dwar l-emenda għall-Artikolu 48 tar-Regoli ta' Proċedura tal-Parlament dwar ir-rapporti fuq inizjattiva proprja

(2011/2168(REG))

Il-Parlament Ewropew,

–   wara li kkunsidra d-deċiżjoni tal-Konferenza tal-Presidenti tas-7 ta' April 2011 dwar ir-rapporti ta' inizjattiva proprja,

–   wara li kkunsidra l-ittra tas-26 ta’ April 2011 mill-President tal-Parlament Ewropew lill-President tal-Kumitat għall-Affarijiet Kostituzzjonali,

–   wara li kkunsidra l-Artikoli 211 u 212 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Affarijiet Kostituzzjonali (A7-0399/2011),

1.   Jinnota d-deċiżjoni tal-Konferenza tal-Presidenti tas-7 ta' April 2011 li tiddikjara li r-rapporti fuq inizjattiva proprja mfassla abbażi ta-rapporti annwali tal- u - ta' monitoraġġ elenkati fl-Annessi 1 u 2 għad-deċiżjoni tal-Konferenza tal-Presidenti tat-12 ta' Diċembru 2002 kif stipulat fl-Anness XVIII għar-Regoli ta' Proċedura tiegħu ("Deċiżjoni tal-2002") għandhom jitqiesu bħala rapporti strateġiċi skont it-tifsira tal-aħħar sentenza tal-Artikolu 48(2), u jagħti istruzzjonijiet lis-Segretarju Ġenerali biex jinkorpora din id-deċiżjoni fl-Anness XVIII;

2.   Hu tal-fehma li l-Artikolu 2(4) tad-Deċiżjoni tal-2002 issa m'għadux japplika, b'riżultat tad-deċiżjoni tiegħu tat-13 ta' Novembru 2007 dwar l-emenda tar-Regoli ta' Proċedura tal-Parlament fid-dawl tal-Istatut għall-Membri, u jagħti istruzzjonijiet lis-Segretarju Ġenerali tiegħu biex jadottaw l-Anness XVIII;

3.   Jiddeċiedi li jemenda r-Regoli ta' Proċedura tiegħu kif jidher hawn taħt;

4.   Ifakkar li dawn l-emendi jidħlu fis-seħħ fl-ewwel ġurnata tas-sessjoni parzjali li jmiss;

5.   Jagħti istruzzjonijiet lill-President tiegħu biex jgħaddi din id-deċiżjoni lill-Kunsill u lill-Kummissjoni għal skopijiet ta’ informazzjoni.

Emenda  1 Regoli ta' Proċedura tal-Parlament Ewropew Artikolu 48 – paragrafu 2 Test fis-seħħ Emenda 2. Il-mozzjonijiet għal riżoluzzjonijiet li jkunu f' rapporti fuq inizjattiva proprja għandhom jiġu eżaminati mill-Parlament skont il-proċedura bi preżentazzjoni qasira stipulata fl-Artikolu 139. Emendi għal mozzjonijiet għal riżoluzzjonijiet bħal dawn għandhom ikunu ammissibbli biss biex jitqiesu fil-plenarja jekk jitqiegħdu fuq il-Mejda mir-rapporteur biex jitqies tagħrif ġdid jew minn mhux inqas minn wieħed minn kull għaxra tal-Membri tal-Parlament. Il-gruppi politiċi jistgħu jqiegħdu fuq il-Mejda mozzjonijiet għal riżoluzzjonijiet alternattivi skont l-Artikolu 157(4). Dan il-paragrafu m'għandux japplika fejn is-suġġett tar-rapport jikkwalifika għal dibattitu ta' prijorità fil-plenarja, fejn ir-rapport jitfassal skond id-dritt ta' inizjattiva msemmi fl-Artikoli 41 jew 42, jew fejn ir-rapport jista' jitqies bħala rapport strateġiku skond il-kriterji stipulati mill-Konferenza tal-Presidenti. 2. Il-mozzjonijiet għal riżoluzzjonijiet li jkunu f' rapporti fuq inizjattiva proprja għandhom jiġu eżaminati mill-Parlament skont il-proċedura bi preżentazzjoni qasira stipulata fl-Artikolu 139. Emendi għal mozzjonijiet għal riżoluzzjonijiet bħal dawn għandhom ikunu ammissibbli biss biex jitqiesu fil-plenarja jekk jitqiegħdu fuq il-Mejda mir-rapporteur biex jitqies tagħrif ġdid jew minn mhux inqas minn wieħed minn kull għaxra tal-Membri tal-Parlament. Il-gruppi politiċi jistgħu jqiegħdu fuq il-Mejda mozzjonijiet għal riżoluzzjonijiet alternattivi skont l-Artikolu 157(4). Dan il-paragrafu m'għandux japplika fejn is-suġġett tar-rapport jikkwalifika għal dibattitu ta' prijorità fil-plenarja, fejn ir-rapport jitfassal skont id-dritt ta' inizjattiva msemmi fl-Artikoli 41 jew 42, jew fejn ir-rapport kien awtorizzat bħala rapport strateġiku. Emenda  2 Regoli ta' Proċedura tal-Parlament Ewropew Artikolu 163 – paragrafu 2 a (ġdid) Test fis-seħħ Emenda   2a. Dan l-Artikolu m’għandux japplika għar-rapporti fuq inizjattiva proprja, bl-eċċezzjoni ta' dawk imsemmijin fl-aħħar sentenza tal-Artikolu 48(2). Emenda  3 Regoli ta' Proċedura tal-Parlament Ewropew Artikolu 167 – paragrafu 1 – subparagrafu 1 a (ġdid) Test fis-seħħ Emenda   Meta sseħħ il-votazzjoni dwar kwalunkwe rapport fuq inizjattiva proprja, bl-eċċezzjoni ta’ dawk imsemmija fl-aħħar sentenza tal-Artikolu 48(2), il-votazzjoni b’sejħa tal-ismijiet tista’ tintalab biss għall-votazzjoni finali.

Tul il-laqgħa tagħha tas-7 ta' April 2011, il-Konferenza tal-Presidenti approvat ġabra ta' rakkomandazzjonijiet stipulati f'nota imressqa mill-koordinament tal-gruppi politiċi li jikkonċernaw it-trattament ta' rapporti fuq inizjattiva proprja.

Bil-għan li jitjieb it-trattament tar-rapporti fuq inizjattiva proprja, b'mod artikolari fl-istadju tal-plenarja, il-Konferenza tal-Presidenti ddeċidiet li r-rapport INI imfassal abbażi tar-rapporti annwali ta’ attività u monitoraġġ (kif elenkati fl-Annessi 1 u 2 tal-Anness XVIII tar-Regoli ta' Proċedura) għandu jitqies bħala rapport strateġiku skont l-aħħar sentenza tal-Artikolu 48(2) tar-Regoli ta' Proċedura.

Il-Konferenza tal-Presidenti ddeċidiet ukoll, tul l-istess laqgħa, li tistieden lill-Kumitat tagħna biex jeżamina l-kwisjoni, dwar jekk l-Artikoli 163 u 167 għandhomx japplikaw għar-rapporti INI, wara kunsiderazzjoni tal-objettivi tal-aħħar reviżjoni tar-Regoli ta' Proċedura dwar din il-kwistjoni.

Bl-ittra tas-26 ta' April 2011, il-President tal-Parlament Ewropew talab lill-Kumitat tagħna biex jiżgura segwitu xieraq ta' dawn id-deċiżjonijiet.

Peress li r-rakkomandazzjonijiet adottati mill-Konferenza tal-Presidenti iqisu li "d-deċiżjoni dwar jekk ir-rapport INI huwiex strateġiku jew le, skont is-sinifikat tal-aħħar sentenza tal-Artikolu 48(2) tar-regoli ta' Proċedura għandha titwettaq (...) mill-Konferenza tal-Presidenti fl-istadju ta' awtorizzazzjoni bl-użu ta' interpretazzjoni aktar politika tad-Deċiżjoni tal-Konferenza tal-Presidenti tat-12 ta' Diċembru 2002 kif emendata (Anness XVIII tar-Regoli ta' Proċedura)", għalhekk ir-rapporteur iqis li l-aħħar sentenza tal-Artikolu 48(2) għandha tiġi adottata skont il-każ.

Rigward il-kwistjoni ta' jekk l-Artikoli 163 u 167 għandhomx japplikaw għar-rapporti INI, ir-rapport iqis li t-talba għal votazzjoni maqsuma għandha titħalla biss għal rapporti fuq inizjattiva proprja msemmija fl-aħħar sentenza tal-Artikolu 48(2). Bl-eċċezzjoni ta’ dawk imsemmija fl-aħħar sentenza tal-Artikolu 48(2), it-talba għal votazzjoni b’sejħa tal-ismijiet tista’ tintalab biss għall-votazzjoni finali.

Fl-aħħar nett, peress li l-Anness XVIII tar-Regoli ta' Proċedura jirriproduċi deċiżjoni tal-Konferenza tal-Presidenti tat-12 ta' Diċembru 2002, ir-rapporteur iqis li l-modifika ta' dan l-Anness hi kompetenza tal-Konferenza tal-Presidenti u għalhekk l-AFCO jista' biss jieħu nota tad-deċiżjoni meħuda u jagħti istruzzjonijiet lis-Segretarju Ġenerali biex jadatta l-Anness skont il-każ. Jaħtaf l-okkażjoni ta' dan ir-rapport biex jagħti istruzzjonijiet lis-Segretarju Ġenerali biex jadotta l-Anness XVIII bi qbil ma’ deċiżjoni preċedenti tal-Parlament.