dwar l-Abbozz tal-baġit ta' emenda Nru 3/2010 tal-Unjoni Ewropea għas-sena finanzjarja 2010, Taqsima III – Il-Kummissjoni

(13472/2010 – C7-0263/2010 – 2010/2048(BUD))

Il-Parlament Ewropew,

- wara li kkunsidra l-Artikoli 310 u 314 tat-Trattat dwar il-Funzjonament tal-Unjoni Ewropea u l-Artikolu 106a tat-Trattat Euratom,

- wara li kkunsidra ir-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju li jgħodd għall-budget ġenerali tal-Komunitajiet Ewropej(1), u b'mod partikolari l-Artikolu 37 tiegħu,

- wara li kkunsidra l-baġit ġenerali tal-Unjoni Ewropea għas-sena finanzjarja 2010, adottat b'mod definittiv fis-17 ta' Diċembru 2009(2),

- wara li kkunsidra l-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba(3),

- wara li kkunsidra l-Abbozz tal-baġit emendatorju Nru 3/2010 tal-Unjoni Ewropea għas-sena finanzjarja 2010, ippreżentat mill-Kummissjoni fit-8 ta’ April 2010 (COM(2010)0149),

- wara li kkunsidra l-Proposta għal Deċiżjoni tal-Parlament Ewropew u tal-Kunsill dwar il-Mobilizzazzjoni tal-Istrument tal-Flessibilità, ippreżentata mill-Kummissjoni fit-8 ta' April 2010 (COM (2010)0150),

- wara li kkunsidra l-Proposta għal Regolament tal-Parlament Ewropew u tal-Kunsill li jemenda r-Regolament tal-Kunsill (KE) Nru No 1905/2006 li jistabbilixxi strument ta' finanzjament tal-kooperazzjoni għall-iżvilupp, ippreżentata mill-Kummissjoni fis-17 ta' Marzu 2010 (COM(2010)0102),

- wara li kkunsidra l-pożizzjoni tal-Kunsill dwar l-Abbozz ta' baġit emendatorju Nru 3/2010, stabbilit mill-Kunsill fit-13 ta’ Settembru 2010 (13472/2010 – C7-0263/2010),

- wara li kkunsidra l-Artikolu 75b tar-Regoli ta' Proċedura tiegħu,

–    wara li kkunsidra r-rapport tal-Kumitat għall-Baġits (A7–0281/2010),

A.  billi l-Kummissjoni qed tipproponi li jiġi emendat ir-Regolament (KE, Euratom) Nru 1905/2006 biex jiġi permess il-finanzjament tal-Miżuri ta' Akkumpanjament tal-Banana (BAM) għas-snin 2010 sal-2013, b'baġit ġenerali ta' EUR 190 miljun, b'potenzjal ta' EUR 10 miljuni supplimentari. jekk il-marġni jkunu jippermattu,

B.   billi l-bilanċ annwali propost ta' għajnuna finanzjarja għall-BAM jipprevedi ammont ta' EUR 75 miljun fl-2010,

C.  billi l-marġni disponibbli taħt l-intestatura 4 huwa biss ta' EUR 875,530, minħabba l-bżonn ta' finanzjament massimu, fl-2010, tal-prijoritajiet tal-UE b'rabta mar-rwol tagħha bħala protagonista dinjija,

D.  billi l-parti l-kbira ta' din l-għajnuna finanzjarja fl-2010 hija dovuta għall-użu mill-ġdid fi ħdan l-intestatura 4 tal-baġit (EUR 55.8 miljuni minn EUR 75 miljun),

E.   billi l-użu mill-ġdid li qed jiġi propost jaffettwa strumenti u azzjonijiet li l-UE u b'mod partikolari l-Parlament Ewropew iddefinixxu bħala ta' interess kbir,

F.   billi l-bżonn ta' għajnuna finanzjarja għall-BAM ma kienx previst meta ġie adottat il-Qafas Finanzjarju Multiannwali attwali,

G.  billi l-proċeduri baġitarji tal-passat wrew il-pressjoni estrema li għaddiet minnha din l-intestatura,

H.  billi l-għajnuna finanzjarja tal-UE tal-pajjiżi li jipprovdu l-banana tal-AKP, li ġew affettwati mil-liberalizzazzjoni tal-Aktar Nazzjon Iffavorit fil-qafas tad-WTO, m'għandhiex tiġi ddubitata u m'għandux ikun dewmien fl-isforz baġitarju,

I.    billi, sustanzjalment, il-Parlament huwa lest li, permezz tal-proċedura ta' konċiljazzjoni, jinnegozja mal-fergħa l-oħra tal-awtorità baġitarja,

J.    billi l-marġni li fadal ta’ EUR 875,530 EUR jista’ jintuża għall-iffinanzjar tal-BAM,

1.   Jieħu nota tal-abbozz ta' baġit emendatorju 3/2010 u tal-Pożizzjoni tal-Kunsill;

2.   Ifakkar fil-pożizzjoni prinċipali tiegħu li l-prijoritajiet il-ġodda għandhom jiġu ffinanzjati minn fondi ġodda;

3.   Iqis li l-finanzjament tal-BAM jissodisfa l-kundizzjonijiet previsti fil-Punt 27 tal-IIA tas-17 ta' Mejju 2006 dwar l-użu tal-Istrument ta' Flessibilità;

4.   Jistieden lill-Kummissjoni tippreżenta proposta ġdida għall-mobilizzazzjoni tal-Istrument ta' Flessibilità għall-bqija tal-EUR 74,124,470;

5.   Iddeċieda li jemenda l-abbozz tal-Baġit emendatorju Nru 3/2010 kif jidher hawn taħt;

6.   Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill u lill-Kummissjoni.

imressqa minn: Lazslo SURJAN          >>

TAQSIMA: III Il-Kummissjoni

(1) ĠU L 248, 16.9.2002, p. 1. (2) ĠU L 64, 12.3.2010. (3) ĠU C 139, 14.6.2006, p. 1.