Kanali tal-midja li jkopru l-parlamenti 

Fil-biċċa l-kbira tal-pajjiżi tal-UE, il-kanali televiżivi u fuq l-internet ixandru programmi li jkopru l-attivitajiet parlamentari. Ċerti kanali jkopru biss l-aħbarijiet u l-attivitajiet tal-parlament nazzjonali tagħhom, filwaqt li oħrajn, bis-saħħa tal-kollaborazzjoni produttiva li ilha s-snin stabbilita, jirrapportaw dwar l-attivitajiet u d-dibattiti li jagħmel il-Parlament Ewropew.

Uħud mill-kanali huma prodotti mill-parlament nazzjonali tagħhom u, għaldaqstant, huma strettament parlamentari. Oħrajn huma prodotti minn xandara nazzjonali u jkopru l-attivitajiet parlamentari fl-ambitu tal-programmi tagħhom.