[KEY NOT FOUND : wai.to_content]
 

Seomra Tionóil Pharlaimint na hEorpa

Croílár dhaonlathas na hEorpa.
 

Is in Strasbourg atá suí oifigiúil Pharlaimint na hEorpa. Is slí iontach í cuairt a thabhairt ar a Seomra Tionóil chun atmaisféar na parlaiminte trasnáisiúnta is mó ar domhan a thógáil isteach agus chun faisnéis a fháil faoina cumhachtaí agus faoina ról.

Tá spás sa seomra tionóil do gach duine de 751 Fheisire de Pharlaimint na hEorpa. Le linn na seisiún iomlánach, úsáidtear é do dhíospóireachtaí is mó agus is tábhachtaí na Parlaiminte, ina gcuirtear suíomh ar fáil do mhórán vótaí tábhachtacha. Déantar ateangaireacht ar na seisiúin iomlánacha go 24 theanga oifigiúla uile an Aontais Eorpaigh. Eagraítear cuairteanna do dhaoine aonair agus do ghrúpaí araon, saor in aisce.

 

CUAIRTEOIRÍ AONAIR

European Parliament - Visitors in the hemicycle

LE LINN SHEACHTAINÍ NA SEISIÚN IOMLÁNACH

Le linn na seisiún iomlánach, bíonn líon teoranta áiteanna ar fáil do chuairteoirí aonair chun an seisiún a leanúint ar feadh uair an chloig. Braitheann iontráil ar líon na n-áiteanna a bheidh ar fáil. Is gá doiciméad aitheantais a bheith agat, agus caithfidh cuairteoirí a bheith 14 bliana d’aois ar a laghad.

Chun freastal ar sheisiún iomlánach, tar go dtí bealach isteach na gcuairteoirí (Louise Weiss Uimh. 2) ag na hamanna seo a leanas:

Dé Luain: 17.00−18.00
Dé Máirt agus Dé Céadaoin: 9.00−12.00 agus 15.00−18.00
Déardaoin: 10.00−12.00

Féach ar an bhféilire ar dheis chun dátaí na seisiún iomlánach a fháil.

LASMUIGH DE SHEACHTAINÍ SEISIÚN IOMLÁNACH

Ní féidir le daoine aonair cuairt a thabhairt ar Pharlaimint na hEorpa in Strasbourg lasmuigh de sheachtainí na seisiún iomlánach.

-Tá an téacs seo ar fáil i mBéarla amháin-
In July-August 2016, on an exceptional basis, timeslots are open for English-, French- and German-speaking individual visitors, following prior booking to: VisitsSTR-indiv@ep.europa.eu.

More information
 

GRÚPAÍ

 .
European Parliament - Inside the hemicycle

Is féidir le grúpaí idir 10 nduine agus 50 duine (féadfar grúpaí níos mó a ghlacadh ach é a iarraidh) cuairt a thabhairt ar Pharlaimint na hEorpa in Strasbourg i rith seachtainí na seisiún iomlánach agus lasmuigh díobh. Caithfidh cuairteoirí a bheith ar a laghad 14 bliana d’aois, ach is féidir le páistí faoi 14 bliana d’aois cuairt a thabhairt le réamhúdarú.

LE LINN SHEACHTAINÍ NA SEISIÚN IOMLÁNACH

Maireann cuairteanna le linn seachtainí na seisiún iomlánach thart ar 2.5 uair an chloig. Is éard atá i gceist ná seisiún faisnéise ó bhall foirne ar ról agus ar chumhachtaí Pharlaimint na hEorpa, seisiún ceisteanna agus freagraí agus cuairt uair an chloig ar ghailearaí an tSeomra Tionóil chun an seisiún iomlánach a leanúint.

Cuirtear cuairteanna ar fáil i ngach ceann de 24 theanga oifigiúla an Aontais Eorpaigh agus bíonn siad ar siúl ón Luan go dtí an Aoine.

Féach ar an bhféilire ar dheis chun dátaí na seisiún iomlánach a fháil.

Cur in áirithe agus iarrataí

Ós rud é go bhfuil éileamh mór ar áiteanna, déan iarratas maidir le cuairt 2 go 3 mhí roimh ré. Tabhair faoi deara, go mbíonn áirithintí faoi réir rochtain ar sheomraí agus ar chainteoirí. Is féidir le ceannairí na ngrúpaí cuairt a chur in áirithe tríd an bhfoirm iarratais ar líne a líonadh isteach.

LASMUIGH DE SHEACHTAINÍ SEISIÚN IOMLÁNACH

European Parliament - Group visit

Maireann cuairteanna lasmuigh de sheachtainí na seisiún iomlánach thart ar 1.5 uair an chloig agus is éard atá i gceist ná cuairt faoi threoir ar Pharlaimint na hEorpa, lena n-áirítear cuairt ar ghailearaí an tSeomra Tionóil agus cur i láthair ginearálta ar ról agus ar obair Pharlaimint na hEorpa. Bíonn mionchaint ar fáil freisin, arna hiarraidh sin, a thugann níos mó faisnéise.

Nuair nach mbíonn seisiún iomlánach ar siúl, is i bhFraincis, i nGearmáinis agus i mBéarla a sheoltar cuairteanna de ghnáth. Féadfaidh Iodáilis agus Spáinnis a bheith ar fáil freisin.

Cur in áirithe agus iarrataí

Ós rud é go bhfuil éileamh mór ar áiteanna, déan iarratas maidir le cuairt 3 go 5 mhí roimh ré. Tabhair faoi deara, go mbíonn áirithintí faoi réir rochtain ar sheomraí agus ar chainteoirí.

Bíonn cuairteanna lasmuigh de sheachtainí seisiún iomlánach ar siúl ó Dé Luain go maidin Dé hAoine. Tabhair faoi deara go mbíonn Parlaimint na hEorpa dúnta ag an deireadh seachtaine agus ar laethanta dúnta oifige agus laethanta saoire poiblí.

Ní mór d’iarrataí an méid seo a leanas a chur san áireamh:

– ainm iomlán an ghrúpa nó na scoile
– ainm iomlán cheannaire an ghrúpa
– raon aoise nó catagóir na rannpháirtithe (e.g. daltaí, mic léinn, daoine fásta, foireann cuideachta)
– rogha dáta/dátaí don chuairt
– líon na rannpháirtithe, lena n-áirítear daoine tionlacain
– rogha teanga don chuairt
– riachtanais nó ábhair spéise ar leith den ghrúpa
– aon fhaisnéis úsáideach eile a chabhróidh chun an iarraidh a phróiseáil go tapa

Is ceart d’eagraithe na ngrúpaí iarrataí a sheoladh chuig an seoladh ríomhphoist a leanas:

– Cuairteanna i bhFraincis, Iodáilis nó Spáinnis

Seol ríomhphost

– Cuairteanna i nGearmáinis nó i mBéarla

Seol ríomhphost
 .
 

FAISNÉIS PHRAITICIÚIL

Slándáil

Is gá doiciméad aitheantais bailí (cárta aitheantais nó pas) a bheith agat chun rochtain a fháil ar fhoirgnimh Pharlaimint na hEorpa.

Déanfar seiceálacha slándála i stíl aerfoirt ar gach cuairteoir agus ar gach mála roimh dhul isteach. Tá cosc ar airm thine, substaintí pléascacha nó inadhainte, spraeanna piobair, nithe géara agus rudaí eile a d’fhéadfaí a mheas mar airm. I gcomhréir le reachtaíocht náisiúnta na Fraince, féadfar nithe áirithe a bhfuil cosc orthu a thabhairt ar láimh do na póilíní.

Ceadaítear grianghrafadóireacht agus scannánú i limistéar na gcuairteoirí ach tá cosc orthu sa limistéar slándála agus i ngailearaí an tseomra tionóil le linn seisiúin iomlánacha.

 

Cuairteoirí a bhfuil riachtanais speisialta acu

Tá Parlaimint na hEorpa tiomanta d'fheabhsú seasta na rochtana do dhaoine a bhfuil riachtanais speisialta acu. Tá ár saoráidí agus ár ngníomhaíochtaí uile inrochtana go hiomlán dóibh siúd a bhfuil a soghluaisteacht laghdaithe agus a bhfuil riachtanais speisialta acu, lena n-áirítear úsáideoirí cathaoireacha rothaí.

Le linn na gcuairteanna, tá ár bhfoireann sásta oibriú le hateangairí comharthaíochta. Tá dualgas ar cheannairí na ngrúpaí seirbhísí na n-ateangairí sin a eagrú.

Má bhíonn gá agat le cúnamh speisialta, tabhair fógra dúinn roimh ré.
 

Saoráidí do chuairteoirí

I limistéar na gcuairteoirí tá caifé le deochanna fuara agus sneaiceanna blasta agus siopa bronntanas nach mbíonn oscailte ach amháin le linn seachtainí seisiún iomlánach. Cuirtear ceaintín na gcuairteoirí ar fáil do ghrúpaí le háirithint.

Ní bhíonn seomra na gcótaí, atá suite ag slí isteach na gcuairteoirí tar éis an lárionad slándála, ar fáil ach amháin le linn seachtainí seisiún iomlánach.

 

CLÁR OIBRE

PLENARY SESSION

Strasbourg
18/01/2016 - 21/01/2016
01/02/2016 - 04/02/2016
07/03/2016 - 10/03/2016
11/04/2016 - 14/04/2016
09/05/2016 - 12/05/2016
06/06/2016 - 09/06/2016
04/07/2016 - 07/07/2016
12/09/2016 - 15/09/2016
03/10/2016 - 06/10/2016
24/10/2016 - 27/10/2016
21/11/2016 - 24/11/2016
12/12/2016 - 15/12/2016
16/01/2017 - 19/01/2017
13/02/2017 - 16/02/2017
13/03/2017 - 16/03/2017
03/04/2017 - 06/04/2017
15/05/2017 - 18/05/2017
12/06/2017 - 15/06/2017
03/07/2017 - 06/07/2017
11/09/2017 - 14/09/2017
02/10/2017 - 05/10/2017
23/10/2017 - 26/10/2017
13/11/2017 - 16/11/2017
11/12/2017 - 14/12/2017

Plenary session

Seisiún iomlánach
Taispeántas
Eile

DUL ANN

PARLAIMINT NA HEORPA
Slí Isteach Louise Weiss Uimh. 2
1, Allée du Printemps
F-67070 Strasbourg cedex

                  

Traein

Breathnaigh ar láithreán gréasáin SNCF (iarnróid na Fraince)

SNCF

Bus

Línte bus 6, 30 agus 72: Stad ‘Droits de l'Homme’ (siúlóid 10 nóiméad ón bParlaimint)

 

Tram

Líne tram E: Stad ‘Parlement Européen’

Iompar poiblí in Strasbourg

TEAGMHÁLACHA

An bhfuil ceist nó rud éigin le rá agat? Cuir ríomhphost chugainn!

Seol ríomhphost

CUR IN ÁIRITHE AGUS CEAD ISTEACH

Tá saorchead isteach ann.

Féach ar gach mír den leathanach do na nósanna imeachta do gach cineál cuairte.

SOCIAL MEDIA