Dikjarazzjoni tal-Parlament Ewropew dwar id-"dis" kriminazzjoni u l-esklużjoni soċjali tat-tfal "dis"
Il-Parlament Ewropew,
– wara li kkunsidra l-Artikolu116 tar-Regoli ta' Proċedura tiegħu,
A. billi huwa stmat li, kull sena, iktar minn 10% tat-tfal jibdew ibagħtu minn problemi "dis" (disfasiċi, disprassiċi, dislessiċi, diskalkuliċi, u minn problemi ta' defiċit ta' attenzjoni, eċċ), l-istatistiċi dwar il-mard "dis" iridu jittejbu,
B. billi d-diżabilità "dis", li timponi invalidità fuq il-komunikazzjoni sa minn kmieni, għadha ma ġietx identifikata f'bosta Stati Membri,
C. billi r-riċerka, inkluża dik fis-Seba Programm ta' qafas tar-riċerka, dwar il-problemi tal-mard "dis" għandha tiżdied,
D. billi huwa biss jekk it-tfal jibdew jiġu kkurati minn kmieni, b'mod intensiv u multidixxiplinari fl-istrutturi adatti, (f'ambjent ta' skola ordinarja b'akkumpanjaturi adegwati, jew fi strutturi speċjalizzati), tista' tiġi evitata d-"dis'kriminazzjoni ta' l-istess tfal,
1. Jitlob lill-Kummissjoni u lill-Kunsill biex:
–
jistabilixxu Karta tat-tfal li jbatu minn mard "dis",
–
jiffavorixxu r-rikonoxximent tal-problemi kkawżati minn mard ''dis'' bħala diżabilità,
–
jippromwovu l-aħjar prattika f'dak li għandu x'jaqsam ma':
–
l-aċċessibilità għall-informazzjoni,
–
l-identifikazzjoni, is-sejba, id-dijanjożi sistematika u l-kura ta' dan il-mard sa minn kmieni,
–
l-istrutturi effettivi ta' tagħlim f'ambjent ordinarju jew speċjalizzat, għal tfal, adolexxenti u żgħażagħ,
–
l-istrutturi professjonali adatti ta' inseriment,
–
jippromwovu u jinkoraġġixxu l-ħolqien ta' netwerk Ewropew multidixxiplinari għall-problemi speċifiċi fit-tagħlim (learning specific difficulties); jiġbru u jistudjaw l-informazzjoni, u jiffavorixxu l-koordinazzjoni ta' l-azzjonijiet transkonfinali, u djalogu istituzzjonali;
2. Jagħti struzzjonijiet lill-President tiegħu biex jgħaddi din id-dikjarazzjoni, flimkien ma' l-ismijiet tal-firmatarji, lill-Kunsill, lill-Kummissjoni u lill-parlamenti ta' l-Istati Membri: