skip to content
 

Station Europe

Il-post mnejn għandha tibda ż-żjara tiegħek fil-Parlament Ewropew
 

See the visit.brussels awards website to cast your vote for Station Europe in the first round!

 .

Ibda ż-żjara tiegħek fil-Parlament Ewropew fi Brussell fi Station Europe, fl-atmosfera mimlija ħajja ta' Place du Luxembourg. Sew jekk għandek sempliċi kurżità u sew jekk taf eżatt x'tixtieq tara, fi Station Europe se ssib l-informazzjoni kollha li għandek bżonn biex tagħmel l-aħjar użu miż-żjara tiegħek.

Station Europe jinsab fil-bini oriġinali tal-istazzjon ferrovjarju Bruxelles-Luxembourg u jservi perfettament ta' pont bejn l-imgħoddi taż-żona bħala l-Kwartier Leopold u r-rwol modern tagħha bħala dar id-demokrazija Ewropea, u joffri xi ħaġa għal kull età.

Ara l-Parlament Ewropew jingħata l-ħajja permezz ta' mudell ta' "realtà kkomplementata" tal-kampus. Jew idħol fl-istorja tal-Parlament Ewropew permezz tat-touchsreens u ara l-passi ta' liema figuri ta' ispirazzjoni favoriti tiegħek qed issegwi. Tista' anke tittawwal fl-imgħoddi billi tissindika minn ġo dijorami u tara l-Parlament Ewropew minn angoli differenti, fi żminijiet differenti tal-istorja tiegħu.

Station Europe huwa wkoll mnejn għandek tibda ż-żjara tiegħek fi Brussell, b'persunal minn visit.brussels preżenti biex jagħtik idea ta' kulma hemm iżjed x'tagħmel fil-belt kapitali tal-Belġju.

Ejja żurna! Qed nistennewk b'ħerqa kbira!

Ħinijiet tal-ftuħ:
Mit-Tnejn sal-Ġimgħa: 09:00 - 18:00
Is-Sibt u l-Ħadd: 10:00 - 18:00

Qed nistennew lill-gruppi ta' viżitaturi saħansitra b'ħerqa akbar!

Il-Parlament Ewropew għandu ċentru ta' akkoljenza ġdid fejn jilqa' l-gruppi li jaslu bil-kowċis f'Rue d'Ardenne. L-Atrium huwa l-post ideali fejn tiffriska u tirrilassa ftit qabel iżżur l-Emiċiklu, il-Parlamentarium jew Dar l-Istorja Ewropea meta tiftaħ fir-rebbiegħa tal-2017. Se tkun tista' tiskopri xi wħud mill-figuri ta' ispirazzjoni tal-Unjoni Ewropea u l-personalitajiet famużi li żaru l-Parlament Ewropew.  Il-persunal se jkun ukoll disponibbli biex iwieġeb il-mistoqsijiet tiegħek u jara li tkun lest biex tibda tesplora dak kollu li għandu x'joffri l-Parlament Ewropew.

 .
 .

IL-ĦIDMA TAGĦNA FI BRUSSELL

 .
Skopri ċ-Ċentru tal-Viżitaturi tal-Parlament Ewropew
Il-qalba tad-demokrazija Ewropea
 
Post fejn tiddibatti, tistaqsi u tirrifletti dwar l-istorja tal-Ewropa
Explore the European Parliament (EN only)

 .

VLOGGERS IŻURU BRUSSELL

L-aħjar mod biex tara x'għandu x'joffri l-Parlament Ewropew hu mill-perspettiva tal-viżitaturi nfushom. Segwi l-filmat ta' hawn taħt biex tara kif erba' vloggers ġew mistiedna Brussell biex jagħtu rakkont ġenwin taż-żjara tagħhom fil-Parlament Ewropew.

 .

Skopri aktar dwar x'hemm disponibbli fil-kampus tal-Parlament Ewropew fi Brussell billi tikklikkja fuq il-links fin-naħa ta' fuq tal-paġna, jew  agħti daqqa t'għajn lill-filmati kollha!

 
 .

IL-GWIDA KUMPATTA TIEGĦEK GĦALL-PARLAMENT EWROPEW

Biex torganizza l-vjaġġ tiegħek aħjar, iġbor gwida kumpatta tal-Parlament Ewropew disponibbli bla ħlas, li tinkludi dettalji tal-attivitajiet kollha li għandu x'joffri l-Parlament Ewropew. Il-gwida hi disponibbli fil-lingwi uffiċjali kollha tal-UE, u tinkludi mappa biex tgħinek issib triqtek fil-binjiet differenti. Il-gwida kumpatta hi disponibbli fil-binjiet kollha aċċessibbli għall-pubbliku u tista' wkoll titniżżel f'verżjoni diġitali.

 .
 .

L-UFFIĊĊJU TAL-INFORMAZZJONI TAL-PARLAMENT EWROPEW FIL-BELĠJU

Fis-sulari ta' fuq ta' Station Europe hemm l-Uffiċċju tal-Informazzjoni tal-Parlament Ewropew fil-Belġju, li xogħlu hu li jikkomunika mal-pubbliku, l-istampa, l-organizzazzjonijiet kulturali u l-istituzzjonijiet edukattivi Belġjani. Jeżistu 35 uffiċċju tal-informazzjoni ieħor madwar l-Unjoni Ewropea u f'Washington D.C., li wkoll jipprovdu informazzjoni dwar l-affarijiet Ewropej u r-rwol tal-Parlament Ewropew.

Għal aktar informazzjoni dwar l-Uffiċċju tal-Informazzjoni fil-Belġju u l-attivitajiet tiegħu, kif ukoll l-uffiċċji tal-informazzjoni l-oħra, agħti daqqa t'għajn lit-taqsima "Qribek".

 

AĠENDA

THE 28 IN YOUR PLATE

Brussell
22-06-2016

Esplanade Solidarność

SESSJONI PLENARJA MINI

Brussell
Wed Feb 24 00:00:00 CET 2016 - Thu Feb 25 00:00:00 CET 2016
Wed Apr 27 00:00:00 CEST 2016 - Thu Apr 28 00:00:00 CEST 2016
Wed May 25 00:00:00 CEST 2016 - Thu May 26 00:00:00 CEST 2016
Wed Jun 22 00:00:00 CEST 2016 - Thu Jun 23 00:00:00 CEST 2016
Wed Nov 30 00:00:00 CET 2016 - Thu Dec 01 00:00:00 CET 2016
Wed Feb 01 00:00:00 CET 2017 - Thu Feb 02 00:00:00 CET 2017
Wed Mar 01 00:00:00 CET 2017 - Thu Mar 02 00:00:00 CET 2017
Wed Apr 26 00:00:00 CEST 2017 - Thu Apr 27 00:00:00 CEST 2017
Wed May 31 00:00:00 CEST 2017 - Thu Jun 01 00:00:00 CEST 2017
Wed Nov 29 00:00:00 CET 2017 - Thu Nov 30 00:00:00 CET 2017

Sessjoni Plenarja Mini

Plenarja
Wirja
Oħrajn

STATION EUROPE - ĦINIJIET TAL-FTUĦ

 .
Mit-Tnejn sal-Ġimgħa
09:00 - 18:00
 
 
Is-Sibt u l-Ħadd
 
10:00 - 18:00
 
 

Iċ-Ċentru jkun magħluq:
fl-1 ta' Jannar / fl-1 ta' Mejju / fl-1 ta' Novembru / fl-24, il-25 u l-31 ta' Diċembru

KIF TASAL

STATION EUROPE
Place du Luxembourg 100
B-1047 Brussell
Il-Belġju

Ferrovija

Għall-Parlament Ewropew, ieqaf fl-istazzjon Bruxelles-Luxembourg.

Ferrovija Belġjana

Tal-linja

In-numri 22, 27, 34, 38, 64, 80 u 95 kollha jieqfu l-Parlament Ewropew.
In-numri 12 u 21 iwassluk ukoll l-Ajruport ta' Brussell.

Metro

L-eqreb waqfiet huma Maelbeek u Schuman fuq il-linji 1 u 5, u Trône fuq il-linji 2 u 6.

It-trasport pubbliku fi Brussell

Ċentru ta' akkoljenza Atrium

Id-daħla tal-Atrium f'Rue D'Ardenne huwa l-post mnejn il-viżitaturi jistgħu jitniżżlu jew jitilgħu fil-kowċ, u huwa wkoll il-post mnejn jistqħu jibdew iż-żjara tagħhom.

KUNTATTI

Għandek mistoqsija? Tixtieq tagħti feedback? Ibagħtilna email!

Ibgħat email

SOCIAL MEDIA