Indiċi 
 Preċedenti 
 Li jmiss 
 Test sħiħ 
Proċedura : 2009/2077(DEC)
Ċiklu ta' ħajja waqt sessjoni
Ċiklu relatat mad-dokument : A7-0063/2010

Testi mressqa :

A7-0063/2010

Dibattiti :

PV 21/04/2010 - 3
CRE 21/04/2010 - 3

Votazzjonijiet :

PV 05/05/2010 - 13.45
Spjegazzjoni tal-votazzjoni

Testi adottati :

P7_TA(2010)0135

Testi adottati
PDF 184kDOC 127k
L-Erbgħa, 5 ta' Mejju 2010 - Brussell Verżjoni finali
Kwittanza 2008: is-Seba“, it-Tmien, id-Disa” u l-Għaxar Fond Ewropew għall-Iżvilupp (FEŻ)
P7_TA(2010)0135A7-0063/2010
Deċiżjoni
 Deċiżjoni
 Riżoluzzjoni

1.Deċiżjoni tal-Parlament Ewropew tal-5 ta“ Mejju 2010 dwar il-kwittanza fir-rigward tal-implimentazzjoni tal-baġit tas-Seba”, it-Tmien, id-Disa“ u l-Għaxar Fond Ewropew għall-Iżvilupp għas-sena finanzjarja 2008 (COM(2009)0397 – C7-0171/2009 – 2009/2077(DEC))

Il-Parlament Ewropew,

–   wara li kkunsidra r-rapport tal-Kummissjoni dwar is-segwitu tad-deċiżjonijiet ta“ kwittanza 2007 (COM(2009)0526) u l-anness tiegħu (SEC(2009)1427),

–   wara li kkunsidra r-rendikonti finanzjarji u l-kontijiet tad-dħul u tal-infiq tas-seba“, tat-tmien, tad-disa” u tal-għaxar Fond Ewropew għall-Iżvilupp għas-sena finanzjarja 2008 (COM(2009)0397 – C7-0171/2009),

–   wara li kkunsidra r-rapport dwar l-amministrazzjoni finanzjarja tas-seba“, tat-tmien, tad-disa” u tal-għaxar Fond Ewropew għall-Iżvilupp għas-sena finanzjarja 2008,

–   wara li kkunsidra l-informazzjoni finanzjarja dwar il-Fondi Ewropej għall-Iżvilupp (COM(2009)0310),

–   wara li kkunsidra r-rapport annwali tal-Qorti tal-Awdituri dwar l-attivitajiet li jaqgħu taħt is-seba“, it-tmien, id-disa” u l-għaxar Fond Ewropew għall-Iżvilupp għas-sena finanzjarja 2008, flimkien mat-tweġibiet tal-Kummissjoni(1) ,

–   wara li kkunsidra d-dikjarazzjoni ta“ assigurazzjoni dwar l-affidabilità tal-kontijiet kif ukoll il-legalità u r-regolarità tal-operazzjonijiet li jaqgħu taħthom, ipprovduta mill-Qorti tal-Awdituri skont l-Artikolu 248 tat-Trattat KE(2) ,

–   wara li kkunsidra r-rakkomandazzjonijiet tal-Kunsill tas-16 ta“ Frar 2010 dwar il-kwittanza li trid tingħata lill-Kummissjoni fir-rigward tal-implimentazzjoni tal-operazzjonijiet tal-Fondi Ewropej għall-Iżvilupp għas-sena finanzjarja 2008 ((5082/2010 – C7-0056/2010, 5084/2010 – C7-0057/2010, 5085/2010 – C7-0058/2010, 5086/2010 – C7-0059/2010),

–   wara li kkunsidra l-Ftehim ta“ Sħubija bejn il-membri tal-grupp tal-Istati tal-Afrika, tal-Karibew u tal-Paċifiku (AKP), minn naħa, u l-Komunità Ewropew u l-Istati Membri tagħha, min-naħa l-oħra, iffirmat f'Cotonou fit-23 ta” Ġunju 2000(3) u revedut fil-Lussemburgu fil-25 ta“ Ġunju 2005(4) ,

–   wara li kkunsidra d-Deċiżjoni tal-Kunsill 2001/822/KE tas-27 ta“ Novembru 2001 dwar l-assoċjazzjoni tal-pajjiżi u t-territorji lil hinn mill-baħar mal-Komunità Ewropea (Deċiżjoni dwar Assoċjazzjoni lil hinn mill-baħar)(5) , immodifikata bid-Deċiżjoni tal-Kunsill 2007/249/KE tad-19 ta“ Marzu 2007(6) ,

–   wara li kkunsidra l-Artikolu 33 tal-ftehim intern tal-20 ta“ Diċembru 1995 bejn ir-rappreżentanti tal-Gvernijiet tal-Istati Membri, li ltaqgħu fi ħdan il-Kunsill, dwar l-iffinanzjar u l-amministrazzjoni tal-għajnuna tal-Komunità taħt it-Tieni Protokoll Finanzjarju għar-raba” Konvenzjoni AKP-KE(7) ,

–   wara li kkunsidra l-Artikolu 32 tal-ftehim intern tat-18 ta“ Settembru 2000 bejn ir-rappreżentanti tal-Gvernijiet tal-Istati Membri, li ltaqgħu fi ħdan il-Kunsill, dwar l-Iffinanzjar u l-Amministrazzjoni tal-Għajnuna tal-Komunità permezz tal-Protokoll Finanzjarju għall-Ftehim ta” Sħubija bejn l-Istati Afrikani, tal-Karibew u tal-Paċifiku u l-Komunità Ewropea u l-Istati Membri tagħha, iffirmat f'Cotonou (Benin) fit-23 ta“ Ġunju 2000 u l-allokazzjoni tal-għajnuna finanzjarja għall-Pajjiżi u Territorji extra-Ewropej li dwarhom il-Parti Erbgħa tat-Trattat KE hija applikabbli(8) ,

–   wara li kkunsidra l-Artikolu 276 tat-Trattat KE u l-Artikolu 319 tat-Trattat FUE,

–   wara li kkunsidra l-Artikolu 74 tar-Regolament Finanzjarju tas-16 ta“ Ġunju 1998 applikabbli għall-koperazzjoni għall-finanzjament tal-iżvilupp skont ir-raba” Konvenzjoni ACP-KE(9) ,

–   wara li kkunsidra l-Artikolu 119 tar-Regolament Finanzjarju tas-27 ta“ Marzu 2003 applikabbli għad-disa” Fond Ewropew għall-Iżvilupp(10) ,

–   wara li kkunsidra l-Artikolu 142 tar-Regolament tal-Kunsill (KE) Nru 215/2008 tat-18 ta' Frar 2008 dwar ir-Regolament Finanzjarju applikabbli għall-10 Fond Ewropew għall-Iżvilupp(11) ,

–   wara li kkunsidra l-Artikoli 76 u 77, it-tielet inċiż, u l-Anness VI tar-Regoli ta“ Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għat-Trasport u t-Turiżmu (A7-0063/2010),

1.  Jagħti l-kwittanza lill-Kummissjoni dwar l-implimentazzjoni tal-baġit tas-seba“, tat-tmien, tad-disa” u tal-għaxar Fond Ewropew għall-Iżvilupp għas-sena finanzjarja 2008;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu sabiex jgħaddi din id-deċiżjoni, kif ukoll ir-riżoluzzjoni li hi parti integrali minnha lill-Kunsill, lill-Kummissjoni, lill-Qorti tal-Ġustizzja, lill-Qorti tal-Awdituri u lill-Bank Ewropew tal-Investiment, u biex jiżgura li tiġi ppubblikata f'Il-Ġurnal Uffiċjali tal-Unjoni Ewropea (serje L).

(1) ĠU C 269, 10.11.2009, p. 257.
(2) ĠU C 274, 13.11.2009, p. 235.
(3) ĠU L 317, 15.12.2000, p. 3.
(4) ĠU L 287, 28.10.2005, p. 4.
(5) ĠU L 314, 30.11.2001, p. 1, u ĠU L 324, 7.12.2001, p. 1.
(6) ĠU L 109, 26.4.2007, p. 33.
(7) ĠU L 156, 29.5.1998, p. 108.
(8) ĠU L 317, 15.12.2000, p. 355.
(9) ĠU L 191, 7.7.1998, p. 53.
(10) ĠU L 83, 1.4.2003, p. 1.
(11) ĠU L 78, 19.3.2008, p. 1.


2.Deċiżjoni tal-Parlament Ewropew tal-5 ta“ Mejju 2010 dwar l-għeluq tal-kontijiet għall-implimentazzjoni tal-baġit tas-Seba”, it-Tmien, id-Disa“ u l-Għaxar Fond Ewropew għall-Iżvilupp għas-sena finanzjarja 2008 (COM(2009)0397 – C7-0171/2009 – 2009/2077(DEC))

Il-Parlament Ewropew,

–   wara li kkunsidra r-rapport tal-Kummissjoni dwar is-segwitu tad-deċiżjonijiet ta“ kwittanza 2007 (COM(2009)0526) u l-anness tiegħu (SEC(2009)1427),

–   wara li kkunsidra r-rendikonti finanzjarji u l-kontijiet tad-dħul u tal-infiq tas-seba“, tat-tmien, tad-disa” u tal-għaxar Fond Ewropew għall-Iżvilupp għas-sena finanzjarja 2008 (COM(2009)0397 – C7-0171/2009),

–   wara li kkunsidra r-rapport dwar l-amministrazzjoni finanzjarja tas-seba“, tat-tmien, tad-disa” u tal-għaxar Fond Ewropew għall-Iżvilupp għas-sena finanzjarja 2008,

–   wara li kkunsidra l-informazzjoni finanzjarja dwar il-Fondi Ewropej għall-Iżvilupp (COM(2009)0310),

–   wara li kkunsidra r-rapport annwali tal-Qorti tal-Awdituri dwar l-attivitajiet li jaqgħu taħt is-seba“, it-tmien, id-disa” u l-għaxar Fond Ewropew għall-Iżvilupp għas-sena finanzjarja 2008, flimkien mat-tweġibiet tal-Kummissjoni(1) ,

–   wara li kkunsidra d-dikjarazzjoni ta“ assigurazzjoni dwar l-affidabilità tal-kontijiet kif ukoll il-legalità u r-regolarità tal-operazzjonijiet li jaqgħu taħthom, ipprovduta mill-Qorti tal-Awdituri skont l-Artikolu 248 tat-Trattat KE(2) ,

–   wara li kkunsidra r-rakkomandazzjonijiet tal-Kunsill tas-16 ta“ Frar 2010 dwar il-kwittanza li trid tingħata lill-Kummissjoni fir-rigward tal-implimentazzjoni tal-operazzjonijiet tal-Fondi Ewropej għall-Iżvilupp għas-sena finanzjarja 2008 ((5082/2010 – C7-0056/2010, 5084/2010 – C7-0057/2010, 5085/2010 – C7-0058/2010, 5086/2010 – C7-0059/2010),

–   wara li kkunsidra l-Ftehim ta“ Sħubija bejn il-membri tal-grupp tal-Istati tal-Afrika, tal-Karibew u tal-Paċifiku (AKP), minn naħa, u l-Komunità Ewropew u l-Istati Membri tagħha, min-naħa l-oħra, iffirmat f'Cotonou fit-23 ta” Ġunju 2000(3) u revedut fil-Lussemburgu fil-25 ta“ Ġunju 2005(4) ,

–   wara li kkunsidra d-Deċiżjoni tal-Kunsill 2001/822/KE tas-27 ta“ Novembru 2001 dwar l-assoċjazzjoni tal-pajjiżi u t-territorji lil hinn mill-baħar mal-Komunità Ewropea (Deċiżjoni dwar Assoċjazzjoni lil hinn mill-baħar)(5) , immodifikata bid-Deċiżjoni tal-Kunsill 2007/249/KE tad-19 ta“ Marzu 2007(6) ,

–   wara li kkunsidra l-Artikolu 33 tal-ftehim intern tal-20 ta“ Diċembru 1995 bejn ir-rappreżentanti tal-Gvernijiet tal-Istati Membri, li ltaqgħu fi ħdan il-Kunsill, dwar l-iffinanzjar u l-amministrazzjoni tal-għajnuna tal-Komunità taħt it-Tieni Protokoll Finanzjarju għar-raba” Konvenzjoni AKP-KE(7) ,

–   wara li kkunsidra l-Artikolu 32 tal-ftehim intern tat-18 ta“ Settembru 2000 bejn ir-rappreżentanti tal-Gvernijiet tal-Istati Membri, li ltaqgħu fi ħdan il-Kunsill, dwar l-Iffinanzjar u l-Amministrazzjoni tal-Għajnuna tal-Komunità permezz tal-Protokoll Finanzjarju għall-Ftehim ta” Sħubija bejn l-Istati Afrikani, tal-Karibew u tal-Paċifiku u l-Komunità Ewropea u l-Istati Membri tagħha, iffirmat f'Cotonou (Benin) fit-23 ta“ Ġunju 2000 u l-allokazzjoni tal-għajnuna finanzjarja għall-Pajjiżi u Territorji extra-Ewropej li dwarhom il-Parti Erbgħa tat-Trattat KE hija applikabbli(8) ,

–   wara li kkunsidra l-Artikolu 276 tat-Trattat KE u l-Artikolu 319 tat-Trattat FUE,

–   wara li kkunsidra l-Artikolu 74 tar-Regolament Finanzjarju tas-16 ta“ Ġunju 1998 applikabbli għall-koperazzjoni għall-finanzjament tal-iżvilupp skont ir-raba” Konvenzjoni ACP-KE(9) ,

–   wara li kkunsidra l-Artikolu 119 tar-Regolament Finanzjarju tas-27 ta“ Marzu 2003 applikabbli għad-disa” Fond Ewropew għall-Iżvilupp(10) ,

–   wara li kkunsidra l-Artikolu 142 tar-Regolament tal-Kunsill (KE) Nru 215/2008 tat-18 ta' Frar 2008 dwar ir-Regolament Finanzjarju applikabbli għall-10 Fond Ewropew għall-Iżvilupp(11) ,

–   wara li kkunsidra l-Artikoli 76 u 77, it-tielet inċiż, u l-Anness VI tar-Regoli ta“ Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għat-Trasport u t-Turiżmu (A7-0063/2010),

1.  Jinnota li l-kontijiet annwali definittivi tal-Awtorità Ewropea dwar is-Sigurtà fl-Ikel huma kif annessi mar-rapport tal-Qorti tal-Awdituri;

2.  Japprova l-għeluq tal-kontijiet għall-implimentazzjoni tal-baġit tas-seba“, tat-tmien, tad-disa” u tal-għaxar Fond Ewropew għall-Iżvilupp għas-sena finanzjarja 2008;

3.  Jagħti istruzzjonijiet lill-President tiegħu sabiex jgħaddi din id-deċiżjoni lill-Kunsill, lill-Kummissjoni, lill-Qorti tal-Ġustizzja, lill-Qorti tal-Awdituri u lill-Bank Ewropew tal-Investiment, u biex jiżgura li tiġi ppubblikata fil-Ġurnal Uffiċjali tal-Unjoni Ewropea (serje L).

(1) ĠU C 269, 10.11.2009, p. 257.
(2) ĠU C 274, 13.11.2009, p. 235.
(3) ĠU L 317, 15.12.2000, p. 3.
(4) ĠU L 287, 28.10.2005, p. 4.
(5) ĠU L 314, 30.11.2001, p. 1, u ĠU L 324, 7.12.2001, p. 1.
(6) ĠU L 109, 26.4.2007, p. 33.
(7) ĠU L 156, 29.5.1998, p. 108.
(8) ĠU L 317, 15.12.2000, p. 355.
(9) ĠU L 191, 7.7.1998, p. 53.
(10) ĠU L 83, 1.4.2003, p. 1.
(11) ĠU L 78, 19.3.2008, p. 1.


3.Riżoluzzjoni tal-Parlament Ewropew tal-5 ta“ Mejju 2010 li tinkludi l-osservazzjonijiet li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tas-Seba”, it-Tmien, id-Disa“ u l-Għaxar Fond Ewropew għall-Iżvilupp għas-sena finanzjarja 2008 (COM(2009)0397 – C7-0171/2009 – 2009/2077(DEC))

Il-Parlament Ewropew,

–   wara li kkunsidra r-rapport tal-Kummissjoni dwar is-segwitu tad-deċiżjonijiet ta“ kwittanza 2007 (COM(2009)0526) u l-anness tiegħu (SEC(2009)1427),

–   wara li kkunsidra r-rendikonti finanzjarji u l-kontijiet tad-dħul u tal-infiq tas-seba“, tat-tmien, tad-disa” u tal-għaxar Fond Ewropew għall-Iżvilupp għas-sena finanzjarja 2008 (COM(2009)0397 – C7-0171/2009),

–   wara li kkunsidra r-rapport dwar l-amministrazzjoni finanzjarja tas-seba“, tat-tmien, tad-disa” u tal-għaxar Fond Ewropew għall-Iżvilupp għas-sena finanzjarja 2008,

–   wara li kkunsidra l-informazzjoni finanzjarja dwar il-Fondi Ewropej għall-Iżvilupp (COM(2009)0310),

–   wara li kkunsidra r-rapport annwali tal-Qorti tal-Awdituri dwar l-attivitajiet li jaqgħu taħt is-seba“, it-tmien, id-disa” u l-għaxar Fond Ewropew għall-Iżvilupp għas-sena finanzjarja 2008, flimkien mat-tweġibiet tal-Kummissjoni(1) ,

–   wara li kkunsidra r-Rapport Speċjali tal-Qorti tal-Awdituri Nru 15/2009 dwar l-assistenza tal-UE implimentata permezz tal-organizzazzjonijiet tan-Nazzjonijiet Uniti,

–   wara li kkunsidra r-Rapport Speċjali tal-Qorti tal-Awdituri Nru 18/2009 dwar l-effikaċja tal-għajnuna tal-Fond Ewropew għall-Iżvilupp għall-integrazzjoni ekonomika reġjonali fl-Afrika tal-Lvant u fl-Afrika tal-Punent,

–   wara li kkunsidra d-dikjarazzjoni ta“ assigurazzjoni dwar l-affidabilità tal-kontijiet kif ukoll il-legalità u r-regolarità tal-operazzjonijiet li jaqgħu taħthom, ipprovduta mill-Qorti tal-Awdituri skont l-Artikolu 248 tat-Trattat KE(2) ,

–   wara li kkunsidra r-rakkomandazzjonijiet tal-Kunsill tas-16 ta“ Frar 2010 dwar il-kwittanza li trid tingħata lill-Kummissjoni fir-rigward tal-implimentazzjoni tal-operazzjonijiet tal-Fondi Ewropej għall-Iżvilupp għas-sena finanzjarja 2008 ((5082/2010 – C7-0056/2010, 5084/2010 – C7-0057/2010, 5085/2010 – C7-0058/2010, 5086/2010 – C7-0059/2010),

–  – wara li kkunsidra l-Ftehim ta“ Sħubija bejn il-membri tal-grupp tal-Istati tal-Afrika, tal-Karibew u tal-Paċifiku (AKP), minn naħa, u l-Komunità Ewropew u l-Istati Membri tagħha, min-naħa l-oħra, iffirmat f'Cotonou fit-23 ta” Ġunju 2000(3) u revedut fil-Lussemburgu fil-25 ta“ Ġunju 2005(4) ,

–   wara li kkunsidra d-Deċiżjoni tal-Kunsill 2001/822/KE tas-27 ta“ Novembru 2001 dwar l-assoċjazzjoni tal-pajjiżi u t-territorji lil hinn mill-baħar mal-Komunità Ewropea (Deċiżjoni dwar Assoċjazzjoni lil hinn mill-baħar)(5) , immodifikata bid-Deċiżjoni tal-Kunsill 2007/249/KE tad-19 ta“ Marzu 2007(6) ,

–   wara li kkunsidra l-Artikolu 33 tal-ftehim intern tal-20 ta“ Diċembru 1995 bejn ir-rappreżentanti tal-Gvernijiet tal-Istati Membri, li ltaqgħu fi ħdan il-Kunsill, dwar l-iffinanzjar u l-amministrazzjoni tal-għajnuna tal-Komunità taħt it-Tieni Protokoll Finanzjarju għar-raba” Konvenzjoni AKP-KE(7) ,

–   wara li kkunsidra l-Artikolu 32 tal-ftehim intern tat-18 ta“ Settembru 2000 bejn ir-rappreżentanti tal-Gvernijiet tal-Istati Membri, li ltaqgħu fi ħdan il-Kunsill, dwar l-Iffinanzjar u l-Amministrazzjoni tal-Għajnuna tal-Komunità permezz tal-Protokoll Finanzjarju għall-Ftehim ta” Sħubija bejn l-Istati Afrikani, tal-Karibew u tal-Paċifiku u l-Komunità Ewropea u l-Istati Membri tagħha, iffirmat f'Cotonou (Benin) fit-23 ta“ Ġunju 2000 u l-allokazzjoni tal-għajnuna finanzjarja għall-Pajjiżi u Territorji extra-Ewropej li dwarhom il-Parti Erbgħa tat-Trattat KE hija applikabbli(8) ,

–   wara li kkunsidra l-Artikolu 276 tat-Trattat KE u l-Artikolu 319 tat-Trattat FUE,

–   wara li kkunsidra l-Artikolu 74 tar-Regolament Finanzjarju tas-16 ta“ Ġunju 1998 applikabbli għall-koperazzjoni għall-finanzjament tal-iżvilupp skont ir-raba” Konvenzjoni ACP-KE(9) ,

–   wara li kkunsidra l-Artikolu 119 tar-Regolament Finanzjarju tas-27 ta“ Marzu 2003 applikabbli għad-disa” Fond Ewropew għall-Iżvilupp(10) ,

–   wara li kkunsidra l-Artikolu 142 tar-Regolament tal-Kunsill (KE) Nru 215/2008 tat-18 ta' Frar 2008 dwar ir-Regolament Finanzjarju applikabbli għall-10 Fond Ewropew għall-Iżvilupp(11) ,

–   wara li kkunsidra l-Artikoli 76 u 77, it-tielet inċiż, u l-Anness VI tar-Regoli ta“ Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għat-Trasport u t-Turiżmu (A7-0063/2010),

A.   billi l-Fond Ewropew għall-Iżvilupp (FEŻ) huwa l-ikbar strument finanzjarju tal-Unjoni fil-qasam tal-kooperazzjoni għall-iżvilupp mal-Istati Afrikani, tal-Karibew u tal-Paċifiku (AKP),

B.   billi l-ammont totali tal-għajnuna li tgħaddi mill-FEŻ se jikber b'mod konsiderevoli fis-snin li ġejjin, peress li l-ammont tal-għajnuna tal-Unjoni skont l-għaxar FEŻ għall-perjodu 2008-2013 ġie ffissat għal EUR 22 682 000 000, jiġifieri żieda ta“ 64 % meta mqabbel mad-disa” FEŻ,

C.   billi l-appoġġ baġitarju huwa strument ta“ għajnuna li l-kontroll parlamentari tiegħu għandu jitwettaq skont mudell ġdid, billi minn kontroll tad-dħul isir kontroll tar-riżultati u tal-ħruġ,

D.   billi josserva li, minkejja t-talbiet ripetuti tiegħu sabiex dan jiġi bbaġitjat, il-FEŻ bħalissa għadhom mhux integrati fil-baġit ġenerali tal-Unjoni Ewropea u lanqas mhuma koperti mir-Regolament Finanzjarju, imma dawn jiġu implimentati skont regoli finanzjarji speċifiċi,

E.   billi hu determinat li jkompli jsaħħaħ il-kapaċitajiet tiegħu ta“ kontroll sabiex jaqdi mill-aħjar li jista” l-obbligi li għandu bħala awtorità ta“ kwittanza,

1.  Jilqa“ l-implimentazzjoni tat-Trattat ta” Lisbona, b'mod partikolari l-ħolqien ta“ post ta” Rappreżentant Għoli tal-Unjoni għall-Affarijiet Barranin u l-Politika ta“ Sigurtà u l-ħolqien tas-Servizz Ewropew għall-Azzjoni Esterna (SEAE); jesprimi t-tħassib tiegħu li l-ġestjoni frammentata tal-għajnuna Ewropea tista” taffettwa l-effiċjenza tagħha, u jissottolinja li t-titjib fl-aħjar ġestjoni tal-FEŻ għandu jinżamm u m'għandux iġarrab ibblokkar; jitlob lill-Kummissjoni biex tagħtih deskrizzjoni u spjegazzjoni ddettaljata dwar l-iffunzjonar tas-sistema l-ġdida;

2.  Ifakkar u jappoġġja l-impenn meħud mill-Kummissjoni tintegra b'mod sħiħ il-FEŻ fil-baġit tal-Unjoni fl-okkażjoni tad-dibattiti tagħha dwar il-qafas finanzjarju li jmiss; itenni t-talba tiegħu lill-Kummissjoni biex tinforma bis-sħiħ lill-Kumitat tal-Kontroll tal-Baġit dwar il-preparamenti għal din l-inizjattiva; hu tal-fehma li bbaġitjar ta“ dan it-tip jagħmilha possibbli li jissaħħu l-koerenza, it-trasparenza, l-effikaċja u s-sistema ta” kontroll tal-FEŻ;

3.  Jitlob li jinżamm infurmat dwar ir-reviżjoni ta“ nofs it-terminu prevista għall-2010 għall-għaxar FEŻ u jinsisti li l-programmazzjoni konġunta għandha tissaħħaħ b'mod effettiv sabiex jinkisbu konċentrazzjoni ikbar u koordinazzjoni u tqassim aħjar tal-ħidma; hu tal-fehma li l-istrateġija tal-implimentazzjoni tal-għaxar FEŻ għandha tkun iċċentrata fuq numru limitat ta” setturi, mingħajr ma jiġu esklużi l-organizzazzjonijiet mhux governattivi, li huma effikaċji f'livell lokali u huma ta“ importanza kruċjali għall-iżvilupp sostenibbli, sabiex ikunu evitati l-effetti negattivi tal-proliferazzjoni tal-objettivi; f'dan il-kuntest jitlob biex jiġi kkunsidrat jekk l-amministrazzjoni mill-NGOs hijiex fil-fatt attwalment aktar effiċjenti u irħas milli kellu jkun il-każ mill-Kummissjoni;

4.  Itenni l-istedina tiegħu lill-Kummissjoni biex, fl-istadju tal-aġġustament tal-istrateġija ta“ kontroll tagħha, tidentifika l-livell massimu li, jekk jinqabeż, in-nuqqas ta” riżultati u spiża tal-kontroll iwasslu għal bidla fl-orjentazzjoni; Jistenna li, f'dan il-kuntest, jirċievi r-rapport tal-Kummissjoni dwar ir-riżultati tal-istudji fil-qasam tar-riskju tollerabbli f'paragun mal-effikaċja tal-ispiża fil-qasam tal-azzjoni esterna, kif ukoll r-reviżjoni tal-istrateġija ta“ kontroll tal-EuropeAid fi żmien xieraq għas-sena finanzjarja 2009;

Id-dikjarazzjoni ta“ assigurazzjoni

5.  Jinnota li l-Qorti tal-Awdituri (minn hawn “il quddiem ”il-Qorti“) hi tal-fehma li l-kontijiet jippreżentaw xbiha fidila tad-dħul u l-infiq tas-seba”, tat-tmien, tad-disa“ u tal-għaxar FEŻ, minbarra l-problema tal-metodu tal-Kummissjoni biex tistma d-disponibilità għall-ispejjeż imġarrba; iħeġġeġ lill-Kummissjoni biex tirfina l-metodu tagħha fix-xhur li ġejjin għas-sena finanzjarja ta” kwittanza 2009;

L-operazzjonijiet li jaqgħu taħt il-kontijiet

6.  Jinnota li, skont il-Qorti, id-dħul u l-impenji huma eżenti minn żbalji sinifikanti; jinsab, madankollu, inkwetat dwar il-livell għoli ta“ żbalji mhux kwantifikabbli li kellhom effett fuq l-impenji relatati mal-appoġġ baġitarju u dwar il-livell sinifikanti ta” żbalji stmati fil-ħlasijiet;

7.  Jiddispjaċih mill-fatt li jqis inaċċettabbli li l-Qorti ma setgħetx tikseb l-informazzjoni u d-dokumentazzjoni kollha meħtieġa dwar għaxar ħlasijiet li saru favur organizzazzjonijiet internazzjonali u li, bħala konsegwenza, din ma tistax tesprimi opinjoni dwar ir-regolarità tal-infiq li jitla“ għal EUR 190 000 000, jiġifieri 6.7% mill-ispejjeż annwali;

8.  Jitlob lill-Kummissjoni biex tintervjeni ma“ dawn l-organizzazzjonijiet internazzjonali b'insistenza biżżejjed u biex tistabbilixxi kalendarju ad hoc li jiggarantixxi li t-talbiet għal informazzjoni jiġu trattati fil-ħin, sabiex jiġu appoġġjati t-talbiet għal informazzjoni jew dokumentazzjoni tal-Qorti u jiġi rispettat il-ftehim finanzjarju u amministrattiv qafas;

L-implimentazzjoni finanzjarja

9.  Jinnota b'sodisfazzjon li s-seba“ FEŻ ingħalaq fil-31 ta” Awwissu 2008 u li EUR 10 381 000 000 tħallsu, jiġifieri 98.3% mill-EUR 10 559 000 000 allokati; jinnota li l-bilanċ (EUR 178 000 000) ġie trasferit għad-disa“ FEŻ;

10.  Jinnota li l-għaxar FEŻ (għall-perjodu 2008-2013, ta“ ammont totali ta” EUR 22 686 000 000) daħal fis-seħħ fl-1 ta“ Lulju 2008 u jilqa” l-implimentazzjoni rapida tal-għaxar FEŻ u r-rendiment ġeneralment tajjeb tal-Kummissjoni, kemm fil-livell tal-impenji u tal-ħlasijiet, kif ukoll fil-livell tal-ġestjoni tal-ammonti li għad irid jiġu likwidati; jinkoraġġixxi lill-Kummissjoni biex tkompli l-isforzi tagħha fid-dawl li tillikwida l-bqija tal-ħlasijiet antiki u rieqda;

Il-ġestjoni finanzjarja tal-FEŻ mill-Kummissjoni

11.  Jifraħ dwar il-fatt li, skont il-fehma tal-Qorti, ir-rapport tal-Kummissjoni dwar il-ġestjoni finanzjarja tas-seba“, tat-tmien, tad-disa” u tal-għaxar FEŻ għas-sena finanzjarja 2008 “jippreżenta deskrizzjoni preċiża tal-kisba tal-objettivi operattivi tal-Kummissjoni għas-sena finanzjarja (...), tas-sitwazzjoni finanzjarja u tal-ġrajjiet li kellhom influwenza kbira fuq l-attivitajiet li twettqu fl-2008” (il-punt 8 tar-Rapport Annwali dwar il-FEŻ)(12) ;

L-affidabbiltà tal-kontijiet

12.  Josserva li, b'konformità mad-dispożizzjonijiet tal-Artikoli 1 u 103(3) tar-Regolment Finanzjarju tas-27 ta“ Marzu 2003 applikabbli għad-disa” FEŻ u l-Artikoli 2, 3, 4 u 125(3) tar-Regolament (KE) Nru 215/2008, id-dikjarazzjoni ta“ assigurazzjoni ma tkoprix il-parti tar-riżorsi tad-disa” u l-għaxar FEŻ li huma ġestiti mill-Bank Ewropew għall-Investiment (BEI) (iktar minn EUR 3 500 000 000)1; hu tal-fehma li dawn ir-riżorsi ġestiti mill-BEI għandhom ikunu koperti wkoll mid-dikjarazzjoni ta“ assigurazzjoni(13) ; hu tal-fehma li dawn ir-riżorsi mhux koperti mid-dikjarazzjoni ta“ assigurazzjoni għandhom ikunu suġġetti b'mod regolari għal rapport tal-BEI;

13.  Jifraħ li l-Qorti tqis li l-kontijiet annwali finali tas-seba“, tat-tmien, tad-disa” u tal-għaxar FEŻ jippreżentaw b'mod leali, fl-aspetti sinifikanti tagħhom kollha, is-sitwazzjoni finanzjarja tal-FEŻ fil-31 ta“ Diċembru 2008;

14.  Jinnota b'sodisfazzjon li s-sistema l-ġdida informatika ta“ kontabilità li qed tintuża adattata għall-FEŻ (ABAC FED) setgħet tiġi applikata fi Frar 2009;

Il-ġestjoni u l-ħlasijiet relatati mal-proġetti

15.  Jilqa“ l-livelli rekord ta” impenji li ntlaħqu fl-2008 u l-implimentazzjoni f'waqtha tal-Għaxar Fond Ewropew għall-Iżvilupp; jenfasizza li l-implimentazzjoni m'għandhiex titħaffef b'detriment għall-kwalità tal-operazzjonijiet iffinanzjati;

16.  Jinnota b'sodisfazzjon li l-Qorti sabet li l-avvanzi ġew eżenti minn żbalji sinifikanti; jiddeplora, madankollu, li l-Qorti sabet livell sinifikanti ta“ żball li jolqot l-ammont ta” pagamenti nnotati;

17.  Jista“ jaċċetta l-argument li parti mill-iżbalji, dawk marbuta mar-realtà tal-ispejjeż (in-nuqqas ta” rċevuti jew dokumenti ġustifikattivi oħra) fl-Angola tista“ tiġi spjegata permezz tal-kundizzjonijiet partikolarment diffiċli f'dan il-pajjiż verifikat mill-Qorti; jissottolinja, madankollu, li 47 % mill-iżbalji kwantifikabbli huma marbuta mal-eliġibilità tal-ispejjeż u jistieden, konsegwentement, lill-Kummissjoni biex ittejjeb is-sistema tagħha ta” kontroll sabiex tnaqqas l-iżbalji(14) ; jiġbed l-attenzjoni, f'dan il-kuntest, lill-Kummissjoni dwar ir-rakkomandazzjoni tal-Qorti li jkun jaqbel li jittejbu l-kontrolli ex-ante billi jkun hemm iktar enfasi fuq ir-riskji prinċipali;

18.  Jitlob lill-Kummissjoni biex, waqt ir-reviżjoni tar-Regolament Finanzjarju, tidentifika l-problemi eventwali tal-proċedura li kellha tħabbat wiċċha magħhom f'sitwazzjonijiet ta“ kriżi, b'mod speċjali meta tqis il-finanzjament tal-miżuri ta” emerġenza mill-Istati Membri, u biex tippreżenta proċedura ta“ kontroll effikaċji u li jkollha l-flessibilità neċessarja biex ma tagħmilx ħsara lit-trasferiment tal-fondi, u biex tiġi żgurata t-trasparenza tal-proġetti mwettqa;

Ir-rapport annwali dwar l-attività

19.  Jilqa“ r-rimarki tal-Qorti li l-kwalità tar-rapport annwali dwar l-attività tjieb b'mod sensibbli u jifraħ lill-Kummissjoni b'mod partikolari dwar l-użu l-iktar frekwenti tal-indikaturi kwantitattivi(15) ;

Il-kontroll tal-organizzazzjonijiet implimentattivi

20.  Jikkritika l-fatt li bħalma ġara fi snin imgħoddija, hemm dgħufijiet kbar fil-proċeduri finanzjarji u tal-kontrolli mwettqa mill-organizzazzjonijiet implimentattivi, mis-sorveljaturi u mill-uffiċjali awtorizzanti nazzjonali japprezza, madankollu, l-isforzi tal-EuropeAid u tad-delegazzjonijiet b'mod partikolari bil-għan li jtaffu dawk id-dgħufijiet; iħeġġeġ biex dawn l-isforzi jissaħħu fil-ġejjieni, u jistenna li t-titjib futur mistenni fil-Verifika CRIS jagħmilha possibbli li jinkiseb riżultat aħjar;

21.   Jenfasizza li d-demokrazija u d-dritt li n-nies jgħixu f'kondizzjonijiet fejn id-drittijiet tal-bniedem ma jkunux miksura, għandhom ikunu għanijiet ta“ integrazzjoni tal-organizzazzjonijiet implimentattivi f'dawk il-pajjiżi fejn titqassam l-għajnuna mill-Fond Ewropew għall-Iżvilupp;

L-appoġġ baġitarju

22.  Jirrimarka ż-żieda kbira, fid-deċiżjonijiet kumulati ta“ finanzjament, min-naħa tal-appoġġ baġitarju u tal-aġġustament strutturali għall-għaxar FEŻ (iktar minn 45 %) f'relazzjoni mat-tmien u mad-disa” FEŻ (madwar 15 %)(16) ;

23.  Jiddeplora li l-verifika tal-Qorti sabet li l-impenji u l-ħlasijiet relatati mal-appoġġ baġitarju kienu milquta minn livell għoli ta“ żbalji mhux kwantifikabbli; iħeġġeġ lill-Kummissjoni tevalwa dawk il-ħlasijiet b'iktar reqqa u tkompli tissimplifika l-ħruġ tagħhom; jinnota b'sodisfazzjon, f'dan il-kuntest, ir-reviżjoni taċ-ċirkwiti finanzjarji għal dawn il-ħlasijiet li saret fi Frar 2009;

24.  Jinnota b'sodisfazzjon t-titjib f'dak li jikkonċerna ċ-ċarezza u l-istruttura tal-evalwazzjonijiet li saru mill-Kummissjoni dwar l-osservanza tad-dispożizzjonijiet tal-Ftehim ta“ Cotonou; jiddeplora, madankollu, li l-Qorti reġgħet sabet numru ta” każi fejn il-Kummissjoni naqset li turi b'mod strutturat u formalizzat biżżejjed li l-ġestjoni tal-finanzi pubbliċi tal-pajjiżi benefiċjarji kienu trasparenti, affidabbli u effikaċji biżżejjed jew, għall-inqas, li dawk il-pajjiżi kellhom programm ta“ riforma kredibbli u relevanti f'dan is-sens;

25.  Jaqbel mal-Qorti meta jistmaw li l-Kummissjoni għandha tkompli bl-isforzi tagħha biex tiġġustifika b'mod xieraq id-deċiżjonijiet tagħha dwar l-eleġibilità tal-appoġġ baġitarju u għandha tagħmel li tista“ biex l-konvenzjonijiet kollha ta” finanzjament jikkostitwixxu qafas ta“ referenza komplut u ċar li jagħmilha possibbli li tiġi evalwata l-osservanza tal-kundizzjonijiet ta” ħlas(17) ; jistenna li jirċievi informazzjoni dwar ir-riżultat tar-reviżjoni tal-linji gwida mwiegħda mill-Kummissjoni għall-aħħar tal-2009;

26.  Iħeġġeġ lill-Kummissjoni biex tgħin lill-pajjiżi msieħba biex jiżviluppaw kapaċitajiet ta“ kontroll parlamentari u verifiki u biex jinvolvu lill-parlamenti, kif ukoll lis-soċjetà ċivili, fit-tfassil tal-istrateġiji nazzjonali tagħhom għall-iżvilupp;

27.  Ifakkar, kif kien diġà ssottolinja fil-paragrafu 79 tar-Riżoluzzjoni tat-23 ta“ April 2009 li tinkludi l-osservazzjonijiet li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tas-Seba”, it-Tmien u d-Disa“ Fondi Ewropej għall-Iżvilupp għas-sena finanzjarja 2007(18) (minn hawn “il quddiem imsejħa ”r-Riżoluzzjoni tat-23 ta“ April 2009”), li l-irwol tiegħu fil-qasam tal-appoġġ baġitarju jikkonsisti f'li jżomm il-Kummissjoni responsabbli għar-riżultati tal-ispejjeż u li l-appoġġ baġitarju hu strument ta“ għajnuna li l-kontroll tiegħu għandu jitwettaq skont mudell ġdid ta” referenza, billi minn kontroll tad-dħul isir kontroll tar-riżultati skont indikaturi li b'hekk jiggarantixxu li l-krediti ta“ għajnuna jkunu ta” vantaġġ għall-popolazzjoni tal-pajjiż benefiċjarju;

28.  Itenni t-talba tiegħu lill-Kummissjoni sabiex jiġu identifikati, bl-iktar mod rigoruż possibbli, il-pajjiżi fejn hemm il-problemi fil-qasam tal-appoġġ baġitarju u li għalihom l-attenzjoni tal-Parlament tista“ tkun utli sabiex titjieb ir-responsabilità tad-donaturi(19) flimkien mal-linji gwida (“special guidance on how to manage budget support operations in countries in the situation of fragility”) imwiegħda fit-tweġibiet tal-Kummissjoni tat-2 ta“ Diċembru 2009 għall-mistoqsijiet bil-miktub tal-Kumitat għall-Kontroll tal-Baġit li saru lill-Kummissarju Karel De Gucht;

29.  Itenni l-istedina tiegħu lill-Qorti biex tinformah dwar il-kwalità tal-evalwazzjoni u tal-ġestjoni tar-riskji żgurati mill-Kummissjoni u japprezza kieku jkun hemm iktar verifiki tar-rendiment li jevalwaw ir-riżultati tal-ispejjeż dedikati għall-iżvilupp fit-totalità tagħhom u b'mod iktar partikolari tal-appoġġ baġitarju(20) ;

30.   Jistieden lill-Kummissjoni tiżgura li l-appoġġ għall-baġit jiġi ridott jew ikkanċellat meta ma jintlaħqux miri ċari;

Id-dikjarazzjoni pubblika tal-Istati benefiċjarji

31.  Jikkonferma l-konvinzjoni tiegħu li l-għajnuna għall-iżvilupp b'mod ġenerali u l-appoġġ baġitarju b'mod partikolari għandhom ukoll jiddependu minn dikjarazzjoni pubblika ex ante li ssir mill-gvern tal-pajjiżi benefiċjarji u ffirmata mill-ministri tal-finanzji, bħad-dikjarazzjonijiet ta“ ġestjoni nazzjonali, dwar il-problemi li jeffettwaw l-istruttura tal-governanza u tar-responsabilità ta” kull pajjiż benefiċjarju; ma jaċċettax l-argument tal-Kummissjoni li l-informazzjoni dwar il-governanza miksuba permezz ta“ eżamijiet mwettqa b'kooperazzjoni ma” partijiet oħra u ma“ partijiet interessati oħra hija biżżejjed;

32.  Itenni t-talba tiegħu lill-Kummissjoni biex tieħu l-inizjattiva u tippreżenta proposta f'dan is-sens lil donaturi internazzjonali oħra, b'mod partikolari lill-Bank Dinji, sabiex iħejju u japplikaw strument bħal dan bi qbil ma“ donaturi oħra; jistenna li jkun informat dwar il-kalendarju li jista” jiġi previst għal dawn in-negozjati;

Riżorsi umani

33.  Hu mħasseb ħafna dwar ir-riskju li tintilef il-memorja istituzzjonali minħabba l-problemi kbar ta“ persunal (rotazzjoni kbira ħafna, livell għoli ħafna jew ż-żieda ta” postijiet ta“ xogħol) imsemmija fir-rapport annwali(21) dwar l-attività tal-EuropeAid u hu inkwetat dwar il-fatt li n-numru ta“ aġenti tal-EuropeAid kompla jonqos meta mqabbel mal-krediti impenjati;

34.  Itenni t-tħassib tiegħu li bin-nuqqas ta“ persunal, tqassim mhux adegwat tal-agenti jew in-nuqqas ta” kwalifiki u ta“ għarfien speċifiku hemm riskju ta” riperkussjonijiet fuq l-effikaċja tal-azzjonijiet, il-kwalità tal-kontrolli, il-verifiki u s-segwitu(22) ;

35.  Jappoġġa l-intenzjoni espressa mill-Kummissjoni li timpjega aġenti esterni addizzjonali sabiex issaħħaħ il-persunal fis-sede u fid-delegazzjonijiet għas-sistema ta“ ġestjoni u ta” kontroll tal-FEŻ; jemmen li tisħiħ ta“ dan it-tip tal-persunal ikun daqstant neċessarju jekk l-impenji skont l-għaxar FEŻ jiżdiedu b'mod sostanzjali;

Kummenti dwar il-konklużjonijiet u r-rakkomandazzjonijiet tal-Qorti tal-Awdituri

36.  Jinnota b'sodisfazzjon li l-Qorti rrikonoxxiet l-isforzi li saru mill-EuropeAid biex ittejjeb b'mod sensibbli s-sistemi tagħha ta“ kontroll u ta” sorveljanza; jappoġġja lill-Kummissjoni fid-determinazzjoni tagħha li tkompli ttejjeb l-istruttura tas-sistemi ta“ kontroll;

37.  Jaqbel bis-sħiħ mar-rakkomandazzjonijiet tal-Qorti li saru fil-punti 55(a) sa (f) u 56(a) sa (b) tar-Rapport Annwali dwar il-FEŻ;

38.  Jiġbed l-attenzjoni b'mod partikolari, fl-istennija ta“ soluzzjonijiet għan-nuqqas ta” riżorsi umani, dwar ir-rakkomandazzjoni tal-Qorti fir-rigward tal-ħtieġa li l-Kummissjoni teżamina r-riskji b'mod strutturat u li tevalwa r-riżorsi disponibbli meta tistabbilixxi programmi ta“ verifika annwali kif ukoll li ssegwi mill-qrib l-implimentazzjoni ta” dawn tal-aħħar matul is-sena kollha;

39.   ifakkar li r-Rapport Speċjali tal-Qorti tal-Awdituri Nru 18/2009, ħalla barra l-effikaċja tal-għajnuna tal-Fond Ewropew għall-Iżvilupp għall-integrazzjoni ekonomika reġjonali fl-Afrika tal-Lvant u fl-Afrika tal-Punent, li jirrappreżentaw porzjon sinifikanti – jiġifieri, aktar minn 50 % – tal-fondi għall-programmi reġjonali tal-Fond Ewropew għall-Iżvilupp, u qies li huma biss effikaċi b'mod parzjali; jistieden lill-Kummissjoni biex tqis il-miżuri proposti mill-Qorti, b'mod partikolari, rigward il-koordinazzjoni u l-konsultazzjoni ma“ organizzazzjonijiet reġjonali, li jiżguraw persunal biżżejjed, il-koordinazzjoni ta” strateġiji reġjonali u nazzjonali, flimkien ma“ kjarifika preċiża tar-rwoli, tar-responsabbiltajiet u tal-objettivi;

Prijoritajiet tal-iżvilupp u viżibilità

40.  Jitlob li l-valur ta“ referenza tal-Istrument ta” Finanzjament tal-Kooperazzjoni għall-Iżvilupp li jalloka 20% tal-infiq għall-edukazzjoni bażika u sekondarja u għas-saħħa bażika jsir japplika wkoll għall-Fond Ewropew għall-Iżvilupp; iħeġġeġ lill-Kummissjoni biex tqiegħed aktar enfasi fuq is-saħħa materna, peress li dan hu l-Għan ta“ Żvilupp tal-Millennju li l-progress għalih kien l-aktar diżappuntanti; iħeġġeġ lill-Kummissjoni biex tiżgura viżibilità aħjar għall-attivitajiet iffinanzjati mill-UE lil hinn minn xtutha.

41.  Itenni l-appoġġ tiegħu għall-baġitizzazzjoni tal-Fond Ewropew għall-Iżvilupp, bħala mod kif l-infiq isir aktar demokratiku, aktar responsabbli u aktar trasparenti;

Il-faċilità ta“ investiment

42.  Jinnota li l-BEI jiġġestixxi l-Faċilità ta“ Investiment, jiġifieri strument b'riskju ffinanzjat mill-FEŻ biex jinkoraġġixxi l-investiment privat fil-kuntest ekonomiku u politiku diffiċli tal-pajjiżi tal-AKP; ifakkar fl-osservazzjonijiet tiegħu tar-Riżoluzzjoijiet tat-22 ta” April 2008(23) u tat-23 ta“ April 2009 li jakkumpanjaw id-deċiżjonijiet tiegħu dwar il-kwittanza għall-implimentazzjoni tal-baġit tal-FED għas-snin finanzjarji 2006 u 2007, fejn esprima t-tħassib tiegħu fir-rigward tal-fatt li l-ġestjoni tal-faċilità ta” investiment għall-BEI kienet eskluża mill-proċedura ta“ kwittanza; ifakkar, barra minn hekk, li r-riżorsi tal-FEŻ ingħatawlu mill-kontribwenti Ewropej u mhux mis-swieq finanzjarji;

43.  Jiddispjaċih, bħall-Qorti fl-Opinjoni Nru 9/2007 tagħha dwar il-proposta għal regolament tal-Kunsill dwar ir-Regolament Finanzjarju applikabbli għall-għaxar Fond Ewropew għall-Iżvilupp, dwar il-ħolqien ta“ żewġ oqsma differenti ta” ġestjoni, ħaġa li tillimita l-kamp kopert mill-kwittanza, toħloq bżonnijiet ġodda ta“ koordinazzjoni bejn il-Kummissjoni u l-BEI kif ukoll tagħmilha diffiċli li tinkiseb ħarsa globali tar-riżultati miksuba;

44.  Josserva li r-rapport annwali tal-BEI dwar il-faċilità ta“ investiment prinċipalment fih informazzjoni finanzjarja imma ftit, jew xejn, informazzjoni dwar ir-riżultati miksuba mill-programmi differenti ffinanzjati;

45.   Ifakkar li, fil-paragrafu 24 tar-riżoluzzjoni msemmija aktar “il fuq tat-22 ta” April 2008, issuġġerixxa li, matul il-proċedura ta“ kwittanza, il-BIE jippreżenta r-rapport annwali għall-implimentazzjoni tal-Faċilità tal-Investiment immedjatament jipproponi, f'dan ir-rigward, li l-Kumitat dwar il-Kontroll tal-Baġit jistieden lill-President tal-BEI kemm jista” jkun malajr biex jiddiskuti din il-possibbiltà;

46.  Itenni l-istedina tiegħu lill-BEI li saret fir-Riżoluzzjoni tat-23 ta“ April 2009 biex jiffoka r-rapport tiegħu fuq ir-riżultati u biex jippreżenta informazzjoni kompluta, relevanti u oġġettiva dwar ir-riżultati, l-objettivi ffissati, l-objettivi milħuqa u l-kawżi tan-nuqqasijiet eventwali, kif ukoll l-evalwazzjonijiet imwettqa u sintesi tar-riżultati tal-evalwazzjonijiet;

o
o   o

47.  Jitlob lill-Kummissjoni informazzjoni iktar kompluta minn dik li hemm fis-segwitu tar-Riżoluzzjoni tat-23 ta“ April 2009 dwar il-proċeduri speċifiċi li stabbilixxiet mal-BEI biex tikkoordina l-isforzi ta” dawn iż-żewġ istituzzjonijiet bil-għan li jintlaħqu l-objettivi tal-Unjoni fil-qasam tal-iżvilupp, kif ukoll tal-effikaċja ta“ dawn il-proċeduri.

(1) ĠU C 269, 10.11.2009, p. 257.
(2) ĠU C 274, 13.11.2009, p. 235.
(3) OJ L 317, 15.12.2000, p. 3.
(4) ĠU L 287, 28.10.2005, p. 4.
(5) ĠU L 314, 30.11.2001, p. 1, u ĠU L 324, 7.12.2001, p. 1.
(6) ĠU L 109, 26.4.2007, p. 33.
(7) ĠU L 156, 29.5.1998, p. 108.
(8) ĠU L 317, 15.12.2000, p. 355.
(9) ĠU L 191, 7.7.1998, p. 53.
(10) ĠU L 83, 1.4.2003, p. 1.
(11) ĠU L 78, 19.3.2008, p. 1.
(12) Ara r-Rapport Annwali dwar il-FEŻ 2008 tal-Qorti, il-punt 8.
(13) Ara r-Rapport Annwali dwar il-FEŻ 2008 tal-Qorti, il-punt 2.
(14) Ara r-Rapport Annwali dwar il-FEŻ 2008 tal-Qorti, il-punt 22.
(15) Ara r-Rapport Annwali dwar il-FEŻ 2008 tal-Qorti, il-punt 29.
(16) Ara r-Rapport Annwali dwar il-FEŻ 2008 tal-Qorti, tabella II, il-punt 266.
(17) Ara r-Rapport Annwali dwar il-FEŻ 2008 tal-Qorti, il-punt 56.
(18) ĠU L 255, 26.9.2009, p. 98.
(19) Ara l-paragrafu 43 tar-riżoluzzjoni tat-23 ta” April 2009.
(20) Ara l-paragrafu 53 tar-riżoluzzjoni tat-23 ta“ April 2009.
(21) Ara r-Rapport Annwali dwar il-FEŻ 2008 tal-Qorti, il-punt 30.
(22) Ara l-paragrafu 61 tar-riżoluzzjoni tat-23 ta“ April 2009.
(23) ĠU L 88, 31.3.2009, p. 253.

Aġġornata l-aħħar: 11 ta' Frar 2011Avviż legali