(Proċedura ta' kodeċiżjoni: l-ewwel qari)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2008)0311),

–   wara li kkunsidra l-Artikolu 251(2) u l-Artikolu 95 tat-Trattat KE, skont liema artikoli l-Kummissjoni ppreżentat il-proposta lill-Parlament (C6-0203/2008),

–   wara li kkunsidra l-Artikolu 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għas-Suq Intern u l-Ħarsien tal-Konsumatur u l-opinjoni tal-Kumitat għall-Industrija, ir-Riċerka u l-Enerġija (A6-0068/2009),

1.  Japprova l-proposta tal-Kummissjoni kif emendata;

2.  Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;

3.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

(Test b'rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw t-Trattat li jistabbilixxi l-Komunità Ewropea, u b'mod partikolari l-Artikolu 95 tiegħu,

Wara li kkunsidraw il-proposta mill-Kummissjoni ║,

Wara li kkunsidraw l-opinjoni tal-Kumitat Ekonomiku u Soċjali Ewropew(1),

Wara li kkunsidraw l-opinjoni tal-Kumitat tar-Reġjuni(2),

Waqt li jaġixxu skont il-proċedura stabbilita fl-Artikolu 251 tat-Trattat(3),

Billi:

(1)  Ir-regoli tal-Istati Membri jeħtieġu li x-xogħlijiet tal-kostruzzjoni jitfasslu u jitwettqu sabiex ma jipperikolawx is-sigurtà ta' persuni, annimali domestiċi u proprjetà, u lanqas ma jagħmlu ħsara lill-ambjent naturali jew magħmul mill-bniedem.

(2)  Dawk ir-regoli għandhom influwenza diretta fuq il-ħtiġijiet tal-prodotti għall-kostruzzjoni. Dawk il-ħtiġijiet huma konsegwentement riflessi fl-istandards għall-prodotti nazzjonali, fl-approvazzjonijiet tekniċi nazzjonali u speċifikazzjonijiet tekniċi u dispożizzjonijiet nazzjonali oħrajn relatati mal-prodotti għall-kostruzzjoni. Minħabba d-disparità bejniethom, dawk il-ħtiġijiet ifixklu l-kummerċ fil-Komunità.

(3)  Id-Direttiva tal-Kunsill 89/106/KEE tal-21 ta' Diċembru 1988 dwar l-approssimazzjoni ta' liġijiet, regolamenti u dispożizzjonijiet amministrattivi tal-Istati Membri relatati mal-prodotti għall-kostruzzjoni(4), immirata lejn it-tneħħija tal-ostakoli tekniċi għall-kummerċ fil-qasam tal-prodotti għall-kostruzzjoni, sabiex jissaħħaħ il-moviment liberu tagħhom fis-suq intern.

(4)  Sabiex tilħaq dak l-objettiv, id-Direttiva 89/106/KEE pprevediet l-istabbiliment ta' standards armonizzati għall-prodotti għall-kostruzzjoni u pprevediet l-għoti ta' approvazzjonijiet tekniċi Ewropej.

(5)  Id-Direttiva 89/106/KEE għandha tkun issostitwita sabiex ikun issemplifikat u ċċarat il-qafas eżistenti, u jittejbu t-trasparenza u l-effikaċja tal-miżuri eżistenti.

(6)  Huwa meħtieġ li jkunu previsti proċeduri semplifikati biex jitfasslu dikjarazzjonijiet ta' prestazzjoni sabiex jitneħħa l-piż finanzjarju minn fuq l-IŻM u b'mod partikolari l-mikro-intrapriżi.

(7)  Ir-Regolament (KE) Nru 765/2008 tal-Parlament Ewropew u tal-Kunsill tad-9 ta' Lulju 2008 li jistabbilixxi l-ħtiġijiet għal akkreditazzjoni u sorveljanza tas-suq rigward il-kummerċjalizzazzjoni tal-prodotti u li jħassar ir-Regolament (KEE) Nru 339/93(5) u d-Deċiżjoni Nru 768/2008/KE tal-Parlament Ewropew u tal-Kunsill tad-9 ta' Lulju 2008 dwar qafas komuni għall-kummerċjalizzazzjoni tal-prodotti, li tħassar id-Deċiżjoni tal-Kunsill 93/465/KEE(6) jipprevedu qafas legali orizzontali għall-kummerċjalizzazzjoni tal-prodotti fis-suq intern. Għalhekk dan ir-Regolament għandu jieħu kont ta' dak il-qafas legali.

(8)  Il-prodotti magħmulin fuq is-sit tax-xogħlijiet tal-kostruzzjoni ma għandhomx jitqiesu li huma fl-ambitu tal-kunċett tal-fornitura tal-prodotti tal-kostruzzjoni fis-suq Komunitarju. Il-manifatturi li jinkorporaw il-prodotti tagħhom tal-kostruzzjoni fix-xogħlijiet għandhom ikunu permessi, imma mhux obbligati, jiddikjaraw il-prestazzjoni ta' dawn il-prodotti skont it-termini ta' dan ir-Regolament.

(9)  It-tneħħija tal-ostakli tekniċi fil-qasam tal-kostruzzjoni tista' tinkiseb biss bl-istabbiliment ta' speċifikazzjonijiet tekniċi armonizzati għall-finijiet tal-ivvalutar tal-prestazzjoni tal-prodotti għall-kostruzzjoni.

(10)  Il-prestazzjoni ta" prodott għall-kostruzzjoni mhux biss hija definita f'termini ta" kapaċitajiet tekniċi u karatteristiċi essenzjali, iżda wkoll f'termini tal-aspetti tas-saħħa u s-sikurezza relatati mal-użu tal-prodott tul iċ-ċiklu kollu tal-ħajja tiegħu.

(11)  Dawk l-ispeċifikazzjonijiet tekniċi armonizzati għandhom jinkludu l-ittestjar, il-kalkolu u mezzi oħra, iddefiniti fl-istandards armonizzati u d-Dokumenti ta' Valutazzjoni Ewropej (EAD) għall-ivvalutar tal-prestazzjoni f'relazzjoni mal-karatteristiċi essenzjali tal-prodotti għall-kostruzzjoni.

(12)  Il-metodi użati mill-Istati Membri fil-ħtiġijiet tagħhom għal xogħlijiet, kif ukoll regoli nazzjonali oħra f'relazzjoni mal-karatteristiċi essenzjali tal-prodotti għall-kostruzzjoni, għandhom ikunu skont l-ispeċifikazzjonijiet tekniċi armonizzati.

(13)  Huwa meħtieġ li jiġu stabbiliti ħtiġijiet ta' xogħlijiet bażiċi sabiex jipprovdu l-bażi għall-preparazzjoni tal-mandati u l-istandards armonizzati u għall-elaborazzjoni tal-EADs għal prodotti għall-kostruzzjoni.

(14)  Id-Dikjarazzjonijiet ta" Prodotti Ambjentali (EPD) għandhom jintużaw għall-evalwazzjoni tal-użu sostenibbli tar-riżorsi u tal-impatt tax-xogħlijiet ta" bini fuq l-ambjent.

(15)  Fejn ikun meħtieġ, l-użu fl-istandards armonizzati ta' klassijiet ta' prestazzjoni in relazzjoni għall-karatteristiċi essenzjali tal-prodotti ta' kostruzzjoni għandu jkun imħeġġeġ, biex jitqiesu l-livelli differenti tar-rekwiżiti tax-xogħlijiet bażiċi għal ċerti xogħlijiet kif ukoll għal differenzi fil-klima, ġeoloġija u ġeografija u kundizzjonijiet oħrajn viġenti fl-Istati Membri. Fejn il-Kummissjoni ma stabbilithomx diġà, il-korpi ta' standardizzazzjoni Ewropej għandhom ikunu intitolati jistabbilixxu tali klassijiet fuq il-bażi ta' mandat rivedut.

(16)  Fejn adatt, il-livelli ta' prestazzjoni f'relazzjoni mal-karatteristiċi essenzjali, li għandhom jintlaħqu mill-prodotti għall-kostruzzjoni fl-Istati Membri għandhom ikunu stabbiliti fi speċifikazzjonijiet tekniċi armonizzati sabiex jittieħed kont tal-livelli differenti tal-ħtiġijiet tax-xogħlijiet bażiċi għal ċerti xogħlijiet kif ukoll tad-differenzi fil-klima, fil-ġeoloġija u fil-ġeografija u kundizzjonijiet differenti oħrajn li jipprevalu fl-Istati Membri.

(17)  Il-Kumitat Ewropew għall-Istandardizzazzjoni (CEN) u l-Kumitat Ewropew għall-Istandardizzazzjoni Elettroteknika Cenelec huma rikonoxxuti bħala l-organizzazzjonijiet kompetenti għall-adozzjoni ta' standards armonizzati skont il-linji gwida ġenerali(7) għall-kooperazzjoni bejn il-Kummissjoni u dawk iż-żewġ organizzazzjonijiet iffirmati fit-28 ta' Marzu 2003.

(18)  Dawk l-istandards armonizzati għandhom jipprovdu l-għodod adatti għall-valutazzjoni armonizzata tal-prestazzjoni f'relazzjoni mal-karatteristiċi essenzjali tal-prodotti għall-kostruzzjoni. L-istandards armonizzati għandhom ikunu stabbiliti fuq il-bażi ta' mandati adottati mill-Kummissjoni, li jkopru l-familji rilevanti ta' prodotti għall-kostruzzjoni, skont l-Artikolu 6 tad-Direttiva 98/34/KE tal-Parlament Ewropew u tal-Kunsill tat-22 ta' Ġunju 1998 li tistabbilixxi proċedura għall-għoti ta' informazzjoni fil-qasam tal-istandards u tar-Regolamenti Tekniċi(8). Il-Kummissjoni għandha tieħu passi biex iżżid il-firxa ta" prodotti koperti minn normi armonizzati.

(19)  Huwa neċessarju li l-korpi li jirrappreżentaw il-professjonijiet ewlenin involuti fit-tfassil, fil-manifattura u fl-użu tal-prodotti għall-kostruzzjoni jipparteċipaw f'korpi tekniċi Ewropej biex jiġi żgurat li qed joperaw b'mod ġust u trasparenti u biex tiġi żgurata l-effikaċja tas-suq.

(20)  Sabiex tkun żgurata komprensjoni tajba tal-informazzjoni provduta mill-manifattur, id-dikjarazzjoni ta' prestazzjoni għandha ssir bil-lingwa uffiċjali, jew f'waħda mil-lingwi uffiċjali, tal-Istat Membru li fih il-prodott jitpoġġa fis-suq. Jekk Stat Membru jkollu għadd ta' lingwi uffiċjali differenti, l-għażla tal-lingwa użata għad-dikjarazzjoni ta' prestazzjoni għandha ssir bi ftehim ma' min jirċiviha.

(21)  Il-proċeduri skont id-Direttiva 89/106/KEE għall-ivvalutar tal-prestazzjoni f'relazzjoni mal-karatteristiċi essenzjali ta' prodotti għall-kostruzzjoni mhux koperti minn standard armonizzat għandhom ikunu semplifikati sabiex isiru aktar trasparenti u biex jitnaqqsu l-ispejjeż lill-manifatturi tal-prodotti għall-kostruzzjoni.

(22)  Sabiex il-manifatturi u l-importaturi tal-prodotti għall-kostruzzjoni jkunu jistgħu jfasslu dikjarazzjoni ta' prestazzjoni għall-prodotti għall-kostruzzjoni li mhumiex koperti għal kollox jew li mhumiex koperti minn standard armonizzat huwa meħtieġ li tkun prevista Valutazzjoni Teknika Ewropea.

▌

(23)  Il-manifatturi u l-importaturi ta' prodotti għall-kostruzzjoni għandhom ikunu permessi jitolbu Valutazzjonijiet Tekniċi Ewropej li għandhom jitwettqu fuq il-prodotti tagħhom fuq il-bażi tal-linji gwida għall-approvazzjoni teknika Ewropea stabbiliti skont id-Direttiva 89/106/KEE. Għalhekk għandha tkun żgurata l-validità kontinwa ta' dawn il-linji gwida bħala EADs.

(24)  L-istabbiliment ▌tal-EADs u l-ħruġ ta' Valutazzjonijiet Tekniċi Ewropej għandhom ikunu fdati lill-Korpi għal Valutazzjoni Teknika (TAB) maħturin mill-Istati Membri. Sabiex ikun żgurat li l-Korpi għal Valutazzjoni Teknika ikollhom il-kompetenza meħtieġa biex iwettqu dawk il-ħidmiet, il-ħtiġijiet għall-ħatra tagħhom għandhom ikunu stabbiliti fil-livell Komunitarju. Għalhekk huwa wkoll meħtieġ li jkunu previsti evalwazzjonijiet perjodiċi tal-Korpi għal Valutazzjoni Teknika minn Korpi għal Valutazzjoni Teknika ta' Stati Membri oħrajn.

(25)  Il-Korpi għal Valutazzjoni Teknika għandhom jistabbilixxu organizzazzjoni biex tikkoordina u tiżgura t-trasparenza tal-proċeduri għall-istabbiliment ▌tal-EADs u biex jinħarġu l-Valutazzjonijiet Tekniċi Ewropej. Din l-organizzazzjoni għandha tiżgura li, b'mod partikulari, il-manifatturi jkunu infurmati tajjeb u, jekk ikun meħtieġ, li l-gruppi ta' ħidma mwaqqfa mill-Korpi għal Evalwazzjoni Teknika jorganizzaw seduta ta' smigħ ma' espert xjentifiku indipendenti u/jew organizzazzjoni professjonali maħtura mill-manifattur.

(26)  Fost il-karatteristiċi essenzjali, iridu jiġu distinti dawk li għalihom ir-rekwiżiti minimi f'termini ta' livelli jew klassijiet ta' prestazzjoni huma determinati mill-Kummissjoni skont il-proċedura xierqa fil-kumitat, u karatteristiċi li japplikaw indipendentement minn fejn huwa kkumerċjalizzat, il-prodott tal-kostruzzjoni.

(27)  Il-kummerċjalizzazzjoni ta' prodotti għall-kostruzzjoni li huma koperti minn standard armonizzat jew li għalihom inħarġet Valutazzjoni Teknika Ewropea għandha tkun akkumpanjata minn dikjarazzjoni ta' prestazzjoni f'relazzjoni mal-karatteristiċi essenzjali tal-prodott skont l-ispeċifikazzjonijiet tekniċi armonizzati rilevanti.

▌

(28)  Huwa meħtieġ li jkunu previsti proċeduri semplifikati biex jitfasslu dikjarazzjonijiet ta' prestazzjoni sabiex jitneħħa l-piż finanzjarju minn fuq l-IŻM u b'mod partikolari l-mikro-intrapriżi.

(29)  Sabiex ikun żgurat li d-dikjarazzjoni ta' prestazzjoni tkun eżatta u affidabbli, il-prestazzjoni tal-prodott għall-kostruzzjoni għandha tkun ivvalutata u l-produzzjoni fil-fabbrika għandha tkun ikkontrollata skont sistema adatta ta' valutazzjoni u verifika tal-kostanza tal-prestazzjoni tal-prodott għall-kostruzzjoni.

(30)  Meta tkun ikkunsidrata l-ispeċifiċità tal-prodotti għall-kostruzzjoni u l-fokus partikolari tas-sistema għall-valutazzjoni tagħhom, il-proċeduri għall-valutazzjoni ta' konformità previsti fid-Deċiżjoni Nru 768/2008/KE, u l-moduli stabbiliti f'dik id-Deċiżjoni, mhumiex adatti għal dawk il-prodotti. Għalhekk, għandhom ikunu stabbiliti metodi speċifiċi għall-valutazzjoni u l-verifika tal-kostanza tal-prestazzjoni f'relazzjoni mal-karatteristiċi essenzjali tal-prodotti għall-kostruzzjoni.

(31)  Minħabba d-differenza fit-tifsira tal-marka CE għall-prodotti għall-kostruzzjoni, meta mqabbla mal-prinċipji ġenerali stabbiliti fir-Regolament (KE) Nru 765/2008, għandhom jiddaħħlu fis-seħħ dispożizzjonijiet speċifiċi biex jiżguraw iċ-ċarezza tal-obbligu li titwaħħal il-marka CE ma' prodotti għall-kostruzzjoni u l-konsegwenzi ta' dak it-twaħħil.

(32)  Bit-twaħħil jew b'ordni għal twaħħil tal-marka CE fuq prodott għall-kostruzzjoni, il-manifattur, rappreżentant awtorizzat jew importatur għandu jieħu r-responsabbiltà għall-konformità ta' dak il-prodott mal-prestazzjoni ddikjarata tiegħu.

(33)  Il-marka CE għandha titwaħħal mal-prodotti għall-kostruzzjoni kollha, li għalihom il-manifattur fassal dikjarazzjoni ta' prestazzjoni skont dan ir-Regolament. ▌

(34)  Il-marka CE għandha tkun l-unika marka ta' l-konformità tal-prodott għall-kostruzzjoni mal-prestazzjoni ddikjarata u mal-ħtiġijiet applikabbli marbuta mal-leġiżlazzjoni Komunitarja għall-armonizzazzjoni. Madankollu, jistgħu jintużaw marki oħrajn sakemm jgħinu fit-titjib tal-protezzjoni tal-utenti tal-prodotti tal-kostruzzjoni u ma jkunux koperti minn leġiżlazzjoni Komunitarja dwar l-armonizzazzjoni.

(35)  Sabiex ikun evitat ittestjar mhux meħtieġ ta' prodotti għall-kostruzzjoni, li l-prestazzjoni tagħhom kienet diġà suffiċjentement murija minn riżultati stabbli ta' testijiet preċedenti jew minn data eżistenti oħra, il-manifattur għandu jitħalla, skont kundizzjonijiet stabbiliti fl-ispeċifikazzjonijiet tekniċi armonizzati jew f'Deċiżjoni tal-Kummissjoni, li jiddikjara ċertu livell jew klassi ta' prestazzjoni mingħajr ittestjar jew aktar ittestjar.

(36)  Sabiex tkun evitata duplikazzjoni ta' testijiet li diġà twettqu, manifattur ta' prodott għall-kostruzzjoni għandu jitħalla juża r-riżultati ta' test akkwistati minn parti terza.

(37)  Sabiex titnaqqas l-ispiża għall-kummerċjalizzazzjoni tal-prodotti għall-mikro-intrapriżi, huwa meħtieġ li jkunu previsti proċeduri semplifikati għall-valutazzjoni u l-verifika tal-kostanza tal-prestazzjoni, meta l-prodotti in kwistjoni ma jimplikawx aspetti sinifikanti ta' sigurtà.

(38)  Sabiex tkun tista" ssir sorveljanza effikaċi tas-suq u sabiex jiġi żgurat livell għoli ta" protezzjoni tal-konsumatur, huwa importanti li l-proċeduri simplifikati għad-dikjarazzjoni ta" ċertu livell jew klassi ta" prestazzjoni bla ttestjar jew bla ttestjar ulterjuri ma japplikawx għal importaturi li jqiegħdu prodott fis-suq taħt isimhom jew il-marka tad-ditta tagħhom stess jew li jimmodifikaw prodott għall-kostruzzjoni li diġà jkun tqiegħed fis-suq b'mod li tista" jkun hemm konformità mal-prestazzjoni ddikjarata. Din tirrigwarda l-użu ta' riżultati stabbli ta' test preċedenti jew data oħra eżistenti, u l-użu ta' riżultati ta' testijiet miksuba minn partijiet terzi. Tirrigwarda wkoll il-proċedura ssimplifikata li tapplika għall-mikrointrapriżi.

(39)  Għal prodotti għall-kostruzzjoni ddisinjati u manifatturati individwalment il-manifattur għandu jitħalla juża proċeduri semplifikati għall-valutazzjoni u l-verifika tal-kostanza tal-prestazzjoni, fejn tista' tintwera l-konformità tal-prodott kummerċjalizzat mad-dispożizzjonijiet regolatorji applikabbli.

(40)  Huwa importanti li tkun żgurata l-aċċessibbiltà tar-regoli tekniċi nazzjonali, sabiex l-intrapriżi, u b'mod partikolari l-IŻM, jistgħu jiġbru informazzjoni affidabbli u preċiża dwar il-liġi fis-seħħ fl-Istat Membru fejn huma bi ħsiebhom jikkummerċjalizzaw il-prodotti tagħhom. Il-Punti tal-Kuntatt dwar il-Prodotti stabbiliti mir-Regolament (KE) Nru 764/2008 tal-Parlament Ewropew u tal-Kunsill tad-9 ta' Lulju 2008 li jistabbilixxi proċeduri dwar l-applikazzjoni ta' ċerti regoli tekniċi nazzjonali għal prodotti kummerċjalizzati legalment fi Stat Membru ieħor u li jirrevoka d-Deċiżjoni Nru 3052/95/KE(9) għandhom għalhekk jipprovdu l-informazzjoni wkoll dwar regoli applikabbli għall-inkorporazzjoni, l-assemblaġġ jew l-installazzjoni ta' tip speċifiku ta' prodott għall-kostruzzjoni. Huma għandhom ukoll jipprovdu lil kull manifattur l-informazzjoni kollha dwar il-proċeduri ta' appell disponibbli fil-każ ta' kontestazzjoni dwar il-kundizzjonijiet ta' aċċess ta' xi prodott jew prodotti tal-manifattur għall-marka CE, b'mod partikulari l-proċeduri xierqa ta' appell kontra deċiżjonijiet meħuda wara l-evalwazzjoni.

(41)  Għall-finijiet li jkun żgurat infurzar ekwivalenti u konsistenti tal-leġiżlazzjoni Komunitarja dwar l-armonizzazzjoni, għandu jkun operat monitoraġġ effettiv tas-suq mill-Istati Membri. Ir-Regolament (KE) Nru 765/2008 jipprovdi l-kundizzjonijiet bażiċi għall-funzjonament ta' dan il-monitoraġġ tas-suq.

(42)  Ir-responsabbiltà tal-Istati Membri għas-sigurtà, is-saħħa u materji oħrajn koperti mill-ħtiġijiet bażiċi għax-xogħlijiet fit-territorju tagħhom għandha tkun rikonoxxuta fi klawżola ta' salvagwardja għal miżuri protettivi adatti.

(43)  Ladarba huwa meħtieġ li jkun żgurat mal-Komunità kollha livell uniformi għall-prestazzjoni ta' korpi li jwettqu valutazzjoni u verifika tal-kostanza tal-prestazzjoni ta' prodotti għall-kostruzzjoni u ladarba dawn il-korpi kollha għandhom iwettqu l-funzjonijiet tagħhom fl-istess livell u kundizzjonijiet ta' kompetizzjoni ġusta, għandhom ikunu stabbiliti ħtiġijiet għall-korpi għall-valutazzjoni tal-prestazzjoni li jfittxu li jkunu notifikati għall-finijiet ta' dan ir-Regolament. Għandu jkun hemm provvedimenti wkoll għad-disponibbiltà ta' informazzjoni adegwata dwar dawn il-korpi u għall-monitoraġġ tagħhom.

(44)  Sabiex ikun żgurat livell koerenti ta' kwalità fil-valutazzjoni u l-verifika tal-kostanza tal-prestazzjoni tal-prodotti għall-kostruzzjoni, huwa wkoll meħtieġ li jkunu stabbiliti ħtiġijiet applikabbli għall-awtoritajiet responsabbli biex jinnotifikaw lill-korpi li jwettqu dawn il-kompiti lill-Kummissjoni u lill-Istati Membri l-oħrajn.

(45)  Minħabba li l-objettiv ta' dan ir-Regolament, jiġifieri li jintlaħaq funzjonament adatt tas-Suq Intern għal prodotti għall-kostruzzjoni permezz ta' speċifikazzjonijiet tekniċi armonizzati biex tkun espressa l-prestazzjoni ta' prodotti għall-kostruzzjoni, ma jistax jintlaħaq suffiċjentement mill-Istati Membri u għalhekk jista', minħabba l-iskala u l-effetti, jintlaħaq aħjar fil-livell Komunitarju, il-Komunità tista' tadotta miżuri, skont il-prinċipju ta' sussidjarjetà stabbilit fl-Artikolu 5 tat-Trattat. Skont il-prinċipju tal-proporzjonalità, kif stabbilit f'dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak l-objettiv.

(46)  Il-miżuri meħtieġa għall-implimentazzjoni ta' dan ir-Regolament għandhom ikunu adottati skont id-Deċiżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju tas-setgħat għall-implimentazzjoni konferiti fuq il-Kummissjoni(10).

(47)  B'mod partikolari l-Kummissjoni għandu jkollha s-setgħa li tistabbilixxi kundizzjonijiet li taħthom id-dikjarazzjoni ta' prestazzjoni tista' tkun disponibbli fuq sit elettroniku u tiddetermina l-perjodu li waqtu l-manifatturi, l-importaturi u d-distributuri għandhom iżommu d-dokumentazzjoni teknika u d-dikjarazzjoni tal-prestazzjoni disponibbli, li tistabbilixxi klassijiet ta' prestazzjoni f'relazzjoni mal-karatteristiċi essenzjali tal-prodotti għall-kostruzzjoni, li tistabbilixxi s-sistema ta' valutazzjoni ta' prestazzjoni u verifika tal-kostanza tal-prestazzjoni ddikjarata li għandha tkun applikata għal prodott għall-kostruzzjoni partikolari jew familja ta' prodotti għall-kostruzzjoni, u tistabbilixxi l-format tal-Valutazzjoni Teknika Ewropea u li tistabbilixxi proċeduri għat-twettiq tal-evalwazzjoni tal-Korpi għal Valutazzjoni Teknika u li temenda l-Annessi I sa VI. Ladarba dawk il-miżuri huma ta' kamp ta' applikazzjoni ġenerali u huma mfasslin biex jemendaw elementi mhux essenzjali ta' dan ir-regolament, fost l-oħrajn billi jissupplimentawh b'elementi mhux essenzjali ġodda, huma għandhom ikunu adottati skont il-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE.

(48)  Għandhom jitqiesu l-mandati eżistenti għall-istipular ta' standards Ewropej armonizzati. CEN għandu jfassal standards li jiċċaraw ir-Rekwiżit Bażiku tax-Xogħlijiet Nru 7 bl-isem 'Użu sostenibbli tar-riżorsi naturali'.

(49)  Ir-Rekwiżit Bażiku tax-Xogħlijiet Numru 7 għandu jqis il-possibilità ta' riċiklaġġ tax-xogħlijiet ta' kostruzzjoni, tal-materjali u l-partijiet tagħhom wara li jitwaqqgħu, it-tul ta' żmien li jservu x-xogħlijiet ta' kostruzzjoni u l-użu ta' materja prima u sekondarja li hija kompatibbli mal-ambjent fix-xogħlijiet ta' kostruzzjoni,

(50)  Ladarba huwa meħtieġ perjodu ta' żmien biex ikun żgurat l-istabbiliment tal-qafas għall-funzjonament adatt ta' dan ir-Regolament, l-applikazzjoni tiegħu għandha tkun differita bl-eċċezzjoni tad-dispożizzjonijiet rigward il-ħatra tal-Korpi għal Valutazzjoni Teknika, l-awtoritajiet notifikanti u l-korpi notifikati, l-istabbiliment ta' organizzazzjoni tal-Korpi għal Valutazzjoni Teknika u l-istabbiliment tal-Kumitat Permanenti.

(51)  Il-Kummissjoni u l-Istati Membri għandhom, f'kollaborazzjoni mal-partijiet involuti, iniedu kampanji ta" informazzjoni biex jinfurmaw lis-settur tal-kostruzzjoni, b'mod partikulari lill-operaturi ekonomiċi u lill-utenti, rigward it-twaqqif ta" lingwaġġ tekniku komuni, it-tqassim tar-responsabilitajiet bejn l-operaturi ekonomiċi individwali, it-twaħħil tal-marka CE mal-prodotti għall-kostruzzjoni, ir-reviżjoni tal-ħtiġijiet bażiċi għax-xogħlijiet u s-sistemi ta" evalwazzjoni u verifika tal-kostanza tal-prestazzjoni.

(52)  Il-Kummissjoni għandha, fi żmien sena mid-dħul fis-seħħ ta" dan ir-regolament, tippreżenta lill-Parlament u lill-Kunsill proposta għar-reviżjoni tas-sistema ta" standardizzazzjoni Ewropea biex tiżdied it-trasparenza tas-sistema kollha kemm hi, u fuq kollox biex tiġi żgurata parteċipazzjoni bbilanċjata tal-partijiet involuti fil-kumitati tekniċi tal-korpi ta" standardizzazzjoni Ewropej u biex jiġu evitati konflitti ta" interess bejniethom. Fl-istess ħin għandhom jittieħdu miżuri biex titħaffef l-adozzjoni tal-istandards Ewropej, kif ukoll it-traduzzjonijiet tagħhom fil-lingwi uffiċjali kollha tal-Unjoni Ewropea, u speċjalment it-traduzzjoni ta" linji gwida għall-intrapriżi żgħar u ta" daqs medju.

ADOTTAW DAN IR-REGOLAMENT:

–KAPITOLU I

Dispożizzjonijiet Ġenerali

Artikolu 1

Suġġett

Dan ir-Regolament jistipula l-kundizzjonijiet għat-tqegħid fis-suq ta" prodotti għall-kostruzzjoni billi jistabbilixxi regoli dwar kif tkun espressa l-prestazzjoni ta' prodotti għall-kostruzzjoni f'relazzjoni mal-karatteristiċi essenzjali tagħhom u dwar l-użu tal-marka CE fuq dawk il-prodotti.

Artikolu 2

Definizzjonijiet

Għall-finijiet ta' dan ir-Regolament għandhom japplikaw id-definizzjonijiet li ġejjin:

1. "prodott għall-kostruzzjoni" tfisser kwalunkwe prodott jew kitt li jiġi prodott u kummerċjalizzat għal inkorporazzjoni b'mod permanenti f'xogħlijiet tal-kostruzzjoni jew partijiet minnhom b'mod li ż-żarmar tal-prodott inaqqas il-prestazzjoni tax-xogħlijiet tal-kostruzzjoni u ż-żarmar jew is-sostituzzjoni tal-prodott jikkostitwixxu operazzjonijiet ta' kostruzzjoni;

Għal kull familja ta' prodotti tal-kostruzzjoni stipulati fl-Anness V, Tabella 1, meta jkun xieraq, il-karatteristiċi msemmija fil-punt (b) ta' dan il-punt għandhom jiġu stabbiliti mill-Kummissjoni skont il-proċedura regolatorja bi skrutinju msemmija fl-Artikolu 51(2); għandhom jirrelataw fost oħrajn ma' kwistjonijiet ta' interess ġenerali bħall-ambjent, is-sikurezza u l-evalwazzjoni tal-possibilità ta' perikli għas-saħħa matul iċ-ċiklu kollu tal-ħajja tal-prodott tal-kostruzzjoni;

Artikolu 3

Ħtiġijiet bażiċi għax-xogħlijiet u karatteristiċi essenzjali tal-prodott

║Il-karatteristiċi essenzjali tal-prodotti għall-kostruzzjoni għandhom ikunu stabbiliti fl-ispeċifikazzjonijiet tekniċi armonizzati f'relazzjoni mal-ħtiġijiet bażiċi għax-xogħlijiet li huma mniżżlin fl-Anness I.

–KAPITOLU II

Dikjarazzjoni ta' prestazzjoni u l-marka CE

Artikolu 4

Kundizzjonijiet għat-tfassil ta' dikjarazzjoni ta' prestazzjoni

1.  Il-manifattur jew l-importatur meta jikkummerċjalizza prodott għall-kostruzzjoni għandu jagħmel dikjarazzjoni ta' prestazzjoni jekk tiġi ssodisfatawaħda mill-kundizzjonijiet li ġejjin:

2.  L-Istati Membri għandhom jassumu li d-dikjarazzjoni ta' prestazzjoni mfassla mill-manifattur jew l-importatur hija eżatta u affidabbli.

Artikolu 5

Kontenut tad-dikjarazzjoni ta' prestazzjoni

1.  Id-dikjarazzjoni ta' prestazzjoni għandha tesprimi l-prestazzjoni tal-prodotti għall-kostruzzjoni f'relazzjoni maż-żewġ tipi ta' karatteristiċi essenzjali stipulati fl-Artikolu 2(4) għal dawk il-prodotti skont l-ispeċifikazzjonijiet tekniċi armonizzati rilevanti.

2.  Id-dikjarazzjoni ta' prestazzjoni għandha tinkludi l-informazzjoni li ġejja:

Artikolu 6

Forma tad-dikjarazzjoni ta' prestazzjoni

1.  Ma" kull prodott li jkun disponibbli fuq is-suq għandha tiġi pprovduta bil-kitba jew mibgħuta b'mezzi elettroniċi, kopja tad-dikjarazzjoni tal-konformità.

Madankollu, meta lott tal-istess prodott ikun fornut lil utent uniku, huwa jista' jkun akkumpanjat minn kopja waħda tad-dikjarazzjoni ta' prestazzjoni.

2.  Il-manifattur għandu jibgħat, bil-miktub, kopja tad-dikjarazzjoni ta' prestazzjoni jekk ir-riċevitur jitlobha.

3.  B'deroga mill-paragrafi 1 u 2, il-kontenut tad-dikjarazzjoni ta' prestazzjoni jista' jsir disponibbli fuq sit web skont il-kundizzjonijiet stabbiliti mill-Kummissjoni.

Dawk il-miżuri mfasslin biex jemendaw elementi mhux essenzjali ta' dan ir-Regolament billi jissupplimentawh, għandhom jiġu adottati skont il-proċedura regolatorja bi skrutinju msemmija fl-Artikolu 51(2).

4.  Id-dikjarazzjoni ta' prestazzjonijiet għandha titfassal bl-użu tal-mudell stabbilit fl-Anness III fil-lingwa, jew f'waħda mil-lingwi uffiċjali tal-Istat Membru fejn il-prodott jitqiegħed fis-suq.

Artikolu 7

Użu tal-marka CE

1.  Il-marka CE għandha titwaħħal biss mal-prodotti għall-kostruzzjoni, li għalihom il-manifattur ikun fassal dikjarazzjoni ta' prestazzjoni skont l-Artikoli 4, 5 u 6. Jekk ma jkunx hemm dikjarazzjoni ta' prestazzjoni, l-marka CE ma tistax titwaħħal.

Jekk ma tfasslitx dikjarazzjoni ta' prestazzjoni mill-manifattur skont l-Artikoli 4, 5 u 6, il-marka CE ma tistax titwaħħal mal-prodotti għall-kostruzzjoni.

Bit-twaħħil jew b'ordni għal twaħħil tal-marka CE l-manifattur jew fejn applikabbli, l-importatur, għandu jieħu r-responsabbiltà għall-konformità tal-prodott għall-kostruzzjoni bil-prestazzjoni ddikjarata.

2.  Il-marka CE għandha tkun l-unika marka li tafferma l-konformità tal-prodott għall-kostruzzjoni bil-prestazzjoni ddikjarata.

L-Istati Membri ma għandhomx jintroduċu miżuri nazzjonali u għandhom jirtiraw kull referenza għal immarkar ta' konformità barra mill-marka CE.

3.  L-Istati Membri ma għandhomx jipprojbixxu jew jimpedixxu, fit-territorju tagħhom jew taħt ir-responsabbiltà tagħhom, l-użu ta' prodotti għall-kostruzzjoni li għandhom il-marka CE jew li dawn isiru disponibbli, meta l-ħtiġijiet għal dan l-użu f'dak l-Istat Membru jikkorrispondu għall-prestazzjoni ddikjarata.

4.  L-Istati Membri għandhom jiżguraw li l-użu tal-prodotti għall-kostruzzjoni li għandhom il-marka CE ma għandux jixxekkel minn regoli jew kundizzjonijiet imposti minn korpi pubbliċi jew korpi privati li jaġixxu bħala impriża pubblika, jew li jaġixxu bħala korp pubbliku fuq il-bażi ta' pożizzjoni ta' monopolju jew skont mandat pubbliku, meta l-ħtiġijiet għal dan l-użu f'dak l-Istat Membru jikkorrispondu mal-prestazzjoni ddikjarata.

Artikolu 8

Regoli u kundizzjonijiet għat-twaħħil tal-marka CE

1.  Il-marka CE għandha tkun soġġetta għall-prinċipji ġenerali mniżżlin fl-Artikolu 30 tar-Regolament (KE) Nru 765/2008.

2.  Il-marka CE għandha titwaħħal fejn tkun tista' tidher, titwaħħal u ma titħassarx mal-prodott għall-kostruzzjoni, il-plakka tad-data tiegħu, l-imballaġġ jew id-dokumenti ta' akkumpanjament.

3.  Il-marka CE għandha tkun segwita mill-isem jew il-marka ta' identifikazzjoni tal-produttur u l-kodiċi ta' identifikazzjoni uniku tal-prodott għall-kostruzzjoni▌.

4.  Il-marka CE għandha titwaħħal qabel ma l-prodott għall-kostruzzjoni jkun ikkummerċjalizzat. Hija tista' tkun segwita minn pittogramma jew kwalunkwe marka oħra li tindika riskju jew użu speċjali.

5.  L-Istati Membri għandhom jibnu fuq il-mekkaniżmi eżistenti biex jiżguraw l-applikazzjoni korretta tas-sistema tal-immarkar CE u jieħdu azzjoni xierqa f'każ ta" użu mhux korrett tal-immarkar. L-Istati Membri għandhom jipprovdu wkoll għal pieni f'każ ta" ksur, li jista" jinkludi sanzjonijiet kriminali għal ksur serju. Dawn il-pieni għandhom ikunu proporzjonati għal-livell ta" gravità tal-ksur.

Artikolu 9

Punti tal-Kuntatt dwar il-Prodotti

Il-Punti ta' Kuntatt dwar il-Prodotti għandhom ikunu indipendenti minn kull korp jew organizzazzjoni involuti fil-proċedura ta' aċċess għall-marka CE. Il-Kummissjoni għandha tfassal linji gwida dwar l-irwol u r-responsabilità tal-punti ta" kuntatt, u għandhom jiġu adottati mill-kumitat msemmi fl-Artikolu 51(1).

–KAPITOLU III

Obbligi tal-Operaturi Ekonomiċi

Artikolu 10

Obbligi tal-manifatturi

1.  Il-manifatturi għandhom ifasslu d-dokumentazzjoni teknika meħtieġa li tiddeskrivi l-elementi rilevanti kollha għaċ-ċertifikazzjoni applikabbli tal-prestazzjoni ddikjarata.

Il-manifatturi għandhom ifasslu d-dikjarazzjoni ta' prestazzjoni skont l-Artikoli 4, 5 u 6, u jwaħħlu l-marka CE skont l-Artikoli 7 u 8.

2.  Il-manifatturi għandhom iżommu d-dokumentazzjoni teknika u d-dikjarazzjoni ta' prestazzjoni għall-perjodu ddeterminat mill-Kummissjoni għal kull familja ta' prodotti għall-kostruzzjoni fuq il-bażi tal-ħajja mistennija u r-rwol tal-prodott għall-kostruzzjoni fix-xogħlijiet.

Dawk il-miżuri mfasslin biex jemendaw elementi mhux essenzjali ta' dan ir-Regolament billi jissupplimentawh, għandhom jiġu adottati skont il-proċedura regolatorja bi skrutinju msemmija fl-Artikolu 51(2).

3.  Il-manifatturi għandhom jiżguraw li jkun hemm fis-seħħ proċeduri għal produzzjoni f'serje biex tinżamm il-prestazzjoni ddikjarata. Bidliet fit-tip tal-prodott u bidliet fl-ispeċifikazzjonijiet tekniċi armonizzati applikabbli għandhom ikunu adegwatament ikkunsidrati.

▌

4.  Il-manifatturi għandhom jiżguraw li l-prodotti għall-kostruzzjoni tagħhom għandhom numru tat-tip, lott jew serjali jew kwalunkwe element ieħor li jippermetti l-identifikazzjoni tagħhom, jew, ▌li l-informazzjoni meħtieġa hija pprovduta fuq imballaġġ jew f'dokument ta' akkumpanjament għall-prodott għall-kostruzzjoni.

5.  Il-manifatturi għandhom jindikaw isimhom, l-isem tal-kummerċ irreġistrat jew il-marka tad-ditta rreġistrata u l-indirizz li jistgħu jkunu kkuntattjati fih fuq il-prodott għall-kostruzzjoni jew, ▌l-imballaġġ tiegħu jew f'dokument ta' akkumpanjament għall-prodott għall-kostruzzjoni.

6.  Il-manifatturi li jikkunsidraw jew għandhom raġuni biex jemmnu li prodott għall-kostruzzjoni li huma kkummerċjalizzaw mhuwiex konformi mal-prestazzjoni ddikjarata, għandhom immedjatament jieħdu l-miżuri korrettivi meħtieġa biex iġibu lil dak il-prodott għall-kostruzzjoni f'konformità jew jirtirawh mis-suq u jirtirawh miċ-ċirkolazzjoni mill-utenti finali, jekk adatt. Huma għandhom immedjatament jinformaw b'dan lill-awtoritajiet nazzjonali tal-Istati Membri fejn huma jkunu għamlu l-prodott għall-kostruzzjoni disponibbli, bl-għoti tad-dettalji, b'mod partikolari, tan-nuqqas ta' konformità u tal-miżuri korrettivi meħudin.

7.  Il-manifatturi għandhom, fuq il-bażi ta' talba mmotivata tal-awtoritajiet nazzjonali kompetenti, jipprovduhom bl-informazzjoni u d-dokumentazzjoni kollha meħtieġa biex juru l-konformità tal-prodott għall-kostruzzjoni mal-prestazzjoni ddikjarata. Huma għandhom jikkooperaw ma' dawk l-awtoritajiet, fuq talba ta' dawn tal-aħħar, dwar kwalunkwe azzjoni biex ikunu evitati r-riskji li jirriżultaw mill-prodotti għall-kostruzzjoni li huma jkunu kkummerċjalizzaw.

Artikolu 11

Rappreżentanti awtorizzati

Il-manifatturi jistgħu jaħtru, b'mandat bil-miktub, rappreżentant awtorizzat.

It-tfassil ta' dokumentazzjoni teknika ma tistax tifforma parti mill-mandat tar-rappreżentant awtorizzat.

2.  Fejn manifattur ikun ħatar rappreżentant awtorizzat, dan tal-aħħar għandu tal-inqas jagħmel dan li ġej:

Artikolu 12

Obbligi tal-importaturi

1.  Meta jikkummerċjalizzaw prodott għall-kostruzzjoni fis-suq Komunitarju l-importaturi għandhom jaġixxu bl-attenzjoni dovuta f'relazzjoni mal-ħtiġijiet ta' dan ir-Regolament.

2.  Qabel jikkummerċjalizzaw prodott għall-kostruzzjoni l-importaturi għandhom jiżguraw li l-valutazzjoni u l-verifika tal-kostanza tal-prestazzjoni ddikjarata jkunu twettqu mill-manifattur. Huma għandhom jiżguraw li l-manifattur fassal id-dokumentazzjoni teknika msemmija fl-ewwel sottoparagrafu tal-Artikolu 10(1). Huma għandhom ifasslu d-dikjarazzjoni tal-prestazzjonijiet b'konformità mal-Artikoli 4, 5 u 6. Huma għandhom jiżguraw ukoll li l-prodott għandu l-marka CE meħtieġa, huwa akkumpanjat mid-dokumenti meħtieġa u li l-manifattur irrispetta l-ħtiġijiet imniżżlin fl-Artikoli 10(4) u 10(5).

Fejn importatur jikkunsidra jew għandu raġuni biex jemmen li l-prodott għall-kostruzzjoni mhuwiex konformi mad-dikjarazzjoni ta' prestazzjoni, huwa ma jistax jikkummerċjalizza l-prodott għall-kostruzzjoni qabel ma dan jikkonforma mad-dikjarazzjoni ta' prestazzjoni ta' akkumpanjament jew sakemm id-dikjarazzjoni ta' prestazzjoni ma tkunx ikkoreġuta.

3.  L-importaturi għandhom jindikaw isimhom, l-isem tal-kummerċ irreġistrat jew il-marka tad-ditta rreġistrata u l-indirizz fejn jistgħu jkunu kkuntattjati fuq il-prodott għall-kostruzzjoni jew, fejn mhux possibbli, fuq l-imballaġġ tiegħu jew f'dokument ta' akkumpanjament għall-prodott.

4.  L-importaturi għandhom jiżguraw li, waqt li prodott għall-kostruzzjoni jkun taħt ir-responsabbiltà tagħhom, il-kundizzjonijiet tal-ħżin jew tat-trasport ma jipperikolawx il-konformità tiegħu mal-prestazzjoni ddikjarata.

5.  L-importaturi li jikkunsidraw jew għandhom raġuni biex jemmnu li prodott għall-kostruzzjoni li huma kkummerċjalizzaw mhuwiex konformi mad-dikjarazzjoni ta' prestazzjoni, għandhom immedjatament jieħdu l-miżuri korrettivi meħtieġa biex iġibu lil dak il-prodott għall-kostruzzjoni f'konformità jew jirtirawh mis-suq u jirtirawh miċ-ċirkolazzjoni mill-utenti finali, jekk adatt. Huma għandhom immedjatament jinformaw b'dan lill-awtoritajiet nazzjonali tal-Istati Membri fejn huma jkunu għamlu l-prodott għall-kostruzzjoni disponibbli, bl-għoti tad-dettalji, b'mod partikolari, tan-nuqqas ta' konformità u tal-miżuri korrettivi meħudin.

6.  L-importaturi għandhom, għall-perjodu msemmi fl-Artikolu 10(2), iżommu kopja tad-dikjarazzjoni ta' prestazzjoni għad-dispożizzjoni tal-awtoritajiet għall-monitoraġġ tas-suq u jiżguraw li d-dokumentazzjoni teknika tista' ssir disponibbli għal dawk l-awtoritajiet, fuq talba.

7.  L-importaturi għandhom, fuq il-bażi ta' talba mmotivata mill-awtoritajiet nazzjonali kompetenti, jipprovduhom bl-informazzjoni u d-dokumentazzjoni kollha meħtieġa biex juru l-konformità tal-prodott għall-kostruzzjoni mal-prestazzjoni ddikjarata. Huma għandhom jikkooperaw ma' dawk l-awtoritajiet, fuq talba ta' dawn tal-aħħar, dwar kwalunkwe azzjoni biex ikunu evitati r-riskji li jirriżultaw mill-prodotti għall-kostruzzjoni li huma jkunu kkummerċjalizzaw.

Artikolu 13

Obbligi tad-distributuri

1.  Meta jagħmlu prodott disponibbli fis-suq id-distributuri għandhom jaġixxu bl-attenzjoni dovuta f'relazzjoni mal-ħtiġijiet ta' dan ir-Regolament.

2.  Qabel jagħmlu prodott għall-kostruzzjoni disponibbli fis-suq id-distributuri għandhom jiżguraw li l-prodott għandu l-marka CE meħtieġa u huwa akkumpanjat mid-dokumenti meħtieġa skont dan ir-Regolament u minn struzzjonijiet u informazzjoni dwar is-sigurtà f'lingwaġġ li jiftiehem malajr mill-utenti fl-Istat Membru fejn il-prodott huwa magħmul disponibbli fis-suq u li l-manifattur u l-importatur ikkonformaw mal-ħtiġijiet imniżżlin fl-Artikolu 10(4), l-Artikolu 10(5) u l-Artikolu 12(3) rispettivament.

Fejn distributur jikkunsidra jew għandu raġuni biex jemmen li prodott għall-kostruzzjoni mhuwiex konformi mad-dikjarazzjoni ta' prestazzjoni, huwa jista' jagħmel il-prodott disponibbli fis-suq biss wara li dan jikkonforma mad-dikjarazzjoni ta' prestazzjoni ta' akkumpanjament jew wara li d-dikjarazzjoni ta' prestazzjoni tkun ġiet ikkoreġuta. Id-distributur għandu jinforma lill-manifattur jew lill-importatur b'dan kif ukoll lill-awtoritajiet għall-monitoraġġ tas-suq, meta l-prodott jippreżenta riskju.

3.  Distributur għandu jiżgura li, waqt li prodott għall-kostruzzjoni jkun taħt ir-responsabbiltà tiegħu, il-kundizzjonijiet tal-ħżin jew tat-trasport ma jipperikolawx il-konformità tiegħu mal-prestazzjoni ddikjarata.

4.  Id-distributuri li jikkunsidraw jew għandhom raġuni biex jemmnu li prodott għall-kostruzzjoni li huma għamlu disponibbli fis-suq mhuwiex konformi mad-dikjarazzjoni ta' prestazzjoni, għandhom immedjatament jieħdu l-miżuri korrettivi meħtiġin biex iġibu lil dak il-prodott għall-kostruzzjoni f'konformità jew jirtirawh mis-suq u jirtirawh miċ-ċirkolazzjoni mill-utenti finali, jekk adatt. Huma għandhom immedjatament jinformaw b'dan lill-awtoritajiet nazzjonali tal-Istati Membri fejn huma għamlu l-prodott disponibbli, bl-għoti tad-dettalji, b'mod partikolari, tan-nuqqas ta' konformità u tal-miżuri korrettivi meħudin.

5.  Id-distributuri għandhom, fuq il-bażi ta' talba mmotivata mill-awtoritajiet nazzjonali kompetenti, jipprovduhom bl-informazzjoni u d-dokumentazzjoni kollha meħtieġa biex juru l-konformità tal-prodott għall-kostruzzjoni mal-prestazzjoni ddikjarata. Huma għandhom jikkooperaw ma' dawk l-awtoritajiet, fuq talba ta' dawn tal-aħħar, dwar kwalunkwe azzjoni biex ikunu evitati r-riskji li jirriżultaw mill-prodotti għall-kostruzzjoni li huma jkunu għamlu disponibbli fis-suq.

Artikolu 14

Każijiet fejn l-obbligi tal-manifatturi japplikaw għall-importaturi u d-distributuri

L-importatur jew id-distributur għandhom ikunu kkunsidrati manifattur għall-finijiet ta' dan ir-Regolament, meta huma jikkummerċjalizzaw prodott taħt isimhom jew taħt il-marka tad-ditta tagħhom jew jimmodifikaw prodott għall-kostruzzjoni diġà kkummerċjalizzat b'mod li l-konformità mal-prestazzjoni ddikjarata tista' tkun affettwata u konsegwentement huma għandhom ikunu soġġetti għall-obbligi tal-manifattur skont l-Artikolu 10.

Artikolu 15

Identifikazzjoni ta' operaturi ekonomiċi

–KAPITOLU IV

Speċifikazzjonijiet Tekniċi Armonizzati

Artikolu 16

Standards armonizzati

1.  Stabbiliti mill-korpi Ewropej għall-istandardizzazzjoni elenkati fl-Anness I għad-Direttiva 98/34/KE, fuq il-bażi ta' talbiet imressqamill-Kummissjoni skont l-Artikolu 6(3), l-ewwel inċiż ta' dik id-Direttiva u mill-Kumitat Permanenti skont l-Artikolu 5(1) ta' dik id-Direttiva.

Il-korpi Ewropej għall-istandardazzjoni għandhom jiżguraw li ebda kategorija ta" parteċipanti f'settur partikulari ma tkun magħmula minn aktar minn 25 % tal-parteċipanti f'kumitat tekniku jew grupp ta' ħidma. Jekk kategorija waħda jew aktar ta" parteċipanti ma jkunux jistgħu jieħdu sehem fi grupp ta" ħidma, jew jagħżlu li ma jeħdux sehem, dan ir-rekwiżit jista" jiġi vvalutat mill-ġdid bil-qbil tal-parteċipanti kollha.

2.  L-istandards armonizzati għandhom jipprovdu l-metodi u l-kriterji għall-valutazzjoni tal-prestazzjoni u d-durabilità tal-prodotti għall-kostruzzjoni f'relazzjoni mal-karatteristiċi essenzjali tagħhom.

L-istandards armonizzati għandhom jipprovdu l-użu ġeneriku li għalih huma maħsuba l-prodotti, jekk applikabbli; għandhom jipprovdu wkoll ir-rekwiżiti tal-karatteristiċi minimi, li għalihom f'termini ta" livelli jew klassijiet ta" prestazzjoni għandhom jiġu determinati mill-Kummissjoni, bi qbil mal-proċedura regolatorja bi skrutinju stipulata fl-Artikolu 51(2), għal kull familja ta" prodotti stipulata fl-Anness IV, Tabella 1, waqt li taġixxi skont il-proċedura regolatorja bi skrutinju prevista fl-Artikolu 51(2).

L-istandards armonizzati għandhom, fejn adatt, jipprevedu metodi inqas onerużi mill-ittestjar għall-valutazzjoni tal-prestazzjoni tal-prodotti għall-kostruzzjoni f'relazzjoni mal-karatteristiċi essenzjali tagħhom.

3.  Il-korpi Ewropej għall-istandardizzazzjoni għandhom jiddeterminaw fl-istandards armonizzati l-kontroll tal-produzzjoni fil-fabbrika applikabbli, li għandu jikkunsidra l-kundizzjonijiet speċifiċi tal-proċess tal-manifattura tal-prodott għall-kostruzzjoni kkonċernat.

4.  Il-Kummissjoni għandha tivvaluta l-konformità tal-istandards armonizzati stabbiliti mill-korpi għall-istandardizzazzjoni Ewropej bil-mandat rilevanti.

Il-Kummissjoni għandha tippubblika fil-Ġurnal Uffiċjali tal-Unjoni Ewropea l-lista ta' referenzi ta' standards armonizzati li huma f'konformità mal-mandati rilevanti, u tistabbilixxi data ta' applikabbiltà għal dawk l-istandards.

Il-Kummissjoni għandha tippubblika kwalunkwe aġġornament għal dik il-lista.

Artikolu 17

Oġġezzjoni formali kontra standards armonizzati

1.  Meta Stat Membru jew il-Kummissjoni jikkunsidraw li standard armonizzat ma jissodisfax għal kollox il-ħtiġijiet stabbiliti fil-mandat rilevanti, il-Kummissjoni jew l-Istat Membru kkonċernat għandhom iressqu l-kwistjoni quddiem il-Kumitat stabbilit mill-Artikolu 5 tad-Direttiva 98/34/KE, bl-għoti tal-argumenti tagħhom. Il-Kumitat għandu, wara li jkun ikkonsulta l-korpi ta' standardizzazzjoni Ewropej rilevanti, iressaq l-opinjoni tiegħu mingħajr dewmien.

2.  Fid-dawl tal-opinjoni tal-Kumitat, il-Kummissjoni għandha tiddeċiedi li tippubblika, li ma tippubblikax, li tippubblika b'mod ristrett, li tħalli, li tħalli b'mod ristrett jew li tirtira r-referenzi għall-istandard armonizzat ikkonċernat fil-Ġurnal Uffiċjali tal-Unjoni Ewropea.

3.  Il-Kummissjoni għandha tinforma lill-korp Ewropew ta' standardizzazzjoni kkonċernat u, jekk ikun meħtieġ, titlob ir-reviżjoni tal-istandards armonizzati kkonċernati.

4.  Meta standard armonizzat ikun ġie approvat minn korp għall-istandardizzazzjoni Ewropea, il-kumitat imsemmi fl-Artikolu 51(1) jista" jieħu r-responsabilità għall-verifiki kollha billi jiżgura li l-istandard jilħaq ir-rekwiżiti stipulati fil-mandat mogħti mill-Kummissjoni jew minn Stat Membru.

Artikolu 18

Livelli jew klassijiet ta' prestazzjoni

1.  Il-Kummissjoni għandha tistabbilixxi klassijiet ta' prestazzjoni f'relazzjoni mal-karatteristiċi essenzjali tal-prodotti għall-kostruzzjoni.

Dawk il-miżuri mfasslin biex jemendaw elementi mhux essenzjali ta' dan ir-Regolament billi jissupplimentawh, għandhom jiġu adottati skont il-proċedura regolatorja bi skrutinju msemmija fl-Artikolu 51(2).

2.  Fejn mhumiex stabbiliti mill-Kummissjoni klassijiet ta' prestazzjoni f'relazzjoni mal-karatteristiċi essenzjali ta' prodotti għall-kostruzzjoni, huma jistgħu jiġu stabbiliti mill-korpi għall-istandardizzazzjoni Ewropej fi standards armonizzati.

Fejn il-Kummissjoni tkun stabbiliet klassijiet ta' prestazzjoni f'relazzjoni mal-karatteristiċi essenzjali ta' prodotti għall-kostruzzjoni, il-korpi għall-istandardizzazzjoni Ewropej għandhom jużaw dawk il-klassijiet fl-istandards armonizzati, fuq il-bażi ta' mandat revedut.

3.  Fejn ikun hemm dispost fil-mandat relevanti, il-korpi għall-istandardizzazzjoni Ewropej għandhom jistabbilixxu fi standards armonizzati l-livelli minimi ta' prestazzjoni in relazzjoni għall-karatteristiċi essenzjali u, fejn ikun meħtieġ, l-użi aħħarin intiżi li għandhom ikunu sodisfatti mill-prodotti għall-kostruzzjoni fl-Istati Membri.

4.  Il-Kummissjoni tista' tistabbilixxi kundizzjonijiet li jekk jiġu sodisfatti jitqies li l-prodott għall-kostruzzjoni jkun laħaq ċertu livell jew klassi ta' prestazzjoni mingħajr ittestjar jew mingħajr ittestjar ulterjuri.

Dawk il-miżuri mfasslin biex jemendaw elementi mhux essenzjali ta' dan ir-Regolament billi jissupplimentawh, għandhom jiġu adottati skont il-proċedura regolatorja bi skrutinju msemmija fl-Artikolu 51(2).

Fejn tali kundizzjoni ma humiex stabbiliti mill-Kummissjoni, jistgħu jiġu stabbiliti mill-korpi ta' standardizzazzjoni Ewoprej bi standards armonizzati, fuq il-bażi ta' mandat rivedut.

5.  L-Istati Membri jistgħu jiddeterminaw il-livelli jew il-klassijiet ta' prestazzjoni li għandhom jiġu sodisfatti mill-prodotti għall-kostruzzjoni f'relazzjoni mal-karatteristiċi essenzjali ta' prodotti għall-kostruzzjoni, biss skont is-sistemi ta' klassifikazzjoni stabbiliti mill-korpi għall-istandardizzazzjoni Ewropej fi standards armonizzati, jew mill-Kummissjoni.

Artikolu 19

Valutazzjoni u verifika tal-kostanza ta' prestazzjoni

1.  Il-valutazzjoni u l-verifika tal-kostanza tal-prestazzjoni ddikjarata tal-prodotti għall-kostruzzjoni f'relazzjoni mal-karatteristiċi essenzjali tagħhom għandhom jitwettqu skont waħda mis-sistemi mniżżlin fl-Anness VI.

2.  Il-Kummissjoni għandha tistabbilixxi liema sistema hija applikabbli għal prodott għall-kostruzzjoni jew familja ta' prodotti għall-kostruzzjoni partikolari skont il-kriterji li ġejjin:

Fi kwalunkwe każ, il-Kummissjoni għandha tagħżel l-inqas sistema oneruża konsistenti mal-inkorporazzjoni sikura tal-prodott tal-kostruzzjoni fix-xogħlijiet tal-kostruzzjoni.

Dawk il-miżuri mfasslin biex jemendaw elementi mhux essenzjali ta' dan ir-Regolament billi jissupplimentawh, għandhom jiġu adottati skont il-proċedura regolatorja bi skrutinju msemmija fl-Artikolu 51(2).

3.  Is-sistema ddeterminata b'dan il-mod u l-informazzjoni dwar l-użu ġeneriku previst tagħha, għandhom ikunu indikatifil-mandati għall-istandards armonizzati u fl-ispeċifikazzjonijiet tekniċi armonizzati.

Artikolu 20

Dokument ta' Valutazzjoni Ewropew

1.  Fir-rigward tal-prodotti għall-kostruzzjoni li mhumiex koperti jew mhumiex koperti għal kollox minn standard armonizzat, id-dokument ta' Evalwazzjoni Ewropea (EAD) għandu jkun adottat mill-organizzazzjoni tal-Korpi għal Evalwazzjoni Teknika msemmija fl-Artikolu 25(1) wara talba għal Evalwazzjoni Teknika Ewropea minn manifattur jew importatur, skont il-proċedura mniżżla fl-Anness II.

2.  L-organizzazzjoni tal-Korpi għal Valutazzjoni Teknika msemmija fl-Artikolu 25(1) għandha tistabbilixxi fl-EAD l-metodi u l-kriterji għall-ivvalutar tal-prestazzjoni f'relazzjoni ma' dawk il-karatteristiċi essenjali tal-prodott għall-kostruzzjoni, li huma relatati mal-użu intenzjonat mill-manifattur.

3.  L-organizzazzjoni tal-korpi għal valutazzjoni teknika msemmija fl-Artikolu 25(1) għandha tiddetermina fl-EAD l-kontroll speċifiku tal-produzzjoni fil-fabbrika li għandu jiġi applikat, b'kont meħud tal-kundizzjonijiet partikolari tal-proċess għall-immanifatturar tal-prodott għall-kostruzzjoni kkonċernat.

4.  Meta l-Kummissjoni tqis li ntlaħaq livell suffiċjenti ta' għarfien tekniku u xjentifiku rigward l-EAD, għandha tagħti mandat lill-korpi Ewropej għall-istandardizzazzjoni sabiex iħejju standard armonizzat imsejjes fuq dak l-EAD.

Artikolu 21

Valutazzjoni Teknika Ewropea

1.  Fir-rigward ta' prodotti għall-kostruzzjoni li mhumiex koperti jew li mhumiex koperti għal kollox minn standard armonizat, l-Evalwazzjoni Teknika Ewropea (ETA) għandha tinħareġ minn Korp għal Evalwazzjoni Teknika, għal kwalunkwe prodott għall-kostruzzjoni, fuq talba ta' manifattur jew importatur fuq il-bażi ta' EAD skont il-proċedura mniżżla fl-Anness II.

2.  Il-Kummissjoni għandha tistabbilixxi l-format tal-ETA.

Dawk il-miżuri mfasslin biex jemendaw elementi mhux essenzjali ta' dan ir-Regolament billi jissupplimentawh, għandhom jiġu adottati skont il-proċedura regolatorja bi skrutinju msemmija fl-Artikolu 51(2).

–KAPITOLU V

Korpi għal Valutazzjoni Teknika

Artikolu 22

Ħatra ta' Korpi għal Valutazzjoni Teknika

1.  L-Istati Membri jistgħu jaħtru Korpi għal Valutazzjoni Teknika (TAB) għall-oqsma ta' prodotti elenkati fit-Tabella 1 tal-Anness V.

L-Istati Membri li ħatru TAB għandhom jikkomunikaw lill-Istati Membri l-oħrajn u lill-Kummissjoni l-isem, l-indirizz ta' dak it-TAB u l-oqsma ta' prodotti li għalihom inħatar it-TAB.

2.  Il-Kummissjoni għandha tagħmel disponibbli għall-pubbliku l-lista ta' Korpi għal Valutazzjoni Teknika li tindika l-oqsma ta' prodotti li għalihom inħatru.

Il-Kummissjoni għandha tagħmel disponibbli għall-pubbliku kwalunkwe aġġornament għal dik il-lista.

Artikolu 23

Ħtiġijiet għall-Korpi għal Valutazzjoni Teknika

1.  It-TAB għandu jissodisfa l-ħtiġijiet imniżżlin fit-Tabella 2 tal-Anness V.

2.  Fejn TAB ma jikkonformax aktar mal-ħtiġijiet imsemmijin fil-paragrafu 1, l-Istat Membru għandu jirtira l-ħatra ta' dak it-TAB.

3.  L-Istati Membri għandhom jinformaw lill-Kummissjoni u lill-Istati Membri l-oħrajn dwar il-proċeduri nazzjonali tagħhom għall-valutazzjoni tal-Korpi għal Valutazzjoni Teknika, bil-monitoraġġ tal-attività tagħhom, u bi kwalunkwe bdil f'dik l-informazzjoni. Il-Kummissjoni għandha tagħmel dik l-informazzjoni disponibbli għall-pubbliku.

Artikolu 24

Evalwazzjoni tal-Korpi għal Valutazzjoni Teknika

1.  Il-Korpi għal Valutazzjoni Teknika għandhom jivverifikaw jekk Korpi għal Valutazzjoni Teknika oħrajn jissodisfawx il-kriterji rispettivi mniżżlin fit-Tabella 2 tal-Anness V.

L-evalwazzjoni għandha tkun organizzata mill-organizzazzjoni msemmija fl-Artikolu 25(1) u għandha ssir darba kull erba' snin, fl-oqsma tal-prodotti elenkati fit-Tabella 1 tal-Anness V, li għalihom ikunu nħatru l-Korpi għal Valutazzjoni Teknika.

2.  Il-Kummissjoni għandha tistabbilixxi proċeduri trasparenti għat-twettiq tal-evalwazzjoni, inklużi proċeduri ta' appell adegwati u aċċessibbli kontra deċiżjonijiet meħudin bħala riżultat tal-evalwazzjoni.

Dawk il-miżuri mfasslin biex jemendaw elementi mhux essenzjali ta' dan ir-Regolament billi jissupplimentawh, għandhom jiġu adottati skont il-proċedura regolatorja bi skrutinju msemmija fl-Artikolu 51(2).

L-evalwazzjoni ta' TAB ma tistax titwettaq minn TAB mill-istess Stat Membru.

3.  L-organizzazzjoni msemmija fl-Artikolu 25(1) għandha tikkomunika r-riżultati tal-evalwazzjonijiet tal-Korpi għal Valutazzjoni Teknika lill-Istati Membri kollha u lill-Kummissjoni.

Il-Kummissjoni għandha, f'kooperazzjoni mal-Istati Membri, tissorvelja r-rispett tar-regoli u l-funzjonament adatt tal-evalwazzjoni tal-Korpi għal Valutazzjoni Teknika.

Artikolu 25

Koordinazzjoni tal-Korpi għal Valutazzjoni Teknika

1.  Il-Korpi għal Valutazzjoni Teknika għandhom jistabbilixxu organizzazzjoni għall- valutazzjoni teknika, minn hawn 'il quddiem imsejħa "organizzazzjoni tal-Korpi għal Valutazzjoni Teknika".

2.  L-organizzazzjoni tal-Korpi għal Valutazzjoni Teknika għandha twettaq il-kompiti li ġejjin:

3.  Il-Kummissjoni tista' tipprovdi assistenza lill-organizzazzjoni tal-Korpi għal Valutazzjoni Teknika fit-twettiq tal-kompiti msemmijin fil-punt (e) tal-paragrafu 2. Il-Kummissjoni tista' tikkonkludi ftehim ta' sħubija kwadru mal-organizzazzjoni tal-Korpi għal Valutazzjoni Teknika għal dan il-għan.

4.  L-Istati Membri għandhom jiżguraw li l-Korpi għal Valutazzjoni Teknika jikkontribwixxu għar-riżorsi finanzjarji u umani tal-organizzazzjoni tal-Korpi għal Valutazzjoni Teknika.

– KAPITOLU VI

PROĊEDURI SIMPLIFIKATI

Artikolu 26

Użu ta' Dokumentazzjoni Teknika Speċifika

1.  Meta l-manifattur jiddetermina t-tip tal-prodott, huwa jista' jissostitwixxi l-ittestjar tat-tip jew il-kalkolu tat-tip b'Dokumentazzjoni Teknika Speċifika (STD) li turi li:

Il-manifattur jista' juża r-riżultati tat-testijiet miksuba minn manifattur jew system provider ieħor biss wara li jkun kiseb l-awtorizzazzjoni ta' dak il-manifattur, li jibqa' responsabbli għall-preċiżjoni, l-affidabbiltà u l-istabbiltà ta' dawk ir-riżultati tat-testijiet. Il-manifattur għandu jibqa" responsabbli għall-konformità tal-prodott mad-dikjarazzjonijiet kollha ta" prestazzjoni skont l-ispeċifikazzjoni teknika armonizzata rilevanti. .Il-manifattur għandu jiżgura li l-prestazzjoni tal-prodott ma tkunx influwenzata b'mod ħażin fi stadju avvanzat tal-produzzjoni u fil-proċess tal-immuntar.

2.  L-STD għandha tkun ivverifikata minn korp ta' ċertifikazzjoni relevanti kif jingħad fl-Anness V jekk il-prodott għall-kostruzzjoni msemmi fil-paragrafu 1 ikun jappartjeni għal familja ta' prodotti għall-kostruzzjoni li għaliha s-sistema applikabbli għall-evalwazzjoni u l-verifika tal-kostanza tal-prestazzjoni hija ▌ kif imsemmi fl-Anness VI,

3.  Dan l-Artikolu ma japplikax għall-importaturi li jqiegħdu prodott fis-suq f'isimhom jew bi trademark jew jimmodifikaw l-binja ta' prodott li diġà qiegħed fis-suq b'mod li tista' tiġi affettwata l-konformità mal-prestazzjoni ddikjarata fi ħdan is-sens tal-Artikolu 14.

Artikolu 27

Użu ta' Dokumentazzjoni Teknika Speċifika minn mikro-intrapriżili jimmanifatturaw prodotti għall-kostruzzjoni

1.  Il-mikro-intrapriżi li jimmanifatturaw prodotti għall-kostruzzjoni jistgħu jissostitwixxu s-sistema applikabbli għall-evalwazzjoni ta' prestazzjoni ddikjarata tal-prodott għall-kostruzzjoni b'STD. L-STD għandha turi l-konformità tal-prodott għall-kostruzzjoni mal-ħtiġijiet applikabbli.

2.  Jekk prodott għall-kostruzzjoni, imsemmi fil-paragrafu 1, ikun jappartjeni għal familja ta' prodotti għall-kostruzzjoni li għaliha s-sistema applikabbli għall-valutazzjoni u l-verifika tal-kostanza tal-prestazzjoni hija s-sistema 1 jew 2, kif imniżżel fl-Anness VI, l-STD għandha tkun ivverifikata minn korp għaċ-ċertifikazzjoni rilevanti kif imsemmi fl-Anness VI.

3.  Id-Dokumentazzjoni Teknika Speċifika għandha tiżġura livell ekwivalenti ta' saħħa u sikurezza għall-persuni u għal kwistjonijiet oħra ta' interess pubbliku. Il-manifattur għandu jibqa' responsabbli għall-konformità tal-prodott mal-karatteristiċi ddikjarati fid-dikjarazzjoni ta' prestazzjoni. Il-manifattur għandu jipprovdi informazzjoni dwar l-użu li għalih huwa maħsub il-prodott.

4.  Sa ...(12), il-Kummissjoni għandha tfassal rapport dwar l-implimentazzjoni ta' dan l-Artikolu fejn fost affarijiet oħra tikkunsidra jekk l-applikazzjoni tiegħu tistax tkun estiża għall-impriżi l-oħra, jekk taddattahx għall-produzzjoni ta' serje żgħira, jew jekk tirrevokahx. Il-Kummissjoni għandha tressaq dan ir-rapport quddiem il-Parlament Ewropew u l-Kunsill flimkien ma' proposti leġiżlattivi kif ikun xieraq.

5.  Dan l-Artikolu ma japplikax għall-importaturi li jqiegħdu prodott fis-suq f'isimhom jew bi trademark jew jimmodifikaw il-binja ta' prodott li diġà qiegħed fis-suq b'mod li tista' tiġi affettwata l-konformità mal-prestazzjoni ddikjarata fi ħdan is-sens tal-Artikolu 14.

Artikolu 28

Użu ta' Dokumentazzjoni Teknika Speċifika għal prodotti manifatturati individwalment

1.  Għal prodott għall-kostruzzjoni ddisinjat u mmanifatturat fi proċess ta' produzzjoni mhux industrijalizzat biex tiġi sodisfatta ordni speċifika, u installat f'ħidma waħda identifikata, il-manifattur jista' jissostitwixxi s-sistema applikabbli għal valutazzjoni ta' prestazzjoni b'STD, u b'hekk juri l-konformità ta' dak il-prodott mal-ħtiġijiet applikabbli. L-STD għandha tipprovdi livell ekwivalenti ta' kunfidenza u affidabilità fir-rigward tar-rekwiżiti essenzjali tax-xogħlijiet.

2.  Jekk prodott għall-kostruzzjoni, imsemmi fil-paragrafu 1, ikun jappartjeni għal familja ta' prodotti għall-kostruzzjoni li għaliha s-sistema applikabbli għall-valutazzjoni u l-verifika tal-kostanza tal-prestazzjoni hija s-sistema 1 jew 2, kif imniżżel fl-Anness VI, l-STD għandha tkun ivverifikata minn korp għaċ-ċertifikazzjoni rilevanti kif imsemmi fl-Anness VI.

–KAPITOLU VII

Awtoritajiet tan-Notifika u Entitajiet Innotifikati

Artikolu 29

Notifika

L-Istati Membri għandhom jinnotifikaw lill-Kummissjoni u lill-Istati Membri l-oħrajn dwar korpi awtorizzati biex iwettqu kompiti ta' parti terza fil-proċess tal-valutazzjoni u l-verifika tal-kostanza tal-prestazzjoni skont dan ir-Regolament.

Artikolu 30

Awtoritajiet tan-notifika

1.  L-Istati Membri għandhom jaħtru awtorità tan-notifika li għandha tkun responsabbli għall-istabbiliment u t-twettiq tal-proċeduri meħtiġin għall-valutazzjoni u n-notifika tal-korpi li se jkunu awtorizzati li jwettqu kompiti ta' parti terza fil-proċess tal-valutazzjoni u l-verifika tal-kostanza tal-prestazzjoni ddikjarata għall-fini ta' dan ir-Regolament, u għas-sorveljanza tal-korpi nnotifikati, inkluża l-konformità mad-dispożizzjonijiet tal-Artikolu 33.

2.  Fejn in-notifika hi bbażata fuq ċertifikat ta' akkreditazzjoni, l-Istati Membri jistgħu jiddeċiedu li l-valutazzjoni u s-sorveljanza msemmijin fil-paragrafu 1 għandhom ikunu mwettqa mill-korpi tal-akkreditazzjoni nazzjonali tagħhom fis-sens ta' u b'konformità mar-Regolament (KE) Nru 765/2008.

3.  Fejn l-awtorità tan-notifika tiddelega, tgħaddi x-xogħol lil ħaddieħor jew b'xi mod ieħor tafda l-valutazzjoni, in-notifika jew is-sorveljanza msemmijin fil-paragrafu 1 lil korp li mhuwiex entità governattiva, il-korp delegat jew b'xi mod ieħor inkarigat għandu jkun entità ġuridika u għandu jikkonforma mutatis mutandis mal-ħtiġijiet stabbiliti fl-Artikolu 33. Barra minn hekk, dan il-korp għandu jkollu arranġamenti biex jagħmel tajjeb għar-reponsabbiltajiet li jirriżultaw mill-attivitajiet tiegħu.

4.  L-awtorità tan-notifika għandha tieħu responsabilità sħiħa tal-kompiti mwettqa mill-korp delegat jew b'xi mod ieħor inkarigat.

5.  L-awtorità li tinnotifika għandha tivverifka li l-evalwazzjonijiet ta' konformità jsiru kif xieraq mingħajr ma jitpoġġew piżijiet bla bżonn fuq l-intrapriżi u billi jitqies id-daqs tal-intrapriżi, in-natura speċifika tas-settur tal-kostruzzjoni u l-istruttura tiegħu, il-grad ta' komplessità teknoloġika tal-prodott u l-frekwenza tal-proċess ta' manifattura.

Artikolu 31

Ħtiġijiet fir-rigward ta' awtoritajiet tan-notifika

1.  L-awtorità tan-notifika għandha tkun stabbilita b'mod li ma jkunx hemm konflitti ta" interess ma" korpi nnotifikati.

2.  L-awtorità tan-notifika għandha tkun organizzata u titmexxa b'mod li jkunu salvagwardjati l-oġġettività u l-imparzjalità tal-attivitajiet tagħha.

3.  L-awtorità tan-notifika għandha tkun organizzata b'tali mod li kull deċiżjoni dwar notifika ta' korp tal-valutazzjoni ta' prestazzjoni tittieħed minn persuni kompetenti differenti minn dawk li jkunu għamlu l-valutazzjoni.

4.  L-awtorità tan-notifika ma għandha toffri jew tipprovdi l-ebda attività li jagħmlu korpi nnotifikati, u lanqas servizzi ta" konsulenza fuq bażi kummerċjali jew kompetittiva.

5.  L-awtorità tan-notifika għandha tissalvagwardja l-kunfidenzjalità tal-informazzjoni miksuba.

6.  L-awtorità tan-notifika għandu jkollha numru biżżejjed ta" persunal kompetenti għad-dispożizzjoni tagħha biex tagħmel ix-xogħol tagħha kif imiss.

Artikolu 32

Obbligu ta" informazzjoni għall-awtoritajiet tan-notifika

L-Istati Membri għandhom jgħarrfu lill-Kummissjoni u lill-Istati Membri l-oħra dwar il-proċeduri nazzjonali tagħhom għall-valutazzjoni u n-notifika ta" korpi tal-valutazzjoni tal-prestazzjoni u dwar is-sorveljanza ta" korpi nnotifikati, u dwar kwalunkwe bidla li jkun hemm f'dik l-informazzjoni.

Il-Kummissjoni għandha tagħmel dik l-informazzjoni disponibbli għall-pubbliku.

Artikolu 33

Ħtiġijiet għal korpi nnotifikati

1.  Għall-finijiet ta" notifika, korp tal-valutazzjoni tal-prestazzjoni għandu jissodisfa l-ħtiġijiet imniżżlin fil-paragrafi 2 sa 11.

2.  Il-korp tal-valutazzjoni tal-prestazzjoni għandu jkun stabbilit skont il-liġi nazzjonali u għandu jkollu personalità ġuridika.

3.  Il-korp tal-valutazzjoni tal-prestazzjoni għandu jkun korp ta' parti terza indipendenti mill-organizzazzjoni jew mill-prodott għall-kostruzzjoni li jivvaluta.

Korp li jkun jappartjeni lil xi assoċjazzjoni tal-kummerċ jew federazzjoni professjonali li tkun tirrappreżenta impriżi involuti fid-disinn, il-manifattura, il-provvediment, l-immontar, l-użu jew il-manutenzjoni ta" prodotti għall-kostruzzjoni li huwa jivvaluta, jista', bil-kundizzjoni li l-indipendenza tiegħu u n-nuqqas ta' kull konflitt ta' interess jiġu murija, jitqies li hu korp bħal dan.

4.  Il-korp tal-valutazzjoni tal-prestazzjoni, l-ogħla livell ta' ġestjoni tiegħu u l-persunal responsabbli biex iwettqu l-kompiti ta" parti terza fil-proċess tal-valutazzjoni u l-verifika tal-kostanza tal-prestazzjoni ddikjarata ma għandhomx ikunu d-disinjaturi, il-manifatturi, il-fornituri, l-installaturi, ix-xerrejja, is-sidien, l-utenti jew dawk li jagħmlu l-manutenzjoni tal-prodotti għall-kostruzzjoni li huma jivvalutaw, u lanqas ma għandhom ikunu r-rappreżentanti awtorizzati ta" waħda minn dawk il-partijiet. Dan ma għandux jipprekludi l-użu tal-prodotti valutati li huma meħtieġa għall-operazzjonijiet tal-korp innotifikat jew l-użu tal-prodotti għal finijiet personali.

Dawn ma għandhomx ikollhom x'jaqsmu direttament fid-disinn, il-manifattura jew il-kostruzzjoni, il-kummerċjalizzazzjoni, l-installazzjoni, l-użu jew il-manutenzjoni ta" dawk il-prodotti għall-kostruzzjoni, u lanqas ma għandhom jirrappreżentaw lill-partijiet li jkunu impenjati f'dawk l-attivitajiet. Huma ma għandhom jimpenjaw lilhom infushom f'ebda attività li tista" tkun f'konflitt mal-indipendenza jew mal-ġudizzju u l-integrità tagħhom relatati mal-attivitajiet li għalihom huma kienu nnotifikati.

Il-korp innotifikat għandu jiżgura li l-attivitajiet tas-sussidjarji jew subappaltaturi tiegħu ma jippreġudikawx il-kunfidenzjalità, l-oġġettività u l-imparzjalità tal-attivitajiet tiegħu ta" valutazzjoni u/jew verifika.

5.  Il-korp innotifikat u l-istaff tiegħu għandhom iwettqu bl-akbar trasparenza fir-rigward tal-manifattur, ix-xogħol ta' parti terza fil-proċess ta' evalwazzjoni u verifika tal-kostanza tal-prestazzjoni, bl-ogħla livell ta" integrità professjonali u kompetenza teknika meħtieġa fil-qasam speċifiku li jkun u għandhom ikunu ħielsa minn kull pressjoni u tħajjir, b'mod partikolari finanzjarji, li jistgħu jinfluwenzaw il-ġudizzju tagħhom jew ir-riżultati tal-attivitajiet tal-evalwazzjoni u / jew verifika tagħhom, speċjalment minn persuni jew gruppi ta" persuni b'interess fir-riżultati ta" dawk l-attivitajiet.

6.  Il-korp innotifikat għandu jkun kapaċi jwettaq il-kompiti ta' parti terza kollha fil-proċess ta' valutazzjoni u verifika tal-kostanza tal-prestazzjoni assenjati lil korp bħal dan skont l-Anness VI u li għalihom ikun ġie nnotifikat, kemm jekk dawk il-kompiti jitwettqu mill-korp innotifikat innifsu u kemm jekk f'ismu u taħt ir-responsabbiltà tiegħu.

Huwa għandu jkollu l-mezzi meħtieġa biex iwettaq il-kompiti tekniċi u amministrattivi konnessi mal-attivitajiet li għalihom jiġi nnotifikat b'mod adatt u għandu jkollu aċċess għal kull apparat u faċilità meħtieġa.

7.  Il-persunal responsabbli biex iwettaq l-attivitajiet li għalihom il-korp ġie nnotifikat, għandu jkollu dawn li ġejjin:

8.  L-imparzjalità tal-korp innotifikat, l-ogħla livell ta" ġestjoni tiegħu u l-persunal tal-valutazzjoni tiegħu għandha tkun iggarantita.

Ir-rimunerazzjoni tal-ogħla livell tal-ġestjoni u l-persunal tal-valutazzjoni tal-korp innotifikat ma għandhiex tkun dipendenti mill-għadd ta" valutazzjonijiet li jkunu twettqu jew mir-riżultati ta" dawk il-valutazzjonijiet.

9.  Il-korp innotifikat għandu jagħmel polza ta" assigurazzjoni ta" responsabbiltà jekk ir-responsabbilta ma jeħodhiex l-Istat skont il-liġijiet nazzjonali, jew jekk l-Istat Membru nnifsu ma jkunx direttament responsabbli għall-valutazzjoni u/jew il-verifika mwettqa.

10.  Il-persunal tal-korp innotifikat għandu jkun fid-dmir li josserva s-segretezza professjonali fir-rigward tal-informazzjoni kollha miksuba waqt li jkun qed iwettaq il-kompiti tiegħu skont l-Anness V, ħlief fir-rigward tal-awtoritajiet amministrattivi kompetenti tal-Istat Membru li fih l-attivitajiet tal-korp ikun qed isiru. Drittijiet ta" proprjetà għandhom ikunu protetti.

11.  Il-korp innotifikat għandu jieħu sehem fi, jew jiżgura li l-persunal tal-valutazzjoni tiegħu jkun mgħarraf bihom, l-attivitajiet ta" standardizzazzjoni rilevanti u l-attivitajiet tal-grupp ta" koordinazzjoni tal-korp innotifikat stabbilit skont dan ir-Regolament u japplika bħala gwida ġenerali d-deċiżjonijiet amministrattivi u d-dokumenti prodotti bħala riżultat tax-xogħol ta" dak il-grupp.

12.  Il-korpi notifikati għandhom jinfurmaw lill-klijenti tagħhom u jagħtuhom parir skont dak li huwa l-aħjar għalihom.

Artikolu 34

Preżunzjoni ta' konformità

Fejn korp tal-valutazzjoni tal-prestazzjoni jista' juri l-konformità tiegħu mal-kriterji stabbiliti fl-istandards armonizzati rilevanti jew partijiet tagħhom, li r-referenzi għalihom kienu ppubblikati fil-Ġurnal Uffiċjali tal-Unjoni Ewropea, għandu jkun preżunt li huwa jikkonforma mal-ħtiġijiet stabbiliti fl-Artikolu 33 sakemm l-istandards armonizzati applikabbli jkopru dawn il-ħtiġijiet.

Artikolu 35

Sussidjarji u subappalti ta" korpi nnotifikati

1.  Fejn korp innotifikat jagħti b'subappalt kompiti speċifiċi li jkollhom x'jaqsmu mal-kompiti ta' parti terza fil-proċess ta' valutazzjoni u verifika tal-kostanza tal-prestazzjoni jew iqabbad sussidjarju, huwa għandu jiżgura li s-subappaltatur jew is-sussidjarju jissodisfaw il-ħtiġijiet imniżżlin fl-Artikolu 33, u jinforma lill-awtorità tan-notifika.

2.  L-awtorità tan-notifika għandha tieħu responsabilità sħiħa tal-kompiti mwettqa mis-subappaltaturi jew mis-sussidjarji kull fejn dawn ikunu stabbiliti.

3.  L-attivitajiet jistgħu jiġu subappaltati jew imwettqa minn sussidjarju biss meta jkun hemm il-qbil tal-klijent.

4.  Il-korp innotifikat għandu jżomm għad-dispożizzjoni tal-awtoritajiet nazzjonali d-dokumenti rilevanti dwar il-valutazzjoni tal-kwalifiki tas-subappaltatur jew tas-sussidjarju u dwar ix-xogħol li jkun sar mis-subappaltatur jew mis-sussidjarju skont l-Anness VI.

Artikolu 36

Testijiet ta' xhieda

1.  Fejn ikun iġġustifikat minn raġunijiet tekniċi, ekonomiċi jew loġistiċi, il-korpi nnotifikati jistgħu jiddeċiedu li jwettqu t-testijiet imsemmija fl-Anness VI, jew li t-testijiet jiġu mwettqa taħt is-superviżjoni tagħhom, fl-impjanti tal-manifattura bl-użu tal-apparat għat-testijiet tal-laboratorju intern tal-manifattur jew, bil-kunsens minn qabel tal-manifattur, f'laboratorju privat jew pubbliku, bl-użu tal-apparat għat-testijiet ta' dak il-laboratorju.

2.  Qabel ma jitwettqu dawk it-testijiet, il-korp innotifikat għandu jivverifika jekk l-apparat għat-testijiet għandux sistema ta' kalibrazzjoni adatta u jekk is-sistema hijiex operattiva.

Artikolu 37

Applikazzjoni għal notifika

1.  Biex ikun awtorizzat li jwettaq kompiti ta' parti terza fil-proċess ta' valutazzjoni u verifika tal-kostanza tal-prestazzjoni, il-korp għandu jippreżenta applikazzjoni għal notifika lill-awtorità tan-notifika tal-Istat Membru fejn ikun stabbilit.

2.  L-applikazzjoni għandha tkun akkumpanjata minn deskrizzjoni tal-attivitajiet li se jitwettqu, il-proċeduri tal-valutazzjoni u/jew verifika li għalihom il-korp jistqarr lilu nnifsu kompetenti, kif ukoll minn ċertifikat ta' akkreditazzjoni, jekk ikun hemm, mogħtija mill-korp nazzjonali ta' akkreditazzjoni skont it-tifsira tar-Regolament (KE) Nru 765/2008, li jiċċertifika li l-korp jissodisfa l-ħtiġijiet imniżżlin fl-Artikolu 33.

3.  Jekk il-korp ikkonċernat ma jkunx jista' joħroġ ċertifikat ta' akkreditazzjoni, huwa għandu jipprovdi lill-awtorità tan-notifika bix-xhieda dokumentata kollha meħtieġa għall-verifika, ir-rikonoxximent u s-sorveljanza regolari tal-konformità tiegħu mal-ħtiġijiet imniżżlin fl-Artikolu 33.

Artikolu 38

Proċedura ta' notifika

1.  L-awtoritajiet tan-notifika jistgħu jinnotifikaw biss lil korpi li jkunu ssodisfaw il-ħtiġijiet imniżżlin fl-Artikolu 33.

2.  Huma għandhom jinnotifikaw lill-Kummissjoni u lill-Istati Membri l-oħrajn bl-użu tal-mezz elettroniku ta" notifika żviluppat u ġestit mill-Kummissjoni.

Eċċezzjonalment, għan-notifiki orizzontali msemmijin fit-tieni subparagrafu tal-paragrafu 3, li għalihom il-mezz elettroniku adatt ma jkunx disponibbli, kopja stampata tan-notifika għandha tkun aċċettata.

3.  In-notifika għandha tinkludi d-dettalji kollha tal-funzjonijiet li se jitwettqu, referenza għall-ispeċifikazzjoni teknika armonizzata rilevanti u, għall-finijiet tas-sistema stabbilita fil-punt 1.4 tal-Anness VI, il-karatteristiċi essenzjali li għalihom il-korp hu kompetenti.

4.  Fejn notifika ma tkunx ibbażata fuq ċertifikat ta' akkreditazzjoni, l-awtorità tan-notifika għandha tipprovdi lill-Kummissjoni u lill-Istati Membri l-oħra bix-xhieda dokumentata kollha li tkun tafferma l-kompetenza tal-korp innotifikat u l-arranġamenti fis-seħħ biex ikun żgurat li l-korp se jkun sorveljat regolarment u li ser ikompli jissodisfa l-ħtiġijiet imniżżlin fl-Artikolu 33.

5.  Il-korp ikkonċernat jista' jwettaq l-attivitajiet ta' korp innotifikat biss jekk ma jkunux tqajmu oġġezzjonijiet mill-Kummissjoni u mill-Istati Membri l-oħrajn fi żmien ġimagħtejn wara li tkun saret notifika fil-każ li jintuża ċertifikat ta" akkreditazzjoni u fi żmien xahrejn wara li tkun saret notifika fil-każ li akkreditazzjoni ma jintużax.

Dak il-korp biss għandu jitqies bħala korp innotifikat għall-finijiet ta" dan ir-Regolament.

6.  Il-Kummissjoni u l-Istati Membri l-oħrajn għandhom ikunu nnotifikati jekk ikun hemm tibdil sussegwenti rilevanti fin-notifika.

Artikolu 39

Numri ta' identifikazzjoni u listi ta' korpi nnotifikati

1.  Il-Kummissjoni għandha tassenja numru ta' identifikazzjoni lil korp innotifikat.

Hija għandha tassenja numru wieħed bħal dak anki fejn il-korp ikun notifikat skont diversi atti Komunitarji.

2.  Il-Kummissjoni għandha tqiegħed għad-dispożizzjoni tal-pubbliku l-lista tal-korpi nnotifikati skont dan ir-Regolament inklużi n-numri ta" identifikazzjoni li jkunu ġew assenjati lilhom u l-attivitajiet li għalihom ikunu ġew innotifikati.

Il-Kummissjoni għandha tassigura li l-lista tinżamm aġġornata.

Artikolu 40

Bidliet fin-notifika

1.  Fejn awtorità tan-notifika taċċerta ruħha jew tkun mgħarrfa li korp innotifikat ma jkunx għadu konformi mal-ħtiġijiet stabbiliti fl-Artikolu 33, jew li jkun qed jonqos milli jaqdi l-obbligi tiegħu, l-awtorità tan-notifika għandha tillimita, tissospendi jew tirtira n-notifika skont il-każ, skont kemm ikun serju n-nuqqas li jiġu ssodisfati dawk il-ħtiġijiet jew li jiġu mwettqa dawk l-obbligi. Għandu minnufih javża lill-Kummissjoni u lill-Istati Membri dwar dan.

2.  Fil-każ li tiġi rtirata, limitata jew sospiża n-notifika jew fejn il-korp innotifikat ma jkunx għadu attiv, l-Istat Membru interessat notifikanti għandu jieħu l-passi adatti biex jiżgura li l-fajls jew ikunu pproċessati minn korp ieħor innotifikat jew jibqgħu disponibbli għall-awtoritajiet tan-notifika u tas-sorveljanza tas-suq responsabbli, jekk jitolbuh.

Artikolu 41

Sfida għall-kompetenza ta' korpi nnotifikati

1.  Il-Kummissjoni għandha tinvestiga l-każijiet kollha fejn ikollha dubju jew issir taf b'dubju dwar il-kompetenza ta' korp innotifikat jew jekk il-korp innotifikat għadux konformi mal-ħtiġijiet u r-responsabbiltajiet li jkunu tqiegħdu fuqu.

2.  L-Istat Membru li jagħmel in-notifika għandu jipprovdi lill-Kummissjoni, meta titlobhielu, l-informazzjoni kollha li jkollha x'taqsam mal-bażi għal notifika jew dwar jekk il-korp ikkonċernat jibqax jitqies kompetenti.

3.  Il-Kummissjoni għandha tiżgura li l-informazzjoni kollha miksuba matul l-investigazzjonijiet tagħha tinżamm kunfidenzjali.

4.  Fejn il-Kummissjoni taċċerta ruħha li korp innotifikat ma jissodisfax, jew li ma jkunx għadu jissodisfa, il-ħtiġijiet għan-notifika tiegħu, hija għandha tgħarraf b'dan lill-Istat Membru li jagħmel in-notifika u titolbu jieħu l-miżuri korrettivi meħtieġa, inkluża d-denotifika, jekk ikun meħtieġ.

Artikolu 42

Obbligi operattivi għal korpi nnotifikati

1.  Korpi nnotifikati għandhom iwettqu l-kompiti ta' parti terza b'konformità mas-sistemi tal-valutazzjoni u l-verifika tal-kostanza tal-prestazzjoni previsti fl-Anness VI.

2.  Il-valutazzjonijiet u l-verifiki tal-kostanza tal-prestazzjoni għandhom jitwettqu b'mod proporzjonat, biex ikunu evitati piżijiet bla bżonn għall-operaturi ekonomiċi. Il-korpi nnotifikati għandhom iwettqu l-attivitajiet tagħhom billi jikkunsidraw id-daqs, is-settur, l-istruttura tal-impriżi involuti, il-komplessità relattiva tat-teknoloġija użata mill-prodotti għall-kostruzzjoni u l-karattru ta" serje tal-produzzjoni.

Meta jagħmlu hekk, huma għandhom madanakollu jirrispettaw il-grad ta" rigorożità meħtieġa għall-prodott minn dan ir-Regolament u r-rwol tal-prodott fis-sigurtà tax-xogħlijiet.

3.  Fejn, matul l-attività ta' sorveljanza li timmira lejn il-verifika tal-kostanza tal-prestazzjonijiet tal-prodott immanifatturat, korp innotifikat isib li prodott għall-kostruzzjoni ma għadx għandu l-istess prestazzjoni meta mqabbel ma' dik tat-tip tal-prodott, huwa għandu jesiġi mingħand il-manifattur li dan jieħu miżuri korrettivi adatti u għandu jissospendi jew jirtira ċ-ċertifikat tiegħu, jekk ikun meħtieġ.

4.  Fejn miżuri korrettivi ma jitteħdux jew ma jkollhomx l-effett meħtieġ, il-korp innotifikat għandu jillimita, jissospendi jew jirtira kwalunkwe ċertifikat, skont il-każ.

Artikolu 43

Obbligu ta' informazzjoni għal korpi nnotifikati

1.  Il-korpi nnotifikati għandhom jinfurmaw lill-awtorità tan-notifika dwar dan li ġej:

2.  Il-korpi nnotifikati għandhom jipprovdu lill-korpi l-oħrajn innotifikati skont dan ir-Regolament li jkunu qed iwettqu kompiti ta' parti terza simili b'konformità mas-sistemi tal-valutazzjoni u verifika tal-kostanza tal-prestazzjoni u li jkunu jkopru l-istess prodotti għall-kostruzzjoni, b'tagħrif rilevanti dwar kwistjonijiet relatati ma' riżultati negattivi minn dawn il-valutazzjonijiet u/jew verifiki u, jekk jintalbu, dwar dawk pożittivi.

Artikolu 44

Skambju ta" esperjenza

Il-Kummissjoni għandha tipprovdi għall-organizzazzjoni tal-iskambju ta" esperjenza bejn l-awtoritajiet nazzjonali tal-Istati Membri responsabbli għall-politika dwar in-notifiki.

Artikolu 45

Koordinazzjoni ta" korpi nnotifikati

Il-Kummissjoni għandha tiżgura li jkun hemm fis-seħħ koordinazzjoni u kooperazzjoni adatta bejn il-korpi nnotifikati skont l-Artikolu 29 u li dawn jitħaddmu kif jixraq f'forma ta" gruppi ta' korpi nnotifikati kemm fil-livell settorjali kif ukoll f'dak trans-settorjali.

L-Istati Membri għandhom jiżguraw li l-korpi nnotifikati minnhom jieħdu sehem fix-xogħol ta" dawk il-gruppi, b'mod dirett jew permezz ta' rappreżentanti maħtura.

–KAPITOLU VIII

Sorveljanza tas-suq u proċeduri ta' salvagwardja

Artikolu 46

Proċedura biex jiġu ttrattati prodotti għall-kostruzzjoni li jippreżentaw riskju fil-livell nazzjonali

1.  Fejn l-awtoritajiet tas-sorveljanza tas-suq ta" Stat Membru wieħed ikunu ħadu azzjoni skont l-Artikolu 18 tar-Regolament (KE) Nru 765/2008 jew fejn ikollhom raġuni biżżejjed biex jaħsbu li prodott għall-kostruzzjoni ma jilħaqx il-prestazzjonijiet iddikjarati u/jew ikun jippreżenta riskju għas-saħħa jew għas-sigurtà tal-persuni jew għal kwistjonijiet oħrajn ta" protezzjoni tal-interess pubbliku koperti minn dan ir-Regolament, huma għandhom jagħmlu valutazzjoni dwar il-prodott in kwistjoni li tkun tkopri l-ħtiġijiet kollha stabbiliti minn dan ir-Regolament. L-operaturi ekonomiċi kkonċernati għandhom jikkoperaw bi kwalunkwe mod li jkun meħtieġ mal-awtoritajiet tas-sorveljanza tas-suq.

Fejn, tul dik il-valutazzjoni, l-awtoritajiet tas-sorveljanza tas-suq isibu li l-prodott għall-kostruzzjoni ma jkunx konformi mal-ħtiġijiet stabbiliti minn dan ir-Regolament, huma għandhom mingħajr dewmien jesiġu li l-operatur ekonomiku rilevanti jieħu l-miżuri korrettivi adatti kollha biex il-prodott jinġieb konformi ma" dawk il-ħtiġijiet jew li jirtira l-prodott mis-suq jew jiġbru lura fi żmien perjodu raġonevoli, li jkun jaqbel man-natura tar-riskju, skont kif jippreskrivu.

L-awtoritajiet tas-sorveljanza tas-suq għandhom jinfurmaw lill-korp innotifikat rilevanti.

L-Artikolu 19 tar-Regolament (KE) Nru 765/2008 japplika għall-miżuri msemmija hawn fuq.

2.  Fejn l-awtoritajiet tas-sorveljanza tas-suq iqisu li n-nuqqas ta' konformità ma jkunx limitat għat-territorju nazzjonali, huma għandhom jinfurmaw lill-Kummissjoni u lill-Istati Membri l-oħrajn bir-riżultati tal-valutazzjoni u bl-azzjonijiet li esiġew li jieħu l-operatur ekonomiku.

3.  L-operatur ekonomiku għandu jiżgura li kwalunkwe azzjoni korrettiva tittieħed fir-rigward tal-prodotti għall-kostruzzjoni kkonċernati kollha li huwa jkun qiegħed biex jinkisbu mis-suq fil-Komunità kollha.

4.  Fejn l-operatur ekonomiku rilevanti, fil-perjodu ta" żmien imsemmi fit-tieni sotto-paragrafu tal-paragrafu 1, ma jeħux azzjonijiet korrettivi adegwati, l-awtoritajiet tas-sorveljanza tas-suq għandhom jieħdu l-miżuri proviżorji adatti kollha biex jipprojbixxu jew jillimitaw li l-prodott għall-kostruzzjoni jkun disponibbli fis-suq nazzjonali jew biex jirtiraw il-prodott għall-kostruzzjoni minn dak is-suq jew biex jiġbruh lura.

Huma għandhom jgħarrfu lill-Kummissjoni u lill-Istati Membri l-oħrajn, mingħajr dewmien, dwar dawk il-miżuri.

5.  L-informazzjoni msemmija fil-paragrafu 4 għandha tipprovdi d-dettalji disponibbli kollha, b'mod partikolari fir-rigward tad-data meħtieġa għall-identifikazzjoni tal-prodott għall-kostruzzjoni li mhux konformi, l-oriġini tal-prodott, in-natura tar-riskju li jkun hemm, in-natura u l-perjodu tal-miżuri nazzjonali li jkunu ttieħdu kif ukoll il-fehmiet imressqa mill-operatur ekonomiku kkonċernat. B'mod partikulari, l-awtoritajiet tas-sorveljanza tas-suq għandhom jindikaw jekk in-nuqqas ta" konformità jkunx dovut għal waħda jew oħra minn dawn ir-raġunijiet li ġejjin:

6.  L-Istati Membri, barra mill-Istat Membru li jkun beda l-proċedura, għandhom, mingħajr dewmien, jgħarrfu lill-Kummissjoni u lill-Istati Membri l-oħrajn dwar kull miżura adottata u dwar kull informazzjoni addizzjonali dwar in-nuqqas ta' konformità tal-prodott għall-kostruzzjoni kkonċernat li jkollhom għad-dispożizzjoni tagħhom, u, jekk ma jkunx hemm qbil mal-miżura nazzjonali nnotifikata, dwar l-oġġezzjonijiet tagħhom.

7.  Fejn, fi żmien ħmistax il-jum tax-xogħol minn meta tasal l-informazzjoni msemmija fil-paragrafu 4, ma tkun saret l-ebda oġġezzjoni jew minn xi Stat Membru jew mill-Kummissjoni fir-rigward ta" xi miżura proviżorja meħuda minn Stat Membru fir-rigward tal-prodott għall-kostruzzjoni kkonċernat, il-miżura għandha titqies bħala waħda ġġustifikata.

8.  L-Istati Membri għandhom jiżguraw li jittieħdu l-miżuri restrittivi adatti fir-rigward tal-prodott tal-kostruzzjoni kkonċernat, bħal m'hu l-irtirar tal-prodott mis-suq tagħhom, mingħajr dewmien.

Artikolu 47

Proċedura ta" salvagwardja Komunitarja

1.  Fejn, wara li tkun tlestiet il-proċedura mniżżla fl-Artikolu 46(3) u (4), isiru oġġezzjonijiet kontra miżura nazzjonali ta" Stat Membru jew fejn il-Kummissjoni tqis li l-miżura nazzjonali tkun kuntrarja għal-leġiżlazzjoni Komunitarja l-Kummissjoni għandha mingħajr dewmien tidħol f'konsultazzjoni mal-Istati Membri u mal-operatur(i) ekonomiku/ċi rilevanti u għandha tgħaddi għall-valutazzjoni tal-miżura nazzjonali. Fuq il-bażi tar-riżultati ta" dik il-valutazzjoni, il-Kummissjoni għandha tieħu deċiżjoni u tgħid jekk il-miżura hijiex ġustifikata jew le.

Il-Kummissjoni għandha tindirizza d-deċiżjoni tagħha lill-Istati Membri kollha u għandha tikkomunikaha minnufih lilhom u lill-operatur(i) ekonomiku/ċi rilevanti.

2.  Jekk il-miżura nazzjonali titqies ġustifikata, l-Istati Membri kollha għandhom jieħdu l-miżuri meħtieġa biex jiżguraw li l-prodott għall-kostruzzjoni li mhux konformi jkun irtirat mis-swieq tagħhom. L-Istati Membri għandhom jinfurmaw lill-Kummissjoni bihom. Jekk il-miżura nazzjonali titqies li ma tkunx ġustifikata, l-Istat Membru interessat għandu jirtira l-miżura.

3.  Fejn il-miżura nazzjonali titqies ġustifikata u n-nuqqas ta" konformità tal-prodott għall-kostruzzjoni jkun attribwit għal difetti fl-istandards armonizzati kif imsemmi fl-Artikolu 46(5)(b), il-Kummissjoni għandha tgħarraf lill-korp (korpi) ta" standardizzazzjoni Ewropew (Ewropej) rilevanti u għandha tressaq il-kwistjoni quddiem il-Kumitat imwaqqaf skont l-Artikolu 5 tad-Direttiva 98/34/KE. Il-Kumitat għandu jikkonsulta mal-korp ta' standardizzazzjoni Ewropew rilevanti u jressaq l-opinjoni tiegħu mingħajr dewmien.

Fejn il-miżura nazzjonali titqies ġustifikata u n-nuqqas ta" konformità tal-prodott għall-kostruzzjoni jkun attribwit għal difetti fl-EAD jew fl-STD kif imsemmi fl-Artikolu 46(5)(b), il-Kummissjoni għandha tadotta miżuri adatti.

Artikolu 48

Prodotti għall-kostruzzjoni konformi li xorta waħda jippreżentaw riskju għas-saħħa u s-sigurtà

1.  Fejn Stat Membru, wara li jkun għamel valutazzjoni skont l-Artikolu 46(1), isib li, għalkemm prodott għall-kostruzzjoni jkun konformi ma" dan ir-Regolament, ikun jippreżenta riskju għas-saħħa jew is-sigurtà tal-persuni jew għal kwistjonijiet oħrajn ta" protezzjoni tal-interess pubbliku, huwa għandu jesiġi li l-operatur ekonomiku rilevanti jieħu l-miżuri kollha adatti biex jiżgura li l-prodott għall-kostruzzjoni kkonċernat, meta jikkummerċjalizzah, ma jippreżentax aktar dak ir-riskju jew li jirtira l-prodott għall-kostruzzjoni mis-suq jew jiġbru lura fi żmien perjodu raġonevoli li jkun jaqbel man-natura tar-riskju, skont kif l-Istat Membru jippreskrivi.

2.  L-operatur ekonomiku għandu jiżgura li kwalunkwe azzjoni korrettiva tittieħed fir-rigward tal-prodotti għall-kostruzzjoni kkonċernati kollha li huwa jkun qiegħed biex jinkisbu mis-suq fil-Komunità kollha.

3.  L-Istat Membru għandu jgħarraf minnufih lill-Kummissjoni u lill-Istati Membri l-oħrajn. L-informazzjoni għandha tipprovdi d-dettalji disponibbli kollha, b'mod partikolari fir-rigward tad-data meħtieġa għall-identifikazzjoni tal-prodott għall-kostruzzjoni kkonċernat, l-oriġini u l-katina ta" provvista tal-prodott, in-natura tar-riskju li jkun hemm, in-natura u l-perjodu tal-miżuri nazzjonali meħuda.

4.  Il-Kummissjoni għandha mingħajr dewmien tidħol f'konsultazzjoni mal-Istati Membri u mal-operatur(i) ekonomiku/ċi rilevanti u għandha tgħaddi għall-valutazzjoni tal-miżura nazzjonali. Fuq il-bażi tar-riżultati ta" dik il-valutazzjoni, il-Kummissjoni għandha tieħu deċiżjoni, fejn tgħid jekk il-miżura hijiex ġustifikata jew le, u fejn ikun meħtieġ, tipproponi miżuri adatti.

5.  Il-Kummissjoni għandha tindirizza d-deċiżjoni tagħha lill-Istati Membri kollha u għandha tikkomunikaha minnufih lilhom u lill-operatur(i) ekonomiku/ċi rilevanti.

Artikolu 49

Nuqqas ta" konformità formali

1.  Mingħajr preġudizzju għall-Artikolu 46, fejn Stat Membru jkun sab wieħed minn dan li ġej, huwa għandu jesiġi li l-operatur ekonomiku rilevanti ma jkomplix bin-nuqqas tal-konformità kkonċernata:

2.  Meta n-nuqqas tal-konformità msemmi fil-paragrafu 1 ikompli, l-Istat Membru għandu jieħu l-miżuri kollha adatti biex jillimita jew jipprojbixxi li l-prodott għall-kostruzzjoni jkun disponibbli fis-suq jew jiżgura li jittieħed lura jew jiġi rtirat mis-suq.

–KAPITOLU IX

Dispożizzjonijiet finali

Artikolu 50

Emenda fl-Annessi

1.  Il-Kummissjoni tista' temenda l-Annessi I sa VI.

2.  Dawk il-miżuri, maħsuba biex jemendaw l-elementi mhux essenzjali ta" dan ir-Regolament, għandhom jiġu adottati skont il-proċedura regolatorja bi skrutinju msemmija fl-Artikolu 51(2).

Artikolu 51

Kumitat

1.  Il-Kummissjoni għandha tkun assistita minn kumitat, imsejjaħ il-Kumitat Permanenti għall-Kostruzzjoni.

2.  Meta ssir referenza għal dan il-paragrafu, l-Artikoli 5a(1) sa (4) u l-Artikolu 7 tad-Deċiżjoni 1999/468/KE għandhom japplikaw, b'kunsiderazzjoni għad-dispożizzjonijiet tal-Artikolu 8 tagħha.

3.  L-Istati Membri għandhom jiżguraw li l-membri tal-kumitat imsemmi fl-Artikolu 1 ikunu indipendenti mill-partijiet involuti fl-evalwazzjoni tal-konformità tal-prodotti tal-kostruzzjoni.

Artikolu 52

Revoka

1.  Id-Direttiva 89/106/KEE hija revokata.

2.  Referenzi għad-Deċiżjoni revokata għandhom jitqiesu bħala referenzi għal dan ir-Regolament.

Artikolu 53

Dispożizzjonijiet transitorji

1.  Il-prodotti għall-kostruzzjoni kkummerċjalizzati b'konformità mad-Direttiva 89/106/KEE qabel l-1 ta' Lulju 2011 għandhom jitqiesu li jikkonformaw ma' dan ir-Regolament.

2.  Il-manifatturi u l-importaturi jistgħu jagħmlu dikjarazzjoni ta' prestazzjoni fuq il-bażi ta' ċertifikat ta' konformità jew dikjarazzjoni ta' konformità, li jkun ħareġ/ħarġet qabel l-1 ta' Lulju 2011 b'konformità mad-Direttiva 89/106/KEE.

3.  Linji gwida għal approvazzjoni teknika Ewropea ppubblikati qabel l-1 ta' Lulju 2011 skont l-Artikolu 11 tad-Direttiva 89/106/KEE u interpretazzjonijiet konġunti tal-proċeduri għall-evalwazzjoni tal-prodotti ta' kostruzzjoni adottati mill-EOTA qabel l-1 ta' Lulju 2011, fuq il-bażi tal-Artikolu 9(2) tad-Direttiva 89/106/KEE, jistgħu jintużaw bħala EAD. Meta l-Kummissjoni tqis li ntlaħaq livell suffiċjenti ta' għarfien tekniku u xjentifiku rigward il-linji gwida Ewropej dwar l-approvazzjoni teknika, għandha tagħti mandat lill-korpi Ewropej għall-istandardazzjoni sabiex iħejju standard armonizzat imsejjes fuq dawk il-linji gwida, skont l-Artikolu 20(4).

4.  Il-manifatturi u l-importaturi jistgħu jużaw approvazzjonijiet tekniċi Ewropej maħruġin skont l-Artikolu 9 tad-Direttiva 89/106/KEE qabel l-1 ta' Lulju 2011 bħala Dokumenti ta' Valutazzjonijiet Ewropej matul il-perjodu kollu ta" validità ta" dawk l-approvazzjonijiet.

Artikolu 54

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil- Ġurnal Uffiċjali tal-Unjoni Ewropea.

║L-Artikoli 3 sa 21, 26, 27 ║ 28, l-Artikoli 46 sa 50, 52 u 53 u l-Annessi I, II, III u VI għandhom japplikaw mill-1 ta' Lulju 2011.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi ║,

Għall-Parlament Ewropew Għall-Kunsill

Il-President Il-President

(1) Opinjoni tal-25 ta' Frar 2009 (għadha mhux ippubblikata fil-ĠU). (2) ĠU C (3) Pożizzjoni tal-Parlament Ewropew tal-24 ta' April 2009. (4) ĠU L 40, 11.2.1989, p. 12. ║ (5) ĠU L 218, 13.8.2008, p. 30. (6) ĠU L 218, 13.8.2008, p. 82. (7) ĠU C 91, 16.4.2003, p. 7. (8) ĠU L 204, 21.7.1998, p. 37. (9) ĠU L 218, 13.8.2008, p. 21. (10) ĠU L 184, 17.7.1999, p. 23. ║ (11) ĠU L 124, 20.5.2003, p. 36. (12) * 5 snin mid-data tad-dħul fis-seħħ ta' dan ir-Regolament.

Ħtiġijiet bażiċi għax-xogħlijiet

B'mod ġenerali u fil-partijiet distinti tagħhom, ix-xogħlijiet ta' kostruzzjoni għandhom ikunu tajbin għall-użu intenzjonat tagħhom, billi jitqiesu s-saħħa u s-sikurezza tal-persuni involuti fil-proċess kollu tax-xogħlijiet.

Soġġett għal manutenzjoni normali, il-ħtiġijiet bażiċi għax-xogħlijiet għandhom ikunu sodisfatti għal tul ta' ħajja ekonomikament raġonevoli.

1.  Reżistenza mekkanika u stabbiltà

2.  Sigurtà f'każ ta' nar

3.  Iġjene, saħħa u l-ambjent

4.  Sigurtà fl-użu

Ix-xogħlijiet ta' kostruzzjoni jridu jkunu ddisinjati u mibnija b'tali mod li ma jippreżentawx riskji mhux aċċettabbli ta' inċidenti fis-servizz jew fl-operazzjoni bħal żliq, twaqqigħ, ħbit, ħruq, xokk elettriku, u korriment minn xi splużjoni.

5.  Protezzjoni kontra l-ħsejjes

Ix-xogħlijiet ta' kostruzzjoni jridu jkunu ddisinjati u mibnija b'tali mod li l-ħoss li jinstema mill-okkupanti jew in-nies fil-qrib jinżamm baxx f'livell li ma jippreżentax theddida għas-saħħa tagħhom u jħallihom jorqdu, jistrieħu u jaħdmu f'kundizzjonijiet sodisfaċenti.

6.  Ekonomija tal-enerġija u żamma tas-sħana

Ix-xogħlijiet ta' kostruzzjoni u l-installazzjonijiet tat-tisħin, tat-tkessiħ tad-dawl u tal-ventilazzjoni jridu jkunu ddisinjati u mibnija b'mod li l-ammont tal-enerġija meħtieġa fl-użu jkun baxx, meta wieħed jieħu kont tal-kundizzjonijiet klimatiċi tal-lokalità u l-okkupanti. Il-prodotti għall-kostruzzjoni għandhom ukoll ikunu effiċjenti f'termini ta' enerġija; għandhom jużaw l-anqas enerġija possibbli matul iċ-ċiklu tal-ħajja tagħhom.

7.  Użu sostenibbli ta' riżorsi naturali

Proċedura għall-adozzjoni ta' Dokument ta' Evalwazzjoni Ewropew u għall-ħruġ ta' Evalwazzjoni Teknika Ewropea għall-kostruzzjoni li mhumiex koperti jew li mhumiex koperti għal kollox minn standard armonizzat

1.  Il-Korp għal Evalwazzjoni Teknika (TAB) għandu jwettaq valutazzjoni u joħroġ l-Evalwazzjoni Teknika Ewropea (ETA) fil-qasam tal-prodott li huwa nħatar għalih.

Id-dispożizzjonijiet ta' dan l-Anness dwar il-manifatturi japplikaw ukoll għall-importaturi.

2.  L-elaborazzjoni u l-adozzjoni ta' Dokument ta' Evalwazzjoni Ewropea għandhom jitwettqu b'konformità mal-punti 2.1 sa 2.11.

2.1.  Bi ftehim mal-Korpi ta' Evalwazzjoni Teknika tas-suq destinatarju magħżul, il-Korp ta' Evalwazzjoni Teknika għandu jwettaq l-evalwazzjoni skont id-dispożizzjonijiet tat-tieni kuntratt u tal-abbozz ta' programm ta' ħidma, għandu joħroġ l-Evalwazzjoni Teknika Ewropea rilevanti u għandu jgħaddiha lill-Kummissjoni u lit-TABs l-oħra maħtura għall-istess oqsma ta' prodotti skont l-Anness IV, Tabella 1.

2.2.  It-TAB li jirċievi applikazzjoni għal ETA (minn issa 'l quddiem "TAB responsabbli") għal prodott għall-kostruzzjoni għandu jgħarraf lill-organizzazzjoni tat-TAB imsemmija fl-Artikolu 25(1) u lill-Kummissjoni dwar il-kontenut tal-applikazzjoni u dwar ir-referenza għad-deċiżjoni tal-Kummissjoni għal valutazzjoni u verifika tal-kostanza tal-prestazzjoni, li t-TAB bi ħsiebu japplika għal dan il-prodott, jew dwar in-nuqqas ta' deċiżjoni tal-Kummissjoni bħal din.

2.3.  Bi ftehim mat-TABs l-oħra, it-TAB relevanti għandhom iwettqu l-valutazzjoni skont id-dispożizzjonijiet tat-tieni kuntratt u l-programm tal-abbozz ta" ħidma, dawn għandhom joħorġu l- ETA relevanti u għandhom jibagħtuha lill-Kummissjoni u lit-TABs l-oħra maħtura għall-istess oqsma ta" prodotti skont Tabella 1 ta" Anness V.

2.4.  It-TAB responsabbli għandu, f'kooperazzjoni mal-manifattur, jikseb l-informazzjoni rilevanti dwar il-prodott u l-użu intenzjonat tiegħu. It-TAB responsabbli għandu jgħarraf lill-manifattur jekk il-prodott huwiex kopert, b'mod sħiħ jew parzjali, minn speċifikazzjoni teknika armonizzata oħra. Imbagħad, it-TAB responsabbli għandu jfassal l-ewwel kuntratt li għandu jiġi konkluż mal-manifattur, li jiddefinixxi t-termini għall-elaborazzjoni tal-programm tax-xogħlijiet.

2.5.  Fi żmien xahar mill-konklużjoni tal-ewwel kuntratt, il-manifattur għandu jippreżenta lit-TAB responsabbli, fajl tekniku li jiddeskrivi l-prodott, l-użu intenzjonat tiegħu u dettalji dwar il-kontroll tal-produzzjoni f'fabbrika li applika.

2.6.  Fi żmien xahar mill-wasla tal-fajl tekniku, it-TAB responsabbli għandu jħejji u jibgħat lill-manifattur l-abbozz tat-tieni kuntratt u l-abbozz tal-programm tax-xogħol, li fihom l-aspetti u l-azzjonijiet dettaljati kollha li se jwettaq biex jivvaluta l-prestazzjoni għall-karatteristiċi essenzjali tal-prodott f'relazzjoni mal-użu intenzjonat. L-abbozz tal-programm ta' ħidma għandu jinkludi tal-inqas il-partijiet li ġejjin:

2.7.  Wara l-konklużjoni tat-tieni kuntratt, li jinkludi l-programm tax-xogħol miftiehem bejn it-TAB responsabbli u l-manifattur, it-TAB responsabbli għandu jibgħat l-1 Parti tal-programm tax-xogħol, flimkien mal-parti tal-fajl tekniku relatata mad-deskrizzjoni tal-prodott u l-użu intenzjonat tiegħu, lill-Korpi għal Valutazzjoni Teknika l-oħrajn kollha maħtura għall-istess qasam tal-prodotti għall-kostruzzjoni, imsemmi fit-Tabella 1 tal-Anness IV. Dawk il-Korpi għal Valutazzjoni Teknika għandhom jikkostitwixxu grupp ta' ħidma, li għandu jkun ikkoordinat mit-TAB responsabbli.

Il-manifattur jista' jitlob li l-grupp ta' ħidma msemmi jkollu seduta ta' smigħ ma' espert xjentifiku indipendenti magħżul minnu sabiex isaħħaħ l-informazzjoni mogħtija lit-TABs. Il-grupp ta' ħidma huwa marbut li jagħmel din is-seduta ta' smigħ.

Fi żmien ġimagħtejn mill-wasla ta' dawk id-dokumenti għand il-Korpi għal Valutazzjoni Teknika kollha interessati mingħand it-TAB responsabbli, il-grupp ta' ħidma għandu jistabbilixxi l-abbozz tal-EAD, li jkun fih il-metodi u l-kriterji tal-valutazzjoni tal-prestazzjoni għall-karatteristiċi essenzjali rilevanti, ibbażati fuq l-1 Parti tal-programm tax-xogħol u fuq il-kontributi tekniċi pertinenti u ġġustifikati pprovduti mill-membri tiegħu.

2.8.  Imbagħad, l-abbozz tal-EAD għandu jkun ikkomunikat mit-TAB responsabbli, flimkien mal-parti rilevanti tal-fajl tekniku li fih id-deskrizzjoni tal-prodott u l-użu intenzjonat tiegħu, lill-Korpi għal Valutazzjoni Teknika l-oħrajn kollha.

Fi żmien ġimagħtejn, dawn il-Korpi għal Valutazzjoni Teknika l-oħrajn għandhom jikkomunikaw lit-TAB responsabbli, l-informazzjoni rilevanti relatata mar-regolamenti nazzjonali tagħhom dwar il-kostruzzjoni u dispożizzjonijiet legali jew amministrattivi oħrajn li japplikaw għall-prodott u l-użu intenzjonat tiegħu, skont il-każ. It-TAB responsabbli għandu jgħarraf lill-membri tal-grupp ta' ħidma u lill-manifattur dwar il-kontenut ta' dawn il-kontributi.

2.9.  It-TAB responsabbli għandu jinkludi dawn il-kontributi, wara li jikkonsulta lill-grupp ta' ħidma, fl-abbozz tal-EAD, li hu għandu jibgħat lill-organizzazzjoni tal-Korpi għal Evalwazzjoni Teknika msemmijin fl-Artikolu 25(1). Wara li tkun ikkomunikat l-aħħar abbozz tal-EAD lill-manifattur, li għandu jkollu ġimgħa biex jirreaġixxi, u wara li tiġi kkonsultata mill-inqas organizzazzjoni professjonali waħda maħtura mill-manifattur jekk hekk ikun jixtieq, l-organizzazzjoni tal-Korpi għal Evalwazzjoni Teknika għandha tadotta l-EAD bħala dokument proviżorju. L-organizzazzjoni tal-Korpi għal Evalwazzjoni Teknika għandha tibgħat kopja tal-EAD proviżorju adottat lill-manifattur u lill-Kummissjoni. Jekk il-Kummissjoni tikkomunika lill-organizzazzjoni tal-Korpi għal Evalwazzjoni alutazzjoni Teknika, l-osservazzjonijiet tagħha dwar l-EAD proviżorju fi żmien ħmistax-il jum tax-xogħol mill-wasla tiegħu, huwa għandu jiġi emendat kif meħtieġ mill-organizzazzjoni tal-Korpi għal Evalwazzjoni Teknika. Wara dan il-perjodu, it-TAB responsabbli għandu jibda t-tħejjijiet għat-twettiq tal-evalwazzjoni.

2.10.  It-TAB responsabbli għandu jwettaq il-valutazzjoni b'konformità mad-dispożizzjonijiet tal-EAD proviżorju adottat u sussegwentement għandu joħroġ id-dokument tal-ETA korrispondenti.

2.11.  Hekk kif tkun inħarġet l-ewwel ETA fuq il-bażi ta' EAD proviżorju partikolari mit-TAB responsabbli, dan l-EAD għandu jiġi aġġustat, jekk hu meħtieġ, mill-organizzazzjoni tal-Korpi għal Valutazzjoni Teknika fuq il-bażi ta' proposta mit-TAB responsabbli. L-EAD finali għandu mbagħad jiġi adottat mill-organizzazzjoni tal-Korpi għal Valutazzjoni Teknika u mibgħut lill-Kummissjoni. Il-Kummissjoni għandha tippubblika r-referenza għall-EAD finali fis-Serje C tal-Ġurnal Uffiċjali tal-Unjoni Ewropea.

3.  Meta r-referenza għall-EAD finali tiġi ppubblikata fil-Ġurnal Uffiċjali tal-Unjoni Ewropea, it-tħejjijiet għall-Valutazzjonijiet Tekniċi Ewropej fuq il-bażi ta' kwalunkwe applikazzjoni sussegwenti, dwar prodotti għall-kostruzzjoni b'karatteristiċi essenzjali simili fir-rigward tal-użu intenzjonat relatat mal-ewwel applikazzjoni, għandhom jitwettqu b'konformità mal-EAD finali.

4.  Rappreżentant tal-Kummissjoni jista' jattendi l-laqgħat kollha tal-grupp ta' ħidma msemmi fil-punt 2.7, bħala osservatur.

5.  Jekk il-Korpi għal Valutazzjoni Teknika kollha u l-manifattur ma jkunux qablu dwar l-EAD, l-organizzazzjoni tal-Korpi għal Valutazzjoni Teknika għandha tippreżenta l-kwistjoni lill-Kummissjoni għal riżoluzzjoni adatta.

▌

1.  Nru ........................... (kodiċi uniku ta' identifikazzjoni tal-prodott)

2.  Isem jew marka ta' identifikazzjoni u indirizz ta' (rappreżentant awtorizzat tal-) manifattur:

.................................................................................................................................

.................................................................................................................................

3.  Din id-dikjarazzjoni ta' prestazzjoni hi maħruġa taħt ir-responsabbiltà tal-manifattur biss:

.................................................................................................................................

.................................................................................................................................

4.  Identifikazzjoni tal-prodott (li tippermetti t-traċċabbiltà) u indikazzjoni tal-użu ġeneriku previst:

.................................................................................................................................

.................................................................................................................................

5.  Il-prestazzjoni tal-prodott identifikat hawn fuq hi konformi mal-prestazzjonijiet iddikjarati taħt il-punt 7.

7.  Dikjarazzjoni tal-prestazzjoni (lista, livelli jew klassijiet u referenza għall-ispeċifikazzjoni teknika armonizzata/Dokumentazzjoni Teknika Speċifika korrispondenti użata għall-valutazzjoni tal-prestazzjoni għall-karatteristiċi essenzjali ddikjarati)

Iffirmat għal u f'isem: ...............................

............................................ ...............................................

(post u data tal-ħruġ) (isem, funzjoni)(firma)

Sustanzi perikolużi li jridu jiġu ddikjarati fid-dikjarazzjoni tal-prestazzjoni

1.  Sustanzi perikolużi ħafna

2.  Sustanzi li għandhom ċerti klassifikazzjonijiet

3.  Sustanzi Perikolużi ta' Prijorità

Sustanzi perikolużi ta' prijorità elenkati fl-Anness X tad-Direttiva 2000/60/KE tal-Parlament Ewropew u tal-Kunsill tat-23 ta' Ottubru 2000 li jistabbilixxi qafas għal azzjoni Komunitarja fil-qasam tal-politika dwar l-ilma(3) (Direttiva ta' Qafas dwar l-Ilma)

(1) ĠU L 396, 30.12.2006, p. 1. (2) ĠU 196, 16.8.1967, p.1. (3) ĠU L 327, 22.12.2000, p. 1.

Oqsma tal-prodott u ħtiġijiet għall-Korpi ta' Valutazzjoni Teknika

Tabella 1 - Oqsma tal-prodott

Tabella 2 - Ħtiġijiet għall-korpi tal-valutazzjoni teknika

Valutazzjoni u verifika tal-kostanza tal-prestazzjoni

SISTEMI TA' VALUTAZZJONI U VERIFIKA TAL-KOSTANZA TAL-PRESTAZZJONI

1.4.  Sistema 3 - Dikjarazzjoni tal-prestazzjoni għall-karatteristiċi essenzjali tal-prodott mill-manifattur fuq il-bażi tal-punti li ġejjin:

1.5.  Sistema 4 - Dikjarazzjoni tal-prestazzjoni għall-karatteristiċi essenzjali tal-prodott mill-manifattur fuq il-bażi tal-punti li ġejjin:

2.  KORPI INVOLUTI FIL-VALUTAZZJONI U L-VERIFIKA TAL-KOSTANZA TAL-PRESTAZZJONI