skip to content
Parlamentarium, the European parliament visitors' centre
 

Il-Parlamentarium

Skopri ċ-Ċentru tal-Viżitaturi tal-Parlament Ewropew
 

Esperjenza l-politika Ewropea bħal qatt qabel fl-akbar ċentru tal-viżitaturi parlamentari tal-Ewropa u ara għaliex 1.3 miljun ruħ diġà żaru l-Parlamentarium!

Gwidi multimedjali li jinżammu fl-idejn jakkumpanjaw lill-viżitaturi fil-qalba tal-Parlament Ewropew, u jispjegaw it-triq lejn l-integrazzjoni Ewropea, kif jaħdem il-Parlament Ewropew u x'qegħdin jagħmlu l-Membri tiegħu biex jegħlbu l-isfidi tal-lum. Il-Parlamentarium huwa dinamiku u interattiv fid-disinn tiegħu u jista' jiġi esperjenzat bi kwalunkwe waħda mill-24 lingwa uffiċjali tal-Unjoni Ewropea, u b'hekk huwa l-post ideali biex viżitaturi ta' kull età jiskopru l-politika Ewropea.

Il-Parlamentarium huwa miftuħ sebat ijiem fil-ġimgħa u d-dħul huwa b'xejn. Żjara normalment iddum madwar 90 minuta, iżda huma disponibbli tours iqsar għall-familji u l-gruppi tal-iskola. Ara hawn taħt għal aktar dettalji dwar dak li l-Parlamentarium għandu x'joffri u l-programm tiegħu ta' avvenimenti u ta' wirjiet temporanji.

WIRJIET U AVVENIMENTI

Wirja temporanja ġdida: Infittxu s-Sbuħija

Il-wirja għandha l-għan li tesplora l-fehim attwali tas-sbuħija. Se jkunu ppreżentati immaġni ta' pajsaġġ modern, natura mejta urbana li tirrifletti ambjent reali fejn jgħixu n-nies.

Il-wirja tinkludi wkoll spazju għal animazzjonijiet qosra magħmula mill-pubbliku dwar il-kunċett ta' sbuħija ġdida. Xi tfisser għalik is-sbuħija? Pittura minsija, ir-riħa tal-ġilju jew triq vojta?  Ara s-sit web ta' hawn taħt u ppreżenta l-viżjoni tiegħek tas-sbuħija.

Il-wirja hija miftuħa mit-8 ta' Lulju sat-18 ta' Settembru u hija organizzata miċ-Ċentru tad-Disinn Slovakk.

Aktar informazzjoni www.searchingforbeauty.eu

SKOPRI L-KARATTERISTIĊI

Il-Parlamentarium għandu ħafna x'joffri kemm lill-adulti kif ukoll lit-tfal, u ż-żjarat jistgħu jitfasslu għal kważi kull qasam ta' interess.

 .

Poġġi quddiem nett fiċ-ċentru tal-Emiċiklu

Ċinema impressjonanti ta' 360° iqiegħed lill-viżitaturi fil-qalba tal-Parlament Ewropew u jipprovdi perspettiva unika biex tara kif jaħdem u kif isiru l-liġijiet tal-UE.

 .

Iltaqa' man-nies li jagħmlu dan kollu possibbli: il-Membri tal-Parlament Ewropew

Skopri aktar dwar kull wieħed mis-751 Membru tal-Parlament Ewropew, li jaħdmu flimkien biex jirrappreżentaw liċ-ċittadini tal-UE.

 .

Ivvjaġġa madwar l-Ewropa u ara l-impatt li tagħmel l-Unjoni Ewropea

Mappa interattiva mal-art tieħu lill-viżitaturi fuq tour virtwali madwar l-Unjoni Ewropea, filwaqt li turi d-diversità tagħha u tenfasizza kważi 100 mod li bihom tikkontribwixxi għall-benesseri taċ-ċittadini tagħha.

Ħu tour virtwali issa!
 .

Isma' dwar xi tfisser l-Unjoni Ewropea għall-Ewropej

Irrilassa f'salott akkoljenti waqt li attivista ambjentali mill-Polonja, professur Sloven u kantanta Finlandiża (fost ħafna oħrajn) jiddeskrivu l-impatt li l-Unjoni Ewropea għandha fuq ħajjithom.

STUDENTI U TFAL

Logħba tar-Rwoli għall-gruppi mill-iskejjel tippermetti lill-istudenti jesperjenzaw xi jfisser li tkun Membru tal-Parlament Ewropew għal ġurnata.

Min jilgħab jiskopri kif tiġi abbozzata l-leġiżlazzjoni Ewropea, mill-konsultazzjoni tal-gruppi ta' interess għall-ħolqien ta' alleanzi għan-negozjar ma' istituzzjonijiet oħra u għall-mod kif wieħed jitkellem mal-media.

 .

Inħolqu wkoll tours speċjali ta' siegħa għat-tfal.

Il-logħba "Luna" hija "scavenger hunt" maħsuba għat-tfal ta' bejn l-4 u t-8 snin li jkunu qed iżuru l-Parlamentarium mal-familji tagħhom. Ktejjeb dwar din il-logħba huwa disponibbli minn fejn tiġbor il-gwida multimedjali. Tinsiex tiġbor il-premju tiegħek fl-aħħar tat-tour!

Il-Galaxy Talent Show jieħu lil gruppi ta' 4 jew 5 studenti bejn l-etajiet ta' 10 snin u 14-il sena madwar il-Parlamentarium biex isiru jafu aktar dwar l-Ewropa, l-Unjoni Ewropea u l-Parlament Ewropew.

INFORMAZZJONI PRATTIKA

Sigurtà

Għalkemm id-dokumenti tal-identità mhumiex obbligatorji biex ikollok aċċess għall-bini, nagħtuk parir li ġġibhom miegħek.

Il-viżitaturi u l-basktijiet kollha jista' jsirilhom kontrolli tas-sigurtà bħalma jsiru fl-ajruporti qabel ma jitħallew jidħlu. L-armi tan-nar, is-sustanzi splussivi jew fjammabbli, l-isprays tal-bżar, oġġetti li jaqtgħu u oġġetti oħra li jistgħu jitqiesu bħala armi huma pprojbiti. Skont il-leġiżlazzjoni nazzjonali Belġjana, ċerti oġġetti pprojbiti jistgħu jingħataw lill-pulizija.

Ir-ritratti u l-iffilmjar huma permessi fiż-żona tal-viżitaturi, iżda huma pprojbiti fiż-żona tas-sigurtà.

Viżitaturi bi bżonnijiet speċjali

Il-Parlament Ewropew huwa impenjat li jtejjeb kostantement l-aċċess għal persuni bi bżonnijiet speċjali. Il-faċilitajiet u l-attivitajiet kollha tagħna huma kompletament aċċessibbli għall-viżitaturi bi bżonnijiet speċjali.

Għall-viżitaturi b'mobilità mnaqqsa

Il-Parlamentarium joffri aċċess sħiħ għas-siġġijiet tar-roti, u l-persunal tagħna huwa disponibbli biex jipprovdi assistenza.

Jekk għandek bżonn assistenza speċjali, jekk jogħġbok avża lill-Parlamentarium bil-quddiem.
 .
Għall-viżitaturi b'vista batuta

Il-Parlamentarium joffri gwidi multimedjali b'audio files speċjali li jiddeskrivu l-ispazju u l-kontenut tiegħu u l-karatteristiċi ewlenin. Mapep tattili bil-Braille huma disponibbli bl-Olandiż, bl-Ingliż, bil-Franċiż u bil-Ġermaniż, u hemm tastieri bil-Braille f'żewġ żoni. Il-klieb gwida jitħallew jidħlu wkoll.

 .
Għall-viżitaturi b'diffikultajiet ta' smigħ

Il-gwidi multimedjali fihom videos bil-lingwa tas-sinjali bl-Ingliż (BSL), bil-Franċiż (LSF), bil-Ġermaniż (DGS) u bl-Olandiż (NGT). Hemm ukoll tour speċjali ta' siegħa għall-viżitaturi bi bżonnijiet ta' smigħ speċjali. Il-Parlamentarium huwa kompletament attrezzat b'induction loops.

Għal kummenti jew mistoqsijiet, jekk jogħġbok ikkuntattja lill-Parlamentarium bl-email.

Faċilitajiet

Il-Parlamentarium għandu lockers, ħanut tar-rigali, toilets u kafetterija b'għażla ta' xarbiet rinfreskanti u snacks tajbin.

 

AĠENDA

THE 28 IN YOUR PLATE

Brussell
22-06-2016

Esplanade Solidarność

SESSJONI PLENARJA MINI

Brussell
24/02/2016 - 25/02/2016
27/04/2016 - 28/04/2016
25/05/2016 - 26/05/2016
22/06/2016 - 23/06/2016
30/11/2016 - 01/12/2016
01/02/2017 - 02/02/2017
01/03/2017 - 02/03/2017
26/04/2017 - 27/04/2017
31/05/2017 - 01/06/2017
29/11/2017 - 30/11/2017

Sessjoni Plenarja Mini

Plenarja
Wirja
Oħrajn

KIF TASAL

PARLAMENTARIUM
Bini Willy Brandt
Rue Wiertz / Wiertzstraat 60
B-1047 Brussell
Il-Belġju

Ferrovija

Għall-Parlament Ewropew, ieqaf fl-istazzjon Bruxelles-Luxembourg.

Ferrovija Belġjana

Tal-linja

In-numri 22, 27, 34, 38, 64, 80 u 95 kollha jieqfu l-Parlament Ewropew.
In-numri 12 u 21 iwassluk ukoll l-Ajruport ta' Brussell.

Metro

L-eqreb waqfiet huma Maelbeek u Schuman fuq il-linji 1 u 5, u Trône fuq il-linji 2 u 6.

It-trasport pubbliku fi Brussell

IKKUNTATTJANA

Għandek mistoqsija? Tixtieq tagħti feedback? Ibagħtilna email!

Ibgħat email
 .

ĦINIJIET TAL-FTUĦ

 .
It-Tnejn
13:00 - 18:00
 
 
Mit-Tlieta sal-Ġimgħa
09:00 - 18:00
 
 
Is-Sibt u l-Ħadd
10:00 - 18:00
 
 

Il-viżitaturi jistgħu jidħlu sa nofs siegħa qabel il-ħin tal-għeluq.

Iċ-Ċentru jkun magħluq:
fl-1 ta' Jannar / fl-1 ta' Mejju / fl-1 ta' Novembru / fl-24, il-25 u l-31 ta' Diċembru

PRENOTAZZJONI U DĦUL

Id-dħul huwa b'xejn.

Filwaqt li kulħadd jista' jibbukkja minn qabel, dan huwa rakkomandat ħafna għall-gruppi.

IBBUKKJA Ż-ŻJARA TIEGĦEK
 .