dwar il-kwittanza għall-implimentazzjoni tal-baġit tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol għas-sena finanzjarja 2010

(C7-0275/2011 – 2011/2214(DEC))

Il-Parlament Ewropew,

–   wara li kkunsidra l-kontijiet annwali definittivi tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol għas-sena finanzjarja 2010,

–   wara li kkunsidra r-rapport tal-Qorti tal-Awdituri dwar il-kontijiet annwali definittivi tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol għas-sena finanzjarja 2010, flimkien mat-tweġibiet tal-Fondazzjoni(1),

–   wara li kkunsidra r-rakkomandazzjoni tal-Kunsill tal-21 ta' Frar 2012 (06083/2012 – C7–0051/2012),

–   wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(2), u b'mod partikolari l-Artikolu 185 tiegħu,

–   wara li kkunsidra r-Regolament tal-Kunsill (KEE) Nru 1365/75 tas-26 ta’ Mejju 1975 dwar il-ħolqien ta’ Fondazzjoni Ewropea għal titjib tal-kondizzjonijiet tal-għajxien u tax-xogħol(3), u b’mod partikolari l-Artikolu 16 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta' Novembru 2002 dwar ir-Regolament Finanzjarju ta’ qafas għall-korpi msemmija fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(4), u b’mod partikolari l-Artikolu 94 tiegħu,

–   wara li kkunsidra l-Artikolu 77 u l-Anness VI tar-Regoli ta’ Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A7-0116/2012),

1.  Jagħti l-kwittanza lid-Direttur tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol għall-implimentazzjoni tal-baġit tal-Fondazzjoni għas-sena finanzjarja 2010;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu biex jgħaddi din id-deciżjoni, kif ukoll ir-riżoluzzjoni li hi parti integrali minnha, lid-direttur tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol, lill-Kunsill, lill-Kummissjoni u lill-Qorti tal-Awdituri, u biex jiżgura li jiġu ppubblikati f’Il-Ġurnal Uffiċjali tal-Unjoni Ewropea (serje L).

2. PROPOSTA GĦAL DEĊIŻJONI TAL-PARLAMENT EWROPEW

dwar l-għeluq tal-kontijiet tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol għas-sena finanzjarja 2010;

(C7-0275/2011 – 2011/2214(DEC))

Il-Parlament Ewropew,

–   wara li kkunsidra l-kontijiet annwali definittivi tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol għas-sena finanzjarja 2010,

–   wara li kkunsidra r-rapport tal-Qorti tal-Awdituri dwar il-kontijiet annwali definittivi tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol għas-sena finanzjarja 2010, flimkien mat-tweġibiet tal-Fondazzjoni(5),

–   wara li kkunsidra r-rakkomandazzjoni tal-Kunsill tal-21 ta' Frar 2012 (06083/2012 – C7–0051/2012),

–   wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea,

–   

wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(6), u b'mod partikolari l-Artikolu 185 tiegħu,

–   wara li kkunsidra r-Regolament tal-Kunsill (KEE) Nru 1365/75 tas-26 ta’ Mejju 1975 dwar il-ħolqien ta’ Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol(7), u b’mod partikolari l-Artikolu 16 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta' Novembru 2002 dwar ir-Regolament Finanzjarju ta’ qafas għall-korpi msemmija fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(8), u b’mod partikolari l-Artikolu 94 tiegħu,

–   wara li kkunsidra l-Artikolu 77 u l-Anness VI tar-Regoli ta’ Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A7-0116/2012),

1.  Japprova l-għeluq tal-kontijiet tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol għas-sena finanzjarja 2010;

2.  Jagħti istruzzjonijiet lill-President tiegħu biex jgħaddi din id-Deċiżjoni lid-Direttur tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol, lill-Kunsill, lill-Kummissjoni u lill-Qorti tal-Awdituri, u biex jiżgura li tiġi ppubblikata f’Il-Ġurnal Uffiċjali tal-Unjoni Ewropea (serje L).

3. MOZZJONI GĦAL RIŻOLUZZJONI TAL-PARLAMENT EWROPEW

li tinkludi l-osservazzjonijiet li jagħmlu parti integrali mid-Deċiżjoni dwar il-kwittanza għall-implimentazzjoni tal-baġit tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol għas-sena finanzjarja 2010

(C7-0275/2011 – 2011/2214(DEC))

Il-Parlament Ewropew,

–    wara li kkunsidra l-kontijiet annwali definittivi tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol għas-sena finanzjarja 2010,

–    wara li kkunsidra r-rapport tal-Qorti tal-Awdituri dwar il-kontijiet annwali definittivi tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol għas-sena finanzjarja 2010, flimkien mat-tweġibiet tal-Fondazzjoni(9),

–   wara li kkunsidra r-rakkomandazzjoni tal-Kunsill tal-21 ta' Frar 2012 (06083/2012 – C7–0051/2012),

–    wara li kkunsidra l-Artikolu 319 tat-Trattat dwar il-Funzjonament tal-Unjoni Ewropea,

–    wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(10), u b'mod partikolari l-Artikolu 185 tiegħu,

–    wara li kkunsidra r-Regolament tal-Kunsill (KEE) Nru 1365/75 tas-26 ta’ Mejju 1975 dwar il-ħolqien ta’ Fondazzjoni Ewropea għal titjib tal-kondizzjonijiet tal-għajxien u tax-xogħol(11), u b’mod partikolari l-Artikolu 16 tiegħu,

–    wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta' Novembru 2002 dwar ir-Regolament Finanzjarju ta’ qafas għall-korpi msemmija fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju applikabbli għall-baġit Ġenerali tal-Komunitajiet Ewropej(12), u b’mod partikolari l-Artikolu 94 tiegħu,

–    wara li kkunsidra l-Artikolu 77 u l-Anness VI tar-Regoli ta’ Proċedura tiegħu,

–    wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A7-0116/2012),

A.  billi l-Qorti tal-Awdituri stqarret li kisbet assigurazzjonijiet raġonevoli li l-kontijiet annwali għas-sena finanzjarja 2010 huma affidabbli u li t-transazzjonijiet sottostanti huma legali u regolari,

B.  billi fl-10 ta' Mejju 2011 il-Parlament ikkonċeda lid-Direttur tal-Fondazzjoni Ewropea għat-Titjib tal-Kondizzjonijiet tal-Għajxien u tax-Xogħol il-kwittanza għall-implimentazzjoni tal-baġit tal-Fondazzjoni għas-sena finanzjarja 2009(13), u fir-riżoluzzjoni tiegħu li takkumpanja d-deċiżjoni dwar il-kwittanza, inter alia:

-    stieden lill-Fondazzjoni tressaq provi tad-deċiżjonijiet tagħha fir-rigward tal-għażla tal-istaff (pereżempju provi li kien ġie stabbilit limitu minimu fir-rigward tal-kandidati fil-bidu tal-proċess ta’ reklutaġġ) bil-għan li tiġi ggarantita t-trasparenza tal-proċeduri ta’ reklutaġġ,

-    stieden lill-Fondazzjoni tiżgura li l-approprjazzjonijiet ikunu disponibbli biss meta jkun intlaqa’ d-dħul assenjat korrispondenti,

-    innota li l-Qorti tal-Awdituri kellha bilfors tikkummenta dwar id-dikjarazzjoni baġitarja u finanzjarja tal-Fondazzjoni li kien fiha nuqqasijiet serji, li kienu juru dgħufijiet fl-organizzazzjoni finanzjarja tagħha,

C.  billi l-baġit ġenerali tal-Aġenzija għas-sena finanzjarja 2010 kien ta’ EUR 20 900 000, li jirrappreżenta żieda ta’ 3,4% fuq is-sena finanzjarja 2009; billi l-kontribuzzjoni inizjali tal-Unjoni għall-baġit tal-Aġenzija għall-2010 kienet ta' EUR 19 067 159 meta mqabbla ma' EUR 19 450 000 fl-2009(14), li tirrappreżenta żieda ta' 0.97 %,

Segwitu tal-osservazzjonijiet tal-2009 tal-Qorti tal-Awdituri

1.      Jirrikonoxxi mir-Rapport Annwali tal-Attività (RAA) tiegħu li l-Fondazzjoni daħlet għall-impenji u l-azzjonijiet li jidhru hawn taħt wara l-osservazzjonijiet tal-2009 tal-Qorti tal-Awdituri:

-           il-Fondazzjoni impenjat ruħha li tagħti attenzjoni aktar mill-qrib lill-fatt li, fil-ġejjieni, l-approprjazzjonijiet għandhom isiru disponibbli biss meta jkun intlaqa’ d-dħul assenjat korrispondenti;

-            il-Fondazzjoni impenjat ruħha li ttejjeb b’mod sostanzjali l-isforzi għall-għeluq tal-kontijiet tal-2010 permezz ta’ taħriġ u riżorsi addizzjonali; ġie assigurat li l-iskadenzi kollha ġew rispettati fir-rigward tal-kontijiet tal-2010 u li ma nstabu l-ebda dgħufijiet maġġuri fil-kontijiet proviżorji tal-2010;

-                      ir-Reġistru tal-Eċċezzjonijiet li kien nieqes ġie implimentat fl-1 ta’ Lulju 2010;

-             għall-proċeduri tal-għażla tal-istaff ma nstabu l-ebda provi li l-limiti minimi li l-kandidati kellhom jissodisfaw biex jiġu mistiedna għall-intervisti u biex jiffurmaw parti mil-lista ta’ riserva ġew stabbiliti qabel ma ġew eżaminati l-applikazzjonijiet; il-Fondazzjoni issa inkludiet il-limiti minimi fir-rapporti tal-Kumitat tal-Għażla tagħha;

-                      il-Fondazzjoni ħadet miżuri biex tkompli ssaħħaħ aktar il-proċeduri ta’ evalwazzjoni u ta’ rieżami fi sforz biex tevita li fil-ġejjieni jsiru xi żbalji fil-proċedura tal-akkwisti;

2.      Jistieden lill-Qorti tal-Awdituri tikkonferma lill-awtorità tal-kwittanza li dawn l-azzjonijiet u l-impenji huma biżżejjed biex jirrimedjaw in-nuqqasijiet li nstabu fil-Fondazzjoni mill-Qorti fl-2009;

Il-baġit u l-ġestjoni finanzjarja

3.      Ifakkar li l-kontribuzzjoni inizjali tal-Unjoni lill-Aġenzija għall-2010 ammontat għal EUR 19 067 159; josserva madankollu li ma’ din il-kontribuzzjoni żdied l-ammont ta’ EUR 762 841, li ġie mill-irkupru tal-bilanċ favur u li, konsegwentement, lill-kontribuzzjoni totali tal-Unjoni ġabha tilħaq l-ammont ta' EUR 19 830 000 għall-2010;

4.      Jieħu nota mill-entrati li hemm fil-Kontijiet Annwali tagħha li l-Fondazzjoni ppubblikat baġit emendat li jammonta għal total ta’ EUR 20 848 000 meta kien qorob sew tmiem is-sena 2010; jiddispjaċih minħabba n-nuqqas għalkollox ta’ tagħrif mill-Aġenzija dwar ir-raġunijiet għal dawn it-tibdiliet; jistieden lill-Aġenzija tirrimedja s-sitwazzjoni u tgħarraf lill-awtorità tal-kwittanza b’din il-kwestjoni;

5.      Jinnota mir-RAA tagħha li l-Fondazzjoni kellha rata ta’ eżekuzzjoni ta’ 98 % f’dawk li huma approprjazzjonijiet impenjati; jinnota b’mod partikolari mill-Kontijiet Annwali li r-rata ta’ utilizzazzjoni tal-Fondazzjoni taħt it-Titolu 1 (Spejjeż tal-persunal), it-Titolu 2 (Amministrazzjoni) u t-Titolu 3 (Spejjeż operattivi) kienet ta’ 99,8 %, 95,1 % u 96 % rispettivament;

6.      Jistabbilixxi mill-Kontijiet Annwali tal-Fondazzjoni li l-utilizzazzjoni tal-approprjazzjonijiet li ġew ittrasferiti mill-2009 għall-2010 kienet telgħet għal-96,1 % f’dawk li huma ħlasijiet meta mqabbla ma’ 94,2 % fl-2009;

Riżorsi Umani

7.      Josserva mir-RAA tal-Fondazzjoni li l-persentaġġ tal-postijiet tal-personal mimlija, 91%, kien ittejjeb fl-2010 meta mqabbel mal-2009 (78 %);

Prestazzjoni

8.      Jenfasizza li l-attività prinċipali tal-Fondazzjoni hi li tikkontribwixxi għall-istabbiliment ta’ kondizzjonijiet tal-għajxien u tax-xogħol aħjar billi żżid u xxerred l-għarfien relevanti għal dan is-suġġett permezz ta’ netwerks u stħarriġ; josserva li 68 % tal-persunal tal-Fondazzjoni huwa allokat għal dawn l-attivitajiet operattivi filwaqt li l-bqija tal-istaff huwa allokat għal kompiti amministrattivi; iqis għalhekk li huwa ta’ importanza kbira li l-awtorità tal-kwittanza tivvaluta l-effiċjenza u l-effikaċja tal-proċess ta’ mmaniġġjar tal-istħarriġ fil-Fondazzjoni;

9.      Jinnota b’mod partikolari li fl-2010 l-Fondazzjoni daħlet għall-attivitajiet li ġejjin fi ħdan in-Netwerk tagħha ta’ Osservatorji Ewropej u stħarriġ:

-          fi ħdan l-Osservatorju Ewropew tar-Relazzjonijiet Industrijali (EIRO): ġew miżjuda 357 aġġornament tal-informazzjoni; ħames studji ta' rappreżentattività; aġġornamenti annwali dwar salarji u ħinijiet tax-xogħol u azzjoni industrijali; rieżami annwali dwar ir-relazzjonijiet industrijali; sitt rapporti analitiċi komparattivi;

-          fi ħdan l-Osservatorju Ewropew tal-Kondizzjonijiet tax-Xogħol (EWCO) tiegħu: ġew miżjuda 107 aġġornament tal-informazzjoni; sitt rapporti analitiċi komparattivi dwar il-promozzjoni professjonali tal-ħaddiema migranti u dawk li jaħdmu għal rashom;

-                     fi ħdan il-Monitur Ewropew tar-Ristrutturazzjoni (ERM) tiegħu: ġew miżjuda 1 258 skeda informattiva tar-ristrutturazzjoni; erba’ rapporti analitiċi komparattivi;

-                     fi ħdan it-tieni Stħarriġ Ewropew tiegħu fuq il-Kwalità tal-Għajxien: rapport ta’ analiżi sekondarja dwar il-ħajja tal-familja u x-xogħol;

-          fi ħdan it-tielet Stħarriġ Ewropew tiegħu fuq il-Kwalità tal-Għajxien: tħejjija ta’ xogħol fuq il-post;

-          fi ħdan il-ħames Stħarriġ Ewropew tiegħu fuq il-Kondizzjonijiet tax-Xogħol: xogħol fuq il-post b’44 000 intervista f’34 pajjiż: pubblikazzjoni tal-fatti preliminari li nstabu (sintesi);

-          fi ħdan l-Istħarriġ Ewropew tagħha fuq il-Kumpaniji: ġie ppubblikat rapport li jagħti deskrizzjoni qasira, analiżi sekondarja dwar il-profili tal-flessibilità tal-kumpaniji u dwar ix-xogħol part-time;

10.    Iħeġġeġ lill-Fondazzjoni tirreġistra d-deċiżjonijiet kollha tal-Bord ta’ Tmexxija dwar l-istħarriġ peress li l-effiċjenza u l-effikaċja fl-ikkomunikar ta' dawn id-deċiżjonijiet jistgħu jiġu affettwati fin-nuqqas ta' standards xierqa għad-dokumentazzjoni tad-deċiżjonijiet li jkunu ttieħdu; jagħraf il-fatt, b’mod partikolari, li l-Fondazzjoni hija defiċjenti f’dan ir-rigward u li l-President tal-Bord ta’ Tmexxija mhux neċessarjament jiffirma d-deċiżjonijiet u jniżżel fuqhom id-data meta jkunu ttieħdu;

11.    Jinnota, barra minn hekk, li l-Kumitati Konsultattivi tal-Fondazzjoni, li huma responsabbli għall-Bord ta’ Tmexxija fejn jikkontribwixxu għall-fażi tat-tħejjija u għall-fażi tal-evalwazzjoni tal-istħarriġ, la għandhom Termini ta' Referenza u l-anqas Regoli ta' Proċedura għall-organizzazzjoni tal-laqgħat tagħhom; iqis li dawn id-defiċjenzi jistgħu jwasslu biex ir-rwoli u r-responsabilitajiet tal-Kumitati Konsultattivi jiġu mifhuma ħażin u din is-sitwazzjoni jkollha effetti detrimentali fuq it-tħejjija tal-istħarriġ; jistieden għalhekk lill-Fondazzjoni tindirizza din is-sitwazzjoni u tgħarraf lill-awtorità tal-kwittanza bil-miżuri meħuda f’dan ir-rigward;

12.    Jistieden ukoll lill-Fondazzjoni tistabbilixxi proċeduri bil-miktub li jiddeskrivu l-attivitajiet ewlenin tagħha; jenfasizza li din il-ħaġa tista’ tgħin lill-Fondazzjoni tuża r-riżorsi tagħha b’mod effikaċi u tidentifika d-dgħufijiet li jista’ jkun hemm;

13.    Jinnota, madankollu, l-isforzi magħmula mill-Fondazzjoni biex issaħħaħ il-miżuri ta’ kontroll ħalli ttejjeb il-kwalità tal-istħarriġ tagħha; jinnota, b’mod partikolari, li l-persunal tagħha jżur xi ftit pajjiżi fejn isir l-istħarriġ biex jivvaluta kif il-kuntratturi jmexxu l-intervisti u l-persunal tagħha jittestja l-kwestjonarju li jintuża biex jitmexxa l-istħarriġ billi f'xi pajjiżi jwettaq intervisti konoxxittivi fuq għadd limitat ta' elementi mill-kampjun;

Verifika interna

14.    Jinnota li, minn Frar 2010 ’l quddiem, id-Deputat Direttur tal-Fondazzjoni jwettaq ir-rwol ta' Koordinatur tal-Kontroll Intern; jieħu nota li l-pjan ta’ ħidma annwali għall-kontroll intern huwa mmoniterjat f’laqgħat li jsiru kull tliet xhur tal-Kumitat għall-Kontroll Intern mal-Kap tal-Amministrazzjoni, il-Kap tar-Riżorsi Umani u l-Kap tal-Operazzjonijiet;

15.    Jirrikonoxxi mir-RAA tal-Fondazzjoni li l-attivitajiet ta’ verifika interna fl-2010 kienu mibnija fuq il-pjan ta’ verifika strateġiku tal-2009-2011 li huwa bbażat fuq il-valutazzjoni tar-riskju tal-2008; jinnota wkoll li valutazzjoni tar-riskju ġdida twettqet fi Frar 2011 u rriżultat fi pjan ta’ verifika strateġiku ġdid għall-2011-2013 bis-suġġetti li ġejjin:

-          Il-Verifika fuq il-Ġestjoni tal-Istħarriġ – it-tieni fażi (2011),

-          Ir-Rappurtar / L-Elementi Fundamentali tal-Assigurazzjoni (2012);

16.    Jinnota, barra minn hekk, li għall-2012/2013 is-suġġetti prospettivi huma:

-          Il-Ġestjoni tar-Riżorsi Umani: Ir-Reklutaġġ, it-Taħriġ, il-Valutazzjoni u s-Sistema ta’ Promozzjonijiet,

-          Il-Ġestjoni tal-Kwalità tal-Prodotti / Ir-Relazzjonijiet mal-Klijenti / Il-Ġestjoni tar-Relazzjonijiet tal-Partijiet Interessati,

-          Il-Ġestjoni tad-Dokumenti,

-          Il-Ġestjoni tal-Laqgħat;

17.    Jinnota li s-Servizz tal-Awditjar Intern (SAI) ippjana li fl-2010 jwettaq verifika fuq il-ġestjoni tal-istħarriġ min-naħa tal-Fondazzjoni; jinsab imħasseb li minħabba d-disponibilità limitata ta’ persunal essenzjali tal-Fondazzjoni waqt li tkun għaddejja l-verifika u d-dokumentazzjoni inkompleta tal-ġestjoni tal-istħarriġ, is-SAI ma kienx jista' jiġbor evidenza biżżejjed tal-ivverifikar fir-rigward ta’ xi moduli tal-parametri bbażati fuq ir-riskju; jinnota, madankollu, li fażi addizzjonali ta’ din il-verifika tmexxiet fil-bidu tas-sena 2011 u li r-riżultati se jiġu ppreżentati fir-rapport annwali tal-awditjar intern għall-2011; jistieden lill-Fondazzjoni tagħti dan ir-rapport lill-awtorità tal-kwittanza b’mod li jkun f’waqtu;

18.    Jinsab imħasseb li r-rakkomandazzjoni tas-SAI dwar il-validazzjoni tas-Sistemi ta’ Kontabilità iddewmet ma ngħatat; jinnota b’mod partikolari li din ir-rakkomandazzjoni hija meqjusa mis-SAI bħala waħda “kritika”; iħeġġeġ lill-Fondazzjoni, għalhekk, tieħu passi minnufih f’dan ir-rigward u tgħarraf lill-awtorità tal-kwittanza bil-miżuri li jkunu ttieħdu biex jiġi rrimedjat dan in-nuqqas;

19.    Jistabbilixxi li ħames rakkomandazzjonijiet “importanti ħafna" tas-SAI kienu għadhom miftuħa fi tmiem is-sena 2010; jinnota li dawn ir-rakkomandazzjonijiet huma relatati mal-ħtieġa li:

-                       tiġi ddokumentata l-proċedura għall-ġestjoni tal-istħarriġ;

-                       jiġi żgurat li t-tagħrif għall-ippjanar tal-istħarriġ huwa eżatt u ta’ kwalità tajba u li l-attivitajiet ippjanati jiġu mmoniterjati;

-                       jiġi aġġornat il-manwal tal-proċeduri għall-akkwist u jiġu msaħħa l-konformità u l-prattika tajba;

-                       jiġu ddokumentati ċ-ċirkwiti finanzjarji;

-                       tiġi stabbilita metodoloġija tal-kontrolli ex-post;

    jinnota mir-RAA tal-Fondazzjoni li t-tliet rakkomandazzjonijiet “importanti ħafna” fuq il-Ġestjoni Finanzjarja huma rrappurtati li ġew implimentati mill-Fondazzjoni filwaqt li r-Rapport Annwali tal-Awditjar Intern jistabbilixxi li qed jesperjenzaw dewmien fir-rigward tal-pjan ta' azzjoni oriġinali tal-Fondazzjoni; jistieden, għalhekk, lill-Fondazzjoni u lis-SAI jgħarrfu lill-awtorità tal-kwittanza bl-istatus attwali ta’ dawn ir-rakkomandazzjonijiet partikolari;

20.    Iħeġġeġ lill-Fondazzjoni tindirizza kif jixraq ir-rakkomandazzjonijiet maħruġa mis-SAI u tgħarraf lill-awtorità tal-kwittanza bil-miżuri meħuda f'dan ir-rigward;

21.    Josserva, madankollu, fir-RAA tal-Fondazzjoni li wara r-rakkomandazzjoni tas-SAI fuq il-Ġestjoni Finanzjarja fl-2009, il-proċedura għall-verifika ex-post ġiet eżaminata mill-ġdid u aġġornata b’valutazzjoni tar-riskju għall-ġustifikazzjoni tal-għażla tad-daqs tal-kampjun;

°

° °

22.    Jiġbed l-attenzjoni lejn ir-rakkomandazzjonijiet tiegħu minn rapporti ta’ kwittanza preċedenti, kif spjegat fl-Anness ta' din ir-riżoluzzjoni;

23.    Jirreferi, fir-rigward tal-kummenti l-oħrajn li jakkumpanjaw id-Deċiżjoni tiegħu dwar il-kwittanza, li huma ta' natura orizzontali, għar-riżoluzzjoni tiegħu ta' ... 2012 dwar il-prestazzjoni, il-ġestjoni finanzjarja u l-kontroll tal-aġenziji.

ANNESS

Rakkomandazzjonijiet tal-Parlament Ewropew tul is-snin preċedenti

Anness

Rakkomandazzjonijiet tal-Parlament Ewropew tul is-sena preċedenti

15.2.2012

OPINJONI tal-Kumitat għall-Impjiegi u l-Affarijiet Soċjali

għall-Kumitat għall-Kontroll tal-Baġit

dwar il-kwittanza għall-implimentazzjoni tal-baġit tal-Fondazzjoni Ewropea għal titjib tal-kondizzjonijiet tal-ħajja u tax-xogħol għas-sena finanzjarja 2010

(C7-0275/2011 – 2011/2214(DEC))

Rapporteur għal opinjoni: Csaba Őry

SUĠĠERIMENTI

Il-Kumitat għall-Impjiegi u l-Affarijiet Soċjali jistieden lill-Kumitat għall-Kontroll tal-Baġit, bħala l-kumitat responsabbli, biex jinkorpora s-suġġerimenti li ġejjin fil-mozzjoni għal riżoluzzjoni tiegħu:

1.  Jirreferi għall-konferma tal-Qorti tal-Awdituri li l-kontijiet annwali tal-Fondazzjoni, li jikkorrispondu għall-baġit ta' EUR 20 800 000, jippreżentaw stampa tal-qagħda finanzjarja li tikkorrispondi mas-sitwazzjoni reali tal-Fondazzjoni fil-31 ta' Diċembru 2010 u li t-tranżazzjonijiet u l-likwidità għas-sena finanzjarja 2010 huma konformi mar-regoli finanzjarji tal-Fondazzjoni;

2.  Jesprimi s-sodisfazzjon tiegħu li l-Qorti tal-Awdituri ddikjarat it-tranżazzjonijiet sottostanti tal-kontijiet annwali tal-Fondazzjoni għas-sena finanzjarja 2010, legali u regolari;

RIŻULTAT TAL-VOTAZZJONI FINALI FIL-KUMITAT

RIŻULTAT TAL-VOTAZZJONI FINALI FIL-KUMITAT

(1) ĠU C 366, 15.12.2011, p. 150. (2) ĠU L 248, 16.9.2002, p. 1. (3) ĠU L 139, 30.5.1975, p. 1. (4) ĠU L 357, 31.12.2002, p. 72. (5) ĠU C 366, 15.12.2011, p. 150. (6) ĠU L 248, 16.9.2002, p. 1. (7) ĠU L 139, 30.5.1975, p. 1. (8) ĠU L 357, 31.12.2002, p. 72. (9) ĠU C 366, 15.12.2011, p. 150. (10) ĠU L 248, 16.9.2002, p. 1. (11) ĠU L 139, 30.5.1975, p. 1. (12) ĠU L 357, 31.12.2002, p. 72. (13) ĠU L 250, 27.9.2011, p. 210. (14) ĠU L 64, 12.03.2010, p. 505.