjoni ta’ l-impatt ekonomiku jew soċjali u analiżi relatati mal-miżuri ta’ politika dwar il-frekwenzi. Jista’ jinkludi wkoll kwistjonijiet relatati ma’ l-implimentazzjoni ta’ l-Artikolu 4 tad-Deċiżjoni 676/2002/KE (id-Deċiżjoni dwar l-Ispettri tar-Radju), fejn l-Awtorità tista’ tintalab tagħti parir lill-Kummissjoni dwar ir-riżultati miksuba skond il-mandati tal-Kummissjoni lill-Konferenza Ewropea ta’ l-Amministrazzjonijiet Postali u tat-Telekomunikazzjonijiet (CEPT).

(21) Fil-kuntest tal-proċess biex jintlaħqu l-għanijiet tad-Deċiżjoni 676/2002/KE tal-Parlament Ewropew u tal-Kunsill tas-7 ta' Marzu 2002 dwar qafas regolatorju għall-politika dwar l-ispektrum tar-radju fil-Komunità Ewropea (id-Deċiżjoni dwar l-Ispettri tar-Radju), il-Kummissjoni tista’ tfittex il-parir espert indipendenti tal-BERT, fejn xieraq, relatat ma’ l-użu tal-frekwenzi tar-radju fil-Komunità. Dan il-parir jista’ jinvolvi investigazzjonijiet tekniċi speċifiċi, kif ukoll evalwazzjoni ta’ l-impatt ekonomiku jew soċjali u analiżi relatati mal-miżuri ta’ politika dwar il-frekwenzi. Jista’ jinkludi wkoll kwistjonijiet relatati ma’ l-implimentazzjoni ta’ l-Artikolu 4 tad-Deċiżjoni 676/2002/KE, fejn l-Awtorità tista’ tintalab tagħti parir lill-Kummissjoni dwar ir-riżultati miksuba skond il-mandati tal-Kummissjoni lill-Konferenza Ewropea ta’ l-Amministrazzjonijiet Postali u tat-Telekomunikazzjonijiet (CEPT).

Test propost mill-Kummissjoni

Emenda

(22) Filwaqt li l-iżviluppi teknoloġiċi u fis-suq żiedu l-potenzjal għall-użu tas-servizzi tal-komunikazzjonijiet elettroniċi lil hinn mill-konfini ġeografiċi ta’ l-Istati Membri individwali, hemm riskju li l-eżistenza ta’ kundizzjonijiet legali u regolatorji differenti għall-użu ta’ dawk is-servizzi skond il-liġijiet nazzjonali se jżomm lura dejjem aktar il-provvista ta’ servizzi transkonfinali ta’ din ix-xorta. Għalhekk, l-Awtorità għandha rwol ewlieni fl-istabbiliment ta’ kundizzjonijiet armonizzati għall-awtorizzazzjoni ta’ dawk is-servizzi, kemm jekk rigward l-awtorizzazzjonijiet ġenerali, id-drittijiet ta’ użu għall-frekwenzi tar-radju jew id-drittijiet ta’ użu għan-numru, kif ukoll fl-għoti ta’ pariri lill-Kummissjoni dwar id-dettalji tal-miżuri li għandhom jittieħdu skond id-Direttiva 2002/21/KE (id-Direttiva Kwadru) sabiex jinkisbu kundizzjonijiet armonizzati ta’ din ix-xorta.

(22) Filwaqt li s-settur tal-komunikazzjonijiet elettroniċi huwa settur ewlieni fil-proċess lejn ekonomija Ewropea aktar avvanzata bbażata fuq l-għarfien, u l-iżviluppi teknoloġiċi u fis-suq żiedu l-potenzjal għall-użu tas-servizzi tal-komunikazzjonijiet elettroniċi lil hinn mill-konfini ġeografiċi ta’ l-Istati Membri individwali, hemm riskju li l-eżistenza ta’ kundizzjonijiet legali u regolatorji differenti għall-użu ta’ dawk is-servizzi skond il-liġijiet nazzjonali se jżomm lura dejjem aktar il-provvista ta’ servizzi transkonfinali ta’ din ix-xorta.

Test propost mill-Kummissjoni

Emenda

(22a) Il-Kummissjoni rrikonoxxiet in-natura globali u transkonfinali tas-suq globali tat-telekomunikazzjonijiet, billi nnutat li dan is-suq huwa differenti mis-servizzi ta’ telekomunikazzjonijiet provduti fuq bażi purament nazzjonali u li s-suq uniku għas-servizzi ta’ telekomunikazzjoni globali (“global telecommunications services" - GTSs) għandu jintgħaraf mis-servizzi ta’ telekomunikazzjonijiet purament nazzjonali. Il-GTSs huma każ partikolari meta l-kundizzjonijiet għall-armonizzazzjoni jistgħu jkunu neċessarji. Huwa ġeneralment rikonoxxut li dawn is-servizzi, li jikkonsistu f’servizzi ta’ vuċi u ta’ dejta mmaniġġjati għan-negozji għal kumpaniji multinazzjonali li jinsabu f’pajjiżi differenti u ħafna drabi f’kontinenti differenti, huma transkonfinali b’mod inerenti u fl-Ewropa, huma pan-Ewropej. Il-BERT għandha tiżviluppa strateġija regolatorja komuni sabiex il-benefiċċji ekonomiċi ta’ servizzi integrati u kontinwi jkunu jistgħu jakkumulaw għall-partijiet kollha ta’ l-Ewropa.

Test propost mill-Kummissjoni

Emenda

(23) B’mod partikolari, l-Awtorità għandha tivvaluta l-ħtieġa għal proċedura waħdanija ta’ għażla fuq il-livell Komunitarju għad-drittijiet ta’ użu bla ħsara għall-kundizzjonijiet armonizzati, tagħti parir lill-Kummissjoni dwar it-termini u l-kriterji li għandhom jiġu applikati fi proċedura ta’ għażla ta’ din ix-xorta u tirċievi u tivvaluta applikazzjonijiet mingħand intrapriżi għal drittijiet ta’ użu ta’ din ix-xorta. L-Awtorità għandu jkollha wkoll il-kompitu li, fejn ikun xieraq, tagħti pariri lill-Kummissjoni dwar l-irtirar ta’ drittijiet ta’ użu ta’ din ix-xorta.

imħassra

Test propost mill-Kummissjoni

Emenda

(24) L-Awtorità għandha taġixxi bħala ċentru ta’ għarfien espert fuq il-livell Ewropew dwar kwistjonijiet ta’ sigurtà tan-netwerks u ta’ l-informazzjoni, fejn tipprovdi gwida u pariri lill-Parlament Ewropew, lill-Kummissjoni jew lill-entitajiet kompetenti maħtura mill-Istati Membri. Is-sigurtà u s-saħħa tan-netwerks tal-komunikazzjonijiet u tas-sistemi ta' informazzjoni għadhom tħassib primarju għas-soċjetà u jikkostitwixxi element ewlieni fil-qafas regolatorju ta' l-UE għan-netwerks u s-servizz tal-komunikazzjonijiet elettroniċi. Hemm ir-riskju li l-funzjonament bla xkiel tas-suq intern jiddgħajjef minħabba applikazzjoni eteroġenja tad-dispożizzjonijiet relatati mas-sigurtà kif stabbiliti fid-Direttiva Kwadru u fid-Direttivi Speċifiċi. L-opinjoni ta' l-Awtorità li tipprovdi pariri tekniċi fuq it-talba tal-Kummissjoni u ta' l-Istati Membri għandha tiffaċilita l-applikazzjoni konsistenti ta' dawk id-direttivi fil-livell nazzjonali.

imħassra

Test propost mill-Kummissjoni

Emenda

(25) Jistgħu jiġu imposti ħlasijiet amministrattivi fuq il-fornituri tal-komunikazzjonijiet elettroniċi talli jiġġestixxu s-sistema ta’ awtorizzazzjoni u għall-għotja tad-drittijiet ta’ użu. Minbarra l-ħlasijiet amministrattivi, jistgħu jiġu imposti ħlasijiet ta’ użu għall-użu tal-frekwenzi u tan-numri. Sabiex jitnaqqas il-piż amministrativ fuq l-intrapriżi, f’każ ta’ proċedura komuni ta’ għażla l-Awtorità għandha tiġbor u tqassam mill-ġdid lill-Istati Membri il-ħlasijiet amministrattivi u l-ħlasijiet ta' użu.

imħassra

Test propost mill-Kummissjoni

Emenda

(27) L-Awtorità għandha tikkontribwixxi għall-iżvilupp ta’ l-aħjar prattika regolatorja u tal-konsistenza fl-applikazzjoni tar-regolamentazzjoni fis-settur tal-komunikazzjonijiet elettroniċi billi trawwem l-iskambu ta’ informazzjoni bejn l-awtoritajiet nazzjonali u tagħmel l-informazzjoni xierqa disponibbli għall-pubbliku b’mod faċilment aċċessibbli. L-Awtorità għandu jkollha l-possibbiltà li tindirizza kwistjonijiet ekonomiċi u tekniċi u li jkollha aċċess għall-aktar informazzjoni aġġornata disponibbli sabiex tkun tista’ tirrispondi għall-isfidi ekonomiċi u tekniċi li toħloq soċjetà ta’ l-informazzjoni li qed tiżviluppa, pereżempju f’oqsma bħas-sigurtà tan-netwerks u ta’ l-informazzjoni u t-tagħmir għall-identifikazzjoni tal-frekwenzi tar-radju.

(27) Fis-settur tal-komunikazzjonijiet elettroniċi hemm rabta qawwija bejn l-investiment u l-innovazzjoni, Il-BERT għandha tikkontribwixxi għall-iżvilupp ta’ l-aħjar prattika regolatorja u tal-konsistenza fl-applikazzjoni tar-regolamentazzjoni fis-settur tal-komunikazzjonijiet elettroniċi billi trawwem l-iskambu ta’ informazzjoni bejn l-awtoritajiet nazzjonali u tagħmel l-informazzjoni xierqa disponibbli għall-pubbliku b’mod faċilment aċċessibbli. Il-BERT għandu jkollha l-possibbiltà li tindirizza kwistjonijiet ekonomiċi u tekniċi u li jkollha aċċess għall-aktar informazzjoni aġġornata disponibbli sabiex tkun tista’ tirrispondi għall-isfidi ekonomiċi u tekniċi li toħloq soċjetà ta’ l-informazzjoni li qed tiżviluppa.

Test propost mill-Kummissjoni

Emenda

(28) Biex tkun tista’ twettaq il-kompiti tagħha kif ġew stabbliti f’dan ir-Regolament u sabiex tifhem aħjar l-isfidi fil-qasam tal-komunikazzjonijiet elettroniċi, inklużi r-riskji kurrenti u emerġenti fil-qasam tas-sigurtà tan-netwerks u ta’ l-informazzjoni, l-Awtorità jeħtieġ li tkun tista’ tanalizza żviluppi kurrenti u emerġenti. Għal dak il-fini l-Awtorità tista’ tiġbor informazzjoni xierqa, b’mod partikolari dwar ksur tas-sigurtà u ta’ l-integrità li kellu impatt sinifikanti fuq ħidmet in-netwerk jew is-servizzi provduti mill-awtoritajiet regolatorji nazzjonali skond l-Artikolu 13a(3) tad-Direttiva 2002/21/KE (id-Direttiva Kwadru), kif ukoll permezz ta’ kwestjonarji.

imħassra

Test propost mill-Kummissjoni

Emenda

(29) Bħala punt fokali biex tinqasam u tiġi skambjata l-informazzjoni dwar kwistjonijiet relatati mar-regolamentazzjoni tas-servizzi tal-komunikazzjonijiet elettroniċi mal-Komunità kollha, u fl-interessi tal-promozzjoni tat-trasparenza u tat-tnaqqis tal-piżijiet amministrattivi għall-fornituri u għall-utenti ta’ dawk is-servizzi, l-Awtorità għandha żżomm u tagħmel aċċessibbli reġistru li jinkludi informazzjoni dwar l-użu tal-frekwenzi fil-Komunità, fuq il-bażi ta’ informazzjoni standardizzata provduta fuq bażi regolari minn kull Stat Membru. Sabiex tittejjeb it-trasparenza tal-prezzijiet tal-bejgħ bl-imnut sabiex wieħed jagħmel u jirċievi telefonati bir-roaming irregolati fil-Komunità u biex tingħata għajnuna lill-konsumaturi tar-roaming ħalli jieħdu deċiżjonijiet dwar l-użu tat-telefons ċellulari tagħhom meta jkunu barra minn pajjiżhom, l-Awtorità għandha tiżgura li informazzjoni aġġornata dwar l-applikazzjoni tar-Regolament (KE) Nru 717/2007 tal-Parlament Ewropew u tal-Kunsill tas-27 ta' Ġunju 2007 dwar roaming fuq netwerks pubbliċi tat-telefonija mobbli fi ħdan il-Komunità u li jemenda d-Direttiva 2002/21/KEtitqiegħed għad-dispożizzjoni tal-partijiet interessati u tippubblika r-riżultati ta’ monitoraġġ ta’ din ix-xorta fuq bażi annwali.

(29) Sabiex tittejjeb it-trasparenza tal-prezzijiet tal-bejgħ bl-imnut sabiex wieħed jagħmel u jirċievi telefonati bir-roaming irregolati fil-Komunità u biex tingħata għajnuna lill-konsumaturi tar-roaming ħalli jieħdu deċiżjonijiet dwar l-użu tat-telefons ċellulari tagħhom meta jkunu barra minn pajjiżhom, il-BERT għandha tiżgura li informazzjoni aġġornata dwar l-applikazzjoni tar-Regolament (KE) Nru 717/2007 tal-Parlament Ewropew u tal-Kunsill tas-27 ta' Ġunju 2007 dwar roaming fuq netwerks pubbliċi tat-telefonija mobbli fi ħdan il-Komunità u li jemenda d-Direttiva 2002/21/KE titqiegħed għad-dispożizzjoni tal-partijiet interessati u tippubblika r-riżultati ta’ monitoraġġ ta’ din ix-xorta fuq bażi annwali.

Test propost mill-Kummissjoni

Emenda

(31) Il-Kummissjoni għandha tkun tista’ titlob lill-Awtorità biex twettaq kwalunkwe kompitu addizzjonali taħt ir-responsabbiltà ġenerali tagħha li jista’ jitqies bħala li jikkontribwixxi sabiex jintlaħqu l-għanijiet tal-qafas regolatorju Komunitarju għall-komunikazzjonijiet elettroniċi.

imħassra

Ġustifikazzjoni

Din ma tidhirx li hija delegazzjoni ġġustifikata tal-poteri, minħabba li korpi regolatorji għandhom jingħataw biss kompiti bħal dawn fejn ikun hemm bżonn speċifiku għal regolament u mbagħad biss permezz ta’ att leġiżlattiv speċifiku wara konsultazzjoni mal-gruppi kkonċernati. Inkella jkun hemm riskju li x-xogħlijiet regolatorji li għalihom ma tkunx ġiet aċċertata ħtieġa jiġu delegati biss fuq suspett, li jista’ jkun ta’ detriment għaċ-ċertezza legali u fl-aħħar mill-aħħar għall-kompetizzjoni wkoll.

Test propost mill-Kummissjoni

Emenda

(32) L-istruttura ta’ l-Awtorità għandha tkun adattata għall-kompiti li se twettaq. Esperjenza b’awtoritajiet Komunitarji simili tipprovdi xi gwida f’dan ir-rigward, imma l-istruttura għandha tkun adattata sabiex tissodisfa l-ħtiġiet speċifiċi tas-sistema Komunitarja għar-regolamentazzjoni tal-komunikazzjonijiet elettroniċi. B’mod partikolari, ir-rwol speċifiku ta’ l-awtoritajiet regolatorji nazzjonali u n-natura indipendenti tagħhom jeħtieġ li jiġu indirizzati b’mod sħiħ.

(32) L-istruttura tal-BERT għandha tkun ħafifa u adattata għall-kompiti li se twettaq. Għandha tkun adattata sabiex tissodisfa l-ħtiġiet speċifiċi tas-sistema Komunitarja għar-regolamentazzjoni tal-komunikazzjonijiet elettroniċi. B’mod partikolari, ir-rwol speċifiku ta’ l-NRAs u n-natura indipendenti tagħhom, kemm fuq livell nazzjonali kif ukoll fuq livell Ewropew, għandu jkun irrispettat b’mod sħiħ.

Test propost mill-Kummissjoni

Emenda

(33) UffiċjalL-Awtorità għandu jkollha s-setgħat meħtieġa sabiex twettaq il-funzjonijiet regolatorji b’mod effiċjenti u fuq kollox indipendenti. Billi jirrifletti s-sitwazzjoni fuq livell nazzjonali, il-Bord tar-Regolaturi għalhekk għandu jaġixxi b’mod indipendenti minn kwalunkwe interess tas-suq u m’għandux ifittex jew jieħu struzzjonijiet minn kwalunkwe gvern jew entità pubblika jew privata oħra.

(33) Il-BERT għandu jkollha s-setgħat meħtieġa sabiex twettaq il-funzjonijiet tagħha b’mod effiċjenti u fuq kollox indipendenti. Billi jirrifletti s-sitwazzjoni fuq livell nazzjonali, il-Bord tar-Regolaturi għalhekk għandu jaġixxi b’mod indipendenti minn kwalunkwe interess tas-suq u m’għandux ifittex jew jieħu istruzzjonijiet minn kwalunkwe gvern jew entità pubblika jew privata oħra.

Test propost mill-Kummissjoni

Emenda

(34) Il-funzjonament bla problemi ta’ l-Awtorità jeħtieġ li d-Direttur tagħha jinħatar fuq bażi ta’ mertu u ta’ ħiliet amministrattivi u maniġerjali dokumentati, kif ukoll ta’ kompetenza u ta’ esperjenza rilevanti għan-netwerks, għas-servizzi u għas-swieq tal-komunikazzjonijiet elettroniċi, u li huwa jwettaq dmirijietu b’indipendenza u bi flessibilità sħiħa rigward l-organizzazzjoni tal-funzjonament intern ta’ l-Awtorità. Id-Direttur għandu jiżgura l-eżekuzzjoni effiċjenti tal-kompiti ta’ l-Awtorità b’mod indipendenti.

(34) Il-funzjonament bla problemi tal-BERT jeħtieġ li d-Direttur Maniġerjali tagħha jinħatar fuq bażi ta’ mertu u ta’ ħiliet amministrattivi u maniġerjali dokumentati, kif ukoll ta’ kompetenza u ta’ esperjenza rilevanti għan-netwerks, għas-servizzi u għas-swieq tal-komunikazzjonijiet elettroniċi, u li huwa jwettaq dmirijietu b’indipendenza u bi flessibilità sħiħa rigward l-organizzazzjoni tal-funzjonament intern tal-BERT. Id-Direttur Maniġerjali għandu jiżgura l-eżekuzzjoni effiċjenti tal-kompiti tal-BERT b’mod indipendenti.

(Din l-emenda tapplika għal kull parti tat-test. Jekk tiġi adottata jkun jeħtieg li jsiru l-bidliet korrispondenti fit-test kollu.)

Test propost mill-Kummissjoni

Emenda

(36) Jeħtieġ li jiġi żgurat li l-partijiet li jiġu affetwati mid-deċiżjonijiet ta’ l-Awtorità jkollhom rikors għar-rimedji meħtieġa. Għandu jiġi stabbilit mekkaniżmu xieraq ta’ appell sabiex id-deċiżjonijiet ta’ l-Awtorità jistgħu jkunu suġġetti għal appell quddiem Bord ta’ l-Appell speċjalizzat, li d-deċiżjonijiet tiegħu, min-naħa tagħhom, jistgħu jkunu s-suġġett ta’ kawża quddiem il-Qorti tal-Ġustizzja.

imħassra

Test propost mill-Kummissjoni

Emenda

(37) Minbarra l-prinċipji operattivi tagħha bbażati fuq l-indipendenza u t-trasparenza, l-Awtorità għandha tkun organizzazzjoni miftuħa għall-kuntatti ma’ l-industrija, mal-konsumaturi u ma’ partijiet interessati oħra. L-Awtorità għandha tkabbar il-kooperazzjoni bejn il-parteċipanti differenti li jaħdmu fil-qafas tas-sigurtà tan-netwerks u ta’ l-informazzjoni, fost l-oħrajn, billi torganizza, fuq bażi regolari, konsultazzjoni ma’ l-industrija, maċ-ċentri ta’ riċerka, kif ukoll ma’ partijiet interessati oħra konċernati u billi tistabbilixxi netwerk ta’ kuntatti għall-entitajiet Komunitarji, għall-enttitajiet tas-settur pubbliku maħtura mill-Istati Membri, għall-entitajiet tas-settur privat u għall-entitajiet tal-konsumaturi.

(37) Minbarra l-prinċipji operattivi tagħha bbażati fuq l-indipendenza u t-trasparenza, il-BERT għandha tkun organizzazzjoni miftuħa għall-kuntatti ma’, inter alia, l-industrija, il-konsumaturi, it-trejdjunjins, l-entitajiet tas-settur pubbliku, iċ-ċentri ta’ riċerka u ma’ partijiet interessati oħra. Fejn xieraq, BERT għandha tassisti lill-Kummissjoni fit-tixrid u fl-iskambju ta’ l-aħjar prattika fost l-impriżi.

Ġustifikazzjoni

Il-BERT għandu jkollha l-possibilità li tikkonsulta u li taħdem b’mod reċiproku ma’ firxa ta’ partijiet interessati involuti fis-settur tal-komunikazzjonijiet elettroniċi.

Test propost mill-Kummissjoni

Emenda

(38) Għalhekk, il-proċeduri ta’ l-Awtorità għandhom jiżguraw li l-Awtorità jkollha aċċess għall-għarfien espert ta' l-ispeċjalisti u għal esperjenza fis-settur tal-komunikazzjonijiet elettroniċi, partikolarment f’oqsma ta’ kumplessità teknika u ta’ bidla mgħaġġla bħas-sigurtà tan-netwerks u ta’ l-informazzjoni.

(38) Għalhekk, il-proċeduri tal-BERT għandhom jiżguraw li din ikollha aċċess għall-għarfien espert ta' l-ispeċjalisti u għal esperjenza fis-settur tal-komunikazzjonijiet elettroniċi, partikolarment f’oqsma ta’ kumplessità teknika u ta’ bidla mgħaġġla.

Test propost mill-Kummissjoni

Emenda

(39) Sabiex ikun żgurat li l-grad meħtieġ ta’ kompetenza u ta’ esperjenza jinfluwenza it-twettiq tal-kompiti ta’ l-Awtorità relatati mas-sigurtà tan-netwerks u ta’ l-informazzjoni, għandu jinħatar Uffiċjal Kap għas-Sigurtà tan-Netwerks. Għandu jiġi stabbilit Grupp Permanenti tal-Partijiet Interessati sabiex jipprovdi pariri lill-Uffiċjal Kap għas-Sigurtà tan-Netwerks, jinkoraġġixxi l-qsim ta’ l-esperjenza u ta’ l-aħjar prattiki f’dawn il-kwistjonijiet u jżomm djalogu regolari mas-settur privat, ma’ l-organizzazzjonijiet tal-konsumaturi u ma’ partijiet interessati oħra.

imħassra

Test propost mill-Kummissjoni

Emenda

(40) Sabiex tkun iggarantita l-awtonomiija u l-indipendenza sħiħa ta’ l-Awtorità, għandha tingħata baġit awtonomu. Il-proċedura baġitarja Komunitarja tibqa’ applikabbli fejn għandu x’jaqsam kwalunkwe sussidju li jista’ jingħata mill-baġit ġenerali ta’ l-Unjoni Ewropea. Barra minn hekk, il-Qorti ta’ l-Awdituri għandha twettaq il-verifika tal-kontabbiltà skond l-Artikolu 91 tar-Regolament tal-Kummissjoni (KE, EURATOM) Nru 2343/2002 tad-19 ta’ Diċembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju li jgħodd għall-baġit ġenerali tal-Komunitajiet Ewropej.

(40) Sabiex tkun iggarantita l-awtonomiija u l-indipendenza sħiħa tal-BERT, għandha tingħata baġit awtonomu. Filwaqt li terz tal-fondi tagħha se jkun ipprovdut mill-baġit ġenerali ta’ l-Unjoni Ewropea, żewġ terzi tad-dħul tagħha se jkun ipprovdut mill-NRAs. L-Istati Membri għandhom jiżguraw li l-NRAs ikollhom fondi adegwati u bla kundizzjonijiet għal dan l-għan. Dan il-metodu ta’ ffinanzjar għandu jkun bla ħsara għall-indipendenza tal-BERT ta’ kemm l-Istati Membri u l-Kummissjoni.

Test propost mill-Kummissjoni

Emenda

(42) Il-Kummissjoni għandha tkun tista’ timponi penali finanzjarji fuq intrapriżi li ma jipprovdux l-informazzjoni li tkun meħtieġa biex l-Awtorità twettaq il-kompiti tagħha b’mod effettiv. Barra minn hekk, l-Istati Membri għandhom jiżguraw li jkollhom qafas xieraq sabiex jimponu penali effettivi, proporzjonati u dissważivi fuq l-intrapriżi meta dawn ma jikkonformawx ma’ l-obbligi li ġejjin minn dan ir-Regolament.

(42) Il-Kummissjoni għandha tkun tista’ tieħu l-miżuri neċessarji fil-każ li intrapriżi li jonqsu milli jipprovdu l-informazzjoni li tkun meħtieġa biex il-BERT twettaq il-kompiti tagħha b’mod effettiv. Barra minn hekk, l-Istati Membri għandhom jiżguraw li jkollhom qafas xieraq sabiex jimponu penali effettivi, proporzjonati u dissważivi fuq l-intrapriżi meta dawn ma jikkonformawx ma’ l-obbligi li ġejjin minn dan ir-Regolament.

Test propost mill-Kummissjoni

Emenda

(43) Fl-ambitu tagħha, biex tilħaq l-għanijiet u twettaq il-kompiti tagħha, l-Awtorità għandha tkun konformi b’mod partikolari mad-dispożizzjonijiet applikabbli għall-istituzzjonijiet Komunitarji rigward it-trattament ta’ dokumenti sensittivi. Fejn ikun rilevanti, huwa xieraq li jkun żgurat li jkun hemm skambju koerenti u sigur ta’ l-informazzjoni fil-qafas ta’ dan ir-Regolament.

(43) Fl-ambitu tagħha, biex tilħaq l-għanijiet u twettaq il-kompiti tagħha, l-NRAs għandhom jiżguraw li l-BERT tkun konformi b’mod partikolari mad-dispożizzjonijiet applikabbli għall-istituzzjonijiet Komunitarji rigward it-trattament ta’ dokumenti sensittivi. Fejn ikun rilevanti, huwa xieraq li jkun żgurat li jkun hemm skambju koerenti u sigur ta’ l-informazzjoni fil-qafas ta’ dan ir-Regolament.

Test propost mill-Kummissjoni

Emenda

(44) L-Awtorità għandha tapplika l-leġiżlazzjoni Komunitarja rilevanti dwar l-aċċess pubbliku għad-dokumenti kif ġie stabbilit fir-Regolament (KE) Nru 1049/2001 tal-Parlament Ewropew u tal-Kunsill tat-30 ta’ Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni u dwar il-protezzjoni ta’ l-individwi rigward l-ipproċessar tad-data pesonali kif ġie stabbilit fir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ individwu fir-rigward ta’ l-ipproċessar ta’ data personali mill-istituzzjonijiet u l-korpi tal-Komunità u dwar il-movement liberu ta’ dak id-data.

(44) L-NRAs għandhom jiżguraw li l-BERT tapplika l-leġiżlazzjoni Komunitarja rilevanti dwar l-aċċess pubbliku għad-dokumenti kif ġie stabbilit fir-Regolament (KE) Nru 1049/2001 tal-Parlament Ewropew u tal-Kunsill tat-30 ta’ Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni u dwar il-protezzjoni ta’ l-individwi rigward l-ipproċessar tad-data pesonali kif ġie stabbilit fir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ individwu fir-rigward ta’ l-ipproċessar ta’ data personali mill-istituzzjonijiet u l-korpi tal-Komunità u dwar il-movement liberu ta’ dak id-data.

Test propost mill-Kummissjoni

Emenda

(45) Il-parteċipazzjoni tal-pajjiżi terzi f’ħidmet l-Awtorità għandha tkun possibbli skond ftehimiet xierqa li għandhom jiġu konklużi mal-Komunità.

imħassra

Test propost mill-Kummissjoni

Emenda

(46) Għandha tkun żgurata t-tranżizzjoni bla problemi għall-attivitajiet li għaddejjin ta’ l-ENISA li jaqgħu taħt ir-responsabbiltà ta’ l-Awtorità.

imħassra

Test propost mill-Kummissjoni

Emenda

(47) Il-miżuri meħtieġa għall-implimentazzjoni ta' dan ir-Regolament għandhom jiġu adottati f'konformità mad-Deċiżjoni tal-Kunsill Nru. 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju tas-setgħat għall-implimentazzjoni konferiti fuq il-Kummissjoni.

imħassra

Test propost mill-Kummissjoni

Emenda

(48) B'mod partikolari għandha tingħata setgħa lill-Kummissjoni biex tadatta l-informazzjoni speċifikata fl-Anness għal dan ir-Regolament ma' l-iżviluppi tekniċi jew tas-suq. Peress li dawk il-miżuri għandhom ambitu ġenerali u ġew imfassla biex jemendaw l-elementi mhux essenzjali ta' dan ir-Regolament, għandhom jiġu adottati f'konformità mal-proċedura regolatorja bi skrutinju skond l-Artikolu 5a tad-Deċiżjoni 1999/468/KE.

imħassra

Test propost mill-Kummissjoni

Emenda

(49) Peress li l-għanijiet ta’ l-azzjoni proposta, prinċipalment il-funzjonament aħjar tas-suq intern għan-netwerks u għas-servizzi tal-komunikazzjonijiet elettroniċi u l-iżvilupp ta’ komunikazzjonijiet elettroniċi transkomunitarji, ma jistgħux jintlaħqu biżżejjed mill-Istati Membri minħabba l-ambitu mifrux ma’ l-Ewropa kollha ta’ dan ir-Regolament u għalhekk jistgħu jintlaħqu aħjar fuq il-livell Komunitarju, fejn il-Komunità tista’ tadotta miżuri skond il-prinċipju ta’ sussidjarjetà, kif ġie stabbilit fl-Artikolu 5 tat-Trattat. Skond il-prinċipju ta’ proporzjonalità, kif ġie stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħqu dawk l-għanijiet.

imħassra

Test propost mill-Kummissjoni

Emenda

(49a) Fl-1 ta’ Jannar 2014 għandha ssir reviżjoni biex ikun evalwat jekk hemmx bżonn li l-mandat ta’ BERT jiġi estiż. Fil-każ li estensjoni tkun iġġustifikata, għandhom jiġu riveduti r-regolamenti baġitarji u proċedurali, kif ukoll ir-riżorsi umani.

Test propost mill-Kummissjoni

Emenda

1. Qed tiġi stabbilita Awtorità tas-Suq Ewropew tal-Komunikazzjonijiet Elettroniċi bir-responsabbiltajiet stabbiliti f’dan ir-Regolament.

1. Se tiġi stabbilita l-Entità tar-Regolaturi Ewropej tat-Telekomunikazzjoni (“BERT”) bir-responsabbiltajiet stabbiliti f’dan ir-Regolament. Il-Kummissjoni għandha tikkonsulta lill-BERT fit-twettiq tal-funzjonijiet tagħha skond id-Direttiva Qafas u d-Direttivi Speċifiċi, kif stabbilit f’dan ir-Regolament.

Test propost mill-Kummissjoni

Emenda

2. L-Awtorità għandha taġixxi fl-ambitu tad-Direttiva Kwadru u tad-Direttivi Speċifiċi, u tibbaża ruħha fuq l-għarfien espert disponibbli fl-awtoritajiet regolatorji nazzjonali. Għandha tikkontribwixxi għall-funzjonament aħjar tas-suq intern għan-netwerks u għas-servizzi tal-komunikazzjonijiet elettroniċi, li jinkludu, b’mod partikolari, l-iżvilupp ta’ komunikazzjonijiet elettroniċi transkomunitarji u livell għoli u effettiv tas-sigurtà tan-netwerks u ta’ l-informzzjoni, permezz tal-kompiti elenkati fil-Kapitoli II u III.

2. Il-BERT għandha taġixxi fl-ambitu tad-Direttiva Qafas u tad-Direttivi Speċifiċi, u tibbaża ruħha fuq l-għarfien espert disponibbli fl-awtoritajiet regolatorji nazzjonali (l-“NRAs”). Għandha tikkontribwixxi għat-tijib tar-regolamentazzjoni nazzjonali fis-settur tal-komunikazzjoni elettronika u għall-funzjonament aħjar tas-suq intern għan-netwerks u għas-servizzi tal-komunikazzjonijiet elettroniċi, li jinkludu b’mod partikolari, il-promozzjoni ta’ applikazzjoni effettiva u konsistenti tal-qafas regolatorju tal-komunikazzjonijiet elettroniċi u l-iżvilupp ta’ komunikazzjonijiet elettroniċi transkomunitarji, permezz tal-kompiti elenkati fil-Kapitoli II u III.

Test propost mill-Kummissjoni

Emenda

3. L-Awtorità għandha twettaq il-kompiti tagħha b’kooperazzjoni ma’ l-awtoritajiet regolatorji nazzjonali u mal-Kummissjoni f’sistema Ewropea għar-regolamentazzjoni tal-komunikazzjonijiet elettroniċi.

3. Il-BERT għandha twettaq il-kompiti tagħha b’kooperazzjoni ma' l-NRAs u mal-Kummissjoni.

Il-BERT għandha sservi bħala mezz għall-iskambju ta’ informazzjoni u għall-adozzjoni ta’ deċiżjonijiet konsistenti ta’ l-NRAs. Għandha tipprovdi bażi għall-organizzazzjoni għat-teħid tad-deċiżjonijiet ta’ l-NRAs; Għandha tadotta pożizzjonijiet u kummenti komuni. Barra minn hekk, għandha tagħti parir lill-Kummissjoni u tassisti lill-NRAs fil-kwistjonijiet kollha fi ħdan l-iskop tad-dmirijiet mogħtija lill-NRAs mid-Direttiva Qafas u mid-Direttivi Speċifiċi.

Ġustifikazzjoni

Ħafna mir-responsabilitajiet regolatorji ta’ l-Awtorità għandhom jitneħħew u jibqgħu f’idejn l-Istati Membri.

Test propost mill-Kummissjoni

Emenda

5. L-għanijiet u l-kompiti ta’ l-Awtorità għandhom ikunu mingħajr preġudizzju għall-kompetenzi ta’ l-Istati Membri rigward is-sigurtà tan-netwerks u ta’ l-informazzjoni li jaqgħu barra mill-ambitu tat-Trattat KE, b'mod partikolari dawk koperti mit-Titoli V u VI tat-Trattat dwar l-Unjoni Ewropea. Fi kwalunkwe każ, l-għanijiet u l-kompiti ta' l-Awtorità għandhom ikunu mingħajr preġudizzju għall-attivitajiet li jikkonċernaw is-sigurtà pubblika, id-difiża, l-attivitajiet ta’ l-Istat fl-oqsma tal-liġi kriminali u s-sigurtà ta' l-Istat, inkluż il-benesseri ekonomiku ta’ l-Istat meta l-kwistjonijiet ikunu relatati ma’ kwistjonijiet ta’ sigurtà ta’ l-Istat.

imħassar

Test propost mill-Kummissjoni

Emenda

5a. Il-Kunsill u l-Parlament Ewropew se jadottaw Deċiżjoni biex ikun stabbilit uffiċċju sabiex jiżgura riżorsi xierqa għal BERT. Din id-Deċiżjoni se jkun fiha d-dispożizzjonijiet li ġejjin:

(a) għandha tipprovdi li l-uffiċċju jkun parti mill-amministrazzjoni tal-Komunità fir-rigward ta’ termini u kundizzjonijiet ta’ impjieg u r-responsabilitajiet baġitarji;

(b) sakemm huwa meħtieġ biex tiggarantixxi t-twettiq awtonomu tad-dmirijiet tal-BERT, għandha tipprovdi regolamenti speċifiċi tal-persunal għall-uffiċċju; u

(c) għandha tistabbilixxi regoli għall-ewwel laqgħa u l-ewwel presidenza tal-BERT.

L-uffiċċju għandu jkun stabbilit fi Brussell.

Test propost mill-Kummissjoni

Emenda

(a) toħroġ opinjonijiet fuq it-talba tal-Kummissjoni jew fuq l-inizjattiva tagħha stess u tgħin lill-Kummissjoni billi tipprovdilha l-appoġġ tekniku u amministrattiv addizzjonali fil-kwistjonijiet kollha li jikkonċernaw il-komunikazzjonijiet elettroniċi;

(a) toħroġ opinjonijiet fuq it-talba tal-Kummissjoni, tal-Parlament Ewropew jew fuq l-inizjattiva tagħha stess u tgħin lill-Kummissjoni u lill-Parlament Ewropew billi tipprovdilhom l-appoġġ tekniku addizzjonali fil-kwistjonijiet kollha li jikkonċernaw il-komunikazzjonijiet elettroniċi;

Ġustifikazzjoni

Il-memorandum ta’ spjegazzjoni tal-proposta tal-Kummissjoni jiddefinixxi l-Awtorità li għandha titwaqqaf, bħala awtorità "li hija responsabbli quddiem il-Parlament Ewropew". Għalhekk għandha tkun żgurata rabta iktar mill-viċin bejn dan ta’ l-aħħar u l-Awtorità.

Test propost mill-Kummissjoni

Emenda

(aa) tiżviluppa pożizzjonijiet komuni, linji gwida u l-aħjar prattiki għall-impożizzjoni ta' rimedji regolatorji fil-livell nazzjonali u timmoniterja l-implimentazzjoni tagħhom madwar l-Istati Membri;

Ġustifikazzjoni

L-emenda proposta għandha l-għan li tenfasizza l-irwol tal-BERT li jżid il-konsistenza tar-rimedji permezz ta' l-għoti ta' gwida lill-NRAs u l-monitoraġġ ta' l-implimentazzjoni.

Test propost mill-Kummissjoni

Emenda

(c) tipprovdi pariri għall-parteċipanti fis-suq u għall-awtoritajiet regolatorji nazzjonali fuq kwistjonijiet regolatorji;

(c) tipprovdi pariri għall-parteċipanti fis-suq (inklużi l-konsumaturi u għaqdiet tal-konsumaturi) u għall-NRAs dwar kwistjonijiet regolatorji;

Test propost mill-Kummissjoni

Emenda

(da) tpartat esperjenzi u tippromwovi l-innovazzjoni fil-qasam tal-komunikazzjonijiet elettroniċi;

Ġustifikazzjoni

L-irwol tal-BERT sabiex tkun promossa l-innovazzjoni fl-Ewropa jrid ikun enfasizzat, peress li l-innovazzjoni hija wkoll fl-interess tal-konsumaturi.

Test propost mill-Kummissjoni

Emenda

(e) tipprovdi pariri u għajnuna lill-Kummissjoni jew lil kwalunkwe entità oħra maħtura minn Stat Membru rigward kwalunkwe kwistjoni ta’ sigurtà tan-netwerks u ta’ l-informazzjoni li taqa’ taħt ir-responsabbiltà ta’ l-Awtorità;

imħassar

Test propost mill-Kummissjoni

Emenda

(f) tieħu deċiżjonijiet individwali b’relazzjoni għall-ħruġ tad-drittijiet ta’ użu għan-numri mill-Ispazju Ewropew tan-Numerazzjoni Telefonika (ETNS);

imħassar

Test propost mill-Kummissjoni

Emenda

(g) tgħin lill-Kummissjoni fl-għażla ta' l-intrapriżi li se jingħataw drittijiet ta’ użu tal-frekwenzi tar-radju u tan-numri;

imħassar

Ġustifikazzjoni

Il-BERT tipprovdi pariri (bħal f'kull kwistjoni oħra, inklużi l-proċeduri għall-Artikolu 7) lill-Kummissjoni, kif ukoll lil entitatjiet kompetenti oħra b'responsabilitajiet relatati mal-frekwenza, sabiex ikunu jistgħu jwettqu dawn ir-responsabilitajiet b'mod aktar effettiv. Il-BERT ma tiħux f'idejha l-proċeduri attwali mill-Kummissjoni (deskritta bl-użu tal-verb "tgħin"), billi dawn il-proċeduri huma riżervati għall-Kummissjoni u, fid-dawl tal-fatt li aktarx se jkun hemm numru żgħir ta' dawn il-proċeduri, ma jkunx ġustifikat jew proporzjonat li dan il-kompitu jingħata lil xi aġenzija.

Test propost mill-Kummissjoni

Emenda

(h) tiġbor u tqassam mill-ġdid il-ħlasijiet ta’ użu għad-drittijiet ta’ użu tal-frekwenzi tar-radju u tan-numri ;

imħassar

Test propost mill-Kummissjoni

Emenda

(i) toħroġ rakkomandazzjonjiet lill-awtoritajiet regolatorji nazzjonali dwar tilwim transkonfinali u dwar kwistjonijiet ta’ aċċessibbiltà elettronika (eAccessibility).

(i) tagħti pariri lill-NRAs dwar tilwim transkonfinali u, fejn xieraq, dwar kwistjonijiet ta’ aċċessibbiltà elettronika (e-Accessibility).

Ġustifikazzjoni

It-terminu ‘rakkomandazzjonijiet’ għandu jkun evitat minħabba li dan kiseb tifsira speċjali fil-leġiżlazzjoni tal-Komunità.

Test propost mill-Kummissjoni

Emenda

(ia) tiżviluppa pożizzjonijiet komuni dwar kwistjonijiet pan-Ewropej bħalma huma s-servizzi tat-telekomunikazzjonijiet globali (GTSs) sabiex iżżid il-konsistenza regolatorja u tippromwovi suq pan-Ewropew u regoli pan-Ewropej.

Ġustifikazzjoni

Skond il-Qafas Ġenerali attwali ta’ l-UE, il-fornitur tal-GTS għandu jikkonforma mar-rekwiżiti ta’ awtorizzazzjoni individwali ta’ kull Awtorità Regolatorja Nazzjonali sabiex ikun jista’ jipprovdi servizz pan-Ewropew. Hemm varjazzjonijiet konsiderevoli f’dawn l-arranġamenti nazzjonali, u l-obbligi ta’ konformità li joħorġu mis-sistemi ta’ awtorizzazzjoni nazzjonali wkoll ivarjaw b’mod sinifikanti.

Test propost mill-Kummissjoni

Emenda

1. Fuq it-talba tal-Kummissjoni, l-Awtorità għandha tagħti opinjonijiet dwar il-kwistjonijiet kollha li jikkonċernaw il-komunikazzjonijiet elettroniċi.

1. Fuq it-talba tal-Kummissjoni, il-BERT għandha tagħti opinjonijiet dwar il-kwistjonijiet kollha li jikkonċernaw il-komunikazzjonijiet elettroniċi kif stabbilit f’dan ir-Regolament. Il-BERT tista’ wkoll tipprovdi opinjonijiet fuq dawn il-kwistjonijiet lill-Kummissjoni jew lill-NRAs fuq l-inizjattiva tagħha stess.

Test propost mill-Kummissjoni

Emenda

2. B’mod partikolari, l-Awtorità għandha tagħti kontribuzzjoni għall-applikazzjoni armonizzata tad-dispożizzjonijiet fid-Direttiva Kwadru u fid-Direttivi Speċifiċi billi tgħin lill-Kummissjoni fil-preparazzjoni ta’ rakkomandazzjonijiet jew deċiżjonijiet li għandhom jiġu adottati mill-Kummissjoni skond l-Artikolu 19 tad-Direttiva 2002/21/KE (Direttiva Kwadru).

2. Sabiex tippromwovi l-applikazzjoni armonizzata tad-dispożizzjonijiet fid-Direttiva Qafas u fid-Direttivi Speċifiċi, il-Kummissjoni għandha titlob l-għajnuna tal-BERT fil-preparazzjoni ta’ rakkomandazzjonijiet jew deċiżjonijiet li għandhom jiġu adottati mill-Kummissjoni skond l-Artikolu 19 tad-Direttiva 2002/21/KE (Direttiva Qafas). Il-Parlament Ewropew jista’ wkoll jitlob għajnuna ta’ din ix-xorta lill-BERT kif meħtieġ minnu b'mod raġonevoli b’rabta ma’ kwalunkwe stħarriġ jew leġiżlazzjoni fl-ambitu tal-funzjonijiet tal-BERT.

Test propost mill-Kummissjoni

Emenda

3. Il-kwistjonijiet li jissemmew fil-paragrafu 1 għandhom jinkludu:

3. Il-kwistjonijiet li jissemmew fil-paragrafu 1 għandhom ikunu:

Ġustifikazzjoni

Ir-responsabilitajiet ta’ l-Awtorità għandhom ikunu definiti b’mod ċar.

Test propost mill-Kummissjoni

Emenda

(b) is-sigurtà u l-integrità tan-netwerks u tas-servizzi pubbliċi ta’ komunikazzjonijiet elettroniċi inklużi kwistjonijiet marbuta ma’ ksur tas-sigurtà u/jew ta’ l-integrità, skond l-Artikolu 13a tad-Direttiva 2002/21/KE (Direttiva Kwadru) u l-Artikolu 4 tad-Direttiva 2002/58/KE (Direttiva dwar il-privatezza u l-komunikazzjonijiet elettroniċi);

imħassar

Test propost mill-Kummissjoni

Emenda

(e) analiżijiet ta’ swieq nazzjonali speċifiċi skond l-Artikolu 16 tad-Direttiva 2002/21/KE (Direttiva Kwadru);

(e) analiżi ta’ swieq nazzjonali speċifiċi skond l-Artikolu 16 tad-Direttiva 2002/21/KE (Direttiva Qafas) u fejn xieraq, swieq sottonazzjonali;

Ġustifikazzjoni

Il-BERT għandha rwol konsultattiv fl-analiżi tas-swieq, fuq livell nazzjonali u fejn xieraq fuq livell sub-nazzjonali.

Test propost mill-Kummissjoni

Emenda

(i) kwistjonjiet ta’ numri, skond l-Artikolu 10 tad-Direttiva 2002/21/KE (Direttiva Kwadru) u l-aċċess għan-numri u għas-servizzi fil-Komunità, skond l-Artikolu 28 tad-Direttiva 2002/22/KE (Direttiva Servizz Universali);

imħassar

Ġustifikazzjoni

Il-kompetenza għandha tibqa’ ta’ l-Istati Membri.

Test propost mill-Kummissjoni

Emenda

(o) miżuri dwar kwistjonijiet ta’ frekwenzi tar-radju skond l-Artikoli 4 u 6 tad-Deċiżjoni 676/2002/KE (id-Deċiżjoni dwar l-Ispettri tar-Radju);

(o) kwistjonijiet li jaqgħu taħt ir-responsabilità tal-BERT kif identifikati mid-Direttiva Kwadra u d-Direttivi Speċifiċi, sakemm jaffettwaw l-immaniġġjar ta’ l-ispettru jew ikunu affettwati bl-immaniġġjar tiegħu;

Ġustifikazzjoni

Ikun xieraq illi d-Direttivi jispeċifikaw liema kwistjonijiet għandhom jidħlu fi ħdan l-iskop ta’ l-‘Awtorità’.

Test propost mill-Kummissjoni

Emenda

(p) skond l-Artikoli 6a u 6b tad-Direttiva 2002/20/KE (Direttiva ta’ Awtorizzazzjoni) :

Imħassra

(i) kundizzjonijiet armonizzati relatati mad-drittijiet ta’ użu tal-frekwenzi jew tan-numri tar-radju;

(ii) emenda jew irtirar tad-drittijiet ta’ użu maħruġa fuq bażi koordinata jew armonizzata;

(iii) l-għażla ta’ l-intarpriżi li jistgħu jingħatawlhom drittijiet individwali ta’ użu għall-frekwenzi jew għan-numri għal servizzi b’potenzjal transkonfinali.

Test propost mill-Kummissjoni

Emenda

(pa) miżuri li jiżguraw l-iżvilupp ta’ regoli komuni pan-Ewropej u rekwiżiti għall-fornituri ta’ servizzi ta’ telekomunikazzjonijiet globali (GTSs).

Ġustifikazzjoni

Skond il-Qafas Ġenerali attwali ta’ l-UE, il-fornitur tal-GTS għandu jkun konformi mar-rekwiżiti ta’ awtorizzazzjoni individwali ta’ kull Awtorità Regolatorja Nazzjonali sabiex ikun jista’ jipprovdi servizz pan-Ewropew. Hemm varjazzjonijiet konsiderevoli f’dawn l-arranġamenti nazzjonali, u l-obbligi ta’ konformità li joħorġu mis-sistemi ta’ awtorizzazzjoni nazzjonali wkoll ivarjaw b’mod sinifikanti.

Test propost mill-Kummissjoni

Emenda

4. Barra minn hekk, l-Awtorità għandha twettaq il-kompiti speċifiċi stabbiliti fl-Artikoli 5 sa 23.

4. Barra minn hekk, il-Kummissjoni tista’ titlob lill-BERT biex twettaq il-kompiti speċifiċi stabbiliti fl-Artikoli 5 sa 23.

Test propost mill-Kummissjoni

Emenda

4a. Il-Kummissjoni u l-NRAs għandhom iqisu sew l-opinjonijiet imwassla mill-BERT. Fil-każ li BERT tipproponi soluzzjonijiet alternattivi fid-dawl ta’ kundizzjonijiet tas-suq differenti u ‘path dependance’ ta' metodi differenti ta' regolamentazzjoni, l-NRA’s għandhom jikkunsidraw liema soluzzjoni l-aktar li taqbel mal-metodu regolatorju tagħhom. L-NRAs u l-Kummissjoni għandhom jippubblikaw il-mod kif l-opinjoni tal-BERT ġiet ikkunsidrata.

Ġustifikazzjoni

Jeħtieġ li jkunu kkunsidrati differenzi li jeżistu fis-swieq nazzjonali meta jkunu proposti soluzzjonijiet.

Test propost mill-Kummissjoni

Emenda

2. L-Awtorità għandha tagħti opinjoni lill-Kummissjoni dwar l-abbozz ta’ miżura konċernat fi żmien erba’ ġimgħat minn meta tiġi informata b’dan. L-opinjoni għandha tinkludi analiżi dettaljata u oġġettiva ta’ jekk l-abbozz tal-miżura jikkostitwix ostaklu għas-suq uniku u l-kompatibbiltà tagħha mad-dritt Komunitarju, b’mod partikolari ma’ l-għanijiet li jissemmew fl-Artikolu 8 tad-Direttiva 2002/21/KE (Direttiva Kwadru). Fejn ikun xieraq, l-Awtorità għandha tindika liema bidliet għandhom isiru fl-abbozz tal-miżura sabiex ikun żgurat li dawn l-għanijiet jiġu sodisfatti bl-aktar mod effettiv.

2. Il-BERT għandha tagħti opinjoni lill-Kummissjoni dwar l-abbozz ta’ miżura konċernat fi żmien erba’ ġimgħat minn meta tiġi informata b’dan. L-opinjoni għandha tinkludi analiżi dettaljata u oġġettiva ta’ jekk l-abbozz tal-miżura jikkostitwix ostaklu għas-suq uniku u l-kompatibbiltà tagħha mad-dritt Komunitarju, b’mod partikolari ma’ l-għanijiet li jissemmew fl-Artikolu 8 tad-Direttiva 2002/21/KE (Direttiva Qafas). Fejn ikun xieraq, il-Kummissjoni għandha titlob lill-BERT biex tindika liema bidliet għandhom isiru fl-abbozz tal-miżura sabiex ikun żgurat li dawn l-għanijiet jiġu sodisfatti bl-aktar mod effettiv.

Test propost mill-Kummissjoni

Emenda

2. Fejn il-Kummissjoni tkun identifikat suq transnazzjonali skond l-Artikolu 15(4) tad-Direttiva 2002/21/KE (Direttiva Kwadru), l-Awtorità għandha tagħmel l-analiżi tas-suq b’kooperazzjoni ma’ l-awtoritajiet regolatorji nazzjonali skond l-Artikolu 16(5) ta’ dik id-Direttiva u tagħti opinjoni lill-Kummissjoni dwar dan.

2. Fejn il-Kummissjoni tkun identifikat suq transnazzjonali skond l-Artikolu 15(4) tad-Direttiva 2002/21/KE (Direttiva Qafas), l-Awtorità tista’, fuq talba, tassisti lill-awtoritajiet regolatorji nazzjonali involuti fl-analiżi konġunta tas-suq skond l-Artikolu 16(5) ta’ dik id-Direttiva.

Ġustifikazzjoni

Flimkien ma’ l-emenda l-oħra marbuta ma’ dan l-Artikolu.

Test propost mill-Kummissjoni

Emenda

3. Fejn l-Awtorità tikkonkludi li s-suq transnazzjonali rilevanti ma jkunx kompetittiv b’mod effettiv, l-opinjoni lill-Kummissjoni għandha tinkludi abbozz ta’ miżura li jispeċifika l-intrapriża(i) li tqis li għandha/hom tingħażel/jingħażlu bħala li għandha/hom setgħa sinfikanti tas-suq f’dak is-suq u l-obbligi xierqa li għandhom jiġu imposti.

imħassar

Ġustifikazzjoni

Flimkien ma’ l-emenda l-oħra marbuta ma’ dan l-Artikolu.

Test propost mill-Kummissjoni

Emenda

4. Qabel l-għotja ta’ l-opinjoni skond il-paragrafu 1 jew 3, l-Awtorità għandha tikkonsulta ma’ l-awtoritajiet regolatorji nazzjonali u ma’ l-awtoritajiet nazzjonali tal-kompetizzjoni u għandha twettaq konsultazzjoni pubblika skond l-Artikolu 42 ta’ dan ir-Regolament.

imħassar

Ġustifikazzjoni

Flimkien ma’ l-emenda l-oħra marbuta ma’ dan l-Artikolu.

Test propost mill-Kummissjoni

Emenda

1. L-Awtorità għandha tkun tista' tieħu deċiżjonijiet relatati mal-ħruġ tad-drittijiet ta' użu għan-numri mill-Ispazju Ewropew tan-Numri tat-Telefown (ETS) f'konformità ma' l-Artikolu 10 tad-Direttiva 2002/21/KE (Direttiva Kwadru). Għandha tkun ukoll responsabbli, f’isem l-Istati Membri, mill-amministrazzjoni u mill-iżvilupp ta’ l-Ispazju Ewropew tan-Numerazzjoni Telefonika (ETNS) li ngħatalu l-prefiss 3883.

imħassar

Test propost mill-Kummissjoni

Emenda

2. L-Awtorità għandha twettaq il-kompiti assoċjati ma’ l-amministrazzjoni u mal-ġestjoni tal-firxiet tan-numri armonizzati skond l-Artikolu 10(4) tad-Direttiva 2002/21/KE (Direttiva Kwadru).

imħassar

Test propost mill-Kummissjoni

Emenda

3. L-Awtorità għandha taħdem ma’ l-awtoritajiet regolatorji nazzjonali dwar kwistjonijiet relatati ma’ frodi jew ma’ użu ħażin tar-riżorsi tan-numri fil-Komunità, b’mod partikolari għal servizzi transkonfinali. Tista’ toħroġ opinjoni dwar azzjoni li tista’ tittieħed fuq il-livell Komunitarju jew nazzjonali sabiex ikunu indirizzati l-frodi u l-użu ħażin kif ukoll tħassib ieħor tal-konsumaturi dwar in-numri.

3. Fuq talba tal-Kummissjoni, il-BERT għandha taħdem ma’ l-awtoritajiet regolatorji nazzjonali dwar kwistjonijiet relatati ma’ frodi jew ma’ użu ħażin tar-riżorsi tan-numri fil-Komunità, b’mod partikolari għal servizzi transkonfinali. Tista’ toħroġ opinjoni dwar azzjoni li tista’ tittieħed fuq il-livell Komunitarju jew nazzjonali sabiex ikunu indirizzati l-frodi u l-użu ħażin kif ukoll tħassib ieħor tal-konsumaturi dwar in-numri.

Test propost mill-Kummissjoni

Emenda

1. L-Awtorità għandha tagħmel analiżi annwali tal-miżuri li ttieħdu mill-Istati Membri sabiex iċ-ċittadini jkunu informati bl-eżistenza u bl-użu tan-numru tat-telefon Ewropew waħdani ta’ emerġenza “112”, ibbażat fuq l-informazzjoni riċevuta skond l-Artikolu 26(4) tad-Direttiva 2002/22/KE (Direttiva Servizz Universali). Ir-riżultati ta’ din l-analiżi għandhom ikunu inklużi fir-rapport annwali li jissemma fl-Artikolu 21(2).

imħassar

Test propost mill-Kummissjoni

Emenda

1. Fuq it-talba tal-Kummissjoni, l-Awtorità għandha tipprovdi pariri lill-Kummissjoni u twettaq studji u analiżijiet, b’mod partikolari dwar aspetti tekniċi u ekonomiċi, rigward l-użu ta’ frekwenzi tar-radju fil-Komunità għall-komunikazzjonijiet elettroniċi.

1. Fuq it-talba tal-Kummissjoni, il-BERT għandha tipprovdi pariri lill-Kummissjoni, lill-Grupp għal Politika dwar l-Ispektrum tar-Radju (“Radio Spectrum Policy Group” - RSPG) jew lill-Kumitat dwar l-Ispektrum tar-Radju (“Radio Spectrum Committee” - RSC), kif ikun xieraq, b’rabta ma’ kwistjonijiet li huma fl-ambitu tar-responsabiltà tagħha li jaffettwaw jew huma affettwati mill-użu ta’ frekwenzi tar-radju fil-Komunità għall-komunikazzjonijiet elettroniċi. Għandha taħdem f’koperazzjoni mill-qrib mal-RSPG u l-RSC kif ikun xieraq.

Test propost mill-Kummissjoni

Emenda

3. Fuq it-talba tagħha , l-Awtorità għandha tipprovdi lill-Kummissjoni pariri rigward it-tfassil ta’ għanijiet ta’ politika komuni li jissemmew fl-Artikolu 6(3) tad-Deċiżjoni 676/2002/KE (id-Deċiżjoni dwar l-Ispettri tar-Radju), meta dawn jaqgħu fis-settur tal-komunikazzjonijiet elettroniċi.

3. Il-Kummissjoni tista’ titlob lill-BERT biex tipprovdi pariri lill-RSPG jew lill-RSC, b'rabta ma' pariri ta’ l-RSC lill-Kummissjoni rigward it-tfassil ta’ għanijiet ta’ politika komuni li jissemmew fl-Artikolu 6(3) tad-Deċiżjoni 676/2002/KE (id-Deċiżjoni dwar l-Ispettri tar-Radju), meta dawn jaqgħu fis-settur tal-komunikazzjonijiet elettroniċi.

Test propost mill-Kummissjoni

Emenda

4. L-Awtorità għandha tippubblika rapport annwali dwar żviluppi prospettivi fil-frekwenzi fis-settur tal-komunikazzjonijiet elettroniċi u dwar politiki fejn għandha tidentifika l-ħtiġiet u l-isfidi potenzjali.

4. Il-BERT għandha tikkontribwixxi għar-rapporti ppubblikati mill-Kummissjoni, mill-RSPG, mill-RSC jew kwalunkwe entità oħra rilevanti, kif ikun il-każ, dwar żviluppi prospettivi fil-frekwenzi fis-settur tal-komunikazzjonijiet elettroniċi u dwar politiki fejn għandha tidentifika l-ħtiġiet u l-isfidi potenzjali.

Ġustifikazzjoni

L-emendi għandhom l-għan li jiddefinixxu b'aktar ċarezza l-irwoli tal-BERT fir-rigward tal-frekwenzi u jiċċaraw li l-irwol ewlieni tagħha huwa li tagħti parir mhux biss lill-Kummissjoni iżda lill-entitajiet speċifiċi (RSC u RSPG) li diġà ġew mogħtija inkarigi marbutin mal-frekwenzi tar-radju. Il-BERT m'għandhiex tingħata inkarigi li huma diġà mogħtija lill-RSC u lill-RSPG, għax dan iwassal għal nuqqas ta' effettività u għal konfużjoni fil-kompetenzi regolatorji u ta' frekwenza; għal kuntrarju, l-irwol tagħha għandu jkun komplimentari ma' dawn l-entitajiet sabiex ikun żgurat li l-objettivi tal-politika dwar il-komunikazzjoni elettronika jkunu uniformi fl-entitajiet kollha li huma attivi fis-settur tal-komunikazzjoni elettronika.

Test propost mill-Kummissjoni

Emenda

1. Fuq it-talba tal-Kummissjoni, l-Awtorità għandha tipprovdi lill-Kummissjoni b’opinjoni dwar l-ambitu u l-kontenut ta’ kwalunkwe waħda mill-miżuri implimentattivi provduti fl-Artikolu 6a tad-Direttiva 2002/20/KE (id-Direttiva ta' Awtorizzazzjoni). B’mod partikolari, dan jista’ jinkludi l-valutazzjoni ta’ l-Awtorità tal-benefiċċji li jistgħu jakkumulaw għas-suq uniku fin-netwerks u fis-servizzi tal-komunikazzjonijiet elettroniċi mill-miżuri implimentattivi li ġew adottati mill-Kummissjoni skond l-Artikolu 6a tad-Direttiva 2002/20/KE (Direttiva ta’ Awtorizzazzjoni) u l-identifikazzjoni tas-servizzi b’potenzjal transkomunitarju li għandhom jibbenfikaw minn dawk il-miżuri.

1. Il-Kummissjoni tista’ titlob lill-BERT sabiex tagħti lill-Kummissjoni, lill-RSPG jew lill-RSC opinjoni dwar il-kamp ta’ applikazzjoni u l-kontenut ta’ kwalunkwe waħda mill-miżuri implimentattivi provduti fl-Artikolu 6a tad-Direttiva 2002/20/KE (id-Direttiva ta' Awtorizzazzjoni). B’mod partikolari, dan jista’ jinkludi l-evalwazzjoni tal-BERT tal-benefiċċji li jistgħu jakkumulaw għas-suq uniku fin-netwerks u fis-servizzi tal-komunikazzjonijiet elettroniċi mill-miżuri implimentattivi li ġew adottati mill-Kummissjoni skond l-Artikolu 6a tad-Direttiva 2002/20/KE (Direttiva ta’ Awtorizzazzjoni) u l-identifikazzjoni tas-servizzi b’potenzjal transkomunitarju li għandhom jibbenfikaw minn dawk il-miżuri.

Test propost mill-Kummissjoni

Emenda

2. Fejn opinjoni ta’ l-Awtorità, skond il-paragrafu 1, tkun relatata ma’ l-implimentazzjoni ta’ proċedura komuni ta’ għażla għad-drittijiet ta’ użu li jaqgħu fl-ambitu ta’ l-Artikolu 6b tad-Direttiva 2002/20/KE (Direttiva ta’ Awtorizzazzjoni), b’mod partikolari, dik l-opinjoni għandha:

imħassar

(a) tidentifika s-servizzi tal-komunikazzjonijiet elettroniċi li l-provvista tagħhom fuq bażi transkonfinali fil-Komunità għandha tibbenefika mill-użu ta’ frekwenzi jew ta’ numri, li d-drittijiet tagħhom jingħataw permezz ta’ proċedura waħdanija u skond sett wieħed ta’ kundizzjonijiet;

(b) tidentifika n-numri jew il-firxiet ta’ numri li jistgħu jintużaw għal servizzi ta’ din ix-xorta;

(c) tivvaluta l-livell tad-domanda effettiva jew potenzjali fil-Komunità għal servizzi ta’ din ix-xorta, u

(d) tispeċifika kwalunkwe limitazzjoni li tqies li hija xierqa fuq in-numru ta’ drittijiet ta’ użu li għandhom jiġu offruti skond il-proċedura komuni ta’ għażla u skond il-proċeduri li għandhom jiġu segwiti għall-għażla ta’ l-intrapriżi li għandhom jingħatawlhom dawk id-drittijiet, billi jitqiesu, fejn ikun applikabbli, il-prinċipji stabbiliti fl-Artikolu 7 tad-Direttiva 2002/20/KE (Direttiva ta’ Awtorizzazzjoni).

Test propost mill-Kummissjoni

Emenda

3. Jekk il-Kummissjoni titlob hekk, l-Awtorità għandha tispjega jew tissupplimenta kwalunkwe opinjoni maħruġa skond il-paragrafu 1 fit-terminu ta’ żmien speċifikat f’dik it-talba.

3. Jekk il-Kummissjoni, l-RSPG, l-RSC jew kwalunkwe entità oħra rilevanti titlob hekk, l-Awtorità għandha tispjega jew tissupplimenta kwalunkwe opinjoni maħruġa skond il-paragrafu 1 fit-terminu ta’ żmien speċifikat f’dik it-talba.

Ġustifikazzjoni

Għalkemm huwa fl-aħjar interess tas-suq intern li l-BERT tikkontribwixxi għall-isforzi tal-Kummissjoni fir-rigward ta' l-armonizzazzjoni tal-kundizzjonijiet u l-proċeduri relatati ma' l-awtorizzazzjonijiet billi tagħti opinjonijiet lill-Kummissjoni, kull rekwiżit definit dwar il-kontenut ta' din l-opinjoni jmur kontra l-prinċipju tal-flessibilità u l-kapaċità li l-BERT tagħmel użu mill-għarfien speċjalizzat ta' l-NRAs b'mod effettiv.

Test propost mill-Kummissjoni

Emenda

Artikolu 12

imħassar

Proposta għall-għażla ta’ l-intrapriżi

Skond l-Artikolu 6b tad-Direttiva 2002/20/KE (Direttiva ta’ Awtorizzazzjoni), l-Awtorità għandha:

(a) tirċievi u tipproċessa l-applikazzjonijiet mingħand l-intrapriżi għad-drittijiet ta’ użu tal-frekwenzi tar-radju u tan-numri u tiġbor il-ħlasijiet amministrattivi imposti fuq l-intrapriżi skond proċedura komuni ta’ għażla;

(b) twettaq il-proċedura komuni ta’ għażla u tipproponi l-intrapriża(i) li jistgħu jingħatawlha/hom drittijiet ta’ użu individwali skond dawk id-dispożizzjonijiet;

(c) tagħti rapport lill-Kummissjoni fejn issemmi fid-dettall l-applikazzjonijiet li tkun irċeviet, tiddeskrivi l-valutazzjoni li tkun għamlet ta’ dawk l-applikazzjoni, tipproponi l-intrapriża(i) l-aktar eliġibbli li għandhom jingħatawlha/hom drittijiet individwali ta’ użu u tiġġustifika din l-għażla b’referenza għall-kriterji ta’ għażla stabbiliti fil-miżura implimentattiva rilevanti.

Test propost mill-Kummissjoni

Emenda

Fuq it-talba tal-Kummissjoni, l-Awtorità għandha tagħti opinjoni lill-Kummissjoni dwar l-irtirar tad-drittijiet ta’ użu maħruġa skond il-proċeduri komuni provduti fl-Artikolu 6b tad-Direttiva 2002/20/KE (Direttiva ta’ Awtorizzazzjoni).

Il-Kummissjoni tista’ titlob lill-BERT biex tagħti opinjoni lill-Kummissjoni, lill-RSPG jew lill-RSC dwar l-irtirar tad-drittijiet ta’ użu maħruġa skond il-proċeduri komuni provduti fl-Artikolu 6b tad-Direttiva 2002/20/KE (Direttiva ta’ Awtorizzazzjoni).

Test propost mill-Kummissjoni

Emenda

Artikolu 14

imħassar

Is-sigurtà tan-netwerks u ta’ l-informazzjoni

Minbarra l-kompiti li jissemmew fl-Artikolu 4(3)(b) u fl-Artikolu 19(4) u (5), l-Awtorità għandha tikkontribwixxi għall-iżvilupp ta' kultura ta' netwerk u ta' sigurtà ta' informazzjoni, b'mod partikolari billi:

(a) tiffaċilita l-kooperazzjoni bejn il-Kummissjoni u l-Istati Membri fl-iżvilupp ta’ metodoloġiji komuni sabiex ikunu prevenuti, indirizzati u jkun hemm reazzjoni għall-kwistjonijiet tas-sigurtà tan-netwerks u ta’ l-informazzjoni;

(b) tagħti pariri lill-Kummissjoni dwar riċerka fil-qasam tas-sigurtà tan-netwerks u ta’ l-informazzjoni kif ukoll dwar l-użu effettiv tat-teknoloġiji tal-prevenzjoni tar-riskji; u tippromwovi attivitajiet ta’ valutazzjoni tar-riskji, soluzzjonijiet interoperabbli ta’ ġestjoni tar-riskji u studji dwar soluzzjonijiet ta’ ġestjoni ta’ prevenzjoni fl-organizzazzjonijiet tas-settur pubbliku u dak privat, u

(c) tagħti kontribuzzjoni għall-isforzi Komunitarji sabiex ikun hemm kooperazzjoni ma’ pajjiżi terzi u, fejn ikun xieraq, ma’ organizzazzjonijiet internazzjonali sabiex ikun promoss metodu globali komuni għal kwistjonijiet ta’ sigurtà tan-netwerks u ta’ l-informazzjoni.

Test propost mill-Kummissjoni

Emenda

Fuq l-inizjattiva tagħha stess, l-Awtorità tista’ tagħti opinjoni lill-Kummissjoni dwar kwistjonijiet li jissemmew fl-Artikoli 4(2), 7(1), 8(3), 10(1), 12, 14, 21 u 22.

Fuq l-inizjattiva tagħha stess, l-Awtorità tista’ tagħti opinjoni lill-Parlament Ewropew u lill-Kummissjoni, b’mod partikulari dwar kwistjonijiet li jissemmew fl-Artikoli 4(2), 7(1), 8(3), 10(1), 14, 21 u 22 jew dwar kwalunkwe kwistjoni oħra li hija tista’ tqis bħala rilevanti.

Ġustifikazzjoni

Il-memorandum ta’ spjegazzjoni tal-proposta tal-Kummissjoni jiddefinixxi l-Awtorità li għandha titwaqqaf, bħala awtorità "li hija responsabbli quddiem il-Parlament Ewropew". Għalhekk għandha tkun żgurata rabta iktar mill-viċin bejn dan ta’ l-aħħar u l-Awtorità. Emendi oħra jħassru l-Artikolu 12 peress li l-Grupp dwar il-Politika ta’ l-Ispektrum tar-Radju (RSPG), il-Kumitat dwar l-Ispektrum tar-Radju (RSC) u l-Kumitat dwar il-Komunikazzjonijiet (CoCOM) diġà jamministraw b’mod effettiv id-drittijiet ta’ l-użu tal-frekwenzi u n-numri tar-radju.

Test propost mill-Kummissjoni

Emenda

Artikolu 16

imħassar

Ġbir ta' ħlasijiet amministrattivi għal servizzi provduti mill-Awtorità

1. Il-Kummissjoni għandha tistabbilixxi l-ħlasijiet amministrattivi imposti fuq l-intrapriżi għal servizzi provduti mill-Awtorità skond il-proċedura msemmija fl-Artikolu 54(2) u abbażi ta' opinjoni ta' l-Awtorità. L-Awtorità għandha tiġbor dawn il-ħlasijiet amministrattivi..

2. Il-ħlasijiet amministrattivi għandhom ikunu imposti fuq l-intrapriżi individwali b’mod oġġettiv, trasparenti u proporzjonat li jimminimizza spejjeż amministrattivi addizzjonali u ħlasijiet assoċjati.

3. Il-ħlasijiet amministrattivi li jissemmew fil-paragrafu 1 jistgħu jkopru:

(a) l-ispejjeż amministrattivi li ħarġet l-Awtorità fil-ġestjoni tal-proċedura ta’ għażla skond l-Artikolu 12;

(b) l-ipproċessar ta’ l-appelli skond l-Artikolu 34;

(c) l-ispejjeż amministrattivi li saru mill-Awtorità fl-aministrazzjoni ta’ l-Ispazju Ewropew tan-Numerazzjoni Telefonika skond l-Artikolu 8.

Il-ħlasijiet kollha għandhom ikunu espressi u għandhom jitħallsu f’euro.

4. L-ammont tal-ħlasijiet amministrattivi għandu jkun iffissat f’tali livell sabiex ikun żgurat li d-dħul minn dawn il-ħlasijiet fil-prinċipju jkun biżżejjed sabiex tkun koperta l-ispiża kollha tas-servizzi mogħtija.

5. L-Awtorità għandha tippubblika sommarju annwali ta’ l-ispejjeż u tal-ħlasijiet amministrattivi tagħha. Fid-dawl ta’ kwalunkwe differenza bejn is-somma totali tal-ħlasijiet u l-ispejjeż amministrattivi totali, għandha tagħti opinjoni lill-Kummissjoni li fiha tindika l-aġġustamenti xierqa li għandhom isiru.

Test propost mill-Kummissjoni

Emenda

Artikolu 17

imħassar

Il-ġbir u t-tqassim mill-ġdid tal-ħlasijiet ta’ użu għad-drittijiet ta’ użu tal-frekwenzi tar-radju u tan-numri u tal-ħlasijiet amministrattivi taħt proċedura komuni ta’ għażla

1. Fejn, skond l-Artikolu 6b tad-Direttiva 2002/20/KE (Direttiva ta’ Awtorizzazzjoni), jiġu imposti ħlasijiet ta’ użu għad-drittijiet ta’ użu tal-frekwenzi tar-radju jew tan-numri fuq intrapriżi l-Awtorità għandha tkun responsabbli mill-ġbir u mit-tqassim mill-ġdid ta’ ħlasijiet ta’ użu ta’ din ix-xorta.

Malli tirċevi l-ħlasijiet ta’ użu l-Awtorità għandhom tqassamhom mill-ġdid fost l-Istati Membri rilevanti u l-Awtorità skond il-limitu ta’ żmien u l-proporzjon li għandhom jiġu ffissati mill-Kummissjoni, skond l-Artikolu 6b tad-Direttiva 2002/20/KE (Direttiva ta’ Awtorizzazzjoni).

Jekk il-limitu taż-żmien u l-proprzjon ma jiġux stabbiliti mill-Kummissjoni, il-ħlasijiet ta’ użu għandhom jitqassmu mill-ġdid fuq il-bażi tal-popolazzjoni ta’ kull Stat Membru li ħtieġlu joħroġ drittijiet ta’ użu fl-aħħar sena kompluta qabel it-tnedija tal-proċedura ta’ għażla.

2. Wara proċedura komuni ta’ għażla għad-drittijiet ta’ użu għall-frekwenzi jew għan-numri, l-Awtorità għandha tkun responsabbli mill-ġbir u mit-tqassim mill-ġdid tal-ħlasijiet amministrattivi li jiġu imposti fuq l-intrapriżi magħżula sabiex ikunu koperti l-ispejjeż amministrattivi ta’ l-awtoritajiet regolatorji nazzjonali meta jimmonitorjaw il-konformità mal-kundizzjonijiet komuni.

L-Awtorità għandha tqassam mill-ġdid dawn il-ħlasijiet amministrattivi li jissemmgħu fl-ewwel subparagrafu lill-awtoritajiet regolatorji nazzjonali malli tirċevihom, skond il-valuri provduti mill-awtoritajiet regolatorji nazzjonali.

Test propost mill-Kummissjoni

Emenda

1. Billi tqis il-politika Komunitarja dwar il-komunikazzjonijiet elettroniċi, l-Awtorità għandha tippromwovi l-iskambju ta’ informazzjoni kemm bejn l-Istati Membri kif ukoll bejn l-Istati Membri, l-awtoritajiet regolatorji nazzjonali u l-Kummissjoni dwar is-sitwazzjoni u l-iżvilupp ta’ attivitajiet regolatorji rigward in-netwerks u s-servizzi tal-komunikazzjonijiet elettroniċi, inkluża s-sigurtà tan-netwerks u ta’ l-informazzjoni.

1. Billi tqis il-politika Komunitarja dwar il-komunikazzjonijiet elettroniċi, il-BERT għandha tippromwovi l-iskambju ta’ informazzjoni kemm bejn l-Istati Membri kif ukoll bejn l-Istati Membri, l-NRAs u l-Kummissjoni dwar is-sitwazzjoni u l-iżvilupp ta’ attivitajiet regolatorji rigward in-netwerks u s-servizzi tal-komunikazzjonijiet elettroniċi. Fid-dawl ta’ kundizzjonijiet tas-swieq differenti u ‘path dependence’ ta’ metodi regolatorji nazzjonali differenti, il-BERT tista’ tiżviluppa soluzzjonijiet alternattivi għall-problemi fi ħdan il-qafas regolatorju armonizzat.

Test propost mill-Kummissjoni

Emenda

(b) l-ikkummissjonar jew it-twettiq ta’ studji dwar netwerks u servizzi tal-komunikazzjonijiet elettroniċi u r-regolamentazzjoni u l-protezzjoni tagħhom, u

(b) l-ikkummissjonar jew it-twettiq ta’ studji dwar netwerks u servizzi tal-komunikazzjonijiet elettroniċi u r-regolamentazzjoni tagħhom, u

Test propost mill-Kummissjoni

Emenda

(c) l-organizzazzjoni jew il-promozzjoni ta’ taħriġ fil-kwistjonijiet kollha li jikkonċernaw il-komunikazzjonjiet elettroniċi.

(c) l-organizzazzjoni jew il-promozzjoni ta’ taħriġ għall-NRAs fil-kwistjonijiet li huma fil-kamp ta’ applikazzjoni tal-funzjonijiet tal-BERT kif stabbiliti fid-Direttiva Qafas u fid-Direttivi Speċifiċi.

Ġustifikazzjoni

Is-suġġetti tar-rapporti li jistgħu jiġu kkummissjonati mill-Awtorità jew mill-BERT għandhom ikunu limitati għal dawk li huma taħt ir-responsabilità tagħha.

Test propost mill-Kummissjoni

Emenda

3. L-Awtorità għandha tagħmel informazzjoni ta’ din ix-xorta disponibbli għall-pubbliku f’forma faċilment aċċessibbli.

3. Il-BERT għandha tagħmel informazzjoni ta’ din ix-xorta disponibbli għall-pubbliku f’forma faċilment aċċessibbli; Il-kunfidenzjalità għandha tiġi rrispettata kif xieraq.

Test propost mill-Kummissjoni

Emenda

4. L-Awtorità għandha tiġbor informazzjoni xierqa, b’mod partikolari skond l-Artikolu 13a tad-Direttiva 2002/21/KE (Direttiva Kwadru), sabiex tanalizza riskji kurrenti u emerġenti. B’mod partikolari għandha tistudja fuq il-livell Ewropew, dawk ir-riskju li jistgħu jipproduċu impatt fuq il-flessibilità u d-disponibbiltà tan-netwerks tal-komunikazzjonijiet elettroniċi u fuq l-awtentiċità, l-integrità, u l-kunfidenzjalità ta’ l-informazzjoni li kien hemm aċċess għaliha u li ġiet trażmessa permezz tagħhom, u tipprovdi r-riżultati ta’ l-analiżi lill-Istati Membri u lill-Kummissjoni.

imħassar

Test propost mill-Kummissjoni

Emenda

5. L-Awtorità għandha tikkontribwixxi biex titqajjem kuxjenza u għad-disponibbiltà ta’ informazzjoni f’waqtha, oġġettiva u komprensiva, inkluż dwar kwistjonijiet ta’ sigurtà tan-netwerks u ta’ l-informazzjoni, għall-utenti kollha, billi, fost l-oħrajn, tippromwovi skambji ta’ l-aħjar prattiki kurrenti, inkluż dwar metodi sabiex l-utenti jiġu mwissija, u billi tfittex sinerġija bejn l-inizjattivi tas-settur pubbliku u dawk tas-settur privat.

imħassar

Test propost mill-Kummissjoni

Emenda

Artikolu 20

imħassar

Il-ġestjoni tar-reġistru ta’ l-informazzjoni dwar l-ispektrum u tad-database dwar ir-roaming taċ-ċellulari

1. Sabiex tkun żgurata d-disponibbiltà armonizzata ta’ l-informazzjoni dwar l-użu tal-frekwenzi tar-radju fil-Komunità, għandu jkun disponibbli għall-pubbliku reġistru fil-forma ta’ punt ta’ aċċess komuni għall-provvista ta’ informazzjoni dwar l-użu ta’ l-ispektrum f’kull Stat Membru. L-informazzjoni dwar l-użu ta’ l-ifrekwenzi tar-radju għandha tkun provduta mill-Istati Membri fuq bażi regolari u skond talba li tgħid dan mingħand l-Awtorità. L-Awtorità għandha tkun responsabbli mill-ġestjoni u mill-pubblikazzjoni tar-reġistru. Ir-reġistru għandu jinkludi l-informazzjoni li ġiet speċifikata fl-Anness għal dan ir-Regolament, kif ukoll kwalunkwe informazzjoni oħra li l-Awtorità tista’ tqisha xierqa. Il-Kummissjoni tista’ tadotta miżuri implimentattivi sabiex tadatta l-Anness għall-żviluppi tekniċi jew tas-suq. Dawk il-miżuri mfassla biex jemendaw l-elementi mhux essenzjali ta' dan ir-Regolament għandhom jiġu adottati skond il-proċedura li tissemma fl-Artikolu 54(3).

2. L-Awtorità għandha tkun responsabbli mill-ġestjoni u mill-pubblikazzjoni ta’ database dwar l-ipprezzar tas-servizzi tal-leħen u tad-data għall-klijenti taċ-ċellulari meta jkun qed jagħmlu roaming fil-Komunità, inklużi, fejn ikun xieraq, l-ispejjeż speċifiċi għat-telefonati bir-roaming li jsiru u li jiġu riċevuti fir-reġjuni l-aktar imbiegħda tal-Komunità. Għandha timmonitorja l-iżviluppi fi prezzijiet ta’ din ix-xorta u tippubblika rapport annwali.

Test propost mill-Kummissjoni

Emenda

1. L-Awtorità għandha timmonitorja l-iżviluppi fis-suq tal-komunikazzjonijiet elettroniċi, u b’mod partikolari l-prezzijiet tal-bejgħ bl-imnut tal-prodotti u tas-servizzi li l-aktar li jintużaw mill-konsumaturi.

1. Il-Kummissjoni tista’ titlob lill-BERT sabiex timmonitorja l-iżviluppi fis-suq tal-komunikazzjonijiet elettroniċi, u b’mod partikolari l-prezzijiet tal-bejgħ bl-imnut tal-prodotti u tas-servizzi li l-aktar li jintużaw mill-konsumaturi.

Test propost mill-Kummissjoni

Emenda

2. L-Awtorità għandha tippubblika rapport annwali dwar l-iżviluppi fis-settur tal-komunikazzjonijiet elettroniċi, inklużi l-kwistjonijiet tal-konsumatur, fejn għandha tidentifika l-ostakli li fadal sabiex jiġi kompletat is-suq uniku għall-komunikazzjonijiet elettroniċi. Ir-rapport għandu jinkludi wkoll ħarsa ġenerali u analiżi ta’ l-informazzjoni dwar il-proċeduri nazzjonali ta’ appell ipprovduti mill-Istati Membri skond l-Artikolu 4(3) tad-Direttiva 2002/21/KE (Direttiva Kwadru), u sakemm jintużaw il-proċeduri ta’ ftehim għat-tilwim barra mill-qorti li jissemmew fl-Artikolu 34 tad-Direttiva 2002/22/KE (Direttiva Servizz Universali) fl-Istati Membri.

2. Il-BERT għandha tippubblika rapport annwali dwar l-iżviluppi fis-settur tal-komunikazzjonijiet elettroniċi, inklużi l-kwistjonijiet tal-konsumatur, fejn għandha tidentifika l-ostakli li fadal sabiex jiġi kompletat is-suq uniku għall-komunikazzjonijiet elettroniċi. Ir-rapport għandu jinkludi wkoll ħarsa ġenerali u analiżi ta’ l-informazzjoni dwar il-proċeduri nazzjonali ta’ appell ipprovduti mill-Istati Membri skond l-Artikolu 4(3) tad-Direttiva 2002/21/KE (Direttiva Qafas), u sakemm jintużaw il-proċeduri ta’ ftehim għat-tilwim barra mill-qorti li jissemmew fl-Artikolu 34 tad-Direttiva 2002/22/KE (Direttiva Servizz Universali) fl-Istati Membri. Dan ir-rapport għandu jkun ippreżentat lill-Parlament Ewropew, li jista’ mbagħad jippubblika opinjoni.

Test propost mill-Kummissjoni

Emenda

3. L-Awtorità tista’ tagħti lill-Kummissjoni, flimkien mal-pubblikazzjoni tar-rapport annwali, opinjoni dwar il-miżuri li jistgħu jittieħdu sabiex jingħelbu l-problemi li ġew identifikati fil-valutazzjoni tal-kwistjonijiet li jissemmew fil-paragrafu 1.

3. Il-Kummissjoni tista’ titlob lill-BERT sabiex tagħti opinjoni dwar il-miżuri li jistgħu jittieħdu sabiex jingħelbu l-problemi li ġew identifikati fl-evalwazzjoni tal-kwistjonijiet li jissemmew fil-paragrafu 1, flimkien mal-pubblikazzjoni tar-rapport annwali. Din l-opinjoni għandha tkun preżentata lill-Parlament Ewropew.

Test propost mill-Kummissjoni

Emenda

4. L-Awtorità għandha tippubblika perjodikament rapport dwar l-interoperabbiltà tas-servizzi interattivi tat-televiżjoni diġitali kif jissemma fl-Artikolu 18 tad-Direttiva 2002/21/KE (Direttiva Kwadru).

4. Il-Kummissjoni tista’ titlob lill-BERT sabiex tippubblika perjodikament rapport dwar l-interoperabilità tas-servizzi interattivi tat-televiżjoni diġitali kif jissemma fl-Artikolu 18 tad-Direttiva 2002/21/KE (Direttiva Qafas).

Test propost mill-Kummissjoni

Emenda

1. Fuq it-talba tal-Kummissjoni, l-Awtorità għandha tagħti pariri lill-Kummissjoni u lill-Istati Membri dwar it-titjib ta’ l-interoperabbiltà ta’, l-aċċess għal, u l-użu tas-servizzi u tat-tagħmir terminali tal-komunikazzjonijiet elettroniċi, u b’mod partikolari kwistjonijiet ta’ interoperabbiltà transkonfinali. Għandha tistabbilixxi grupp li jikkonsisti minn rappreżentanti mill-Istati Membri, minn assoċjazzjonijiet ta’ intrapriżi fl-industrija tal-komunikazzjonijiet elettroniċi, minn assoċjazzjonijiet ta’ utenti aħħarija u minn assoċjazzjonijiet li jirrapreżentaw utenti aħħarija b’diżabbiltà. Il-grupp għandu jqis ukoll il-ħtiġiet partikolari ta’ l-utenti aħħarija b’diżabbiltà u ta’ l-anzjani.

Fuq it-talba tal-Kummissjoni jew fuq inizjattiva tagħha stess, il-BERT għandha tagħti pariri lill-Kummissjoni u lill-awtoritajiet regolatorji nazzjonali dwar it-titjib ta’ l-interoperabbiltà ta’, l-aċċess għal, u l-użu tas-servizzi u tat-tagħmir terminali tal-komunikazzjonijiet elettroniċi, u b’mod partikolari kwistjonijiet ta’ interoperabbiltà transkonfinali, li jieħdu ħsieb il-ħtiġiet partikolari ta’ l-utenti aħħarija b’diżabbiltà u ta’ l-anzjani.

Test propost mill-Kummissjoni

Emenda

2. L-Awtorità għandha tippubblika rapport annwali dwar il-miżuri li ttieħdu sabiex tittejjeb l-aċċessibbiltà għas-servizzi u għat-tagħmir tal-komunikazzjonijiet elettroniċi mill-utenti aħħarija b’diżabbiltà, ibbażat fuq l-informazzjoni provduta mill-Istati Membri u fuq l-informazzjoni li rċeviet l-Awtorità skond l-Artikolu 33(3) tad-Direttiva 2002/22/KE (Direttiva Servizz Universali). Ir-rapport għandu jidentifika miżuri li jistgħu jittieħdu fuq il-livell Komunitarju jew nazzjonali sabiex tittejjeb l-aċċessibbiltà. Fejn ikun xieraq, l-Awtorità tista’ toħroġ rakkomandazzjonijiet dwar miżuri li jistgħu jittieħdu fuq livell nazzjonali.

imħassar

Test propost mill-Kummissjoni

Emenda

L-Awtorità tista' twettaq kompiti addizzjonali speċifiċi fuq it-talba tal-Kummissjoni.

Il-BERT tista' twettaq kompiti addizzjonali speċifiċi fuq it-talba tal-Kummissjoni, li jkunu suġġetti għall-kunsens tal-membri kollha tagħha.

Test propost mill-Kummissjoni

Emenda

Artikolu 24

Artikolu 24

L-entitajiet ta’ l-Awtorità

L-entitajiet tal-BERT

L-Awtorità għandha tkun magħmula minn:

Il-BERT għandha tkun magħmula minn:

(a) Bord Amministrattiv

(a) Bord ta’ Regolaturi

(b) Bord ta’ Regolaturi

(c) Direttur

(c) Direttur Maniġerjali

(d) Uffiċjal Kap għas-Sigurtà tan-Netwerk

(e) Grupp Permanenti tal-Partijiet Interessati

(f) Bord ta’ l-Appell.

(Din l-emenda tapplika għal kull parti tat-test. Jekk tiġi adottata jkun jeħtieg li jsiru l-bidliet korrispondenti fit-test kollu.)

Test propost mill-Kummissjoni

Emenda

1. Il-Bord Amministrattiv għandu jkun magħmul minn tnax-il membru. Sitta għandhom jinħatru mill-Kummissjoni u sitta mill-Kunsill. Il-membri tal-Bord Amministrattiv għandhom jinħatru b’tali mod li jkunu żgurati l-ogħla standards ta’ kompetenza u ta’ indipendenza, u firxa wiesgħa ta’ kompetenza rilevanti. Il-mandat għandu jkun ta’ ħames snin, li jista’ jiġġedded darba.

1. Il-Bord tar-Regolaturi għandu jkun magħmul minn membru wieħed għal kull Stat Membru li għandu jkun il-Kap jew ikun nominat bħala rappreżentant għoli ta’ l-NRA indipendenti bir-responsabilità għall-applikazzjoni ġurnata b’ġurnata tal-qafas regolatorju f’dawk l-Istati Membri. L-NRAs għandhom jinnominaw membru alternattiv għal kull Stat Membru. Il-Kummissjoni għandha tattendi bħala osservatur bil-ftehim minn qabel tal-Bord tar-Regolaturi.

Test propost mill-Kummissjoni

Emenda

2. Il-Bord Amministrattiv għandu jaħtar il-President u l-Viċi-President tiegħu minn fost il-membri tiegħu. Il-Viċi-President għandu awtomatikament jissostitwixxi lill-President jekk dan ta’ l-aħħar ma jkunx f’pożizzjoni li jwettaq dmirijietu/ dmirijietha. Il-mandati tal-President u tal-Viċi-President għandhom ikunu ta’ sentejn u nofs u għandhom ikunu jistgħu jiġġeddu. Madankollu, ikun xi jkun il-każ, il-mandat tal-President u dak tal-Viċi-President għandhom jiskadu fil-mument li jieqfu jkunu membri tal-Bord Amministrattiv.

2. Il-Bord tar-Regolaturi għandu jaħtar il-President u l-Viċi-President tiegħu minn fost il-membri tiegħu. Il-Viċi-President għandu awtomatikament jissostitwixxi lill-President jekk dan ta’ l-aħħar ma jkunx f’pożizzjoni li jwettaq dmirijietu/ dmirijietha. Il-mandati tal-President u tal-Viċi-President għandhom ikunu ta’ sentejn u nofs, skond il-proċeduri ta’ l-elezzjoni stabbiliti fir-regoli ta’ proċedura.

Test propost mill-Kummissjoni

Emenda

3. Il-laqgħat tal-Bord Amministrattiv għandhom jissejħu mill-President tiegħu. Id-Direttur ta’ l-Awtorità għandu jipparteċipa fid-deliberazzjonijiet ħlief jekk il-Bord Amministrattiv jiddeċiedi mod ieħor. Il-Bord Amministrattiv għandu jiltaqa’ mill-inqas darbtejn fis-sena f’sessjoni ordinarja. Għandu wkoll jiltaqa’ fuq l-inizjattiva tal-President tiegħu, fuq it-talba tal-Kummissjoni jew fuq it-talba ta’ mill-inqas terz mill-membri tiegħu. Il-Bord Amministrattiv jista’ jistieden lil kwalunkwe persuna b’opinjonijiet potenzjalment rilevanti sabiex tattendi għal-laqgħat tiegħu fil-kapaċità ta’ osservatriċi. Il-membri tal-Bord Amministrattiv, bla ħsara għar-regoli ta’ proċedura, jistgħu jkunu mgħejjuna minn konsulenti jew minn esperti. Is-servizzi segretarjali tal-Bord Amministrattiv għandhom jiġu provduti mill-Awtorità.

3. Il-laqgħat tal-Bord tar-Regolaturi li għandhom jissejħu mill-President, għandhom isiru mill-inqas erba’ darbiet fis-sena f’sessjoni ordinarja. Jista’ wkoll jiltaqa’ b’mod eċċezzjonali fuq l-inizjattiva tal-President tiegħu, fuq it-talba tal-Kummissjoni jew fuq it-talba ta’ mill-inqas terz mill-membri tiegħu. Il-Bord tar-Regolaturi jista’ jistieden lil kwalunkwe persuna b’opinjonijiet potenzjalment rilevanti sabiex tattendi għal-laqgħat tiegħu fil-kapaċità ta’ osservatriċi. Il-membri tal-Bord tar-Regolaturi, bla ħsara għar-regoli ta’ proċedura, jistgħu jkunu megħjuna minn konsulenti jew minn esperti.

Test propost mill-Kummissjoni

Emenda

4. Id-deċiżjonijiet tal-Bord Amministrattiv għandhom ikunu adottat fuq il-bażi ta’ maġġoranza ta’ żewġ terzi tal-membri preżenti.

4. Id-deċiżjonijiet tal-Bord tar-Regolaturi għandhom ikunu adottati fuq il-bażi ta’ maġġoranza ta’ żewġ terzi tal-membri preżenti sakemm ma jkunx sar dispożizzjoni għalihom f’dan ir-Regolament, fid-Direttiva Qafas u fid-Direttivi Speċifiċi.

Il-Bord tar-Regolaturi għandu japprova r-regoli ta’ proċedura tal-BERT b’maġġoranza ta’ żewġ terzi. Dawn ir-Regoli ta’ proċedura għandhom jiggarantixxu li l-membri tal-Bord tar-Regolaturi jkunu dejjem pprovduti b’aġendi sħaħ u b’abbozz tal-proposti qabel kull laqgħa sabiex ikollhom iċ-ċans jipproponu emendi qabel il-vot. Dawn id-deċiżjonijiet għandhom jiġu kkomunikati lill-Kummissjoni.

Test propost mill-Kummissjoni

Emenda

5a. Meta jkunu qed jitwettqu l-kompiti mogħtija minn dan ir-Regolament, il-Bord tar-Regolaturi għandu jaħdem b’mod indipendenti u m’għandu jfittex jew jieħu l-ebda istruzzjoni minn xi Stat Membru jew minn xi interess pubbliku jew privat.

Test propost mill-Kummissjoni

Emenda

5b. Is-servizzi segretarjali tal-Bord tar-Regolaturi għandhom ikunu provduti mill-BERT.

Test propost mill-Kummissjoni

Emenda

Il-kompiti tal-Bord Amministrattiv

Il-kompiti tal-Bord tar-Regolaturi

1. Wara li jkun ikkonsulta lill-Bord tar-Regolaturi, il-Bord Amministrattiv għandu jaħtar id-Direttur skond l-Artikolu 29(2).

1. Il-Bord tar-Regolaturi għandu jaħtar id-Direttur Maniġerjali skond [l-Artikolu 26(13b)]. Il-Bord tar-Regolaturi għandu jieħu d-deċiżjonijiet kollha relatati mal-prestazzjoni tal-funzjoni tal-BERT kif imniżżel f’Artikolu 3.

Test propost mill-Kummissjoni

Emenda

2. Wara li jkun ikkonsulta lid-Direttur, il-Bord Amministrattiv għandu jaħtar Uffiċjal Kap għas-Sigurtà tan-Netwerks skond l-Artikolu 31(2).

imħassar

Test propost mill-Kummissjoni

Emenda

3. Il-Bord Amministrattiv għandu jaħtar lill-membri tal-Bord tar-Regolaturi skond l-Artikolu 27(1).

imħassar

Test propost mill-Kummissjoni

Emenda

4. Il-Bord Amministrattiv għandu jaħtar lill-membri tal-Bord ta’ l-Appell skond l-Artikolu 33(1).

imħassar

Test propost mill-Kummissjoni

Emenda

5. Il-Bord Amministrattiv għandu jadotta, qabel it-30 ta’ Settembru ta’ kull sena, wara li jkun ikkonsulta lill-Kummissjoni u wara l-approvazzjoni tal-Bord tar-Regolaturi skond l-Artikolu 28(3), il-programm ta’ ħidma ta’ l-Awtorità għas-sena ta’ wara u għandu jittrażmettih lill-Parlament Ewropew, lill-Kunsill, u lill-Kummissjoni. Il-programm ta’ ħidma għandu jiġi adottat mingħajr preġudizzju għall-proċedura baġitarja annwali.

5. Wara li jkun ikkonsulta lill-Kummissjoni, il-Bord tar-Regolaturi għandu jadotta, bi qbil ma' l-Artikolu 30(4) u b'konformità ma' l-abbozz tal-baġit stabbilit skond l-Artikolu 37, qabel it-30 ta’ Settembru ta’ kull sena, il-programm ta’ ħidma tal-BERT għas-sena ta’ wara u għandu jittrażmettih lill-Parlament Ewropew, lill-Kunsill, u lill-Kummissjoni.

Test propost mill-Kummissjoni

Emenda

6. Il-Bord Amministrattiv għandu jeżerċita s-setgħat baġitarji tiegħu skond l-Artikoli 36 sa 38.

imħassar

Test propost mill-Kummissjoni

Emenda

7. Wara li jkun kiseb il-qbil tal-Kummissjoni, il-Bord Amministrattiv għandu jiddeċiedi jekk jaċċettax kwalunkwe legat, donazzjoni jew għotja minn sorsi Komunitarji oħra.

imħassar

Test propost mill-Kummissjoni

Emenda

8. Il-Bord Amministrattiv għandu jeżerċita awtorità dixxiplinari fuq id-Direttur u fuq l-Uffiċjal Kap għas-Sigurtà tan-Netwerks.

8. Il-Bord tar-Regolaturi għandu jeżerċita awtorità dixxiplinari fuq id-Direttur Maniġerjali.

Test propost mill-Kummissjoni

Emenda

9. Fejn ikun meħtieġ, il-Bord Amministrattiv għandu jfassal il-politika ta’ l-istaff ta’ l-Awtorità skond l-Artikolu 49(2).

imħassar

Test propost mill-Kummissjoni

Emenda

10. Il-Bord Amministrattiv għandu jadotta d-dispożizzjonijiet speċjali dwar id-dritt ta’ aċċess għad-dokumenti ta’ l-Awtorità, skond l-Artikolu 47.

10. Il-Bord tar-Regolaturi għandu jadotta, f’isem l-BERT, id-dispożizzjonijiet speċjali dwar id-dritt ta’ aċċess għad-dokumenti tal-BERT, skond l-Artikolu 47.

Test propost mill-Kummissjoni

Emenda

11. Il-Bord Amministrattiv għandu jadotta r-rapport annwali dwar l-attivitajiet ta’ l-Awtorità, kif jissemma fl-Artikolu 28(4), u għandu jittrażmettih lill-Parlament Ewropew, lill-Kunsill, lill-Kummissjoni, lill-Kumitat Ekonomiku u Soċjali Ewropew u lill-Qorti ta’ l-Awdituri sa mhux aktar tard mil-15 ta’ Ġunju. Kif ipprovdut fl-Artikolu 28(4), dan ir-rapport għandu jinkludi taqsima indipendenti approvata mill-Bord tar-Regolaturi li tikkonċerna l-attivitajiet regolatorji ta’ l-Awtorità matul is-sena meqjusa.

11. Il-Bord tar-Regolaturi għandu jadotta r-rapport annwali dwar l-attivitajiet tal-BERT, u għandu jgħaddih lill-Parlament Ewropew, lill-Kunsill, lill-Kummissjoni, lill-Kumitat Ekonomiku u Soċjali Ewropew u lill-Qorti ta’ l-Awdituri sa mhux aktar tard mill-15 ta’ Ġunju. Il-Parlament Ewropew jista’ jitlob jew lill-President tal-Bord tar-Regolaturi jew lid-Direttur Maniġerjali sabiex jindirizzah dwar kwistjonijiet relevanti relatati ma’ l-attivitajiet tal-BERT.

Test propost mill-Kummissjoni

Emenda

13. Il-Bord Amministrattiv għandu jagħti opinjoni lill-Kummissjoni dwar il-ħlasijiet amministrattivi li l-Awtorità tista’ timponi fuq l-intrapriżi meta twettaq il-kompiti tagħha kif jissemma fl-Artikolu 16.

imħassar

Test propost mill-Kummissjoni

Emenda

13a. Il-Bord tar-Regolaturi għandu jipprovdi gwida lid-Direttur Maniġerjali fit-twettiq tad-dmirijiet tad-Direttur Maniġerjali.

Test propost mill-Kummissjoni

Emenda

13b. Il-Bord tar-Regolaturi għandu jaħtar lid-Direttur Maniġerjali. Il-Bord tar-Regolaturi għandu jilħaq din id-deċiżjoni fuq il-bażi ta’ maġġoranza ta’ tliet kwarti tal-membri tiegħu. Id- Direttur Maniġerjali maħtur m’għandux jieħu sehem fit-tħejjija ta’, jew jivvota fuq, tali deċiżjoni.

Test propost mill-Kummissjoni

Emenda

13d. Il-Bord tar-Regolaturi għandu japprova t-taqsima indipendenti dwar l-attivitajiet regolatorji tar-rapport annwali, li hemm provvediment għaliha fl-Artikolu 26(11) u fl-Artikolu 30(9).

(Tqegħid mill-ġdid tat-test fl-Artikolu 28(4).)

Test propost mill-Kummissjoni

Emenda

Artikolu 27

imħassar

Il-Bord tar-Regolaturi

1. Il-Bord tar-Regolaturi għandu jkun magħmul minn membru wieħed għal kull Stat Membru li għandu jkun il-Kap ta’ l-awtorità regolatorja nazzjonali indipendenti b’responsabbiltà għall-applikazzjoni ta’ kuljum tal-qafas regolatorju fl-Istat Membru, mid-Direttur u minn rappreżentant wieħed li ma jivvotax tal-Kummissjoni. L-awtoritajiet regolatorji nazzjonali għandhom jinnominaw membru wieħed alternattiv għal kull Stat Membru.

2. Id-Direttur għandu jkun il-President tal-Bord tar-Regolaturi.

3. Il-Bord tar-Regolaturi għandu jeleġġi Viċi-President minn fost il-membri tiegħu. Il-Viċi-President għandu jissostitwixxi lill-President jekk dan ta’ l-aħħar ma jkunx f’pożizzjoni li jwettaq dmirijietu. Il-mandat tal-Viċi-President għandu jkun ta’ sentejn u nofs u għandu jkun jista’ jiġġedded. Madankollu, ikun xi jkun il-każ, il-mandat tal-Viċi-President għandu jiskadi fil-waqt li huwa jieqaf ikun membru tal-Bord tar-Regolaturi.

4. Il-Bord tar-Regolaturi għandu jaġixxi b’maġġoranza sempliċi tal-membri tiegħu. Kull membru jew membru alternattiv, ħlief id-Direttur u r-rappreżentant tal-Kummissjoni għandu jkollu vot wieħed.

5. Il-Bord tar-Regolaturi għandu jadotta r-regoli ta’ proċedura tiegħu.

6. Meta jwettaq il-kompiti konferiti lilu minn dan ir-Regolament, il-Bord tar-Regolaturi għandu jaġixxi b’mod indipendenti u m’għandux ifittex jew jieħu struzzjonijiet mingħand l-ebda gvern ta’ Stat Membru jew mingħand l-ebda interess pubbliku jew privat.

7. Is-servizzi segretarjali tal-Bord tad-Diretturi għandhom ikunu provduti mill-Awtorità.

Test propost mill-Kummissjoni

Emenda

Artikolu 28

imħassar

Il-kompiti tal-Bord tar-Regolaturi

1. Il-Bord tar-Regolaturi għandu jipprovdi opinjoni lid-Direttur qabel l-adozzjoni ta’ l-opinjonijiet, tar-rakkomandazzjonijiet u tad-deċiżjonijiet li jissemmew fl-Artikoli 4 sa 23 fil-qasam tal-kompetenza tiegħu. Barra minn hekk, il-Bord tar-Regolaturi għandu jipprovdi gwida lid-Direttur fl-eżekuzzjoni tal-kompiti tad-Direttur.

2. Il-Bord tar-Regolaturi għandu jagħti opinjoni dwar il-kandidat li għandu jinħatar bħala Direttur skond l-Artikolu 26(1) u l-Artikolu 29(2). Il-Bord għandu jilħaq din id-deċiżjoni fuq il-bażi ta’ maġġoranza ta’ tliet kwarti tal-membri tiegħu. Id-Direttur m’għandux jipparteċipa fil-preparazzjoni ta’, jew fil-vot dwar, opinjonijiet ta’ din ix-xorta.

3. Skond l-Artikolu 26(5) u l-Artikolu 30(4) u skond l-abbozz tal-baġit stabbilit skond l-Artikolu 37, il-Bord tar-Regolaturi għandu japprova l-programm ta’ ħidma ta’ l-Awtorità għas-sena ta’ wara fejn għandhom x’jaqsmu l-attivitajiet tiegħu.

4. Il-Bord tar-Regolaturi għandu japprova t-taqsima indipendenti dwar l-attivitajiet regolatorji tar-rapport annwali, provdut fl-Artikolu 26(11) u fl-Artikolu 30(9).

(L-Artikolu 28(1), (3) u (4) jidħlu fl-Artikolu 26(13a), (13c) u (13d) rispettivament.)

Test propost mill-Kummissjoni

Emenda

1. L-Awtorità għandha tkun ġestita mid-Direttur tagħha, li għandu jaġixxi b’mod indipendenti fit-twettiq tal-funzjonijiet tiegħu. Mingħajr preġudizzju għas-setgħat rispettivi tal-Kummissjoni, tal-Bord Amministrattiv u tal-Bord tar-Regolaturi, id-Direttur m’għandux ifittex jew jaċċetta l-ebda struzzjoni mingħand kwalunkwe gvern jew mingħand kwalunkwe entità.

1. Il-BERT għandha tkun amministrata mid-Direttur Maniġerjali tagħha, li għandu jagħti rendikont għal u jaġixxi skond l-istruzzjonijiet tal-Bord tar-Regolaturi fit-twettiq tal-funzjonijiet tiegħu/tagħha. Id-Direttur Maniġerjali m’għandux ifittex jew jaċċetta xi istruzzjoni b’xi mod ieħor mingħand kwalunkwe gvern jew minn xi entità oħra.

Ġustifikazzjoni

Id-Direttur Maniġerjali għandu jkun membru ta’ l-istaff anzjan b’responsabilitajiet operattivi fi ħdan il-BERT, u għandu jwieġeb għall-Bord tar-Regolaturi.

Test propost mill-Kummissjoni

Emenda

2. Wara konsultazzjoni mal-Bord tar-Regolauri, id-Direttur għandu jinħatar mill-Bord Amministrattiv, fuq il-bażi tal-mertu, tal-ħiliet u ta’ l-esperjenza rilevanti għan-netwerks u għas-servizzi tal-komunikazzjonijiet elettroniċi, minn lista ta’ mill-inqas żewġ kandidati li jiġu proposti mill-Kummissjoni. Qabel il-ħatra, il-kandidat magħżul mill-Bord Amministrattiv jista’ jiġi mistieden jagħmel dikjarazzjoni quddiem il-kumitat kompetenti tal-Parlament Ewropew u jwieġeb mistoqsijiet mill-membri tiegħu.

2. Id-Direttur Maniġerjali għandu jinħatar mill-Bord tar-Regolaturi, fuq il-bażi tal-mertu, tal-ħiliet u ta’ l-esperjenza rilevanti għan-netwerks u għas-servizzi tal-komunikazzjonijiet elettroniċi. Qabel il-ħatra, kemm hu xieraq il-kandidat magħżul mill-Bord tar-Regolaturi tista’ tkun suġġetta għal opinjoni bla rbit mill-Parlament Ewropew u mill-Kummissjoni. Għal dan il-għan, il-kandidat jiġi mistieden jagħmel dikjarazzjoni quddiem il-kumitat kompetenti tal-Parlament Ewropew u jwieġeb mistoqsijiet mill-membri tiegħu.

Test propost mill-Kummissjoni

Emenda

3. Il-mandat tad-Direttur għandu jkun ta’ ħames snin. Matul id-disa’ xhur qabel tmiem dan il-perjodu, il-Kummissjoni għandha tagħmel evalwazzjoni. Fl-evalwazzjoni, il-Kummissjoni għandha tivvaluta b’mod partikolari:

3. Il-mandat tad-Direttur Maniġerjali għandu jkun ta’ ħames snin.

(a) ir-rendiment tad-Direttur;

(b) id-dmirijiet u r-rekwiżiti ta’ l-Awtorità fis-snin li ġejjin.

Test propost mill-Kummissjoni

Emenda

4. Wara konsultazzjoni mal-Bord tar-Regolaturi, il-Bord Amministrattiv li jkun qed jaġixxi fuq proposta tal-Kummissjoni, jista’ jestendi għal darba l-mandat tad-Direttur imma mhux għal aktar minn tliet snin, billi jqis ir-rapport ta’ evalwazzjoni u biss f’każi fejn jista’ jiġi ġġustifikat mid-dmirijiet u mir-rekwiżiti ta’ l-Awtorità.

4. Il-Bord tar-Regolaturi jista’ jestendi għal darba l-mandat tad-Direttur Maniġerjali imma mhux għal aktar minn tliet snin, billi jqis ir-rapport ta’ evalwazzjoni u biss f’każi fejn jista’ jiġi ġġustifikat mid-dmirijiet u mir-rekwiżiti ta’ l-BERT.

Test propost mill-Kummissjoni

Emenda

5. Id-Direttur jista’ jitneħħa mill-kariga biss fuq deċiżjoni tal-Bord Amministrattiv, wara li jkun ikkonsulta lill-Bord tar-Regolaturi. Il-Bord Amministrattiv għandu jilħaq din id-deċiżjoni fuq il-bażi ta’ maġġoranza ta’ tliet kwarti mill-membri tiegħu.

5. Id-Direttur Maniġerjali jista’ jitneħħa mill-kariga biss fuq deċiżjoni tal-Bord tar-Regolaturi, filwaqt li titqies l-opinjoni tal-Parlament Ewropew. Il-Bord tar-Regolaturi għandu jilħaq din id-deċiżjoni fuq il-bażi ta’ maġġoranza ta’ tliet kwarti tal-membri tiegħu.

Test propost mill-Kummissjoni

Emenda

6. Il-Parlament Ewropew u l-Kunsill jistgħu jitolbu lid-Direttur biex iressaq rapport dwar it-twettiq ta’ dmirijietu.

6. Il-Parlament Ewropew u l-Kunsill jistgħu jitolbu lid-Direttur Maniġerjali biex iressaq rapport dwar it-twettiq ta’ dmirijietu. Jekk dan ikun neċessarju, il-kumitat responsabbli fil-Parlament Ewropew jista’ jitlob lid-Direttur Maniġerjali sabiex joħroġ u jirrispondi kwalunkwe mistoqsija li jagħmlu l-Membri.

Test propost mill-Kummissjoni

Emenda

2. Id-Direttur għandu jipprepara ħidmet il-Bord Amministrattiv. Huwa/hija għandu/ha j(t)ipparteċipa, mingħajr ma jkollu/ha d-dritt li j(t)ivvota, f’ħidmet il-Bord Amministrattiv.

2. Id-Direttur Maniġerjali għandu jipprepara l-aġenda tal-Bord tar-Regolaturi. Huwa/hija għandu/ha j(t)ipparteċipa, mingħajr ma jkollu/ha d-dritt tal-vot, fil-ħidma tal-Bord Amministrattiv.

Ġustifikazzjoni

Id-Direttur Maniġerjali għandu jipprepara, mhux iressaq, l-aġenda. It-tressiq ta’ l-aġenda huwa xogħol eżekuttiv li għandu jsir mill-President.

Test propost mill-Kummissjoni

Emenda

3. Id-Direttur għandu jadotta l-opinjonijiet, ir-rakkomandazzjonijiet u d-deċiżjonijiet li jissemmew fl-Artikoli 4 sa 23, bla ħsara għall-kunsens tal-Bord tar-Regolaturi.

imħassar

Ġustifikazzjoni

Id-Direttur Maniġerjali għandu jkun membru ta’ l-istaff anzjan b’responsabilitajiet operattivi fi ħdan il-BERT, u għandu jwieġeb għall-Bord tar-Regolaturi. Din id-dispożizzjoni hija wirt mill-proposta ta’ l-EECMA tal-Kummissjoni u mhijiex konsistenti mal-proposta tal-BERT.

Test propost mill-Kummissjoni

Emenda

4. Kull sena, id-Direttur għandu jipprepara abbozz ta’ programm ta’ ħidma ta’ l-Awtorità għas-sena ta’ wara, u jressqu quddiem il-Bord tar-Regolaturi u quddiem il-Kummissjoni qabel it-30 ta’ Ġunju ta’ dik is-sena.

4. Kull sena, id-Direttur Maniġerjali għandu jipprepara abbozz ta’ programm ta’ ħidma tal-BERT għas-sena ta’ wara, u jressqu quddiem il-Bord tar-Regolaturi u quddiem il-Kummissjoni qabel it-30 ta’ Ġunju ta’ dik is-sena. Il-Bord tar-Regolaturi għandu japprova l-abbozz tal-programm ta’ ħidma skond l-Artikolu 26(5).

Huwa/hija għandu/ha j(t)ippreżenta l-programm ta’ ħidma qabel l-1 ta’ Settembru biex jiġi adottat mill-Bord Amministrattiv.

Ġustifikazzjoni

Il-kompiti tad-Direttur Eżekuttiv (flok il-kariga ta' Direttur) tranġaw biex jaqblu ma' emendi proposti f'Artikoli oħra.

Test propost mill-Kummissjoni

Emenda

5. Id-Direttur għandu jkun responsabbli mill-implimentazzjoni tal-programm ta' ħidma annwali ta’ l-Awtorità, taħt il-gwida tal-Bord tar-Regolaturi u ta’ l-Uffiċjal Kap għas-Sigurtà tan-Netwerks kif ikun xieraq, u taħt il-kontroll amministrattiv tal-Bord Amministrattiv.

5. Id-Direttur Maniġerjali għandu jkun responsabbli mis-sorveljanza ta’ l-implimentazzjoni tal-programm ta' ħidma annwali tal-BERT, taħt il-gwida tal-Bord tar-Regolaturi.

Ġustifikazzjoni

Id-Direttur Maniġerjali għandu jkun membru ta’ l-istaff anzjan b’responsabilitajiet operattivi fi ħdan il-BERT. Implimentazzjoni xierqa għandha tkun ir-responsabilità tal-Bord tar-Regolaturi. Ir-responsabilità tad-Direttur Maniġerjali għandha tkun li jissorvelja l-proċess.

Test propost mill-Kummissjoni

Emenda

8. Kull sena, id-Direttur għandu jipprepara l-abbozz ta’ rapport annwali dwar l-attivitajiet ta' l-Awtorità b’taqsima dwar l-attivitajiet regolatorji ta’ l-Awtorità u taqsima dwar kwistjonijiet finanzjarji u amministrattivi.

8. Kull sena, id-Direttur Maniġerjali għandu jipprepara l-abbozz ta’ rapport annwali dwar l-attivitajiet tal-BERT b’taqsima dwar l-attivitajiet konsultattivi tal-BERT u taqsima dwar kwistjonijiet finanzjarji u amministrattivi.

Test propost mill-Kummissjoni

Emenda

9. Rigward l-istaff ta’ l-Awtorità, id-Direttur għandu jeżerċita s-setgħat ipprovduti fl-Artikolu 49(3).

9. Rigward l-istaff tal-BERT, il-Bord tar-Regolaturi jista’ jiddelega lid-Direttur Maniġerjali l-eżerċitar tas-setgħat ipprovduti fl-Artikolu 49(3).

Test propost mill-Kummissjoni

Emenda

Artikolu 31

imħassar

L-Uffiċjal Kap għas-Sigurtà tan-Netwerks

1. L-Uffiċjal Kap għas-Sigurtà tan-Netwerks għandu jkun responsabbli mill-koordinazzjoni tal-kompiti ta’ l-Awtorità li jkunu relatati mas-sigurtà tan-netwerks u ta’ l-informazzjoni. L-Uffiċjal Kap għas-Sigurtà tan-Netwerks għandu jaħdem taħt ir-responsabbiltà ta’, u għandu jirrapporta lid-Direttur. Huwa se jipprepara l-abbozz tal-programm ta’ ħidma annwali għal dawn l-attivitajiet.

2. L-Uffiċjal Kap għas-Sigurtà tan-Netwerks għandu jinħatar għal perjodu ta’ ħames snin mill-Bord Amministrattiv, fuq il-bażi tal-mertu, tal-ħiliet u ta’ l-esperjenza rilevanti sabiex jieħu ħsieb kwistjonijiet ta’ sigurtà tan-netwerks u ta’ l-informazzjoni, minn lista ta’ mill-inqas żewġ kandidati proposti mill-Kummissjoni.

3. L-Uffiċjal Kap għas-Sigurtà tan-Netwerks jista’ jitneħħa mill-kariga biss fuq deċiżjoni mill-Bord Amministrattiv, wara li jikkonsulta lid-Direttur. Il-Bord Amministrattiv għandu jilħaq din id-deċiżjoni fuq il-bażi ta’ maġġoranza ta’ tliet kwarti mill-membri tiegħu.

4. Wara konsultazzjoni mad-Direttur, il-Bord Amministrattiv, filwaqt li jaġixxi fuq proposta mill-Kummissjoni, jista' jestendi l-mandat ta' l-Uffiċjal Kap għas-Sigurtà tan-Netwerks darba għal mhux aktar minn tliet snin f'dawk il-każijiet biss fejn jista' jiġi ġġustifikat bid-dmirijiet u r-rekwiżiti ta' l-Awtorità.

Test propost mill-Kummissjoni

Emenda

Artikolu 32

imħassar

Il-Grupp Permanenti tal-Partijiet Interessati

1. L-Uffiċjal Kap għas-Sigurtà tan-Netwerks għandu jistabbilixxi Grupp Permanenti tal-Partijiet Interessati li jkun magħmul minn esperti li jirrappreżentaw il-partijiet interessati rilevanti, b'mod partikolari ġejjin mill-industrija tat-teknoloġiji ta’ l-informazzjoni u tal-komunikazzjonijiet, mill-gruppi tal-konsumaturi u l-esperti akkademiċi fis-sigurtà tan-netwerks u ta’ l-informazzjoni. Huwa, f'konsultazzjoni mad-Direttur, għandu jiddetermina l-proċeduri fir-rigward partikolarment tan-numru, il-kompożizzjoni, il-ħatra tal-membri, u l-operat tal-Grupp.

2. Il-Grupp għandu jkun presedut mill-Uffiċjal Kap għas-Sigurtà tan-Netwerks. Il-mandat tal-membri tiegħu għandu jkun ta' sentejn u nofs. Il-membri tal-Grupp ma jistgħux ikunu membri tal-Bord Amministrattiv jew tal-Bord tar-Regolaturi.

3. Ir-Rappreżentanti tal-Kummissjoni għandhom id-dritt ikunu preżenti għal-laqgħat u jipparteċipaw fil-ħidma tal-Grupp.

4. Il-Grupp jista' jagħti pariri lill-Uffiċjal Kap għas-Sigurtà tan-Netwerks fir-rigward tal-qadi ta' dmirijietu/ha skond dan ir-Regolament, fit-tfassil ta' proposta għall-partijiet rilevanti tal-programm ta' ħidma ta' l-Awtorità, kif ukoll fl-iżgurar ta' komunikazzjoni mal-partijiet interessati fuq il-kwistjonijiet kollha relatati mal-programm ta' ħidma.

Test propost mill-Kummissjoni

Emenda

Artikolu 33

imħassar

Il-Bord ta’ l-Appell

1. Il-Bord ta’ l-Appell għandu jkun magħmul minn sitt membri u minn sitt membri alternattivi magħżula minn fost l-istaff anzjan kurrenti jew preċedenti ta’ l-awtoritajiet regolatorji nazzjonali, mill-awtoritajiet tal-kompetizzjoni jew minn istituzzjonijiet nazzjonali jew Komunitarji oħra b’esperjenza rilevanti fis-settur tal-komunikazzjonijiet elettroniċi. Il-Bord ta’ l-Appell jaħtar lill-President tiegħu.

2. Il-membri tal-Bord ta’ l-Appell għandhom jinħatru mill-Bord Amministrattiv, fuq proposta mill-Kummissjoni, wara sejħa għal espressjoni ta’ interess, wara li jiġi konsultat il-Bord tar-Regolaturi.

3. Il-mandat tal-membri tal-Bord ta’ l-Appell għandu jkun ta’ ħames snin. Dan it-terminu għandu jkun jista’ jiġġedded. Il-membri tal-Bord ta’ l-Appell għandhom ikunu indipendenti fit-teħid tad-deċiżjonijiet tagħhom. Huma m’għandhomx ikunu vinkolati mill-ebda struzzjoni. Ma jistgħu jwettqu l-ebda dmir ieħor fl-Awtorità, fil-Bord Amministrattiv tagħha jew fil-Bord tar-Regolaturi tagħha. Membru tal-Bord ta’ l-Appell ma jistax jitneħħa(titneħħa) matul il-mandat tiegħu(tagħha), sakemm ma jinstabx(tinstabx) ħati/ja ta’ kondotta ħażina serja, u l-Bord Amministrattiv, wara li jikkonsulta lill-Bord tar-Regolaturi, jieħdu deċiżjoni dwar dan.

4. Il-Membri tal-Bord ta’ l-Appell ma jistgħu jieħdu sehem fl-ebda proċedura ta’ appell jekk ikollhom kwalunkwe interess personali fiha, jew jekk preċedentement kienu involuti bħala rappreżentanti ta’ waħda mill-partijiet għall-proċeduri, jew jekk kienu parteċipaw fid-deċiżjoni li qed tiġi appellata.

Jekk, għal waħda mir-raġunijiet li jissemmew fl-ewwel subparagrafu, jew għal kwalunke raġuni oħra, membru tal-Bord ta’ l-Appell iqis li wieħed mill-membri sħabu m’għandux jieħu sehem fi kwalunkwe proċedura ta’ appell, il-membru għandu jinforma lill-Bord ta’ l-Appell b’dan. Tista’ titressaq oġġezzjoni fil-konfront ta’ membru tal-Bord ta’ l-Appell minn kwalunkwe parti għall-proċedura ta’ appell minħabba kwalunkwe raġuni li tissemma fl-ewwel subparagrafu, jew jekk ikun issuspettat b’parzjalità. Oġġezzjoni ma tistax tkun ibbażata fuq in-nazzjonalità tal-membri, u lanqas m’għandha tkun ammissibbli jekk, filwaqt li tkun konxja minn raġuni biex titressaq oġġezzjoni, il-parti għall-proċeduri ta’ appell ma tkun ħadet l-ebda pass proċedurali.

5. Il-Bord ta’ l-Appell għandu jiddeċiedi dwar l-azzjoni li għandha tittieħed fil-każi li ġew speċifikati fil-paragrafu 4 mingħajr il-parteċipzzjoni tal-membru konċernat. Sabiex tittieħed dik id-deċiżjoni, il-membru konċernat għandu jiġi sostitwit fuq il-Bord ta’ l-Appell mill-membru alternattiv għalih, ħlief jekk il-membru alternattiv isib ruħu f’pożizzjoni simili. Jekk dan ikun il-każ, il-President għandu jagħżel sostitut minn fost il-membri alternattivi disponibbli.

Test propost mill-Kummissjoni

Emenda

Artikolu 34

imħassar

L-appelli

1. Il-Bord ta’ l-Appell għandu jkun responsabbli mit-teħid tad-deċiżjonijiet rigward appelli minn deċiżjonijiet jew miżuri li tkun ħadet l-Awtorità fl-oqsma koperti mill-Artikolu 8(1).

2. Id-deċiżjonijiet tal-Bord ta’ l-Appell għandhom jiġu adottati fuq il-bażi ta’ maġġoranza kwalifikata ta’ mill-inqas erbgħa mis-sitt membri tiegħu. Il-Bord ta’ l-Appell għandu jitlaqqa’ kulmeta jkun meħtieġ.

3. Appell ippreżentat skond il-paragrafu 1 m’għandux ikollu effett ta’ sospensjoni. Madankollu jekk il-Bord ta’ l-Appell iqis li ċ-ċirkostanzi jeħtieġu dan, jista’ jissospendi l-applikazzjoni tad-deċiżjoni kontestata.

4. L-appell, flimkien mad-dikjarazzjoni tar-raġunijiet għalih, għandha tiġi preżentata bil-miktub lill-Awtorità fi żmien xahrejn min-notifika tad-deċiżjoni jew tal-miżura lill-intrapriża konċernata, jew fin-nuqqas ta’ dan, mill-jum meta l-Awtorità tkun għamlet pubblika l-miżura jew id-deċiżjoni tagħha. Il-Bord ta’ l-Appell għandu jiddeċiedi dwar l-appell fi żmien xahrejn wara li jkun ġie preżentat l-appell.

5. Jekk l-appell ikun ammissibbli, il-Bord ta’ l-Appell għandu jeżamina jekk hux fondat sew. Għandu jistieden lill-partijiet għall-proċeduri ta’ appell kemm-il darba jkun meħtieġ sabiex jippreżentaw sottomissjonijiet dwar in-notifiki li jkun ħareġ jew dwar komunikazzjonijiet mill-partijiet l-oħra għall-proċeduri ta’ appell, fil-limiti taż-żmien speċifikati. Il-partijiet għall-proċeduri ta’ appell għandu jkollhom il-jedd li jagħmlu preżentazzjoni orali.

6. Fit-termini ta’ dan l-Artikolu, il-Bord ta’ l-Appell jista’ jeżerċita kwalunkwe setgħa li tinsab fil-kompetenza ta’ l-Awtorità jew jista’ jirrinvija l-każ quddiem l-entità kompetenti ta’ l-Awtorità. Din ta’ l-aħħar għandha tkun vinkolata bid-deċiżjoni tal-Bord ta’ l-Appell.

7. Il-Bord ta’ l-Appell għandu jadotta r-regoli ta’ proċeduri tiegħu stess.

Test propost mill-Kummissjoni

Emenda

Artikolu 35

imħassar

L-azzjonijiet quddiem il-Qorti tal-Prim’Istanza u quddiem il-Qorti tal-Ġustizzja

1. Tista’ titressaq azzjoni quddiem il-Qorti tal-Prim’Istanza jew quddiem il-Qorti tal-Ġustizzja skond l-Artikolu 230 tat-Trattat, fejn tiġi kontestata deċiżjoni li jkun ħa l-Bord ta’ l-Appell, jew, f’każi fejn mhemm l-ebda dritt għal appell quddiem il-Bord, li tkun ħadet l-Awtorità.

2. Jekk l-Awtorità tonqos milli tieħu deċiżjoni, jistgħu jitressqu proċeduri minħabba nuqqas ta’ azzjoni quddiem il-Qorti tal-Prim’Istanza jew quddiem il-Qorti tal-Ġustizzja skond l-Artikolu 232 tat-Trattat.

3. L-Awtorità għandha tkun meħtieġa tieħu l-miżuri meħtieġa sabiex tkun konformi mas-sentenza tal-Qorti tal-Prim’Istanza jew tal-Qorti tal-Ġustizzja.

Test propost mill-Kummissjoni

Emenda

1. Id-dħul ta’ l-Awtorità għandu jikkonsisti minn:

1. Id-dħul ta’ l-BERT għandu jitqassam kif ġej:

(a) ħlasijiet għal servizzi provduti mill-Awtorità;

(a) terz tal-finanzjament annwali tagħha għandu jitħallas direttament fil-forma ta’ sussidju tal-Komunità, taħt it-titlu xieraq tal-baġit ġenerali ta’ l-Unjoni Ewropea kif stipulat mill-awtorità baġitarja, skond il-punt 47 tal-Ftehima Interistituzzjonali tas-17 ta’ Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-immaniġġjar finanzjarju sod(1);

(b) proporzjon ta’ ħlasijiet ta’ użu mogħtija mill-applikanti skond id-dispożizzjonijiet ta’ l-Artikolu 17;

(b) żewġ terzi ta’ l-iffinanzjar annwali tagħha għandu jitħallas bħala kontribuzzjoni diretta mill-NRAs. L-Istati Membri għandhom jassiguraw li l-NRAs ikollhom ir-riżorsi finanzjarji u umani adegwati biex jipparteċipaw fix-xogħol tal-BERT, u li jiffinanzjaw b’mod xieraq il-BERT. L-Istati Membri għandhom jispeċifikaw il-linja tal-baġit, li l-NRAs għandhom jużaw sabiex jipprovdu r-riżorsi għall-BERT mill-baġits annwali tagħhom. Dawk il-baġits għandhom ikunu pubbliċi.

(c) sussidju mill-Komunità, li jiddaħħal fil-baġit ġenerali tal-Komunitajiet Ewropej (it-Taqsima tal-Kummissjoni);

(d) kwalunkwe legat, donazzjoni jew għotja kif jissemma fl-Artikolu 26(7).

(e) kwalunkwe kontribuzzjoni volontarja mill-Istati Membri jew mill-awtoritajiet regolatorji tagħhom.

_____________________

ĠU C 139, 14.6.2006, p. 1. Ftehima kif emendata mid-Deċiżjoni 2008/29/KE tal-Parlament Ewropew u tal-Kunsill (ĠU L 6, 10.1.2008, p. 7).

Test propost mill-Kummissjoni

Emenda

4. Id-dħul u l-infiq kollu ta’ l-Awtorità għandhom ikunu is-suġġett ta’ previżjonijiet għal kull sena finanzjarja, li tikkoinċidi mas-sena kalendarja, u għandhom jiddaħħalu fil-baġit tagħha.

4. Id-dħul u l-infiq kollu għandhom ikunu is-suġġett ta’ previżjonijiet għal kull sena finanzjarja, li tikkoinċidi mas-sena kalendarja, u għandhom jiddaħħalu fil-baġit tagħha.

Test propost mill-Kummissjoni

Emenda

4a. L-istruttura organizzattiva u finanzjarja ta’ BERT għandha tkun riveduta fl-1 ta’ Jannar 2014.

Test propost mill-Kummissjoni

Emenda

1. Sa mhux aktar tard mill-15 ta’ Frar ta’ kull sena, id-Direttur għandu jfassal abbozz ta’ baġit preliminari li jkopri n-nefqa operattiva u l-programm ta’ ħidma antiċipat għas-sena finanzjarja ta’ wara, u għandu jibgħatu lill-Bord Amministrattiv flimkien ma’ lista ta’ impjiegi provviżorji. Kull sena, il-Bord Amministrattiv, fuq il-bażi ta’ l-abbozz ippreparat mid-Direttur, għandu jagħmel stima tad-dħul u ta’ l-infiq ta’ l-Awtorità għa-sena finanzjarja ta’ wara. Din l-istima, inkluż abbozz ta’ pjan ta’ stabbiliment, għandha tkun trażmessa mill-Bord Amministrattiv lill-Kummissjoni sa mhux aktar tard mill-31 ta’ Marzu. Qabel l-adozzjoni ta’ l-istima, l-abbozz ippreparat mid-Direttur għandu jkun trażmess lill-Bord Regolatorju, li jista’ jagħti opinjoni dwar l-abbozz.

1. Sa mhux aktar tard mill-15 ta’ Frar ta’ kull sena, id-Direttur Maniġerjali għandu jfassal abbozz ta’ baġit preliminari li jkopri n-nefqa operattiva u l-programm ta’ ħidma antiċipat għas-sena finanzjarja ta’ wara, u għandu jibgħatu lill-Bord tar-Regolaturi flimkien ma’ lista ta’ impjiegi provviżorji. Kull sena, il-Bord tar-Regolaturi, fuq il-bażi ta’ l-abbozz ippreparat mid-Direttur Maniġerjali, għandu jagħmel stima tad-dħul u ta’ l-infiq tal-BERT għas-sena finanzjarja ta’ wara. Din l-istima, inkluż abbozz ta’ pjan ta’ stabbiliment, għandha tkun trażmessa mill-Bord tar-Regolaturi lill-Kummissjoni sa mhux aktar tard mill-31 ta’ Marzu.

Ġustifikazzjoni

Il-Bord tar-Regolaturi għandu jingħata setgħa ikbar fuq il-baġit sabiex tkun żgurata l-indipendenza effettiva mill-Kummissjoni.

Test propost mill-Kummissjoni

Emenda

1a. Id-Direttur Maniġerjali għandu jfassal għall-BERT rapport annwali dwar l-attività, flimkien ma’ dikjarazzjoni ta’ assigurazzjoni. Dawn id-dokumenti għandhom ikunu ppubblikati.

Ġustifikazzjoni

Skond ir-regoli li bħalissa qedgħin fis-seħħ, kull direttur ta’ aġenzija għandu jiddeċiedi jekk jagħmilx rapport annwali dwar l-attività jew le u d-dikjarzzjoni ta’ assigurazzjoni. Għalhekk, xi wħud jagħmluhom u xi wħud ma jagħmluhomx. Minħabba raġunijiet ta’ konsistenza, ikun aħjar jekk id-diretturi kollha jagħmluhom.

Test propost mill-Kummissjoni

Emenda

Artikolu 38a

Sistemi ta’ kontroll interni

L-Awditur Intern tal-Kummissjoni għandu jkun responsabbli għall-ivverifikar tas-sistemi ta’ kontroll intern tal-BERT.

Ġustifikazzjoni

Sabiex tkun iċċarata l-pożizzjoni dwar ir-responsabilità għall-verifika.

Test propost mill-Kummissjoni

Emenda

1. L-intrapriżi li jipprovdu netwerks u servizzi ta’ komunikazzjonijiet elettroniċi għandhom jipprovdu l-informazzjoni kollha, inkluża l-informazzjoni finanzjarja, mitluba mill-Awtorità sabiex twettaq il-kompiti tagħha kif ġie stabbilit f’dan ir-Regolament. L-intrapriżi għandhom jipprovdi din l-informazzjoni fil-pront malli tintalab u skond it-termini ta’ żmien u l-livell ta’ dettall meħtieġa mill-Awtorità. L-Awtorità għandha tagħti r-raġunijiet li jiġġustifikaw it-talba tagħha għal informazzjoni.

1. L-intrapriżi li jipprovdu netwerks u servizzi ta’ komunikazzjonijiet elettroniċi għandhom jipprovdu l-informazzjoni kollha, inkluża l-informazzjoni finanzjarja, mitluba mill-BERT sabiex twettaq il-kompiti tagħha kif ġie stabbilit f’dan ir-Regolament. L-intrapriżi għandhom jipprovdi din l-informazzjoni fil-pront malli tintalab u skond it-termini ta’ żmien u l-livell ta’ dettall meħtieġa mill-BERT. Il-Kummissjoni tista’ titlob lill-BERT sabiex tagħti r-raġunijiet li jiġġustifikaw it-talba tagħha għal informazzjoni.

Test propost mill-Kummissjoni

Emenda

2a. Fejn meħtieġ, il-kunfidenzjalità ta’ l-informazzjoni mogħtija skond dan l-Artikolu għandha tkun iggarantita. L-Artikolu 46 għandu japplika.

Ġustifikazzjoni

Fejn ikun hemm bżonn, il-kunfidenzjalità ta’ l-informazzjoni għandha tiġi żgurata.

Test propost mill-Kummissjoni

Emenda

Ħlief f’każi li jaqgħu fl-ambitu ta’ l-Artikolu 20 jew ta’ l-Artikolu 21, meta tkun biħsiebha tieħu miżuri skond id-dispożizzjonijiet deskritti f’dan ir-Regolament, fejn ikun xieraq, l-Awtorità għandha tikkonsulta lill-partijiet interessati u tagħtihom l-opportunità li jikkummentaw dwar l-abbozz ta’ miżura f’perjodu raġonevoli ta’ żmien. L-Awtorità għandha tqiegħed ir-riżultati tal-proċedura ta’ konsultazzjoni għad-dispożizzjoni tal-pubbliku, ħlief fil-każ ta’ informazzjoni kunfidenzjali.

Meta tkun biħsiebha toħroġ opinjoni skond id-dispożizzjonijiet deskritti f’dan ir-Regolament, fejn ikun xieraq, il-BERT għandha tikkonsulta lill-partijiet interessati u tagħtihom l-opportunità li jikkummentaw dwar l-abbozz ta’ opinjoni f’perjodu raġonevoli ta’ żmien. Il-BERT għandha tqiegħed ir-riżultati tal-proċedura ta’ konsultazzjoni għad-dispożizzjoni tal-pubbliku, ħlief fil-każ ta’ informazzjoni kunfidenzjali.

Test propost mill-Kummissjoni

Emenda

1. Il-Kummissjoni tista’ timponi penali finanzjarji fuq l-intrapriżi jekk jonqsu milli jipprovdu l-informazzjoni li tissemma fl-Artikolu 41. Il-penali għandhom ikunu effettivi, proporzjonati u dissważivi.

imħassar

Test propost mill-Kummissjoni

Emenda

3. Meta jiġu imposti penali skond dan l-Artikolu, l-Awtorità għandha tippubblika l-ismijiet ta’ l-intrapriżi involuti u l-ammonti ta’ u r-raġunijiet għall-penali finanzjarji imposti.

3. 3. Il-Kummissjoni għandha tiġbed l-attenzjoni ta’ l-intrapriżi għall-fatt li huma jonqsu li jikkonformaw mat-talba għal informazzjoni li hemm referenza għaliha fl-Artikolu 41. Jekk xieraq, u fuq talba ta’ BERT, il-Kummissjoni tista’ tippubblika l-ismijiet ta’ dawk l-intrapriżi.

Test propost mill-Kummissjoni

Emenda

L-istaff ta’ l-Awtorità, inklużi d-Direttur, l-Uffiċjal Kap għas-Sigurtà tan-Netwerks u l-uffiċjali ssekondati mill-Istati Membri fuq bażi temporanzja, għandu jagħmel dikjarazzjoni ta’ l-impenji u dikjarazzjoni ta’ l-interessi fejn jindika kwalunkwe interess dirett jew indirett, li jista’ jitqies li jippreġudika l-indipendenza tagħhom. Dikjarazzjonijiet ta’ din ix-xorta għandhom isiru bil-miktub.

L-istaff tal-BERT, membri tal-Bord tar-Regolaturi u d-Direttur Maniġerjali tal-BERT għandhom jagħmlu dikjarazzjoni annwali ta’ l-impenji u dikjarazzjoni ta’ l-interessi fejn jindika kwalunkwe interess dirett jew indirett, li jista’ jitqies li jippreġudika l-indipendenza tagħhom. Dikjarazzjonijiet ta’ din ix-xorta għandhom isiru bil-miktub.

Test propost mill-Kummissjoni

Emenda

2. L-Awtorità għandha tiżgura li l-pubbliku u kwalunkwe parti interessata jingħataw informazzjoni oġġettiva, affidabbli u faċilment aċċesibbli, b’mod partikolari, fejn ikun xieraq, rigward ir-riżultati ta’ ħidmietha. Għandha wkoll tagħmel pubbliċi d-dikjarazzjonjiet ta’ l-interessi magħmula mid-Direttur u mill-Uffiċjali issekondati mill-Istati Membri fuq bażi temporanzja, kif ukoll id-dikjarazzjonijiet ta’ l-interessi magħmula mill-esperti.

2. Il-BERT għandha tiżgura li l-pubbliku u kwalunkwe parti interessata jingħataw informazzjoni oġġettiva, affidabbli u faċilment aċċesibbli, b’mod partikolari, fejn ikun xieraq, rigward ir-riżultati ta’ ħidmietha. Għandha wkoll tagħmel pubbliċi d-dikjarazzjonjiet ta’ l-interessi magħmula mill-membri tal-Bord tar-Regolaturi u mid-Direttur Maniġerjali.

Test propost mill-Kummissjoni

Emenda

2. Il-membri tal-Bordijiet ta’ l-Awtorità, id-Direttur, l-esperti esterni, u l-membri ta’ l-istaff ta’ l-Awtorità, inklużi l-Uffiċjali issekondati mill-Istati Membri fuq bażi temporanja huma suġġetti għar-rekwiżiti ta’ kunfidenzjalità skond l-Artikolu 287 tat-Trattat, anki wara li dmirijiethom ikunu waqfu.

2. Il-membri tal-Bord tar-Regolaturi tal-BERT, id-Direttur Maniġerjali, l-esperti esterni, u l-membri ta’ l-istaff tal-BERT għandhom ikunu suġġetti għar-rekwiżiti ta’ kunfidenzjalità skond l-Artikolu 287 tat-Trattat, anki wara li dmirijiethom ikunu waqfu.

Test propost mill-Kummissjoni

Emenda

3. Id-deċiżjonijiet meħuda mill-Awtorità skond l-Artikolu 8 tar-Regolament (KE) Nru 1049/2001 jistgħu jkunu is-suġġetti għal ilment lill-Ombudsman jew ta’ proċeduri quddiem il-Qorti tal-Ġustizzja skond il-kundizzjonijiet stabbiliti fl-Artikoli 195 u 230 tat-Trattat rispettivament.

imħassar

Test propost mill-Kummissjoni

Emenda

1. Għall-istaff ta’ l-Awtorità, inkluż id-Direttur u l-Uffiċjal Kap għas-Sigurtà tan-Netwerks għandhom japplikaw ir-Regolamenti tal-Persunal ta’ l-Uffiċjali tal-Komunitajiet Ewropej, il-Kundizzjonijiet ta’ Impjieg ta’ Uffiċjali oħra tal-Komunitajiet Ewropej u r-regoli adottati b’mod konġunt mill-istituzzjonijiet tal-Komunità Ewropea sabiex jiġu applikati dawn ir-regolamenti tal-persunal u l-kundizzjonijiet ta’ impjieg.

1. Għall-istaff tal-BERT għandhom japplikaw ir-Regolamenti tal-Persunal ta’ l-Uffiċjali tal-Komunitajiet Ewropej, il-Kundizzjonijiet ta’ Impjieg ta’ Uffiċjali oħra tal-Komunitajiet Ewropej u r-regoli adottati b’mod konġunt mill-istituzzjonijiet tal-Komunità Ewropea sabiex jiġu applikati dawn ir-regolamenti tal-persunal u l-kundizzjonijiet ta’ impjieg.

Test propost mill-Kummissjoni

Emenda

L-Awtorità għandha tkun miftuħa għall-parteċipazzjoni min-naħa tal-pajjiżi Ewropej li jkunu kkonkludew ftehimiet mal-Komunità, fejn il-pajjiżi konċernati jkunu adottata u qed japplika leġiżlazzjoni Komunitarja fil-qasam kopert minn dan ir-Regolament. Skond id-dispożizzjonijiet rilevanti ta' dawn il-ftehimiet, għandhom isiru arranġamenti li għandhom jispeċifikaw ir-regoli dettaljati għall-parteċipazzjoni min-naħa ta’ dawn il-pajjiżi f’ħidmet l-Awtorità, b’mod partikolari, in-natura u l-firxa ta’ parteċipazzjoni ta’ din ix-xorta. Dawn l-arranġamenti għandhom jinkludu, b'mod partikolari, dispożizzjonijiet dwar il-kontribuzzjonijiet finanzjarji u l-istaff. Jistgħu jipprovdu għal rappreżentazzjoni, mingħajr vot, fuq il-Bord tar-Regolaturi.

Il-BERT għandha tkun miftuħa għall-parteċipazzjoni min-naħa tal-pajjiżi Ewropej li jkunu kkonkludew ftehimiet mal-Komunità, fejn il-pajjiżi konċernati jkunu adottataw u qed japplikaw leġiżlazzjoni Komunitarja fil-qasam kopert minn dan ir-Regolament. Skond id-dispożizzjonijiet rilevanti ta' dawn il-ftehimiet, għandhom isiru arranġamenti li għandhom jispeċifikaw ir-regoli dettaljati għall-parteċipazzjoni min-naħa ta’ dawn il-pajjiżi f’ħidmet il-BERT, b’mod partikolari, in-natura u l-firxa ta’ parteċipazzjoni ta’ din ix-xorta. Wara deċiżjoni mill-Bord tar-Regolaturi, dawn l-arranġamenti jistgħu jipprovdu għal rappreżentazzjoni, mingħajr vot, waqt il-laqgħat tal-Bord tar-Regolaturi

Test propost mill-Kummissjoni

Emenda

Fi żmien ħames snin mill-bidu effettiv tal-ħidma u kull ħames snin minn dak inhar ’il quddiem, il-Kummissjoni għandha tippubblika rapport ġenerali dwar l-esperjenza miksuba bħala riżultat ta’ ħidmet l-Awtorità u tal-proċeduri stabbiliti f’dan ir-Regolament. L-evalwazzjoni għandha tkopri r-riżultati miksuba mill-Awtorità u l-metodi ta’ ħidma tagħha, b’relazzjoni għall-għan, għall-mandat u għall-kompiti tagħha li ġew iddefiniti f’dan ir-regolament u fil-programmi ta’ ħidma annwali tagħha. L-evalwazzjoni għandha tqis il-fehmiet tal-partijiet interessati, kemm fuq il-livell Komunitarju kif ukoll fuq il-livell nazzjonali. Ir-rapport u kwalunkwe proposta li takkumpanjah għandhom jintbagħtu lill-Parlament Ewropew u lill-Kunsill.

Fi żmien tliet snin mill-bidu effettiv tal-ħidma, il-Kummissjoni għandha tippubblika rapport ta’ evalwazzjoni dwar l-esperjenza miksuba bħala riżultat ta’ ħidmet il-BERT. Ir-rapport ta’ evalwazzjoni għandu jkopri r-riżultati miksuba mill-BERT u l-metodi ta’ ħidma tagħha, b’relazzjoni għall-għan, għall-mandat u għall-kompiti tagħha li ġew iddefiniti f’dan ir-Regolament u fil-programmi ta’ ħidma annwali tagħha. Ir-rapport ta’ evalwazzjoni għandu jqis il-fehmiet tal-partijiet interessati, kemm fuq il-livell Komunitarju kif ukoll fuq il-livell nazzjonal u għandu jintbagħat lill-Parlament Ewropew u lill-Kunsill Il-Parlament Ewropew għandu joħroġ opinjoni dwar ir-rapport ta’ evalwazzjoni.

Test propost mill-Kummissjoni

Emenda

Artikolu 56

imħassar

Id-dispożizzjonijiet tranżitorji

1. Sa mhux aktar tard mill-14 ta' Marzu 2011, l-Awtorità għandha tassumi r-responsabbiltà għall-attivitajiet kollha mwettqa mill-Aġenzija Ewropea dwar is-Sigurtà tan-Netwerks u l-Informazzjoni qabel dik id-data u li jaqgħu fl-ambitu ta’ dan ir-Regolament.

2. L-interess bħala sid ta’ kwalunkwe proprjetà mobbli li għandha l-Aġenzija Ewropea dwar is-Sigurtà tan-Netwerks u l-Informazzjoni fid-data li tissemma fil-paragrafu 1 t’hawn fuq għandha tiġi trasferita lill-Awtorità b’effett minn dik id-data.

Test propost mill-Kummissjoni

Emenda

Fl-1 ta’ Jannar 2014 għandha ssir reviżjoni biex ikun evalwat jekk hemmx bżonn li l-mandat tal-BERT jiġi estiż. Fil-każ li tkun ġustifikata estensjoni, ir-regolamenti baġitarji u ta’ proċedura, kif ukoll ir-riżorsi umani, għandhom ikunu riveduti.

Ġustifikazzjoni

Hija rilevanti reviżjoni, qabel ma tittieħed deċiżjoni dwar il-prospetti futuri tal-BERT.

Test propost mill-Kummissjoni

Emenda

1a. Iqis li l-ammont ta' referenza indikat fil-proposta leġiżlattiva mhuwiex kompatibbli mal-limitu tas-sottointestatura 1a tal-Qafas Finanzjarju Multiannwali attwali 2007 - 2013 mingħajr ma jkun hemm ħsara għall-iffinanzjar ta' prijoritajiet oħra; jinnota li l-Kummissjoni kkomunikat l-intenzjonijiet tagħha li tiffinanzja l-Awtorità tas-Suq Ewropew tal-Komunikazzjonijiet Elettroniċi l-ġdida, fi ħdan is-sottointestatura 1a, parzjalment permezz tar-rijorganizzazzjoni u parzjalment b'żieda għall-perjodu 2009-2013; madankollu jinnota li l-awtorità baġitarja għadha ma rċeviet l-ebda informazzjoni rigward id-dettalji ta' dan l-eżerċizzju b'tali mod li, s'issa, tibqa' mhux ċara liema huma l-programmi jew il-prijoritajiet milquta u x'konsegwenzi jirriżultaw minn dan matul il-perjodu finanzjarju u jekk jibqax ikun hemm marġini biżżejjed fis-sottointestatura 1a;

Test propost mill-Kummissjoni

Emenda

1b. Jinnota li l-Awtorità tas-Suq Ewropew tal-Komunikazzjonijiet Elettroniċi proposta trid ukoll tissodisfa x-xogħol amministrattiv u tgħin lill-Kummissjoni; għalhekk huwa ta' l-opinjoni li għandhom jiġu esplorati l-possibilitajiet kollha biex tiġi ffinanzjata l-Awtorità l-ġdida taħt l-Intestatura 5 tal-Qafas Finanzjarju Multiannwali 2007 - 2013 fejn jidher li għad hemm biżżejjed marġini disponibbli;

Abbozz ta’ riżoluzzjoni leġiżlattiva

Emenda

1c. Jenfasizza li d-dispożizzjonijiet tal-Punt 47 tal-Ftehima Interistituzzjonali (IIA) tas-17 ta' Mejju 2006 għandhom japplikaw għat-twaqqif ta' l-Awtorità tas-Suq Ewropew tal-Komunikazzjonijiet Elettroniċi; jisħaq li, jekk l-awtorità leġiżlattiva tiddeċiedi favur it-twaqqif ta' aġenzija bħal din, il-Parlament jidħol f'negozjati mal-qasam l-ieħor ta' l-awtorità baġitarja bil-għan li jintlaħaq ftehim fil-ħin dwar l-iffinanzjar ta' din l-aġenzija, bi qbil mad-dispożizzjonijiet relevanti tal-Ftehima Interistituzzjonali;

Test propost mill-Kummissjoni

Emenda

(12) Dan jitlob l-istabbiliment ta’ entità Komunitarja ġdida, l-Awtorità tas-Suq Ewropew tal-Komunikazzjonijiet Elettroniċi (minn hawn ’il quddiem imsejjaħ l-“Awtorità”). L-Awtorità għandha tagħmel kontribut effettiv biex tavvanza l-proċess ta’ l-ikkompletar tas-suq intern permezz ta' l-assistenza tagħha lill-Kummissjoni u lill-awtoritajiet regolatorji nazzjonali. Din tkun topera bħala punt ta’ referenza u tistabbilixxi kunfidenza minħabba l-indipendenza tagħha, il-kwalità tal-pariri li tagħti u l-informazzjoni li xxerred, it-trasparenza tal-proċeduri tagħha u l-metodi ta’ ħidma, u d-diliġenza tagħha fit-twettiq tal-kompiti assenjati lilha.

(12) Dan jitlob l-istabbiliment ta’ entità Komunitarja ġdida, bbażata fuq it-tisħiħ tal-Grupp tar-Regolaturi Ewropej (ERG) (minn hawn ’il quddiem imsejjaħ l-“Awtorità”). L-Awtorità għandha tagħmel kontribut effettiv biex tavvanza l-proċess ta’ l-ikkompletar tas-suq intern permezz ta' l-assistenza tagħha lill-Kummissjoni u lill-awtoritajiet regolatorji nazzjonali. Din tkun topera bħala punt ta’ referenza u tistabbilixxi kunfidenza minħabba l-indipendenza tagħha, il-kwalità tal-pariri li tagħti u l-informazzjoni li xxerred, it-trasparenza tal-proċeduri tagħha u l-metodi ta’ ħidma, u d-diliġenza tagħha fit-twettiq tal-kompiti assenjati lilha.

Ġustifikazzjoni

Ma hemmx bżonn li tinħoloq aġenzija ġdida. Minflok, għandu jkun hemm entità bħal ERG msaħħaħ inkorporata fil-liġi ta’ l-UE. Id-deċiżjoni ta’ l-Awla Manja tal-Qorti Ewropea tal-Ġustizzja tat-2 ta’ Mejju 2006 fil-każ C-217/04 Uk vs Parlament u Kunsill tindika li l-Artikolu 95 jista’ jintuża bħal bażi għat-twaqqif ta’ entità tal-Komunità. Dan jagħti iktar spazju biex jingħata aktar poter lill-ERG billi dan il-Grupp jingħata personalità legali u għalhekk indipendenza.

Test propost mill-Kummissjoni

Emenda

(24) L-Awtorità għandha taġixxi bħala ċentru ta’ għarfien espert fuq il-livell Ewropew dwar kwistjonijiet ta’ sigurtà tan-netwerks u ta’ l-informazzjoni, fejn tipprovdi gwida u pariri lill-Parlament Ewropew, lill-Kummissjoni jew lill-entitajiet kompetenti maħtura mill-Istati Membri. Is-sigurtà u s-saħħa tan-netwerks tal-komunikazzjonijiet u tas-sistemi ta' informazzjoni għadhom tħassib primarju għas-soċjetà u jikkostitwixxi element ewlieni fil-qafas regolatorju ta' l-UE għan-netwerks u s-servizz tal-komunikazzjonijiet elettroniċi. Hemm ir-riskju li l-funzjonament bla xkiel tas-suq intern jiddgħajjef minħabba applikazzjoni eteroġenja tad-dispożizzjonijiet relatati mas-sigurtà kif stabbiliti fid-Direttiva Kwadru u fid-Direttivi Speċifiċi. L-opinjoni ta' l-Awtorità li tipprovdi pariri tekniċi fuq it-talba tal-Kummissjoni u ta' l-Istati Membri għandha tiffaċilita l-applikazzjoni konsistenti ta' dawk id-direttivi fil-livell nazzjonali.

(24) ENISA estiża għandha taġixxi bħala ċentru ta’ għarfien espert fuq il-livell Ewropew dwar kwistjonijiet ta’ sigurtà tan-netwerks u ta’ l-informazzjoni, fejn tipprovdi gwida u pariri lill-Parlament Ewropew, lill-Kummissjoni jew lill-entitajiet kompetenti maħtura mill-Istati Membri. Is-sigurtà u s-saħħa tan-netwerks tal-komunikazzjonijiet u tas-sistemi ta' informazzjoni għadhom tħassib primarju għas-soċjetà u jikkostitwixxi element ewlieni fil-qafas regolatorju ta' l-UE għan-netwerks u s-servizz tal-komunikazzjonijiet elettroniċi. Hemm ir-riskju li l-funzjonament bla xkiel tas-suq intern jiddgħajjef minħabba applikazzjoni eteroġenja tad-dispożizzjonijiet relatati mas-sigurtà kif stabbiliti fid-Direttiva ta’ Qafas u fid-Direttivi Speċifiċi. L-opinjoni ta’ l-ENISA, b'mandat estiż, minħabba li hi inkluża kemm fid-Direttorat Ġenerali tas- Soċjetà ta’ l-Informatika u l-Midja u kemm fid-Direttorat Ġenerali Ġustizzja, Libertà u Sigurtà u li tipprovdi pariri tekniċi fuq it-talba tal-Kummissjoni u ta' l-Istati Membri għandha tiffaċilita l-applikazzjoni konsistenti ta' dawk id-direttivi fil-livell nazzjonali.

Ġustifikazzjoni

Il-mandat ta’ l-ENISA jiskadi fl-2009 u sakemm ma jkunx hemm entità oħra li tibda twettaq il-kompiti tagħha, in-Netwerk Ewropew u s-sigurtà ta’ l-informazzjoni ma jistgħux ikunu mmonitorjati u trattati b’mod xieraq. Barra minn hekk, bħalissa għaddejja it-tieni evalwazzjoni ta’ l-ENISA. Għalhekk, deċizjoni definittiva dwar il-futur ta’ l-ENISA, għandha tistenna r-riżultati ta’ din l-evalwazzjoni.

Test propost mill-Kummissjoni

Emenda

1. Qed tiġi stabbilita Awtorità tas-Suq Ewropew tal-Komunikazzjonijiet Elettroniċi bir-responsabbiltajiet stabbiliti f’dan ir-Regolament.

1. Qed jiġi stabbilit Grupp tar-Regolaturi Ewropej (ERG) imsaħħaħ bħala l-awtorità bir-responsabbiltajiet stabbiliti f’dan ir-Regolament.

Ġustifikazzjoni

Ma hemmx bżonn li tinħoloq aġenzija ġdida. Minflok, għandha tinħoloq entità bħal ERG imsaħħaħ inkorporata fil-liġi ta’ l-UE. Id-deċiżjoni ta’ l-Awla Manja tal-Qorti Ewropea tal-Ġustizzja tat-2 ta’ Mejju 2006 fil-każ C-217/04 Uk vs Parlament u Kunsill tindika li l-Artikolu 95 jista’ jintuża bħal bażi għat-twaqqif ta’ entità tal-Komunità. Dan jagħti iktar spazju biex jingħata aktar poter lill-ERG billi dan il-Grupp jingħata personalità legali u għalhekk indipendenza.

Test propost mill-Kummissjoni

Emenda

1a. Id-Direttur għandu jħejji rapport annwali dwar l-attività għall-Awtorità, flimkien ma stqarrija ta’ assigurazzjoni. Dawn id-dokumenti għandhom ikunu ppubblikati.

Ġustifikazzjoni

Skond ir-regoli li bħalissa qedgħin fis-seħħ, kull direttur ta’ aġenzija għandu jiddeċiedi jekk jagħmilx jew le rapport annwali dwar l-attività u d-dikjarzzjoni ta’ assigurazzjoni. Għalhekk, xi wħud jagħmluhom u xi wħud ma jagħmluhomx. Minħabba raġunijiet ta’ konsistenza, ikun aħjar jekk id-diretturi kollha jagħmluhom.

Test propost mill-Kummissjoni

Emenda

Artikolu 38a

Sistemi ta’ kontroll interni

L-awditur intern tal-Kummissjoni se jkun responsabbli għall-verifika tas-sistemi ta’ kontroll interni ta’ l-Awtorità.

Ġustifikazzjoni

Sabiex tkun iċċarata l-pożizzjoni dwar ir-responsabilità għall-verifika.

Test propost mill-Kummissjoni

Emenda

Ir-regoli finanzjarji applikabbli għall-Awtorità għandhom jitfasslu mill-Bord Amministrattiv wara konsultazzjoni mal-Kummissjoni. Dawk ir-regoli jistgħu jiddevjaw mir-Regolament tal-Kummissjoni (KE, Euratom) Nru 2343/2002 jekk il-ħtiġiet operattivi speċifiċi għall-funzjonament ta’ l-Awtorità jeħtieġu dan u biss bil-qbil preċedenti tal-Kummissjoni.

Ir-regoli finanzjarji applikabbli għall-Awtorità għandhom jitfasslu mill-Bord Amministrattiv wara konsultazzjoni mal-Kummissjoni. Dawk ir-regoli jistgħu jiddevjaw biss mir-Regolament tal-Kummissjoni (KE, Euratom) Nru 2343/2002 jekk il-ħtiġiet operattivi speċifiċi għall-funzjonament ta’ l-Awtorità jeħtieġu dan u bil-kunsens preċedenti tal-Kummissjoni.

Ġustifikazzjoni

Sabiex tkun armonizzata t-terminoloġija mal-proposti riċenti dwar l-Impriżi-Konġunti.

Test propost mill-Kummissjoni

Emenda

Regolament tal-Parlament Ewropew u tal-Kunsill li jistabbilixxi l-Awtorità tas-Suq Ewropew tal-Komunikazzjonijiet Elettroniċi

Regolament tal-Parlament Ewropew u tal-Kunsill li jistabbilixxi n-Netwerk ta' l-Awtoritajiet Regolatorji Nazzjonali għas-Swieq tal-Komunikazzjonijiet Elettroniċi

(Din l-emenda tapplika fit-test kollu. L-adozzjoni ta' l-emenda tinneċessita emendi korrispondenti fit-test kollu.)

Test propost mill-Kummissjoni

Emenda

(3) Ir-Regolament (KE) Nru 460/2004 tal-Parlament Ewropew u tal-Kunsill ta' l-10 ta' Marzu 2004 li jistabbilixxi l-Aġenzija Ewropea dwar is-Sigurtà tan-Netwerks u l-Informazzjoni (minn hawn 'il quddiem insejjaħ “ir-Regolament ENISA”) stabbilixxa l-Aġenzija Ewropea dwar is-Sigurtà tan-Netwerks u l-Informazzjoni (ENISA) fl-2004 għal perjodu ta' ħames snin, bil-għan li tkun tiżgura livell għoli u effettiv ta' sigurtà tan-netwerks u ta' l-informazzjoni fi ħdan il-Komunità, sabiex tiġi żviluppata kultura ta' sigurtà tan-netwerks u ta' l-informazzjoni għall-ġid taċ-ċittadini, il-konsumaturi, l-intrapriżi u l-organizzazzjonijiet tas-settur pubbliku ta' l-Unjoni Ewropea, u b'hekk tikkontribwixxi għall-funzjonament bla xkiel tas-suq intern.

(3) Ir-Regolament (KE) Nru 460/2004 tal-Parlament Ewropew u tal-Kunsill ta' l-10 ta' Marzu 2004 li jistabbilixxi l-Aġenzija Ewropea dwar is-Sigurtà tan-Netwerks u l-Informazzjoni (minn hawn 'il quddiem insejjaħ “ir-Regolament ENISA”) stabbilixxa l-Aġenzija Ewropea dwar is-Sigurtà tan-Netwerks u l-Informazzjoni (ENISA) fl-2004 għal perjodu ta' ħames snin, bil-għan li tkun tiżgura livell għoli u effettiv ta' sigurtà tan-netwerks u ta' l-informazzjoni fi ħdan il-Komunità, sabiex tiġi żviluppata kultura ta' sigurtà tan-netwerks u ta' l-informazzjoni għall-ġid taċ-ċittadini, il-konsumaturi, l-intrapriżi u l-organizzazzjonijiet tas-settur pubbliku ta' l-Unjoni Ewropea, u b'hekk tikkontribwixxi għall-funzjonament bla xkiel tas-suq intern. Kwalunkwe modifikazzjoni ta' l-għanijiet, l-istruttura u l-organizzazzjoni ta' l-ENISA għaldaqstant se tkun soġġetta għar-reviżjoni futura tar-Regolament ENISA.

Ġustifikazzjoni

L-objettivi u l-kompiti ta' l-Awtoritá proposta mill-Kummissjoni huma distinti mill-funzjonijiet ewlenin ta' l-ENISA. Il-ħtieġa li titkompla l-ENISA hi kkonfermata fl-evalwazzjoni reċenti ta' l-2007 u għalhekk it-twaqqif ta' Awtoritá ġdida jew ta' kwalunkwe Netwerk Ewropew ieħor għandu jkun bla ħsara għat-tkomplija l-ENISA.

Test propost mill-Kummissjoni

Emenda

(7) Għalhekk, tinħtieġ bażi istituzzjonali aktar sostanzjali għall-istabbiliment ta’ entità li tiġbor flimkien l-għarfien espert u l-esperjenza ta’ l-awtoritajiet regolatorji nazzjonali, flimkien ma’ sett iddefinit b’mod ċar ta’ kompetenzi, fejn titqies il-ħtieġa biex din l-entità teżerċita awtorità reali f’għajnejn il-membri tagħha u s-settur li qed jiġi regolat permezz tal-kwalità tal-produzzjoni tiegħu.

(7) Għalhekk, tinħtieġ bażi istituzzjonali aktar sostanzjali għall-istabbiliment ta’ entità fuq il-bażi ta' aktar żvilupp ta' l-ERG, li tiġbor flimkien l-għarfien espert u l-esperjenza ta’ l-awtoritajiet regolatorji nazzjonali, flimkien ma’ sett iddefinit b’mod ċar ta’ kompetenzi, fejn titqies il-ħtieġa biex din l-entità teżerċita awtorità reali f’għajnejn il-membri tagħha u s-settur li qed jiġi regolat permezz tal-kwalità tal-produzzjoni tiegħu.

Test propost mill-Kummissjoni

Emenda

(7a) Dan jitlob l-istabbiliment ta’ entità Komunitarja ġdida fil-forma ta' Netwerk ta' l-Awtoritajiet Regolatorji Nazzjonali għas-Swieq tal-Komunikazzjonijiet Elettroniċi (in-"Netwerk"). In-Netwerk għandu jagħti attenzjoni speċjali biex jiżgura li l-konsumaturi jkunu jistgħu jkomplu jibbenefikaw b'mod sħiħ mis-soċjetà ta' l-informazzjoni, mill-innovazzjoni u min-netwerks tal-ġenerazzjoni li jmiss, waqt li jingħata inċentiv lill-investiment, prijoritá lill-kompetizzjoni bejn l-infrastrutturi u jkun promoss aċċess aħjar għas-soċjetà ta' l-informazzjoni speċjalment f'żoni rurali permezz tal-konnettività bi frekwenza wiesgħa u mobbli (mobile broadband).

Ġustifikazzjoni

Din l-emenda għandha l-għan li tenfasizza li r-Reviżjoni tal-Qafas tat-telecom ta' l-UE għandha l-ewwel tfittex li trawwem l-għanijiet billi taġġorna l-provvista materjali, billi l-arranġamenti organizzattivi pjuttost għandhom importanza sekondarja. Jeħtieġ li jkunu indirizzati kwistjonijiet aktar importanti biex ir-regolament isir aktar kompatibbli ma' inċentivi sabiex isir investiment fin-netwerks tal-ġenerazzjoni li jmiss u jkun aktar kompatibbli ma' dawn l-investimenti, sabiex jappoġġja l-aċċessibilitá għal frekwenza aktar wiesgħa f'żoni inqas popolati.

Test propost mill-Kummissjoni

Emenda

(10) Il-Komunikazzjoni mill-Kummissjoni lill-Parlament Ewropew u lill-Kunsill dwar “L-evalwazzjoni ta’ l-Aġenzija Ewropea dwar is-Sigurtà tan-Netwerks u l-Informazzjoni (ENISA)” ippreżentat valutazzjoni ta’ rapport estern ta’ esperti27 li evalwa r-rendiment ta’ l-Aġenzija minn mindu ġiet stabbilita u r-rakkomandazzjonijiet tal-Bord ta’ Ġestjoni ta’ l-ENISA rigward ir-Regolament ta’ l-ENISA u nieda konsultazzjoni pubblika. Is-sejbiet ewlenin ta’ dak ir-rapport ta’ l-esperti kkonferma l-validità tal-politika wara l-ħolqien ta’ l-ENISA u tal-miri oriġinali tagħha, u b’mod partikolari l-kontribuzzjoni li tagħti sabiex jinkiseb suq tabilħaqq intern fil-komunikazzjonijiet elettroniċi.

imħassra

Test propost mill-Kummissjoni

Emenda

(11) Fl-istess ħin, ġew identifikati numru ta’ problemi, li jinkludu, b’mod partikolari, kwistjonijiet relatati ma’ l-istruttura organizattiva tagħha, it-taħlita ta’ ħiliet u d-daqs ta’ l-istaff operattiv tagħha, u diffikultajiet loġistiċi. Il-funzjonijiet ewlenin ta’ l-ENISA għandhom jevolvu b'tali mod li jiffurmaw element ta' qofol ta' l-Awtorità li abbażi ta' identifikazzjoni aktar ċara ta' l-għanijiet u tal-kompiti, għandha iiżgura li dawk l-għanijiet u dawk il-kompiti jistgħu jiġu sodisfatti b’mod aktar effiċjenti, iffokat u effettiv fl-infiq, li jkun konsistenti mal-prinċipji ta’ regolamentazzjoni aħjar, minn awtorità waħda b’kompetenza fuq kwistjonijiet li jaqgħu fil-qafas regolatorju ta’ l-UE tan-netwerks u tas-servizzi tal-komunikazzjonijiet elettroniċi.

imħassra

Ġustifikazzjoni

L-inkorporazzjoni ta' l-ENISA man-Netwerk, li hi proposta mill-Kummissjoni, għadha ma ġietx iġġustifikata biżżejjed biex tkun aċċettata għalissa: kemm in-netwerk regolatorju telecom kif ukoll l-ENISA għandhom objettivi differenti. Barra minn hekk, f'diversi stati membri, ir-regolaturi nazzjonali telecom mhux neċessarjament għandhom is-setgħat li huma koperti fl-ambitu ta' attivitajiet ta' l-ENISA. Jekk ikunu inkorporati, jistgħu jinħolqu effetti detrimentali biex jiffunzjonaw kemm l-ENISA kif ukoll in-Netwerk. L-Awtorità m'għandux ikollha setgħat ta' sigurtà li diġà huma ttrattati b'mod effttiv mill-ENISA.

Test propost mill-Kummissjoni

Emenda

(12) Dan jitlob l-istabbiliment ta’ entità Komunitarja ġdida, l-Awtorità tas-Suq Ewropew tal-Komunikazzjonijiet Elettroniċi (minn hawn ’il quddiem imsejjaħ l-“Awtorità”). L-Awtorità għandha tagħmel kontribut effettiv biex tavvanza l-proċess ta’ l-ikkompletar tas-suq intern permezz ta' l-assistenza tagħha lill-Kummissjoni u lill-awtoritajiet regolatorji nazzjonali. Din tkun topera bħala punt ta’ referenza u tistabbilixxi kunfidenza minħabba l-indipendenza tagħha, il-kwalità tal-pariri li tagħti u l-informazzjoni li xxerred, it-trasparenza tal-proċeduri tagħha u l-metodi ta’ ħidma, u d-diliġenza tagħha fit-twettiq tal-kompiti assenjati lilha.

(12) In-Netwerk għandu jagħmel kontribut effettiv biex javvanza l-proċess ta’ l-ikkompletar tas-suq intern permezz ta' l-assistenza tiegħu lill-Kummissjoni u lill-awtoritajiet regolatorji nazzjonali. Dan ikun jopera bħala punt ta’ referenza u jistabbilixxi kunfidenza minħabba l-indipendenza tiegħu, il-kwalità tal-pariri li jagħti u l-informazzjoni li jxerred, it-trasparenza tal-proċeduri tiegħu u l-metodi ta’ ħidma, u d-diliġenza tiegħu fit-twettiq tal-kompiti assenjati lilu.

Test propost mill-Kummissjoni

Emenda

(15) L-Awtorità għandha tkun stabbilita fl-istruttura istituzzjonali u fil-bilanċ tas-setgħat eżistenti tal-Komunità. Għandha tkun indipendenti b’relazzjoni għal kwistjonijiet tekniċi u jkollha awtonomiija legali, amministrativa u finanzjarja. Għal dan il-għan, huwa meħtieġ u xieraq li għandha tkun entità Komunitarja li jkollha personalità legali u li teżerċita l-kompiti konferiti lilha minn dan ir-Regolament.

(15) In-Netwerk għandu jkun stabbilit fl-istruttura istituzzjonali u fil-bilanċ tas-setgħat eżistenti tal-Komunità.

Test propost mill-Kummissjoni

Emenda

(19) L-Awtorità għandha tgħin lill-Kummissjoni rigward kwalunkwe estensjoni ta’ l-obbligi Komunitarji għall-portabbiltà tan-numri. Estensjoni ta’ din ix-xorta tista’ tikkonċerna, b'mod partikolari, l-ambitu ta’ l-informazzjoni li għandha tiġi portata jew it-tipi ta’ netwerk (jiġifieri, fiss jew mobbli) li bejniethom għandhom jiġu portati n-numri u l-informazzjoni. Il-bidliet f’dan l-obbligu għandhom iqisu l-prezzijiet li jintalbu mingħand l-utenti u l-ispejjeż tal-bidla għall-intarpriżi, kif ukoll l-esperjenzi fl-Istati Membri.

(19) In-Netwerk għandu jgħin lill-Kummissjoni u lill-Istati Membri rigward kwalunkwe estensjoni ta’ l-obbligi Komunitarji għall-portabbiltà tan-numri. Estensjoni ta’ din ix-xorta tista’ tikkonċerna, b'mod partikolari, l-ambitu ta’ l-informazzjoni li għandha tiġi portata jew it-tipi ta’ netwerk (jiġifieri, fiss jew mobbli) li bejniethom għandhom jiġu portati n-numri u l-informazzjoni. Il-bidliet f’dan l-obbligu għandhom iqisu l-prezzijiet li jintalbu mingħand l-utenti u l-ispejjeż tal-bidla għall-intarpriżi, kif ukoll l-esperjenzi fl-Istati Membri.

Test propost mill-Kummissjoni

Emenda

(33) L-Awtorità għandu jkollha s-setgħat meħtieġa sabiex twettaq il-funzjonijiet regolatorji b’mod effiċjenti u fuq kollox indipendenti. Billi jirrifletti s-sitwazzjoni fuq livell nazzjonali, il-Bord tar-Regolaturi għalhekk għandu jaġixxi b’mod indipendenti minn kwalunkwe interess tas-suq u m’għandux ifittex jew jieħu struzzjonijiet minn kwalunkwe gvern jew entità pubblika jew privata oħra.

(33) In-Netwerk għandu jkollu s-setgħat meħtieġa sabiex iwettaq il-funzjonijiet regolatorji b’mod effiċjenti.

Test propost mill-Kummissjoni

Emenda

(34) Il-funzjonament bla problemi ta’ l-Awtorità jeħtieġ li d-Direttur tagħha jinħatar fuq bażi ta’ mertu u ta’ ħiliet amministrattivi u maniġerjali dokumentati, kif ukoll ta’ kompetenza u ta’ esperjenza rilevanti għan-netwerks, għas-servizzi u għas-swieq tal-komunikazzjonijiet elettroniċi, u li huwa jwettaq dmirijietu b’indipendenza u bi flessibilità sħiħa rigward l-organizzazzjoni tal-funzjonament intern ta’ l-Awtorità. Id-Direttur għandu jiżgura l-eżekuzzjoni effiċjenti tal-kompiti ta’ l-Awtorità b’mod indipendenti.

(34) Il-funzjonament bla problemi tan-Netwerk jeħtieġ li d-Direttur tiegħu jinħatar fuq bażi ta’ mertu u ta’ ħiliet amministrattivi u maniġerjali dokumentati, kif ukoll ta’ kompetenza u ta’ esperjenza rilevanti għan-netwerks, għas-servizzi u għas-swieq tal-komunikazzjonijiet elettroniċi, u li huwa jwettaq dmirijietu bi flessibilità rigward l-organizzazzjoni tal-funzjonament intern tan-Netwerk. Id-Direttur għandu jiżgura l-eżekuzzjoni effiċjenti tal-kompiti tan-Netwerk.

Test propost mill-Kummissjoni

Emenda

(36) Jeħtieġ li jiġi żgurat li l-partijiet li jiġu affetwati mid-deċiżjonijiet ta’ l-Awtorità jkollhom rikors għar-rimedji meħtieġa. Għandu jiġi stabbilit mekkaniżmu xieraq ta’ appell sabiex id-deċiżjonijiet ta’ l-Awtorità jistgħu jkunu suġġetti għal appell quddiem Bord ta’ l-Appell speċjalizzat, li d-deċiżjonijiet tiegħu, min-naħa tagħhom, jistgħu jkunu s-suġġett ta’ kawża quddiem il-Qorti tal-Ġustizzja.

imħassra

Test propost mill-Kummissjoni

Emenda

(46) Għandha tkun żgurata t-tranżizzjoni bla problemi għall-attivitajiet li għaddejjin ta’ l-ENISA li jaqgħu taħt ir-responsabbiltà ta’ l-Awtorità.

imħassra

Test propost mill-Kummissjoni

Emenda

2. L-Awtorità għandha taġixxi fl-ambitu tad-Direttiva Kwadru u tad-Direttivi Speċifiċi, u tibbaża ruħha fuq l-għarfien espert disponibbli fl-awtoritajiet regolatorji nazzjonali. Għandha tikkontribwixxi għall-funzjonament aħjar tas-suq intern għan-netwerks u għas-servizzi tal-komunikazzjonijiet elettroniċi, li jinkludu, b’mod partikolari, l-iżvilupp ta’ komunikazzjonijiet elettroniċi transkomunitarji u livell għoli u effettiv tas-sigurtà tan-netwerks u ta’ l-informzzjoni, permezz tal-kompiti elenkati fil-Kapitoli II u III.

2. In-Netwerk għandu jaġixxi fl-ambitu tad-Direttiva Kwadru u tad-Direttivi Speċifiċi, u jibbaża ruħu fuq l-għarfien espert disponibbli fl-awtoritajiet regolatorji nazzjonali. Għandu jikkontribwixxi għall-funzjonament aħjar tas-suq intern għan-netwerks u għas-servizzi tal-komunikazzjonijiet elettroniċi, li jinkludu, b’mod partikolari, l-iżvilupp ta’ komunikazzjonijiet elettroniċi transkomunitarji, permezz tal-kompiti elenkati fil-Kapitoli II u III.

Ġustifikazzjoni

L-Awtorità m’għandux ikollha setgħat ta’ sigurtà li l-Aġenzija Ewropea għas-Sigurtà tan-Netwerks u ta’ l-Informazzjoni (l-ENISA) diġà qiegħda tieħu ħsieb b’mod effettiv.

Test propost mill-Kummissjoni

Emenda

(a) toħroġ opinjonijiet fuq it-talba tal-Kummissjoni jew fuq l-inizjattiva tagħha stess u tgħin lill-Kummissjoni billi tipprovdilha l-appoġġ tekniku u amministrattiv addizzjonali fil-kwistjonijiet kollha li jikkonċernaw il-komunikazzjonijiet elettroniċi;

(a) toħroġ opinjonijiet fuq it-talba tal-Parlament Ewropew jew tal-Kummissjoni jew fuq l-inizjattiva tagħha stess u tgħin lill-Parlament Ewropew u lill-Kummissjoni billi tipprovdilhom l-appoġġ tekniku u amministrattiv addizzjonali fil-kwistjonijiet kollha li jikkonċernaw il-komunikazzjonijiet elettroniċi;

Ġustifikazzjoni

Il-memorandum ta’ spjegazzjoni tal-proposta tal-Kummissjoni jiddefinixxi l-Awtorità li għandha titwaqqaf, bħala awtorità "li hija responsabbli quddiem il-Parlament Ewropew". Għalhekk hemm bżonn li wieħed jiżgura li jkun hemm rabta iktar qawwija bejn dan ta’ l-aħħar u l-Awtorità.

Test propost mill-Kummissjoni

Emenda

(e) tipprovdi pariri u għajnuna lill-Kummissjoni jew lil kwalunkwe entità oħra maħtura minn Stat Membru rigward kwalunkwe kwistjoni ta’ sigurtà tan-netwerks u ta’ l-informazzjoni li taqa’ taħt ir-responsabbiltà ta’ l-Awtorità;

imħassar

Ġustifikazzjoni

L-Awtorità m’għandux ikollha setgħat ta’ sigurtà li l-Aġenzija Ewropea għas-Sigurtà tan-Netwerks u ta’ l-Informazzjoni (l-ENISA) diġà qiegħda tieħu ħsieb b’mod effettiv.

Test propost mill-Kummissjoni

Emenda

(f) tieħu deċiżjonijiet individwali b’relazzjoni għall-ħruġ tad-drittijiet ta’ użu għan-numri mill-Ispazju Ewropew tan-Numerazzjoni Telefonika (ETNS);

imħassar

Ġustifikazzjoni

L-Uffiċju Ewropew għar-Radjukomunikazzjoni (l-ERO) diġà għandu arranġamenti sodisfaċenti stabbiliti.

Test propost mill-Kummissjoni

Emenda

(g) tgħin lill-Kummissjoni fl-għażla ta' l-intrapriżi li se jingħataw drittijiet ta’ użu tal-frekwenzi tar-radju u tan-numri;

imħassar

Ġustifikazzjoni

Id-drittijiet ta’ l-użu tal-frekwenzi tar-radju u tan-numri huma diġà mmexxija b’mod effettiv mill-Grupp għal Politika dwar l-Ispettru tar-Radju (l-RSPG), il-Kumitat għall-Ispettru tar-Radju (l-RSC) u mill-Kumitat tal-Komunikazzjonijiet (il-CoCom).

Test propost mill-Kummissjoni

Emenda

(h) tiġbor u tqassam mill-ġdid il-ħlasijiet ta’ użu għad-drittijiet ta’ użu tal-frekwenzi tar-radju u tan-numri ;

imħassar

Ġustifikazzjoni

Il-Grupp għal Politika dwar l-Ispettru tar-Radju (l-RSPG) diġà jieħu ħsieb il-kwistjonijiet ta’ spettru b’mod effettiv.

Test propost mill-Kummissjoni

Emenda

(i) toħroġ rakkomandazzjonjiet lill-awtoritajiet regolatorji nazzjonali dwar tilwim transkonfinali u dwar kwistjonijiet ta’ aċċessibbiltà elettronika (eAccessibility).

imħassar

Test propost mill-Kummissjoni

Emenda

1. Fuq it-talba tal-Kummissjoni, l-Awtorità għandha tagħti opinjonijiet dwar il-kwistjonijiet kollha li jikkonċernaw il-komunikazzjonijiet elettroniċi.

1. Fuq it-talba tal-Parlament Ewropew jew tal-Kummissjoni, in-Netwerk għandu jagħti opinjonijiet dwar il-kwistjonijiet fil-paragrafu 3 li jikkonċernaw il-komunikazzjonijiet elettroniċi. Il-Kummissjoni tista’ titlob opinjoni dwar kwistjonijiet oħra li jikkonċernaw komunikazzjonijiet elettroniċi, bil-kundizzjoni li t-talba tkun immotivata u proporzjonata u li l-Parlament Ewropew u l-Kunsill ikunu infurmati u tingħatalhom l-opportunità għal skrutinju hekk kif issir it-talba.

Ġustifikazzjoni

Il-memorandum ta’ spjegazzjoni tal-proposta tal-Kummissjoni jiddefinixxi l-Awtorità li għandha titwaqqaf, bħala awtorità "li hija responsabbli quddiem il-Parlament Ewropew". Għalhekk hemm bżonn li wieħed jiżgura li jkun hemm rabta iktar qawwija bejn dan ta’ l-aħħar u l-Awtorità. Talbiet għal opinjonijiet mill-Kummissjoni għandhom ikunu meqjusa u għandhom isiru b'mod responsabbli.

Test propost mill-Kummissjoni

Emenda

(b) is-sigurtà u l-integrità tan-netwerks u tas-servizzi pubbliċi ta’ komunikazzjonijiet elettroniċi inklużi kwistjonijiet marbuta ma’ ksur tas-sigurtà u/jew ta’ l-integrità, skond l-Artikolu 13a tad-Direttiva 2002/21/KE (Direttiva Kwadru) u l-Artikolu 4 tad-Direttiva 2002/58/KE (Direttiva dwar il-privatezza u l-komunikazzjonijiet elettroniċi);

imħassar

Ġustifikazzjoni

L-Aġenzija Ewropea dwar is-Sigurtà tan-Netwerks u l-Informazzjoni (l-ENISA) diġà tieħu ħsieb dawn il-kwistjonijiet ta’ sigurtà b’mod effettiv.

Test propost mill-Kummissjoni

Emenda

(e) analiżijiet ta’ swieq nazzjonali speċifiċi skond l-Artikolu 16 tad-Direttiva 2002/21/KE (Direttiva Kwadru);

(e) f'koperazzjoni ma' l-awtoritajiet regolatorji nazzjonali relevanti, analiżijiet ta’ swieq nazzjonali speċifiċi skond l-Artikolu 16 tad-Direttiva 2002/21/KE (Direttiva Kwadru);

Ġustifikazzjoni

Ir-reviżjonijiet tas-suq jistgħu jsiru bl-iktar mod effettiv mill-awtoritajiet regolatorji nazzjonali u għalhekk il-koperazzjoni hi ferm mixtieqa.

Test propost mill-Kummissjoni

Emenda

(i) kwistjonjiet ta’ numri, skond l-Artikolu 10 tad-Direttiva 2002/21/KE (Direttiva Kwadru) u l-aċċess għan-numri u għas-servizzi fil-Komunità, skond l-Artikolu 28 tad-Direttiva 2002/22/KE (Direttiva Servizz Universali);

imħassar

Ġustifikazzjoni

Il-kompetenza għandha tibqa’ f’idejn l-Istati Membri.

Test propost mill-Kummissjoni

Emenda

(o) miżuri dwar kwistjonijiet ta’ frekwenzi tar-radju skond l-Artikoli 4 u 6 tad-Deċiżjoni 676/2002/KE (id-Deċiżjoni dwar l-Ispettri tar-Radju);

imħassar

Ġustifikazzjoni

Il-Grupp għal Politika dwar l-Ispettru tar-Radju (l-RSPG) diġà jieħu ħsieb il-kwistjonijiet ta’ spettru b’mod effettiv.

Test propost mill-Kummissjoni

Emenda

(p) skond l-Artikoli 6a u 6b tad-Direttiva 2002/20/KE (Direttiva ta’ Awtorizzazzjoni) :

imħassar

(i) kundizzjonijiet armonizzati relatati mad-drittijiet ta’ użu tal-frekwenzi jew tan-numri tar-radju;

(ii) emenda jew irtirar tad-drittijiet ta’ użu maħruġa fuq bażi koordinata jew armonizzata;

(iii) l-għażla ta’ l-intarpriżi li jistgħu jingħatawlhom drittijiet individwali ta’ użu għall-frekwenzi jew għan-numri għal servizzi b’potenzjal transkonfinali.

Ġustifikazzjoni

Il-Grupp għal Politika dwar l-Ispektrum tar-Radju (l-RSPG) diġà jieħu ħsieb il-kwistjonijiet ta’ l-ispektrum b’mod effettiv.

Test propost mill-Kummissjoni

Emenda

4a. L-opinjonijiet kollha tan-Netwerk għandhom jitressqu quddiem il-Parlament Ewropew, u n-Netwerk għandu jgħarraf lill-Parlament Ewropew, fil-qafas tal-proċess regolatorju bi skrutinju, dwar il-proposti finali tiegħu.

Ġustifikazzjoni

Il-memorandum ta’ spjegazzjoni tal-proposta tal-Kummissjoni jiddefinixxi l-Awtorità li għandha titwaqqaf, bħala awtorità "li hija responsabbli quddiem il-Parlament Ewropew". Għalhekk hemm bżonn li wieħed jiżgura li jkun hemm rabta iktar qawwija bejn dan ta’ l-aħħar u l-Awtorità.

Test propost mill-Kummissjoni

Emenda

1. Skond l-Artikolu 16(7) tad-Direttiva 2002/21/KE (Direttiva Kwadru), jekk l-Awtorità tirċievi talba mingħand il-Kummissjoni sabiex tanalizza suq rilevanti speċifiku fi Stat Membru, għandha tagħti opinjoni u tipprovdi lill-Kummissjoni bl-informazzjoni meħtieġa, inklużi r-riżultati tal-konsultazzjoni pubblika u ta’ l-analiżi tas-suq. Jekk l-Awtorità ssib li l-kompetizzjoni f’dak is-suq ma tkunx effettiva, wara konsultazzjoni pubblika, l-opinjoni tagħha għandha tinkludi abbozz ta’ miżura li jispeċifika l-intrapriża(i) li tqis li għandha/hom tingħażel/jintgħażlu bħala li għandha/hom setgħa sinfikanti tas-suq f’dak is-suq u l-obbligi xierqa li għandhom jiġu imposti.

1. Skond l-Artikolu 16(7) tad-Direttiva 2002/21/KE (Direttiva Kwadru), jekk in-Netwerk jirċievi talba mingħand il-Kummissjoni sabiex janalizza suq rilevanti speċifiku fi Stat Membru, għandu jwettaq reviżjoni tas-suq f'koperazzjoni ma' l-awtoritá regolatorja nazzjonali relevanti. In-Netwerk u l-awtorità regolatorja nazzjonali relevanti għandhom jagħtu opinjoni konġunta, li fl-aħħarnett taqa' taħt is-sorveljanza tan-Netwerk, u jipprovdu lill-Kummissjoni bl-informazzjoni meħtieġa, inklużi r-riżultati tal-konsultazzjoni pubblika u ta’ l-analiżi tas-suq. Jekk in-Netwerk u l-awtorità regolatorja nazzjonali jsibu li l-kompetizzjoni f’dak is-suq ma tkunx effettiva, wara konsultazzjoni pubblika, l-opinjoni tagħhom għandha tinkludi abbozz ta’ miżura li jispeċifika l-intrapriża(i) li jqisu li għandha/hom tingħażel/jintgħażlu bħala li għandha/hom setgħa sinfikanti tas-suq f’dak is-suq u l-obbligi xierqa li għandhom jiġu imposti.

Ġustifikazzjoni

Ir-reviżjonijiet tas-suq jistgħu jsiru bl-aktar mod effettiv bil-parteċipazzjoni diretta ta' l-awtoritajiet regolatorji nazzjonali. L-Awtoritá għandha tissorvelja r-reviżjoni u tkun responsabbli għar-rakkomandazzjonijiet tagħha.

Test propost mill-Kummissjoni

Emenda

3. L-Awtorità għandha tagħti lill-Kummissjoni fuq it-talba tagħha l-informazzjoni kollha disponibbli biex twettaq il-kompiti msemmija fil-paragrafu 1.

3. In-Netwerk u l-awtorità regolatorja nazzjonali għandhom jagħtu lill-Kummissjoni fuq it-talba tagħha l-informazzjoni kollha disponibbli biex twettaq il-kompiti msemmija fil-paragrafu 1.

Ġustifikazzjoni

Ir-reviżjonijiet tas-suq jistgħu jsiru bl-aktar mod effettiv bil-parteċipazzjoni diretta ta' l-awtoritajiet regolatorji nazzjonali. L-Awtoritá għandha tissorvelja r-reviżjoni u tkun responsabbli għar-rakkomandazzjonijiet tagħha.